韓宮 (已結業)

星期六一家人都放假，於是決定來黃埔一逛。係黃埔A出口一出便已經看到韓宮，看見店內客人坐滿全場，於是入內試試。注意：雖然它標示着lunch time：12-4，但是它3點便不讓客人內進了。因此，若於中午時間來便需要早一點，以免摸門釘💢店內掛滿了韓星poster，挺像首爾的韓國食肆。前菜：每枱客人的前菜款式均稍有不同。黑豆被韓式醬油醃得甜甜的，挺開胃，亦可中和一下韓式泡菜的辣味。牛肉紫菜卷($48)：牛肉並不是太多，牛肉味較淡，肉質不算嫩，口感亦不夠豐富。有別於一般的韓式紫菜卷，麻油味不濃，亦沒有紫菜的鹹香，包得不夠結實容易一夾便散開。炒年糕（$42）：年糕的辣度十足，很像韓國街頭吃得到的味道，不愛辣的朋友有機會頭冒白煙。年糕煙煙韌韌，剛剛好，不需咀嚼不停。韓式冷麵（$68）：湯底偏酸了一點，而且不夠冷，加上個人較喜歡把青瓜切成絲與麵條一同放入口，所以有點失望。而且，雪梨只有一塊，不夠過癮。韓式炸雞（$188）：這裡的甜酸炸雞沒有一般韓式炸雞的辣，不嚐辣的朋友也能夠接受。甜味較重，喜歡辣的朋友可能會稍嫌不夠過癮。我認為原味炸雞更為出色，因為雞味更重，不被醬汁蓋過，配上蜜糖芥末醬亦是另一口感

上回講到：放假諗地方去，加上想睇埋戲，咁就諗起黃埔站未搭過，果邊又有戲院，咁一於去黃埔啦！午餐食咩！？可以去👉🏼黃埔搵食-food  court  +韓宮（上）睇完戲要醫肚啦！上openrice搜尋下，「韓宮」排好頭位，去到門口有好多人排隊，我地要等7張枱，於是我地行下其他地方，轉個圈返去已經到我地啦好多人都會叫韓式豬手，但係因為的地得兩丁友，選擇不多，就退而求其次叫左都出名嘅芝士系列之一《芝士辣豬手》小辣。另外叫多個炸雞，本來想叫兩溝，但原來唔俾揀咩味，咁就試《蜜糖牛油炸雞》。唔建議食芝士系列，炸雞就不錯。（評語在相中）另外佢地本身都有d混亂，例如明明排緊隊，個侍應又會安排新黎嘅人左去坐，之後個老闆又叫返個客人出去門口。總結：可能我地我兩個食好難試好多款式，就呢個食物黎講，下次應該就唔會再幫襯，不過唔係完全只因為食物，而係果度圍住都有好多好野食，有太多選擇了

黃埔通左車,之後大條道理尼呢區覓食了!今日同屋企人食飯,一出地黃埔站 A出口望右,見到呢間,就食下韓國食喇!叫左個泡菜紫菜卷-好多件,而且非常足料, D餡好實~推介!芝士泡菜炒飯-炒飯上有隻煎蛋係比你撈埋芝士,所以每啖都好滿足!!同埋芝士辣雞-芝士同雞比例係50 50,比常正!唔加芝士既雞肉都好香口好JUICY!可以2食,不錯!人蔘雞湯-份量好多,有5-6碗!雞肉好嫩滑! 湯非常之好飲!食到郁唔到但同時好滿足!!

有朋友是韓迷的原因，有時同朋友去吃韓餐，早前和朋友去了紅磡覓食。紅磡是平民食堂地方，朋友介紹韓宫 ，對於韓國料理不是我的最愛，我會就下朋友的口味，由朋友帶路,地方十分適中,服務就一般 ，我所叫牛肉拉麵真的麻麻,牛肉味道好鞋,拉麵太淋,整體真的麻麻,食品唔夠熱,味道是凍冰冰,應該冇下次了

