韓宮 (已結業)

港鐵黃埔站下月通車, 預先介紹一下附近有咩正野食先! 黃埔站A出口行20步左右, 有間阿豬媽開既韓國餐廳, 除左炸雞,燒肉外, 更有多款韓國地道菜式選擇, 而且呢度份量都幾多, 約埋一大班朋友黎, 就可以食到更多唔同款式啦!一坐低先有5-6款前菜小食提供, 不另加收費! ------------------------------【韓式豬手】HK$198 (Queen Size) 其實我地只係ORDER佢地既細size, 估唔到份量都咁大!! 豬手已預先被拆骨, 用生菜包住豬手, 再點隔離既韓式醬, 味道係甜甜地又辣辣地~豬手好林, 一d都唔肥膩, 而豬手皮下層既膠質好重, 食既時候已經感覺好黏口...聽講韓國人皮膚咁靚都係因為食左呢d膠質補充到骨膠原, 好食又美顏, 呢個豬手真係必食!!(講真, 我食過香港咁多間韓國食店, 幾乎係第一次見有豬手食)【石頭牛肉飯】HK$98 又一份量大既石頭飯, 自己一個都食唔哂, 雖然牛肉唔係好多, 但配菜等撈埋一齊食, 口感好豐富! 石頭飯好夠熱, 食到好多脆卜卜既飯焦!辣醬另上, 可自行調教辣度~ 【吞拿紫菜卷(辣)】HK$73 紫菜卷可以揀

幾個月前韓宮開幕既時間我已經去過喇，今日妹妹話想食所以再次到訪。其實呢度韓國客比較多，Local 客無咁多。今日叫既配搭係輕型韓燒，過下口癮，又想試下其他小食。所以我叫左頂級牛肉同大蝦黎燒，另外再叫左牛肉紫菜卷同人參雞湯，好似無咁熱氣。牛肉紫菜卷($68)有辣同唔辣，任君選擇。餡有雞蛋，蘿蔔，牛肉同有少許生菜襯托。我簡左唔辣，雖然唔夠辣既咁惹味，但幾鍾意佢D米飯煮得幾好咬口，煙煙韌韌，襯埋D 配料酸酸地，無咁濟。　人蔘雞湯($168)我最鍾意飲既人蔘雞湯，呢度都做得唔錯。人蔘味好濃，微甘，清甜。雞肉偏林，但唔鞋，算係控制得幾好。烤頂級牛肉($198)$198 一碟牛肉，中等價錢啦，正常厚度。D肉唔算落左好重調味，不過反而係咁我幾鍾意，肉味反而幾出，唔算油膩。大蝦($158)睇相都見到開完邊之後，仲係好厚肉，而且都幾長下。呢D 料燒起上黎好難唔好食，鮮甜彈牙。其實今日都好想點醬油蟹，不過韓國老闆娘話呢排韓國D 蟹質素麻麻，又貴，所以寧願唔賣都唔想賣貴夾唔掂既食材，所以無得叫呀。呢度D 人都幾NICE，食得幾舒服，油煙都唔算好勁。

想喺香港食正宗嘅韓國野 而唔喺偏重香港口味嘅 我會選擇韓宮👅-牛肉及蘑菇鍋 ($298)個湯喺走清淡路線 但因為喺走清淡路線 所以先會啖啖食到每份食材嘅味道 牛肉質素非常好 牛味濃郁 所以啖啖湯都好有牛香味 食落唔會韌口 啱哂我呢個牛魔王而且個湯頭會令你食到菇啊 翠玉瓜嘅原味 散發住陣陣蔬菜嘅清香 配埋個湯食 好fresh👍🏼 食完喺會覺得自己忽然健康咗咁🌽-洋盆牛肉飯 ($98)本身打算食石頭窩飯 不過因為嗌咗個鍋 所以唔想又食咁熱 就叫咗個拌飯一嚟到 望住隻太陽蛋 心情就不期然覺得好好❤篤爆佢做蛋汁拌飯 再加埋韓國辣醬 好好味啊 而且佢有大量菜同菇 一啖飯食落有多重口感👅-泡菜紫菜卷 ($68)食親紫菜卷好多都喺用香腸 但呢到喺用煙肉 即刻成個紫菜卷都香好多而且有蛋絲小黃瓜 成個好足料 好滿足-喺呢到你會食到韓國嘅味道 你會感受到佢地對食材嘅執著同認真 已被我bookmark 咗 下次食韓國野都喺會嚟呢到

