青花 (THE FOREST)

黎過呢度好幾次，貪近旺角夠方便。整間鋪頭以雨林風為主，好岩打卡，不過份量就偏細，另外，凳既背部係金色網，加上冷氣，當日天氣凍開左窗，感覺10級凍感。次次都試唔同既野食。今次叫左燒菠蘿蟹肉炒飯，豬頸肉飯同惹咪拼盤。有少少估唔到併盤份量稍細，豬頸肉亦都比較乾同硬，配上硬硬既飯，真是一般。燒菠蘿蟹肉炒飯就比較好少少，菠蘿好甜，炒飯唔會過油不過蟹肉量偏少，係較少會出錯既一味。不過抵食程度一般overpriced!

有d掛住紫色靚靚野飲，所以趕係last order(6點禁堂食）前沖過去。行去已經諗住食佢個好優惠嘅全日餐，點知原來換咗新menu，加左少少價$6x 起，不過都應該嘅，不竟好多都去咗地產商到。因為有啲趕，隨便叫咗個最平嘅東蔭功麪食就算。點知幾有驚喜，一上枱d餸係成個碗舖滿，幾片豬頸肉、幾片扎肉、幾隻蜆，仲分上咗隻生雞蛋，唔講味道就咁都對得住個價。豬頸肉燒過、蜆夠鮮甜，但最正係個東蔭功湯底，個酸辣味平行得好好，加埋個蛋成個麵真係好好味😋最後飲埋個蝶豆花檸檬水，成個人開心晒。

今日去旺角行下街，行左去the forest呢個商場，見到呢間餐廳個境好靚！之前都試過晚市，印象中唔錯的！🤨叫左個泰式船湯脆炸豬腩肉金邊粉 ，佢的湯底原全係🥲奇怪，好似豉油湯底，豬腩肉係勁油膩 ，一食落去油膩感超重，金邊粉正常唔錯的但有d碎😅凍檸紅茶份量大杯 糖份自己加 唔錯喔！芒果糯米飯，特別的紫色，飯夠軟身而且暖笠笠！芒果都係新鮮，椰汁都好多😋😋呢個可以再食！可能午市套餐太少！印像中食晚餐無咁失望的🥲

成間食店嘅環境都係充滿住打卡嘅味道。外面亦有戶外空間可以比大家抖下氣。佢主打嘅路線係新式泰菜。其實泰菜真係好啱我個人口味。希望大家對泰菜嘅引象唔係淨係得冬蔭公湯啦我地叫到成枱都係食物。印象最好係佢嘅冬蔭公湯，唔會話太酸或者太咸，而且入面隻蝦仲要幾大隻添。由於同行朋友生日，我地仲request左餐廳幫我地寫happy birthday嘅字添。整體上成間餐廳比我嘅感覺係良好嘅。大家經過開又想食泰菜嘅可以值得一試。

抗疫期間，只能小聚。相約友人試下鬧市中既泰菜。四款主菜中Phad Thai係最出色既，炒得好靚，金黃色炒蛋非常嫩滑。香茅豬扒飯既豬扒肉質很好，very juicy and yummy。香茅雞扒飯既雞扒用孜然調味，味道幾特別，可惜還未可以蓋過雪味，略有失色。豬扒撈檬用同樣豬扒都係非常juicy。份量足夠，大胃少少可能想叫埋小食或甜品。小食拼盤共有四款，蔗蝦，魚餅，雞脾，仲有件唔太肯定係咩，不過不失咁。相對個人鍾意甜品多啲。芒果糯米飯點會有人抵擋得住。糯米飯非常煙韌，應該落左蝶豆花，清新既藍色~飲品方面檸檬茶，熱咖啡就同平時食既分別不大。推介係蝶豆花青檸茶，帶有酸性既檸檬加上蝶豆花，中和出迷人既royal violet，滿足埋視覺既享受。