秋風起 終於都到左食韓國野既天氣收工同同事就順路過左黃埔個邊食今晚既晚餐重點係呢個星期咁岩觀塘線黃埔站通車 過黃埔搵食變得非常方便黃埔站落車 A出口一出望去右邊 就係我地今晚要去既韓宮喇聞說呢間餐廳係由韓國人主理 一入到門口應該係老板娘就黎招呼我地其實我自己今晚有D喉嚨痛 所以一開波就叫左杯熱柚子蜜潤一潤喉先頭盤我地熱一熱身, 叫左個泡菜紫菜卷, 非常足料, 份量十足, 咬落去陣陣泡菜香味之後, 由於包括我自己在坐既所有人都係芝士腔 所以一坐低二話不說就叫左芝士泡菜炒飯同埋芝士辣雞兩碟都係熱辣辣咁送上黎記得一放上枱就即刻準備好你地既筷子 鐵匙羹去撈芝士泡菜炒飯 (當然都可以好似我咁相機食先喇)炒飯上面仲有隻煎蛋係面 一路撈 一路都有種好滿足既感覺 因為芝士份量真係好足夠 唔需要擔心芝士辣雞方面其實你可以選擇辣或者唔辣, 對於喉嚨痛既我黎講 簡左唔辣同樣芝士份量都好足夠 建議大家可以自試下冇芝士既雞肉先然之後先去撈埋D芝士去食 兩種口味 兩種感覺! 不過都好好味食完之後朋友想坐多陣, 所以叫左支生米酒同一個人蔘雞湯 我地3個人叫個細既人蔘雞湯 份量都已經非常足夠

黃埔站開通左，梗係要喺附近覓食啦！係A出口一出去就見到呢間韓國炸雞店，方便到不得了！Dinner前菜x6😍蜜糖牛油炸雞＄118 呢盆牛蜜糖牛油炸雞🐔認真係好好食，同其他嘅炸雞相比起，佢嘅炸粉唔重，而且炸得油份亦都唔高，呢一盆食完都未算太膩。加上佢以蜜糖牛油配上炸雞，同以芝士粉鋪面，令到成盆炸雞好好食😋。細 冇骨 凍柚子茶＄20🍹茶味比較清淡，柚子味香濃因為加左好多柚子蜜，攪拌之後比較像柚子蜜多於柚子茶。凍梅實汁＄22🍹酸度岩岩好，又可以解下渴。另外佢喺杯底有一粒梅係度，明正言順係梅實汁，唔係太識形容，但真係值得一試，我幾推介架。吞拿紫菜卷＄68🍙紫菜卷有別於日式紫菜，溫度較熱而且紫菜也是偏鹹比較稔身。材料豐富，特別是有調味的吞拿魚，頭尾也有不會浪費。石鍋芝士牛肉飯＄105🍱裏面有好多配料，最主要的是有大量芝士，非常香濃。主要的鬆化牛🐮，另外有韓式紫菜，紅白蘿蔔條，生蛋，菜，加上韓式辣醬，真係飽到頂住左！洋盆牛肉飯＄96🍱呢個拌飯同韓國果一邊嘅拌飯類同。但同一般嘅拌飯相比起，呢一盆🐮牛肉飯嘅材料多而且好味。喺相片都可以見得到，呢一盤拌飯嘅份量都好多，作為晚餐，一個人食的話應該會覺得過份飽

今日與太太出紅磡韓宮食韓國菜,order了洋盆朱肉飯, 煎餃子、海帶湯、吞拿紫菜卷、凍咖啡和韓式冷面。洋盆朱肉飯好足料有蘿蔔絲, 朱肉碎、木耳絲和煎蛋。材料豐富, 蘿蔔絲和木耳絲好清新, 朱肉碎煎得好香和煎蛋煎得好滑, 蛋汁配上蘿蔔絲, 朱肉碎、木耳絲加上白飯口感一流, 口感豐富；煎餃子煎得甘香, 脆而不膩, 肉汁鮮甜；海帶湯好足料, 除了海帶外, 還有胡椒, 牛肉和蜆, 湯飲落有少少胡椒味, 好好飲, 海帶湯附上白飯, 湯連白飯一起食味道不錯；吞拿紫菜卷吞拿魚蓉好香, 入口即熔, 蟹柳軟綿綿和紫菜夠乾身爽脆,口感豐富；凍咖啡味道香濃, 好香咖啡豆味, 不錯；最後韓式冷面好足料,有羅白, 蛋和牛展。冷面面條爽口, 汁酸酸甜甜好開胃, 牛展好大塊, 蛋好香滑和羅白清甜, 消暑主食。餐廳質素不錯, 食物份量十足, 好食韓國菜

