面譜-京川料理 (已結業)

口水雞: 我覺得幾好味, 因為好滑, 但係都幾辣,媽咪以為係熱,點知係凍,所以佢唔鐘意水煮魚: 呢個好大鍋,早知叫其他啦, 入面啲配菜好似仲多過啲魚, 一定要好快咁食, 因為初初食,啲魚好好味好滑, 但係煮耐左就好鞋辣包子: 呢個到幾好味, 好多肉汁, 都係個句,趁熱食會好好味其實都唔係好突出,只係個環境好,可以慢慢咁傾下計囉~~唔係好值得專燈走黎試成晚全部都係辣,食完個胃唔係好受得~~~

had the dinner set for two offered by HSBC with 50% off ($250).頭盤（花雕王醉雞、酸辣雲耳粉皮) : the chicken is so so. the wine is not as good as Jasmine or Peking Restaurant of Maxim's group. the 粉皮is a little bit strange. don't really like it. 湯（四川酸辣湯）: i don't usually like sour and spicy soup but this one is quite good. 主菜（鐵板川汁牛肝菌羊肉、普洱茶煙燻春雞、濃湯時菜苗）: this set is not well designed. there was chicken again. the lamb is not "so". like eating beef. the mushroom is very hard and spicy. the smoked chicken is so so.

一行5人吃了:芥末鵝掌(涼拌): 超好味,有芥末香同紹酒香味,令鵝掌好軟身,正!木耳(涼拌):食落味道一般,香香地,但吞嚥後辣味隨即跑出來，好特別！燈影牛肉(涼拌):放在燈光下可以透光的超薄牛肉，OK!南瓜粉蒸雞:雞唔知加上什麼醃料,同南瓜配合起來好香滑。魚香蒸茄子:調味好正,有少少辣、有酒香、仲有薑蓉味,佐飯一流。水煮魚:魚真係好滑,但沉底個D粉條...好煙韌，　　　（我不嗜辣，朋友好好order少辣，）香餅:好薄，有酥皮feel,ok蘿蔔魚湯:好香甜,無膻味!xx豆花湯:我未試過,朋友飲晒,估計OK!是次第二次光顧，其實之前食過陳皮牛展、菇菌類，都係水準之作。請一位朋友食飯，每人150。好欣賞服務員態度，好有禮貌，見我地食到抺汗，會不時添水，好細心！

口水雞: 都幾好味, 啲雞幾滑, 以前菜黎講就太大碟麻辣酸菜魚煲: 魚要即刻食先滑,如咪越煲越鞋, 都有幾多塊下,仲有個底有啲陳村粉同牙菜,咸菜,不過唔知點解個粉食到後尾好苦, 可能煲得耐得滯!! 仲有呢個煲真係幾貴下, 要成$130, 其實唔係太值辣飽子: 呢個最好味, 熱辣辣, 又多肉汁, 皮簿餡靚, 不過由於上前面個2道菜巳經好辣,所以食呢個飽時己經唔覺得有丁點兒辣, 只係好似食緊肉飽咁去個時唔見有二人餐,唔知係咪無左呢??

由於東亞信用咭同king parrot group 有joint promotion, 每間都有d半價set, 是日瑩瑩生日, 特登同佢呢度試。環境好靚, 好舒服, 仲有d 'L'型卡位, 好特別﹗仲有琴師現場伴奏, 好有氣氛。二人餐都有好多食, 全部叫佢加辣：面譜口水雞- 好大碟, 亦夠辣, 正﹗涼拌鮮茶樹菇- 茶樹菇爽爽的, 涼拌汁又辣辣, 好美味；四川酸辣湯- 都幾酸, 但唔太辣, 我覺得麻麻；七子蝦仁- D蝦好爽口, 一隻一口, 唔覺唔覺都食晒成碟; 天扁牛肝菌牛肉絲- 好香口, 但偏鹹, 所以要伴飯一齊食；南瓜蒸餃- 熱辣辣, 清清, 幾特別, 亦好味﹗白飯兩碗面譜全盒- 原來係甜品, 全盒有三個碗仔, 一係番石榴雪葩, 非常清香, 好味; 二係桂花糕, 都好清香, 可能食完雪葩關係, 唔太甜; 三係紅豆水晶餅, 呢個只係一般。因為飲有第二杯半價優惠, 所以都叫兩杯陳年柑桔蜜, 少少鹹, 幾好味, 所以都幾抵﹗