上網見到環境好靚影相打卡一流，但如果真心想食好野泰國菜，一啲都唔推薦呢間鋪，野食都係得個樣，同埋都偏貴。燒菠蘿蟹肉炒飯，d 飯粉得太乾身，唔係幾食到蟹肉味。試埋黃咖哩軟殼蟹，得個辣字，亦冇咖哩既香味。炭燒豬頸肉算係三樣之中比較出色，燒得幾香。見蝶豆花椰子奶蓋好似幾特別所以嗌左，賣相係真係幾特別，味道就同普通椰汁冰差唔多，味道亦偏淡。以食物質素黎講價錢再計埋加一服務費真係唔抵，不過環境黎講的確係幾多打卡位，裝飾幾特別，岩同朋友聚下傾下計

😋味道：7/10📸打卡：8.5/10🗣服務：8/10🏡環境：9/10💵人均：$130-180💰性價比：6.8/10👍🏻推薦度：7/10🏃🏻‍♀️回頭率：20% .🏡平時行過旺角the forest都會留意到呢間咁靚嘅餐廳🤣呢度環境真係幾靚 好多花花草草🪴無論係裝修定係擺設 都令人感覺好清新舒服☺️book左食生日飯 嗌左好多嘢仲可以叫甜品寫生日碟😆.🦐泰式大蝦炒金邊粉 $138 (7/10)大蝦都幾大隻 但未算好新鮮彈牙金邊粉偏甜 酸味唔係好夠🥲加埋青檸汁就協調得好啲.🍍燒菠蘿蟹肉炒飯 $138 (7.3/10)蟹肉偏少 同炒飯一齊食味道唔算好夾菠蘿如果再煮一煮 淋啲甜啲會更好😗配埋其他配料一齊食 整體口感都幾豐富嘅.🦀黃咖喱軟殼蟹 $118 (7.3/10)嗌呢個用嚟點比手抓薄餅咖喱香辣惹味 軟殼蟹都幾大隻.🫓油酥手抓薄餅 $58 (7.9/10)呢個出色！薄餅整得幾酥鬆咬落口感軟熟 仲有牛油香😋.🥬肥豆兒醬炒通菜 (6.8/10)冇乜特別 反而偏鹹而且冇乜鑊氣 炒得唔算好香.🥭芒果糯米飯 $78 (8.5/10)芒果幾甜！椰汁好香好滑配煙韌有咬口嘅糯米飯 jeng😆.🧉碟豆花椰子奶蓋

其實呢間餐廳個裝修真係好靚，好適合打卡，外面仲有啲戶外空間可以坐，係啲帳幕咁嘅設計，仲有啲假草地，如果唔係疫情關係，應該好多人會出去坐，輕輕鬆鬆就嘆半日不過呢間餐廳都偏貴，仲有90分鐘用餐時間，不過嗰日冇咩人，就冇特別要我哋走打卡Cafe連啲餐具同埋擺設都唔似傳統泰國餐廳咁，所有嘢都好靚見網上面好多人都推薦左呢個金邊粉，所以特登叫咗黎試，又真係幾好食佢仲有啲花生同埋青檸伴碟，撈埋一齊好香口！隻蝦又煎得好食😋！所謂嘅老鼠粉，其實係銀針粉，相比個金邊粉又真係無咁吸引，不過佢勝在濕濕地，易入口。個冬陰功汁唔係太辣，應該根據香港人嘅口味調教過，就算唔太食得辣都應該食到呢個奶茶真係幾特別，個茶底係有啲似泰國度飲到嘅奶茶，不過上面又有啲奶蓋，好似融合咗台灣奶茶同泰式奶茶咁斑斕咖啡就唔係太突出，飲落係有陣斑斕味嘅，但感覺上好似係普通咖啡加啲斑斕香精咁

早排同朋友人去左旺角這一家泰國餐廳環境別緻，清新脫俗，佈置好花心思，用了青青的花系來做主題，好有泰國風味🍀☘️食物味道不錯，誠意推介卜卜蜆🥣個人認為好食，蜆肉大大粒。.熱情果特飲同成餐飯好配合😌🍹.不過唯一就是餐廳服務有改善既空間，可能店內長期滿座，人手不太足夠，點餐和埋單都需要比較長時間。我.📍 青花 (旺角)旺角奶路臣街17號The Forest 1樓107-108號舖