翻看相冊，想起今年六月在韓宮的飯局，心血來潮寫食評。週末聚餐，紅磡是個熱鬧又多選擇的好去處。一行五人，吃了海鮮鍋、芝士雞、韓式豬手、紫菜卷，亦有飲品，一共消費九百多。大推芝士雞！記得趁熱讓每塊雞肉與芝士充分融合，熱辣辣的雞肉塊熱情地融化著芝士，每夾起一塊雞肉，都是一場筷子與芝士的較量海鮮鍋食材豐富，湯有一定辣度，怕辣的人慎喝。韓式豬手味道不錯。兩個月已過，存留的味道已不清晰，但那些至今回憶起來還覺得美味的，我想，應該不會太差吧？！芝士雞就是這樣的美食若去韓宮，記得點一份試試看。

紅磡雲集好多韓國菜 相比下尼間啲味道同價錢普普通通、不過不失我系被炸雞吸引入來試食 炸雞味道選擇多 $198可以雙拼啲配醬都好好味 首選必食！如果下次再食 一定會揀反烤肉 韓國菜式實在麻麻 無咩吸引之處

難得開心星期五，緊係要對自己好點食好少少，放工約左媽咪係紅磡等，因為依面好多餐廳選擇，但好多都要等位唯一韓國菜係依頭有多幾間選擇，早前經過依間餐廳門外睇過餐牌，整體上都幾多食物選擇，石頭飯、湯、韓式炒粉絲、韓式小食、炸雞等等，真係包羅萬有，加上店門外裝修都較為傳統既韓國餐館設計同隔離仲開設多一間只係專賣炸雞既外賣店，可以讓客人入店食又得，想外賣取走又可以，所以吸引左我地入去試下。入到店內，基本上全場滿座，唯獨剩下得返一兩張二人枱，我地都坐下慢慢睇下食咩好。見到隔離枱樣樣都有叫咁，我地就睇中佢地碟炸雞，於是我地都毫不猶豫叫左原味+甜辣味炸雞雙拼同韓式紫菜呑拿魚卷，老闆親自幫我地落單，佢識講廣東話仲問我地炸雞想食有骨定無骨，我地揀左有骨，覺得有骨雞有咬口同香D。店內都貼滿韓劇既海報，播住韓國歌，令大家更投入同享受晚餐，老闆亦都幫我地落完單後立即拎左六碟前菜同兩杯麥茶比我地過下口隱先上菜速度都頗快，首先係-韓式紫菜呑拿魚卷: 一條卷物切開八件，擺法都好精美，賣相好有油光，感覺好似即叫即卷咁，餡料有蛋、呑拿魚、漬物、蟹柳、紅蘿蔔、薄荷葉，口感好煙韌，配埋薄荷葉味道好清爽，紫菜好香麻油味，飯仲要

The rice cake was raw.. Chicken is ok. And it was microwaved, you can see it plainly from the takeaway window.

好地道嘅韓國菜，好有韓國feel，食物好食，店員服務好，老闆娘又好，時晚我哋7個人同1個小朋友，叫咗6樣食物（韓式豬手（大）、海鮮炒年糕、醬油蟹、甜酸＋原味炸雞、牛肉紫菜卷、炸醬麵）份量足夠我哋8個人食，好好食，老闆娘知道我哋有人生日主動送飲品比我哋，我都禮尚往來請佢哋食我做嘅蛋糕，會再光顧的

今次係第一次去幫襯🙋🏻係門口個到見到個餐牌就覺得野食價錢算高(唔知點解韓國野同以前日本野既價錢一樣咁貴)服務態度方面🤔🤔店員好主動介紹招牌菜比我地，呢頭舉手想加個飯，個頭就有店員黎問你想要d咩。可以話係做到「梗有一個店員係你附近」至於菜式方面今次叫左個蜂蜜牛油炸雞，佢既賣相係同相入面一模一樣(唔再係圖片只供參考)。而味道方面，入口會食到少少蜂蜜牛油味，但味道唔係話太重。(建議大家點芥末醬食，佢個蜂蜜牛油味會再出d)。份量方面，$188 一盤炸雞，我地2個女仔就食唔曬喇。佢每一件炸雞個size 都好平均，唔會話有d特別大，有d特別細，仲可以做到一啖一件炸雞。味道，呢到絕對唔會令你失望。但價錢較貴，所以下次會去試下第間，翻轉頭食佢既機會較低😂😂🙈🙈

