青花 (THE FOREST)

本來在旺角搵野食見到間幾多人排，於是滿心歡喜期望找到間好餐廳，點知會有個如此差的體驗。首先，餐廳食物款式不多 ，味道一般。本次用餐點了豬腩肉生菜包，辣豬肉意大利飯，小食拼盤及泰底青檸蝦，每一樣都唔突出，豬腩肉生菜包的比較像糖醋肉，太甜；這意大利飯標籤是大辣，本身跟友人都是食辣之人，抱住期待點餐，誰知辣辣連譚仔10小辣都沒有，大失所望；小食就不過不失，沒有意見，每樣餐點像只有其形而沒有其實。埋單兩個人接近$600 ，以這價錢來說 cp值偏低唯一可讚是環境寬敞，幾好坐。總結：泰。差

餐廳既裝修同整個環境都幾舒服🪴，座位相隔好闊落，員工服務態度唔錯👍🏻講返野食先，餐廳以新派東南亞菜做賣點，於是點左2個主餐同配左杯招牌泰國奶茶🧋🍽泰式船家湯脆炸花腩肉金邊粉（$68）花腩肉肥瘦均勻，四邊炸過保留少少香口，金邊粉滑，唔會煮到碎晒夾唔起👍🏻🍽招牌泰國奶茶（跟餐）（+$12）奶味較濃，偏甜，茶味再出啲就更好喇！😝🍽藍蝶花菠蘿蟹肉炒飯（$138）賣相好特別，平時食菠蘿炒飯都係用黃姜粉煮嘅黃色飯，今次佢用上蝶豆花煮飯令飯粒變成藍色🧞‍♂️蟹肉份量十足，配上菠蘿，肉鬆、腰果，口感都幾豐富，不過呢個炒飯嘅味道就比較偏甜，炒蛋同提子乾令個飯都變得甜左，如果少啲提子乾就應該會更加好喇😆😆😆

2個人叫左4樣野係好大碟同幾好味我最鍾意同驚喜係杯野飲，一定要試「龍鬚三色冰奶蓋」仲有，職員們都好叻，我一時失手比朋友見到個蛋糕合，佢地幫我手比扮哂無事仲比驚喜我朋友最後既生日甜品，係芒草糯米飯，個飯既甜唔膩，仲想追加架，仲有staff幫忙加左greeting係最正下次會再去不過會揀去中午時段因為想試下outdoor，當晚見到佢地會不定期整啲主題出黎，應該都幾好玩呢個價位，呢個地段同食物質素都算唔錯，不妨同朋友訂檯傾下計食野

負評前，先讚餐廳裝修係靚，有心思。但坐低點完餐後，waiter才拿下单紙話: 我哋呢度人均消費至少每人$120蚊，你可以點些甜品之類!天啊! 點解你唔入坐前講定？下单後才講感覺入左局!搞到要勉强去揀d本來唔想食嘅野來凑夠數!Never come back!Never come back!Never come back!重要嘢講3次! 完

突然想食泰國菜，來到旺角青花，鬧巿中的一片綠州，店內用了很多綠草裝飾，令你置身草林中，為你視覺享受帶來清新.店內都多打卡位，但留意晚巿比較多人，打卡位會未必打到！😅 主打泰式菜式！炭燒豬頸肉燒到表面有點脆脆咬落肉質算嫩咸蛋黃軟殼蟹青木瓜沙律面頭咸蛋黃醬怪怪地無左咸蛋黃醬整體算不錯泰式炒花甲泰式辣醬味道還可以不太辣花甲鮮甜咬落多汁而無沙最後甜品是芒果糯米飯我嫌椰香不夠濃郁可以再加重椰汁會更正🤤整體來講沒有太大驚喜但環境舒適

📍 青花旺角泰國菜，門口同店內有乾花，可以拍照，食物賣相幾好，但食落就。。。。我叫左一個4人餐$888再加個馬薩奶油咖哩雞$128四人餐分別有兩個餐前小菜、兩個主菜、兩個飯麵及4杯飲品。🙌🏻餐前小菜👇🏻炭燒沙嗲串燒:冇炭燒味，牛肉串幾香，豬肉串唔鞋👍🏻惹味拼盤:每樣食物有幾款，都幾多選擇😄主菜👇🏻炭燒豬頸肉:冇炭燒味，不過份量多🙈柚子蜜燒豬肋骨:肉有少許鞋，柚子蜜甜味能夠提升豬肋骨的味道，感覺很精緻😍飯麵👇🏻蝶豆花菠蘿蟹肉炒飯，份量幾足夠，不過藍色的飯好似好怪，不太理解點解炒飯會加提子乾，但用嚟炒蕃茄菠蘿係新鮮菠蘿🍍👍🏻👍🏻蟹肉娘惹喇沙蝴蝶粉😋幾惹味，但有d辣🥵，蝴蝶粉幾特別，唔係到到有👍🏻👍🏻👍🏻飲品👇🏻珍珠奶茶奶蓋+$10青檸梳打咸檸梳打蝶豆花椰子奶蓋+$10，比較特別，椰子味重，藍色的蝶豆花拎黎打卡亦是不錯🥰馬薩奶油咖哩雞:不太理解為什麼要加冬菇、芋頭，雞肉煮到過哂龍，一啲都唔好食😭評分時間❣️ (最多五顆星，如不推薦會打交叉）食物質素⭐️⭐️環境⭐️⭐️服務質素⭐️⭐️⭐️價錢💸:埋單$1190餐廳資料📋: 青花 (The Forest) (旺角)🕌地址: 旺角奶路臣街17號The Fores

