影片
更多
2016-10-16
4330 瀏覽
自從黃埔既交通愈來愈方便，我都嚟多左紅磡黃埔呢頭搵食，今日就約左住喺呢頭既舊同事食晏～佢約我喺黃埔地鐵站A出口等，原來佢想帶我去食呢間喺A出口隔離既呢間「韓宮」！一入到去就有對韓國人夫婦招呼我地，佢地只懂韓文及英語，好地道的感覺呢！原來老闆娘除左做店面外，都會親自落廚呢！食韓野又點少得多款前菜呢！老闆娘送上6款前菜，並且話前菜一般會有5-6款，要視乎係lunch or dinner, dinner就多數只有5款～前菜既豐富又傳統，有泡菜、納豆、菜、芽菜、魚仔&燉薯～（只限午市）原來午市仲會送飲品呢！而且Mon-Fri午市不收加一，Sat-Sun & public holiday除外～ 《牛尾湯配飯 $68》呢個係lunch set 細煲跟飯，正價係大煲$98不包飯，飯單叫$12碗。湯夠熱，而湯入面有幾舊牛尾。韓式牛尾湯唔會好似西式牛尾湯甘溜同杰身，韓式既係清湯嚟，伴飯食一流。《吞拿紫菜卷 （唔辣 $68）》食韓野慣左必食紫菜卷～因為舊同事唔食紅肉所以叫吞拿魚～唔辣$68，辣就$73～ 相中都見到卷中好多餡料，比例比飯多，食落好香口有豐富～《辣海鮮窩 $298》雖然晏晝食窩有點過份，但舊
自從黃埔既交通愈來愈方便，我都嚟多左紅磡黃埔呢頭搵食，今日就約左住喺呢頭既舊同事食晏～佢約我喺黃埔地鐵站A出口等，原來佢想帶我去食呢間喺A出口隔離既呢間「韓宮」！
一入到去就有對韓國人夫婦招呼我地，佢地只懂韓文及英語，好地道的感覺呢！原來老闆娘除左做店面外，都會親自落廚呢！
食韓野又點少得多款前菜呢！老闆娘送上6款前菜，並且話前菜一般會有5-6款，要視乎係lunch or dinner, dinner就多數只有5款～前菜既豐富又傳統，有泡菜、納豆、菜、芽菜、魚仔&燉薯～
（只限午市）原來午市仲會送飲品呢！而且Mon-Fri午市不收加一，Sat-Sun & public holiday除外～
《牛尾湯配飯 $68》呢個係lunch set 細煲跟飯，正價係大煲$98不包飯，飯單叫$12碗。
湯夠熱，而湯入面有幾舊牛尾。韓式牛尾湯唔會好似西式牛尾湯甘溜同杰身，韓式既係清湯嚟，伴飯食一流。
《吞拿紫菜卷 （唔辣 $68）》食韓野慣左必食紫菜卷～因為舊同事唔食紅肉所以叫吞拿魚～唔辣$68，辣就$73～ 相中都見到卷中好多餡料，比例比飯多，食落好香口有豐富～
《辣海鮮窩 $298》雖然晏晝食窩有點過份，但舊同事實在太想食，所以就點左個海鮮窩，窩中有：魷魚、蜆、蟹、蝦、金菇、翠玉瓜、蘿蔔、大量芽菜。湯底係泡菜味，小辣，總括嚟講海鮮好鮮甜，令整湯都鮮甜起嚟。有好多芽菜同魷魚，芽菜吸晒d精華好入味，但多到食唔晒，而魷魚就略嫌太韌食唔到自感浪費。
《海鮮煎餅 $128》呢款係老闆娘推介，果然好味～熱食好香脆，唔油膩，入面滿有海鮮，食到有蝦同魷魚及好多韮菜，韮菜令整個薄餅變得有質感，亦增加口感～再點埋醬汁食味道更佳～放涼左食都無變稔，讚！
《芝士辣雞 $218 可不辣》舊同事唔夠喉叫多個芝士辣雞。雞肉份量多，醃得好入味，唔使卷芝士其實都好味。但有芝士當然卷埋食啦～最好襯熱卷芝士，因為芝士好快變涼卷唔到。芝士唔太濃味所以唔會搶左雞味，亦唔太溜。
張貼