因為下個月就會出發去韓國旅遊，呢排睇得多韓國野，自不然都想食下韓國菜。上次試過韓宮嘅炆牛肋骨同豬手，覺得唔錯。最近知道佢地新出左炸雞，當然要試試啦！星期日嘅韓宮要等位，等左三張枱終於到我地喇！前菜樣樣都ok... 不太好也不太差...我覺得韓宮都幾update嘅，興咩佢地都會有得食。今次我地就揀左潮流興嘅芝士排骨同炸雞.. 原本以為所有味都可以雙拼，所以諗住揀蜜糖牛油加醬油，點知原來雙拼只可以揀原味同甜酸，慌亂之下我地都係揀左雙拼... 好快... 炸雞上枱喇... 炸雞嘅樣係唔錯呀，不過食落... 原味係冇味嘅，要靠提供嘅芥辣先有返少少味.... 而甜酸味就有啲辣... 雞肉唔夠juicy... 真係有啲失望呀…到另一味菜 - 芝士排骨，份量令人有驚喜，因為餐牌係寫住4 pcs, 仲怕唔夠食，但黎到大大份，好豐富.... 芝士味道濃，不過排骨醬料嘅味道我唔like呀，又係失望的....兩個人食唔哂兩樣野，唯有打包啲炸雞....期待韓國之旅，我相信嗰邊啲炸雞會好味好多...

首先有前菜，薯仔甜甜幾好食炒粉絲好多野菜，感覺好健康，但醬料唔夠，偏淡，唔夠惹味，比較似自家煮既菜。之後加左佢地既bimbimba 醬會好dcheese 年糕同cheese 辣牛肉bibimbap cheese 味辣味😓欠奉，味道普道。牛肋骨湯好重黑椒味，但無咩牛骨湯味，味道只能講過得去😶😶最驚喜既反而係lunch set, 一道上錯左（隔離枱order 比我地ko 左😂) 既雜菜拌牛肉飯幾好味，牛肉好香好入味，超下飯😝😝推薦 order 咁多都係$360,真係幾抵，環境幾大幾好坐，嬸嬸waitress 都幾helpful.如果係附近做野來食lunch 都係唔錯選擇hkfoodie: hunger.food

2015.12.16 實在太掛住韓國。咁岩又見到間唔錯既韓國餐廳係紅磡。叫韓宮。芝士排骨不錯。不過要襯熱食，如果唔係好快凍左，芝士就結身。仲有炆牛肉骨，好入味，但如果再腍食啲會更好。仲有幾款前菜都好食，特別係甜薯仔。這間多人食的。推

與朋友一起午餐聚聚，原本以為會滿座的，結果還有座位不用等待首先，每位客人會奉送一罐忌廉溝鮮奶。圖的左邊是我自己點的柚子蜜，價錢是＄16，但真的有極多的柚子蜜，非常夠味！接著，會附上3碟的配菜（因為太餓，吃了後才發現忘記影）我與朋友叫了2個麵1個飯。首先上的是洋盤牛肉飯。其實是韓式拌飯。有豆芽、紅蘿蔔絲、煎蛋等。配上醬汁，十分惹味！接著是炸醬麵，試過上海的炸醬麵，有點不合我口味，這次試一試韓式的炸醬麵。我又是拌了才發覺沒有拍照）這個炸醬麵和上海那款有點點不同，這個炸醬麵微酸，有一些類似木耳口感的混合物，整體上還可以，但並不是太合我的口味最後是炒芝士年糕麵！我和朋友也是芝士迷所以也很期待！看見大量的芝士碎鋪在麵上實在幸福年糕十分煙韌，麵亦非常入味！份量從圖亦可見十分大！2人挑戰3人份量是失敗的，最後要打包回家。P。S。 店員只能聽懂少量的中文，大家要留意了！

平時路經紅磡都見到有各式各樣既餐廳 今次男友話要韓一韓... 好 就去韓宮喇一入餐廳就feel到好韓...有職員講韓文 再播埋韓國電視節目...有啲去左韓國既感覺。先黎6小碟 泡菜好辣 平時食譚仔食到小辣既我。。覺得好辣.... 吞拿魚紫菜卷 賣相ok 點埋辣醬食仲ok 炒牛肉 排住食紫菜卷 冇反一反啲牛 搞到個底燶燶地 下次黎要試埋個豬手同芝士排骨先。。真係好邪惡呀！

趁happy firday 去食餐好既先....環境 : 裝俢幾韓式小店, 不過比個二人位好細, 要勞煩隔離食客起身先可出入.時間及收貴 : 星期五晚市 (19:30左右入座) $404 + 10%食物 :芝士好香好濃. 好趁熱食如果唔係凍左會硬!整體上唔錯, 價錢就貴左d ~~