餐廳位於地鐵站出口，超方便（通車後）。食客中也有真韓國人，加上裝修好warm, 令人有家的感覺。本想order 特色小菜，可惜午市不會提供。午市只有碟頭飯粉麵類，或一個餸配白飯，不過餸的款式唔多。味道好地道，而且價格相宜。唯一美中不足的是熱茶居然當作是飲品，只可選擇一罐小果汁或普通熱茶，不可二者兼得。

自從黃埔既交通愈來愈方便，我都嚟多左紅磡黃埔呢頭搵食，今日就約左住喺呢頭既舊同事食晏～佢約我喺黃埔地鐵站A出口等，原來佢想帶我去食呢間喺A出口隔離既呢間「韓宮」！一入到去就有對韓國人夫婦招呼我地，佢地只懂韓文及英語，好地道的感覺呢！原來老闆娘除左做店面外，都會親自落廚呢！食韓野又點少得多款前菜呢！老闆娘送上6款前菜，並且話前菜一般會有5-6款，要視乎係lunch or dinner, dinner就多數只有5款～前菜既豐富又傳統，有泡菜、納豆、菜、芽菜、魚仔&燉薯～（只限午市）原來午市仲會送飲品呢！而且Mon-Fri午市不收加一，Sat-Sun & public holiday除外～ 《牛尾湯配飯 $68》呢個係lunch set 細煲跟飯，正價係大煲$98不包飯，飯單叫$12碗。湯夠熱，而湯入面有幾舊牛尾。韓式牛尾湯唔會好似西式牛尾湯甘溜同杰身，韓式既係清湯嚟，伴飯食一流。《吞拿紫菜卷 （唔辣 $68）》食韓野慣左必食紫菜卷～因為舊同事唔食紅肉所以叫吞拿魚～唔辣$68，辣就$73～ 相中都見到卷中好多餡料，比例比飯多，食落好香口有豐富～《辣海鮮窩 $298》雖然晏晝食窩有點過份，但舊

自從上次Lunch同同事食過韓宮炸雞之後佢一直都話好想試埋韓宮d韓國菜甘有一晚我地2個要ot，收工就一齊去食餐好喇Menu都幾豐富由燒肉到湯飯到泡菜鍋到醬蟹都有仲加埋新開既炸雞，睇到我地花多眼亂食韓國菜又點可以無泡菜呢呢到既泡菜同小食味道好傳統同去韓國食既一樣，唔錯唔錯純豆腐湯 $88豆腐湯係我既至愛呢到既豆腐湯用料好豐富所以湯既味道唔會正係得個辣而係食到有蜆既鮮，味道係有層次既加上豆腐嫩滑又有豆香不知不覺間就比我地兩個人食哂人蔘雞湯(細) $138有大細兩個size，細既就得半隻雞個湯質地係杰杰地，證明煮得夠耐人蔘雖然幾大條，不過蔘味就唔算重水準中上，但唔算驚喜韓式豬手(細) $198我地2個女仔梗係要叫番隻豬手補補骨膠原豬手個醬入面有d細細隻既蝦仔同我係韓國傳統市場入面食到既一樣豬手既皮食落煙煙韌韌，但又唔會覺得肥膩但係個人覺得豬手個調味有少少怪唔知係唔係佢個醃料入面有d藥材所以食真d，會帶少少甘甘地既味道店主係韓國人，好熱情不時都會幫我地加水呀走果時又問我地覺得d野食點其實食物質素唔算差，而且坐得幾舒服不過份量就好似有少少細如果你都想食d傳統既韓國野，都可以去試下(有興趣去試既朋

一黎就會送呢個既覺得啲餸都真係幾好味同埋足夠酸度牛肉炒粉絲 $98都好多牛肉而且感覺上真係韓國純正既味而且粉絲嘅份量都好多會覺得好香 而且唔會怕好油牛肉紫菜卷 $68牛肉嘅份量好多紫菜卷唔會話太酸同埋太硬覺得琳琳地啦幾好食嘅而且呢度淡淡的 會比較容易接受同埋有飽肚感的洋盤雞肉飯 $94個飯好大個可以2個人分黎食同埋啲餸都好多 食極都未食曬咁同埋啲飯食落都係好新鮮同埋真係超足料仲有甜甜的味道啲雞都好滑同香韓國啤酒 $30呢個係oppa所代言的酒真係唔怕覺得over仲重酒精同埋都幾香又容易入口仲有可以叫一支2個人飲都可以凍柚子茶 $20都幾fresh 同埋係唔甜既