人們經常會以「萬綠叢中一點紅」來形容一種在眾多事物之中與別不同的一點，引起不少人的注意👀但有一間餐廳，我覺得用「萬灰叢中一點綠」來形容它較為貼切：原因，是因為它位處旺角波鞋街的「The Forest」商場，佇立在眾多灰濛濛的高樓大廈中間🏙餐廳以綠色元素設計🌳，加上用新派東南亞菜作招徠，吸引不少食客果顧😍環境🏞餐廳的設計採用大自然主題風格：記憶中原本有幾處色彩繽紛的植物牆，配上透明的玻璃球🔮💐在高高的樓底下，令人有視覺上的享受。不過當日發覺餐廳內部份植物已更換為秋天較為常見的冷色系植物🥀色澤部份植物的形態很像冬日的極地荒涼植物，顏色也較暗淡，使人感覺鬱悶😔餐廳空間大：部份位置是金色外框座位，配以雲石枱面，予人有一種貴氣的感覺🤩食物☕️餐廳主要創作一些在傳統基礎上加入創新元素的新式東南亞菜，款式和配搭之新穎，口感和味道之特色，均令人耳目一新：1. 香辣菠蘿梳打🌶🍍🍹（$38）🔸罕見的泰式特飲：梳打主要為菠蘿味，當中滲出少少辣椒味，在喉嚨燒灼嘅感覺，但感覺又不會太辛辣🥵這款特飲是我每逢來到餐廳用膳必點的飲品😋2. 啖啖蟹肉芒果沙律🥭🦀🥗（$108）🔸芒果粒份量足，配以適量已拆的蟹肉，味道毫無遺

BOOK唔到黃金時間試下WALK IN啦都等左陣呀點左二人餐~大蝦冬陰功裡面有隻好大既蝦呀好似大頭蝦咁覺得湯偏酸左DD如果可以無咁酸又辣番DD就GOOD喇~蟹肉波蘿炒飯呢個幾特別既旁邊有烤過既波羅波羅可能烤過幾甜呀炒飯味道都幾好連我呢個唔好既都食得滋味呀~奶油咖哩雞咖哩都幾香用黎點薄餅一流呀少少辣味唔算好辣雞肉唔鞋裡面仲有茄子......秋葵....蓮偶架~仲散叫左個蟹肉沙律因為想食D蔬菜黎到都見到好多蟹肉沙律汁似係柚子汁酸酸地幾FRESH又開胃呀

晚上收工想係旺角搵間坐得舒服，環境又靚的泰國餐廳,上openrice見到人介紹好似比較吸收，所以同朋友去試下，因為都晚上9點時間，餐廳收10點,時間比較趕,我都怕唔夠時間食，好彩上食物時間真係好快，最重要水準唔差,食物很精緻，第一貼上係豬頸肉,味道非常好味,好香口,而且份量都好多,食落有點爽口，正正。第二碟就係芒果沙律，d汁酸酸味味都幾開胃，而芒果都幾甜，而第3碟係串燒，係2串牛肉同2串豬肉，味道ok,服務員都好有禮貌，下次會再來食過

已經一星期去了兩次，又準備第三次，首先職員的殷勤態度，係我主要有翻手的原因，第一次，因有些咳，起初侍應倒了杯凍水，我之後想要熱水，侍應首先沒黑面，仲問我要熱定暖，(嘩熱暖都有得揀，人生第一次），點了杯暖水，朋友要凍，翻加時，個侍應竟然記得，一杯凍，一杯暖，頂，有冇咁好記性，倒完仲加句小心熱。第二次，我去點了蝦意粉，個侍應介紹蝦意甜甜酸酸，很開胃的。最後加個和煦笑容，雖然戴口罩，但到feel到。cafe價錢，酒店服務，今個星期應該去第三次

