韓宮 (已結業)

韓式豬手(細)($198)Lam脷: 4/5抵食: 2/5相機:3/5紅磡呢間韓國餐廳由韓國人打理，侍應都係韓國人，呢款韓式豬手比較少見，醃好左既豬手好嫩滑咸咸地，配有韓國辣醬豆瓣醬, 包埋生菜幾fresh，感覺幾健康但份量好大，適合3-4人分享泡菜紫菜卷($68)Lam脷: 2/5抵食: 2/5相機:2/5呢款紫菜卷裡面有泡菜，蛋同蟹柳.口感豐富，但泡菜較少，食唔到辣味。原來諗住會辣而爽口，但結果飯粒有點淋，不過勝在大大份夠飽肚

雞肉年糕湯麵（辣）配一款12元飲品，連加一便是51元。各樣東西和配料質素不錯，也不太辣，有點葱，不要的記得預先聲明。店員不一定懂廣東話。只周五至日的3-4才有下午茶，但沒想到要加一。雖然材料不錯，但可能這款自己也可買到材料做，成本不高，所以覺得此價錢是貴了點，可能也是我少吃韓國菜式店吧。這區近來變了食區，不只食街，到處店租也狂加，對居民和食客也不是好事，店主為應付租金，不是影響價錢便是質素，希望它不會吧，但它旁邊的食店不時轉換，對著地盤可能也是原因。

韓式餐廳, 就如廿多年前的日式餐廳, 初初到港, 定價特別高. 但過了不久, 港式的日本餐廳不斷出現, 到了後期, “港式日菜”更多過真正的日式了. 暫時而言, 如不計那些十多年前已經出現的港式任食韓燒的話, 似乎, 港式韓國餐廳還未真正出現, 估計韓國人在香港的生意和營利仍然十分可觀. 中國人唔恨得咁多架喇, 不論係當年的日本, 又或今天的韓國, 人地”韓潮”係夾著”經濟起飛”和”國家文化”兩樣一齊輸出國外的, 但中國就只有”經濟起飛”一樣, “文化”….??? 有既… 成日話五千年文化吖麻…哈哈.. 但到二十世紀已被徹底破壞得體無完膚啦…. 點呀!? 聽完我講..…條氣唔順呀!?!?! 試吓搵位外國人問吓佢對”韓國人”和”中國人”的睇法囉….哈哈哈哈…在港的韓國餐廳食晚飯, 平均都要二百蚊一位, 午市的價格, 只是晚市的四分一, 水準差不多, 好抵食.友人的豆腐湯配飯, $58, 上檯時, 熱力足, 不斷起泡, 豆腐比一般的韓式餐廳為多, 顯得湯水反而不夠. 味道些少辣, 也有很香的蝦味, 有些類似碎的蝦膏浮面, 還有一些蜆, 把豆腐攪碎一點, 連湯一起入口, 好味, 好滿意.牛肉

宴就放學好鬼餓！！！同同學黎到黃埔附近，真係好多野食，一時都唔知食乜，所以就去咗韓宮做一次大長今，從來都未食過呢間野，所以就去食下，睇下伏唔付先~。咁我就叫咗個炸醬麵，我D朋友就叫咗其他野，上菜啦~，分量都唔少喔~，仲有小菜同野飲送，我個面真系分量都唔少，你睇下我個個朋友就知佢幾開心啦！我呢個炸醬面，分量足（我覺得好緊要），雖然睇落去好似黑蚊蚊咁，但系真系好好食，D醬我唔知叫咩醬 ，應該系個D韓式風味既醬，甜甜辣辣，配上蕎麥面味道真系不錯，正！同埋炸醬肉夠多，店家唔縮骨，咁樣先有回頭客架嘛！

黎到紅磡 想食韓國食物 一定食韓宮！！！八點幾去到 三個人都等左一兩枱 好爆下哈哈 三個人叫左一個韓式豬手一個部隊鍋 都幾夠食架 又不太貴 可以一試～～～～前菜有泡菜, 西蘭花 黑豆 薯仔 豆芽 菠菜 好吃！！！黑豆和薯仔是甜的！！！韓式豬手： 吾算太肥 適合女仔食 幾彈牙啊 有肉又有筋 有兩個醬 一個甜醬 一個辣醬 夾生菜食真係好正！！！部隊鍋 ： 叫左小辣 都好辣 但好足料 同菜有海鮮 例如魷魚