我地d 朋友仔又去佢kingparrot 既另一間菜館啦~今鋪試下食四川野~入到去已經有人serve 我~佢話介紹野俾我地食~因為我地有東亞visa 加vip 所以抵食d~叫左好多好多餸...真係不能盡錄...我盡量記...陳皮牛柳絲，我覺得幾好食，陳皮同牛柳d 味都幾match口水雞，我覺得d 汁真係幾香~要幾辣你可以同佢地講。有個係煮鱔既，好似得一款~好食!!好好食!!d 汁一流龍婆婆xx魚(我諗我下次都係抄抵佢....)，呢個好得!!!但幾大碟~少人唔好叫~好快飽~~龍皇酥皮湯，唔錯~落重料!魷魚筒，呢個就普通左少少...似豉椒煮~但d魷魚幾新穌下...重有個鵝肝!!呢個..可以唔試~因為佢無咩特別~有羊扒，好外國feel~係四川餐廳食到呢d 野好怪...有兩個飯~一個四川炒飯~都幾香口一個蛋白炒飯~清清地~~~但我覺得幾淡下~有個芹菜牛肉麵，普通到死~~有個甜品，芒果芝士豆腐，正野!個侍應生服務一流~成日照顧我地~呀~我地漏左野仲特登打電話俾我地tim 呀!very good!總括來講~多人食都幾抵~同埋好食~有d 美中不足之處係~因為尖東多外國人~要就佢地口味~係菜譜上有更改

有感上回只試了西川炒飯和擔擔麵，今回要試試小菜，領教一下川辣。1)泡菜為餐前小食，還以為是韓國菜，不太辣但很開胃。2)四川海鮮炒麵這個當晚惟一不辣的炒麵很普通，四川有海鮮的麼?真令人大惑不解，最多是河鮮吧！說它不夠正宗也是錯不了的事實。3)紅油抄手不是上海菜來的嗎?為甚麼在川菜桌上出現，又是另一個謎團。做得似樣，醬汁也不錯，雖點了大辣，但辣的程度未到大辣。4)宮保雞丁這碟四川名菜與外面菜館的宮保雞丁有點不同，主要在於味道方面，多了酸酸的醬汁，用的果仁也不一樣。正不正宗無從稽考，但總算是好的送飯菜式，淨食重了點。5)口水雞期待已久的口水雞，名不虛傳。一道涼菜，雞算是弄得不錯了，因為今時今日實在很難吃到有雞味的雞。不過刀章是差了點，落刀不準，造成很多碎骨，減低了提筷的意慾，整碟雞做得最好的是汁，一吃便吃到很重的花雕酒味，雖點了中辣，但辣味也很重與凍雞肉的配搭奇好。今天得知面譜之盧山真面目，實為不太正宗的川菜，不過正宗不正宗又何干，最重要都是好吃！€

睇到食評, 大家都有讚冇彈, 就一於黎試下~環境真係好好, 又有live band, 2個人拍拖傾計一流呀!不過食方面, 就有少少失望咁喇試過佢幾個送;蕃茄蝦仁蒸餃:最鐘意既一個, 咬落去有蕃茄汁配埋o的蝦仁, 好夾味陳皮牛柳粒:唔多食到陳皮味, 牛柳都幾諗口水雞:極度失望, 冇人地講得咁好食, 雞冇咩味, 汁唔夠辣味紅油抄手:佢落好重手鼓油擔擔麵:好有鹼水味... 唉...炸蒜蓉羊扒:冇咩特別~可能佢凍左啦不過環境真係令人坐得好舒服~ 加番分啦~

咁o岩遇上火把節, 所以送面譜打火機.- 酥皮酸辣湯: OK! 足夠兩個人份量.- 牛輾湯麵: 一般.- 蕃茄蝦蒸餃: 好正!環境唔錯, 安排坐L形的座位, 三面都係牆, 好似坐監.比較細碟, 所以好似唔抵食.

前晚同朋友黎食飯, 因為天氣唔係太熱, 我地選擇左大門外半開放式既枱, 面對新世畀中心同對岸既中銀, 感覺ok!坐落waitress只係俾左餐前小食(有毛豆,合桃同花生), 茶水都無杯, 心諗唔係又好似天與地咁連水都另外order?!?! 原來發覺係可以問waitress攞水!我地兩個人叫左水煮牛肉, 鐵砂碢鴨同炒苦瓜, 並吩咐全部都要勁辣!水煮牛肉- 因為我唔食牛肉, 朋友話肉質都唔錯, 而我只係食配菜既大豆芽同粟米芯. 呢道菜有辣味既感覺, 但係一啲都唔辣, 連麻既感覺都無!鐵砂碢鴨- 兩個字可以形容------唔掂! 唔好, 加多三個字添------一啲都唔掂!!!鴨件細, 骨頭多, 唔辣都算罷, 啲鴨連小小鴨香味都無!!!不值一提!炒苦瓜- 不過不失.因朋友叫了一杯雞尾酒, 是次埋單為$330, 值得一提, 原來餐前小食要收$30大元!