有冇邊樣嘢每次去泰國餐廳一定會叫唔知點解我一定會叫phad thai呢度嘅泰式大蝦炒金邊粉份量真係好多上面兩隻大蝦煎得啱啱好，好彈牙但味道唔算好出色而炭燒豬頸肉燒得好香點埋個汁辣辣地都幾惹味不過我就覺得可能肉偏瘦，所以有啲太乾而小食拼盤都不過不失無乜邊樣特別出色呢度環境就有啲小清新feel同平時食泰國嘢嘅地方好唔同如果想打下卡，又食厭咗café都可以黎試下(我叫咗泰國珍珠奶茶奶蓋，感覺呢度嘢飲比嘢食更有特色同水準🤫)

本人有班港女朋友🤣 專係要搵打卡位既餐廳食限聚令下 唯有逐個逐個約出去 呢間係佢想食餐廳 今日就試試佢我到先 服務員話要齊人先入座 就算兩個人都要齊態度麻麻 好惡😩跟住入左去 明顯就有打卡位 但喱d位要預約先有星期六既關係 冇set叫散點左餐廳推介 天多尼烤雞 班蘭青咖哩烤雞 烤有d老 冇乜汁 太干身青咖哩好重 好辣 口味好過癮 但冇班蘭味🥲另點左個蒜蓉包配咖啡蒜蓉4個都烤得唔錯 好熱 好脆口蒜蓉下次可以多d另一個泰式大蝦炒金邊粉金邊粉炒到一團 唔散😅😅😅冇辣味 得花生粒 過份油行大蝦還好🙂個人覺得餐廳價錢對食物質素好唔值如果嚟影張打卡既 叫個飲品就好😌

環境係好，飲品ok，但食物完全得個樣，偏鹹，同「好味」兩個字扯唔上任何關係，單點CP值超低。另外，如果聖誕無得揀menu上其他套餐應該一早同客人講，唔係人哋想點餐時先話只可以揀 2人聖誕餐（$598）。應該係我食過最差嘅泰國菜，我建議廚房自己煮完d野食畀自己同員工試下味先。樣似濕炒河，但味道得個鹹字，唔好expect有任何「鑊氣」，一凍左仲結成一pat....因為無馬拉盞所以試左肥豆兒醬，味道似麵豉醬，一樣除左鹹就係鹹蒜蓉包味道正常，但個包厚成咁係想點，每件食完面果浸就唔想食，又乾又硬最正常嘅一碟，唔難食亦唔好食，靠點醬調味，唔值$96

真心仔，一個對餐廳講真話嘅人類。因見太多人美食當前等成十幾分鐘先用餐，錯過食物嘅最佳品嚐時間，同時又寫太多遺背良心嘅食評而怒開帳號，喺快要退出多年飲食業前，做openrice界嘅清流。入門口帶位女店員有禮貌，好快入到去坐低，所有職員言行都禮貌，上菜時都係，訓練有素。環境裝修係幾靚但係幾亂。叫左個二人餐，份量係三人份量。沙律，串燒(ok正常野)，蒜蓉包(幾大舊吓)，泰式炒通菜，金邊粉(店員落菜溫馨提示最好襯熱食,凍左粉會變成一舊) 菠蘿炒飯，青檸梳打(店員主動問要唔要少冰，好貼心)。總結食物比起九龍城d泰國菜唔夠鑊氣，一味追求整一堆打卡食物，裝修，但忽略食物味道嘅一間店。不過服務值得讚嘅。

青咖喱的汁好似漿湖，得個辣字的雞肉又冇味同鞋，食一舊已經唔想食蟹肉菠蘿花生沙律冇菠蘿……環境都係一般，靠中間舊假花頂住個場，上綱睇既相同現場完全係兩回事不過服務過算幾好

而家的疫情反反覆覆咁, 真係想出街食個飯都冇咩動力, 就算有, 都係即興約朋友食個快飯就算同朋友係旺角左行右行, 就即興選擇左食泰國野呢間餐廳之前已經食過2次同埋都幾難book位而家可能因為疫情開係小左人出街食即日打去都仲有位, 不過都係要限時90mins水準都係keep住幾好, 雖然份量就比平時D泰國餐廳小, 男仔會唔夠食勝在都坐得舒服同埋環境不錯, 最重要地點就腳