住紅磡，這有很多的美食，當然少不了韓國餐廳。很多次經過韓宮，但每次都人山人海，沒有機會入去試下美食。今日終於還是吃上了!二個人食飯最大的壞處便是只能叫少少嘢，但最大的好處係二人世界，同埋下次可以穩藉口再來試其它美食。六點半左右來到，已門庭若市，本以為仲要等位，還好老闆(韓國叔叔)問我地燒唔燒，結果我地選擇唔燒，所以好快就入左去。好多嘢想食，但二人胃食到幾多呢?? 冬天最好先來暖笠笠的湯，所以叫左一個辣一個唔辣的湯，但湯已包左一個飯，所以唔使再叫咩啦! 再加一個海鮮煎餅。咁一餐。點完餐，前菜就跟住上來，最喜歡食韓國餐廳，可以供應免費前菜，又好味又多種類。前菜中最喜歡酸辣的白蘿蔔絲，清清地，超爽口。而家再睇都想流口水.......叫左一個豆腐湯，辣的胃，見到那紅紅的湯水沒?? 怎樣... ... 有冇一種想一啖品嚐的衝動。過了一會，牛肋湯也上了，呢個係清湯，清中甜。同辣的感覺可以中合下。還有那煎餅，實在是吃不了多少，結果還打包了!有時多好的美食，也得看和進品嚐，這次和家老細共進晚餐，也是一種開心。喜歡不同餐廳，不同的口味，同時也喜歡不餐廳的餐具，其中韓式餐具是我最愛的一種。看裝飯的碗：特別

睇住佢裝修嗰陣已經話要試,但尖咀/佐敦嘅韓餐實在太多選擇...不過有心唔怕遲,冇期待錯!星期五晚上4位以上才可訂枱,兩個人放工後唯有碰碰運氣... 餐廳分開燒肉同唔燒肉兩邊, 由於燒肉嗰邊有位,就燒肉枱啦! 今日氣溫特低,唔燒肉整返個鍋都好正! 個辣魷魚牛肉鍋好多料,唔係好似其他韓國餐館咁得啲菜多....啲魷魚同牛肉食極都仲有,而且新鮮!!! 個辣湯底夠味得嚟又唔會太咸, 飲咗好多呀!!! 臨尾再加個拉面, 啲湯已經煮到濃曬,個面好入味!!!前菜開頭有6小碟, 除咗辣泡菜其他都可以添,唔似得香港其他韓國餐館有限制侍應有幾個係韓國人(唔知係咪家庭式),有求必應,效率快,主動幫忙,有笑容!!!餐廳環境清潔,有衛星電視播韓國台!難得遇上好嘢,加上家住紅磡... 一向好少番卓嘅我,好相信會有下次,下下次,下下下次...... 嚟哩到有去咗韓國嘅感覺!!! (利申:我係哈日族,不太哈韓)

好友之前同老細黎過呢度食飯，然後強烈向我們推介。我地一行5人，預先book左位，訂位要響三日前，同埋用簡單英語與店員對答，因為店員大部份都唔識中文，應該係韓國人開的餐館，估計菜式也很地道。叫左一份豬頸肉同一份五花肉燒。仲有叫左一份韓式豬手，一份魚片壽司，一份韓式魚蛋年糕（壽司同年糕唔記得影相）。不過順道一提係，呢度d壽司好似比其他韓國料理餐廳大舊d。總括黎講，其實味道就𣎴過不失，無咩特別驚喜。

民兆街、民泰街因為地鐵工程，圍起高高的隔板，對生意應造成不少影響。所以民兆街的食肆很快又改頭換面。民兆街和德民街多了很多韓國菜，本人住在黃埔區，當然樂於試試。之前試過一次已經覺得很好味，最近見其擴張，又再來。我們沒有訂位，所以6:30pm就來搵位，但很快便坐滿，店內外都有人等候。先來前菜。個人最喜歡吃甜薯仔和菠菜。牛肉紫菜卷，$68，是點給兩歲的小女吃的。把紫菜卷剪細，混入前菜的薯仔、波菜、西芹等，好過食開心樂園餐啦！當然小女吃不完一整條，我也有份吃。味道有點淡，不及school food的，但勝在有home made感覺。石鍋牛肉飯，$98。我去食韓國嘢是好老土的，石鍋牛肉飯是不二選。份量大大，餸菜夠多。鍋好熱，飯焦最好味！蘇子海帶湯，$90。老公吃的，他說好好味。泡菜煎餅，$108。無得輸，幾乎是我近年吃過最好味的泡菜煎餅，小小辣，份量足，唔會太多麵粉，泡菜味道充滿餅中，醬汁亦好夾個餅。我和老公一人一半，飽，但不漏。新擴業有九折優惠，石鍋飯和紫菜卷吃不完，我便帶走做翌日的午餐，唔想浪費。店主和店員都以韓國人多，雖未至於禮貌周周但態度正常，上菜速度亦頗快。唯一問題是環境略逼，勁搭枱。

一路聽人說尖沙咀金巴利道的地道韓國料理如何如何，沒想到紅磡就藏著一家呢。吃多了school food類快捷韓料，坐下來慢慢享受的這家品類齊全，意外地給人驚喜。為首上來的六道小菜雖然表現中規中矩，其中甜蜜的番薯塊倒是值得一提，然而主打的泡菜有些不夠出眾，略微遺憾。五花肉新鮮，泡菜餅熱騰，茶飲也滋味獨特。雖然初看餐牌覺得價高，分量卻十分抵食。唯食量有限，不能叫一份炸雞炸鴨各半的拼盤嘗鮮，待我地回頭再來吃過！