得知是King Parrot Group旗下食肆，有一定信心保證。冇錯，這間位處死角的四川料理的賣點是裝潢，巨型面譜吊飾，舒適的環境，實在為之神往，不過說實話，食物質素也不差。星期六的下午到此午飯，點了兩樣：1)四川擔擔麵(大辣)湯底夠晒濃杰，雖要了大辣，不過吃起來又不夠辣，麵做得不錯，用幼幼的扁麵，係其他京川滬店少吃到的麵種，夠不夠正宗就不得而知。2)四川炒飯有乾瑤柱、臘肉、河蝦等，料不算很多，但配搭得幾好，好有鑊氣。不過都係諗唔明點解四川菜會食到瑤柱，更不明整個炒飯有甚麼四川特色。下晝時間不太肚餓，兩個人點了兩樣都已經很夠了，下次很想再來試口水雞。

又是麻甩，鐵膽三人，抽身而至已是點三有多，大熱天氣下走無幾步已汗流夾背，真難頂。是皇冠集團旗下的產業，店內滿是面譜怪氣十足，平時路過唔會入來，記得初入行時大王有題過此店，結果龜磨了大半年，終於還是要「一試」。甫坐下已見菜式滿檯，麻婆豆腐、水煮魚、四川炒飯，碟頭唔大，後來者再追加豆辦牛腩。麻婆豆腐、水煮魚睇樣子唔多對版，加埋後來的牛腩，大概知道這裡是做遊客生意的，牛腩切成粒狀，易入口，不過邊有中國人會咁切架！什麼口感都沒有啦！牛腩唔腍亦唔入味，與豆辦醬味道格格不入。專兄講得無錯，鬼佬真係唔識食亦唔食得辣，辣度一般的水煮魚最對他們的胃口，而麻婆豆腐就辣得出奇，試半口便投降，全程只有四川炒飯對胃口，雖然炒得唔夠香，配料的配搭完全錯晒，幸好炒得好乾身，亦是惟一清碟的菜式。全程聽著怪氣十足的樂曲，再加埋陰陽怪氣的面譜，忽然想起多年前的電影「再生人」．．．．．．

今日成家一行12人因join左個club有折,所以去食..本來以為係專for外國遊客的噱頭餐廳,但去到發覺d野好食,裝修好靚.口水雞好滑,辣子雞好香,但有一個叫"變瞼"要180元,覺得不值.

前幾天到過這裡吃晚飯，因為本人夫婦都是川菜愛好者，怎料一嚐之下才知道又是一個騙\\\"鬼佬\\\"的地方，全店賣點是有音樂演奏及裝修特別，但食品質數完全不行，食物完全沒味，(除了魚有雪藏味及牛肉有未去除之梳打粉味外) 只夠淋上去的汁完全帶不出該菜式的應有味道。總括一句，食物只重其外表賣相而完全忽視中國菜應有之色香味，教人失望!

一直都想試下呢間四川野，不過地方幾偏僻，今次有張50蚊coupon，終於搵到個藉口一試。剛巧餐廳做緊個女兒節，每位入場女士都送一條手鐲。一坐底先送上兩碟”必要”的前菜，一碟係香酥花生，另一碟係辣芽菜仔，兩碟加埋收6蚊，唔係貴又好好食，兩碟清晒。口水雞脾菇-其實雞脾菇係冇味，只有爽口。但係D辣汁就好正，連我本身食得辣，都覺得係幾辣，如果用來撈麵就一流。香醉鵝肝-西式煮法食得多，中式煮法較為少食。95蚊只有兩舊細細塊，賣相同味道我覺得似普通的雞肝，唔算太濃酒味。素脆膳-非常之爽脆，夠熱又蜜味，一定係即叫即整。串燒羊肉-好香羊羶味，不過肉質麻麻，沒有肉汁，而且有點兒韌。擔擔麵-湯底正，夠辣，亦有點麻。麵雖爽口，但太幼身，我個人不太喜歡。麻辣白菜咸肉蕎麥麵-是撈麵，初時沒有特別，第一、二口覺得幾好食，好多辣椒都不是太辣。但再撈埋d汁後，D麻的感覺才慢慢湧上來。雖然一碟60蚊分量唔多，但都值得一試。同一集團的京滬菜來來去去都係個幾樣款式，今次終於有新嘗試。