黃埔真係愈來愈多嘢食，今晚亦去咗其中一間韓國餐廳到食晚飯，當中呢間韓國小店入到去你會發現整家人都在幫手，韓國爸爸在收銀、韓國媽媽就負責煮菜、兒子就招待客人，真係好有家的感覺。內裡好有韓式小店風味。一坐低店員就俾我哋6款前菜小食，而且每樣味道都好有特式。泡菜紫菜卷看似平平冇其，但其實真係好有心思，紫菜卷加入了煙肉、小黃瓜、香腸等等配料，令紫菜卷更香更爽脆，好滿足。韓式醬油炸雞炸雞大大碟，而且配有不同醬汁以及酸瓜，可以做出不同食法，而醬油炸雞本身味道都好好味，外香脆而內亦保留到大量肉汁，令食起上嚟唔會覺得乾。炆牛肉骨，炆得非常好入味，而且牛肉骨份量亦好多，內裡嘅蘿白亦好鮮甜非常唔錯。

甚少踏足黃埔的我，因為朋友介紹這裡的韓食好吃而夠特色，愛吃的我當然要試試！ 店內由一對韓國夫婦主理，待客殷勤有禮，會主動和客人傾談，且非常好客。店內豬手是招牌菜，當然不可錯過，點了Queen Size 的韓式豬手 Bolied Pig Knuckle ($198)，份量也頗多的。 豬手旁邊伴上生菜、蒜頭和辣椒，包住一起吃可減低膩感。 豬手肉質腍滑且富豐富膠質，夾在一起清新可口，很喜歡！ 這裡還供應燒烤的，選了去骨牛肋骨肉 Marinated Boneless Beef Short Ribs（$168）（150g） 另外選了調味排骨 Marinated Pork Ribs（$148）（250g） 肉質好滑，調味足夠，好惹味！提提大家要小心控制火喉，避免過燶。 辣海鮮鍋 Seafood Hotpot（$298） 海鮮鍋材料非常豐富，有蝦、蜆、魷魚、蟹、金菇、菜、洋蔥等，配上香辣泡菜湯底，很香！ 海鮮非常新鮮，跟老闆娘傾談中得知海鮮是老闆娘每日親自到街市入貨，質素自然有保證。石鍋芝士牛肉飯 Rice with cheese and beef in stone pot ($105) 熱鍋內

朋友難得來到黃埔，當然帶她去吃頓好，推介朋友到韓宮，試試正宗韓國菜。我們點了店內招牌菜—豬手，豬手有Queen Size 和King Size選擇，我們人不多，所以選個小份量就夠了。Bolied Pig Knuckle ($198)豬手膠質很重，食落感覺非常可口，肉質腍滑且美味，真的不錯！旁邊伴上生菜、蒜頭和辣椒，放在一起吃味道很好呢！另外和朋友點了些燒烤，去骨牛肋骨肉 Marinated Boneless Beef Short Ribs（$168）重150g的，肉很較嫩，調味夠香，非常美味。另外選了調味排骨 Marinated Pork Ribs（$148），重250g的，排骨燒烤時間比牛肋骨肉耐，食落味道同樣都很香，肉質有嚼口，夠嫩滑。臨走前記得在收銀機前拿粒韓國米糖試試，味道很香很特別的。

今日同bf食lunch,這間餐廳他之前吃過話態度不好，想用送的免費果汁換水，個waiter好寸話要比錢！今次我想比多次機會佢，見佢裝修都幾韓國feel,點知中伏！叫左個炒粉絲，同豬肉石窩飯；粉絲黎到我發覺圖片明明有肉，問個waiter，話無！我再問圖明明有，佢先答夜晚先會有，就走左！！crazy！落單又吾講！咁ga態度都有！另外果樣都非常普通！從來吾寫食評的我嬲到要比個劣評你lor!!做生意咁吾老實！！可一不可再！！！