影片
更多
2018-06-11
1658 瀏覽
今日去了吃韓燒， 地點在深水埗西九龍中心。 這個商場很久沒有光顧， 估唔到再次踏足仍然感覺凌亂， 店舖雜亂無章。 唯一好處是冇乜那些熟口熟面的連鎖大牌子， 仲有機會尋到寶都唔定。臨時臨急搵地方食飯冇乜所謂，唔好太貴中伏都唔驚。 自助韓燒感覺一向都粗製濫造， 今晚这裏絕對有點驚喜。 食物雖然賣相唔太精美亦無咩包裝， 勝在味道唔差， 款式繁多。先說餐廳規格， 各式燒烤肉類火鍋配料都是 任取， 汽水清酒梅酒各款威士忌氈酒自斟自飲。 店內亦有一條迴轉壽司蔕， 霸好位置可以揀心水刺身或壽司( 因我們不是坐在壽司蔕的座位)。 刺身壽司款式唔係 好吸引， 不過我都試咗個花之卷， 算幾正常但冇咩味道。 除了烤肉，火鍋配料當中還有各式各樣熱葷。 勢估唔到最好味嘅係咖哩魚蛋同牛肚。 咖哩魚蛋係舊式街邊魚蛋檔嗰啲質地， 肉質腍腍哋唔爽， 個人勁like 仲有個牛肚炆得又腍又入味。 醬料區 一字排開足有差不多20款任君選擇， 陣容鼎盛。 嗰醬鍾意點混都得!仲有個鐵板燒位置， 當晚有燒牛肉，鐵板 芝士沙律醬青口和大阪燒， 功架十足。 一碟碟沙甸魚。 燒牛肉軟腍， 可以一試。烤肉方面有齊羊豬牛雞。 先來一rou
今日去了吃韓燒， 地點在深水埗西九龍中心。 這個商場很久沒有光顧， 估唔到再次踏足仍然感覺凌亂， 店舖雜亂無章。 唯一好處是冇乜那些熟口熟面的連鎖大牌子， 仲有機會尋到寶都唔定。
臨時臨急搵地方食飯冇乜所謂，唔好太貴中伏都唔驚。 自助韓燒感覺一向都粗製濫造， 今晚这裏絕對有點驚喜。 食物雖然賣相唔太精美亦無咩包裝， 勝在味道唔差， 款式繁多。
先說餐廳規格， 各式燒烤肉類火鍋配料都是 任取， 汽水清酒梅酒各款威士忌氈酒自斟自飲。 店內亦有一條迴轉壽司蔕， 霸好位置可以揀心水刺身或壽司( 因我們不是坐在壽司蔕的座位)。 刺身壽司款式唔係 好吸引， 不過我都試咗個花之卷， 算幾正常但冇咩味道。
除了烤肉，火鍋配料當中還有各式各樣熱葷。 勢估唔到最好味嘅係咖哩魚蛋同牛肚。 咖哩魚蛋係舊式街邊魚蛋檔嗰啲質地， 肉質腍腍哋唔爽， 個人勁like 仲有個牛肚炆得又腍又入味。
醬料區 一字排開足有差不多20款任君選擇， 陣容鼎盛。 嗰醬鍾意點混都得!
仲有個鐵板燒位置， 當晚有燒牛肉，鐵板 芝士沙律醬青口和大阪燒， 功架十足。 一碟碟沙甸魚。 燒牛肉軟腍， 可以一試。
烤肉方面有齊羊豬牛雞。 先來一round 牛的唔同部位。 推介最上面的牛小扒， 冇經醃製，原汁原味， 肉味香濃亦唔韌， 拍得住韓烤店高級烤肉。牛仔骨也不錯。
多春魚條條都有春。 衆多肉類竟然沒有過多的調味和醃料， 吃得出唔同款式的味道， 另有一款外貌醜陋的唔知鵝腸定雞腸， 也非常爽脆美味。
每張枱除了韓燒鑊，還有一個小小電磁爐的位置， 可以自己出去拿一個鐵鍋連豬骨湯底打邊爐。 實行燒烤+火鍋雙管齊下。 好繁忙哩! 先拿了一份炸三文魚骨豬骨湯底， 再拿些蔬菜拾吓拾吓拾下，豬骨湯香濃美味， 又可以平衡一下隔爐的燒烤。
冷盤當中泡菜入味但太過腍唔爽脆。
雪耳糖水落足料很滋潤。 椰汁糕軟滑有很香椰汁味。
飲品方面也有很多低糖無糖的選擇， 例如無糖豆漿奶茶。 汽水任斟任飲。 最神奇竟然是支裝啤酒任飲， 三五知己啤啤佢食下燒烤確是樂事。 另一個酒區也看見不同款式的清酒，紅酒， 梅酒，Gin，威士忌，volka .. 我試了一款菊花酒和紅酒浸洋蔥， 很特別，可以一試，因為平日真係唔會去浸泡這些酒。 紅酒浸洋蔥其實非常有益，但味道不是人人可接受。
總括來說食物種類選擇多， 燒烤肉類質素有驚喜， 平日和假日都是百多元的價錢實在抵吃。 睇真啲還有長者優惠，一百蚊唔使， 即刻報告畀我的耆英胃食團先得。
張貼