係open rice 揾左好耐，最終選擇左呢間韓國菜來試。訂位果時用左2文3語先訂倒位。。。由於訂左6:30，到達既時候店舖都冇乜人，餐廳總括來講都很清潔同整齊。我地一行4人，order左五花腩，牛仔骨，頂級牛肉，紫菜卷，泡菜餅同海鮮煱。五花腩：ok.好食。牛仔骨: 太多醬汁，有點咸。我個人比較喜歡冇醬汁。因為多數韓燒既肉，係唔落醬汁。頂級牛肉：very good. 不要燒太耐。因為耐左會好軔。*** 我食韓國菜多次（不論在香港，還是在韓國），每次韓燒必定會附上新鮮菜，用來包肉食既， 但今次冇跟， 後來發現原來要另外order。 這樣有點敗筆。。。紫菜卷: 係全晚最好食既食物。泡菜餅：唔太辣，都可以接受。海鮮煱: 海鮮唔新鮮，所以令到個煱整個都失色。。。。整體味道來講，只可以係接受，不至於話好好食。。。

一間位於紅磡黃埇區新開張不久的韓國餐廳,由於小妹在附近上班, 湊巧經過留意到這間餐廳,看過餐牌價錢合理, 款式齊全, 適逢生日臨近, 決定相約三五知己在此慶生.我們八人, 叫了七款菜. 本身打算再落單, 但食物來到後, 發覺食物份量都大份充足.-前菜-泡菜, 西蘭花, 黑豆, 薯仔, 豆芽, 菠菜好吃, 黑豆和薯仔是甜甜的!-雞肉石頭飯-八個人, 每人可分一小碗, 加上辣醬拌勻, 鍋邊的飯焦可口非常.-醬油炒年糕-因為朋友不吃辣, 而我喜歡吃辣, 所以怕會很淡, 結果雖然不是辣, 但味道適中, 適合吃不到辣的朋友.-菜包豬手(大份)-這是全晚最最最期待的一道菜,  豬手很多肉, 肉很嫩滑,皮是QQ的,附有兩款醬, 生蒜, 紅/青椒片, 醃青瓜蘿蔔,  用生菜包著吃,  口感豐富, 值得推薦!!! -牛肋骨鍋(?)-因為我不吃牛, 朋友說是甜甜的, 份量也很多!-韓式炒粉絲-粉絲QQ的, 味道不錯! -飯捲(魚)-看圖片時以為內裡包的是韓式魚片, 原來是炸魚, 飯也是大大捲的, 紫菜上抹上一浸油, 亮亮的令到食慾大增!-泡菜煎餅-大大的一塊, 內在辣椒, 蔥, 椰菜,泡菜,  看到辣椒以

兒童節去食餐好d既, 呢排韓劇盛行, 我地都去食下韓國菜先! 呢間野都幾細, 枱唔多, 所以等位都要等一段時間! 呢間餐廳應該係家庭式經營, 而且真係韓國人打理, 因為成日聽到佢地講韓文~~ 入到呢間餐廳的感覺都幾舒服, 有種warm的感覺, 可能因為係家庭式啦! 我叫咗個牛內鍋飯, 味道香濃! 佢個胡淑味都幾重, 越食越辣!! 如果係冬天食, 應該好正!!d牛肉幾有咬口, 味道唔錯, 好有牛味, 配埋個白飯, 真係一絕!另外都要讚一讚佢個熱茶, 好香麥的味道, 我地飲咗好多杯, 哈哈!

紅磡灣及黃埔一帶冇幾多間韓食, 加上韓風依然強勁, 依間一月開張, 個舖位比黃埔港鐵工程圍板遮曬嘅新舖, 食飯時間經常座無虛席, 放假日子更要排隊等位. 舖內當眼位置掛了一幅女主廚疑似在韓國烹飪比賽獲獎的相片, 相信她好有可能是韓國人. (但在收銀後面備餐處捲紫菜卷的阿姐, 肯定是以前在附近茶餐廳做樓面的.)食物選擇和質數方面, 我認為是這區的韓食中最好的. 然而, 價錢和旺區相差無幾. 至今食過兩次, 先評一評個石鍋牛肉飯同豬肉年糕麵.石鍋牛肉飯 - (但凡第一次幫襯的韓食我都會點的菜) 連牛肉同雞蛋共有九樣餸,算交足功課,味道不過不失. 但係宜家牛肉可能真係好貴, 去到邊間食都係得雞碎咁多, 依間都唔例外.豬肉年糕麵 - 辛好我點了走辣的, 可以吃出炒豬肉本身的香味. 湯底雖然有味精味, 不過唔太搶, OK. 年糕和麵雙併起來吃, 吃出兩種口感, 幾過癮.前菜小碟 - 都係泡菜加隨意兩種其他菜咁, 但食材新鮮 (泡菜味道一時時, 一次好入味, 一次菜還菜, 辣醬還辣醬, 但還是好味的; 黑豆(冇圖)甜甜地,幾特別). 舖頭外有張枱放左幾樽前菜比人試食,不過我去親都比人食曬.最讚的是