見到網上介紹話呢間餐廳環境好靚、野食精緻就被吸引咗去試下🤤一入到去，的確冇令人失望！成間餐廳主要以金、白、啡色為主調，再用綠色植物作點綴，真係好有泰國嘅感覺🌴🌴同兩位朋友去食，叫咗2人套餐再加咗個手抓餅。另外再加咗兩杯特飲，總數大約$550 左右～荔枝菠蘿紅咖喱大蝦💥🦐好足料嘅一道菜，有五六隻大蝦之餘，仲真係有大大粒嘅荔枝同菠蘿，仲有秋葵茄子等嘅配菜喺入面。荔枝意外地同咖喱仲有大蝦好夾，可以襯托出大蝦嘅鮮味🤩不過就咁食呢道菜會太重味，最好就自己額外叫碗飯或者配手抓餅食，咁味道就岩岩好喇藍蝶花菠蘿蟹肉炒飯🦀呢道菜係喺成個餐入面最中意嘅！炒飯配燒菠蘿、蟹肉、肉鬆真係冇得輸！味道亦唔會太濃，可以清楚食到每一樣配料嘅味道👍🏻賣相亦都好靚好吸引蝶豆花椰子奶蓋🥥🦋呢杯飲品係網上個個都話必試嘅招牌！的確椰子奶蓋好香！亦唔會太甜！真係啱晒鍾意椰子嘅朋友們！😍😍熱情果梳打係啱晒夏天飲嘅清新特飲，不過個人覺得冇乜特色，一般般嘅熱帶果汁嘅味道，但飲落的確好清涼，賣相亦吸引。⭐️⭐️總括嚟講係食物有心思，值得去打卡嘅餐廳。不過就係個人覺得呢個價錢嚟講食物嘅份量偏少，不過食一次兩次都係可以接受，用餐過程亦都係享受嘅

餐廳裝修幾靚，有啲乾花喺天花板上，不過座位偏逼，同隔離枱好近😅果次週末中午去食飯，唔使排隊😆【藍蝶花菠蘿蟹肉炒飯】$138～Crab meat & pineapple butterfly pea fried rice碟豆花炒飯應該係打卡作用，炒飯係正常味道只不過變咗藍色😂不過個炒飯就比較濕😌蟹肉份量比想像中多，仲有腰果，肉鬆同燒菠蘿，可以撈埋一齊食，整體甜甜酸酸，好開胃🤤【冬蔭煙肉蛋黃芝士蝴蝶粉】$128～Tom Yum Kung farfalle with bacon & cheese冬陰功味冇話好濃郁，但就唔係好辣，適合唔食得辣嘅朋友😋中間有個蛋黃可以撈埋一齊食，整體creamy得來又唔膩😝

當晚我book左18:30 用餐時間1.5hrs枱與枱之間距離都算近不過裝修充滿青綠植物&花花🌿🍀🌸🌼為狹窄既環境增添了一份小清新同空間感好切合商場👉🏻Forest呢個theme用餐當日因為每月一次既不適盡量❌太辣❌凍飲.😋 柚子香橙蝦沙律 🐘 清新開胃之選🥗食完咸野再食完全可以refresh味蕾😛😋 泰式大蝦金邊粉 🐘 金邊粉炒得太濕 夾起個時會痴埋一齊 有少少失色!!😋 惹味拼盆(小) 🐘 拼盆有菠蘿雞翼 豬頸肉 青檸雞搥 炸雞卷 魚餅份量都幾適合2-3人share 調味都唔錯 而且綠色醬汁酸酸辣辣 nice👍🏻😋 油酥手抓薄餅 🐘 熱辣辣 係熱到拎唔到上手個種熱😂雖然無叫咖哩🥘點醬食不過食得出本身薄餅咸香既味道😋 芒果糯米飯 /🐘 加左蝶豆花既糯米飯 加埋脆脆既椰子片同椰漿 值得一試 加埋寫左Happy Birthday 成件事好似好有氣勢😂到20:00都幾多人等位想傾住計慢慢食就會食得比較趕店員亦不停有幫我們加水以新派泰菜黎講算係一個唔錯既選擇😉

今天天氣很熱，想食酸酸辣辣的菜式，可增加食慾，選了旺角這間新式泰國菜，好多人排隊，等了一段時間后入座，選了多人推介的食物，包括藍碟花菠蘿炒飯、冬蔭公雞翼（炸物）、沙爹豬肉牛肉串燒、牛肉生菜包和兩杯特飲。普遍水準很好很好味，雞翼非常辣，食了一件就不能继續，炒飯佈置靚，味道也可以，儘管食物質素不錯，但最吸引的還是飲品，好看之餘，還是冰凉青爽好飲。最後，地方環境非常方便，坐位算舒適，冷氣也夠凍，上餐也很快，服務員服務態度友善。整體以言，值得一試。

一去到見到長長嘅人龍 好彩有book定位 職員好快就安排入坐 餐廳氣氛帶休閒感覺 好多花草裝飾 當日天氣好熱 我地每日即刻叫左飲品熱情果梳打 酸酸甜甜好多果肉蝶豆花青檸茶 好清新蝶豆花椰子奶蓋 打卡一流蟹肉菠蘿花生沙律好清新 味道普通 多啲醬汁會更好大蝦冬蔭公我地叫小份但都好大碗 夠哂三個女仔份量 酸味較重 好開胃荔枝龍眼牛肉紅咖喱只要有荔枝嘅咖哩都必家會試 呢個完全冇令我地失望 荔枝嘅微微嘅酸甜輕輕中和咖喱嘅辣薄餅 香草蒜蓉包 好脆 配咖喱真係好正係今餐最好味嘅 當我地仲瘋狂影相之際 有工作人員話份蒜蓉包整得唔好 幫我哋換過新一份 雖然我哋完全得唔出有問題 但呢個舉動令我地對呢間餐廳加分