韓日燒 (已結業)

話說今日係買電腦日，行到攰一攰，個肚自然都叫救命~不過原來深水埗夜晚啲食肆都幾多人，所以最終就去咗附近商場，諗住啲舖大間啲、坐得舒服啲~見呢度好抵喎$168就有埋酒飲、又有日式同韓燒，仲有埋火鍋，咁就試下咯…我自己就幾鐘意香草腸~燒物及火鍋方面選擇都幾多㗎~而且仲要唔係清一色橙色醃料，每款我哋都食到佢嘅味道，好似有款豬肉係泡菜味咁~味道方面唔會太濃，唔會好口渴，係啱啱好嘅~仲有完全係誠意表現!廚師特別即煎鐵板燒，不過種類就選擇唔多但唔緊要啦～貴精不貴多嘛！燒牛肉就係出自廚師手筆，樣子唔錯，老公話OK㗎~大板燒好厚呀～啱晒在場好多吃貨之人呢度都好貼心，用咗燒物紙，啲油唔會彈到周圍，嘢食又唔會咁易燶，good!响迴轉上拎到嘅海老刺食~甜蝦同鯛魚，中規中矩，合格。三文魚刺食亦經常出現，唔會失踪~我幾欣賞呢度嘅熱盤都係用咗開蓋式容器放置，感覺比較衛生!右邊嘅黑松露意粉都唔錯㗎~花之戀、鰻魚、鮑片都有供應，呢個價錢都算好有交待~酒鬼重點响呢度~清酒梅酒~菊花酒~仲有好多酒，都係任飲，如果酒鬼落到嚟真係會失控呀～糖水就有西米露同呢款木瓜雪耳，潤返夠本先~