雷橋燒肉日本料理 (已結業)

在yahoo團購上睇到個價錢唔高既放題,於是買了14張和家人一齊去食.首先去既時候,間鋪都幾難揾既,幾經波折揾到既時候,又得一部升降機,而且只可以4個定6個人,足足等左15分鐘先上齊去,而走既時候仲誇張,因為佢分曬時段,所以走都一齊,全店幾十人一齊走,得1部升降機,仲有樓上d人,情況可想而知,大大話話等左二十幾分鐘先全家落齊樓下等.再講正題,食物味道好一般,款色又少,野飲送得一杯,完全貨不對板經常漏單既情況不在話下,連最後送既雪糕,得1球之餘,仲要得綠茶味,最誇張系舊雪糕硬到舊石頭甘,要等佢5分鐘,先開始食到,而且d服務員質素好低,同佢講完野後粒聲唔出直接行開,最後我屋企老幼都話唔好再黎呢度食,而我公公更翻到屋企即刻自己煮面食,真系咪話唔誇張.所以話,真係貼錢攞難受, 本人食過最差既放題, 絕對不可一不可再.

見openrice有唔小好評 又有得團購 價錢合理 所以就同男朋友去試下野係幾好食 但服務真係差爆燒肉黎講呢間都算多野食 而且野食質素都算高 野食黎得好快！我地食5點半到8點個場 可能早 所以都無咩人 好鬆動環境都好ok野食之中刺身好新鮮 燒蠔好脆好正 沖繩菠蘿好甜 肉類都好令唔太肥 羊肉都唔會太「蘇」每人加25蚊就有得任飲紅酒！最正係一人有一杯Haagen-Dazs雪糕送😍本身都想俾好評佢 但個度既服務真係令我地好嬲好嬲我地個場寫明係5點半到8點 咁正常我地係8點鐘會離場啦 去到大約6點9既時候 有位staff黎同我地講話last order 咁我地心諗:咁早？！ 但就無理佢繼續叫野食啦 去到大約7點既時候就叫我地埋單 然後話我地仲有半個鐘 我地都「r」晒頭 明明我地到8點架wo！我地見佢只係講一講 就以後佢無睇清楚 繼續食 講真 到呢度我地都未嬲 最嬲係 一到7點半 幾個staff即刻一齊走過黎 夾手夾腳執走晒我地d食物 有碟係我地食都未食過個下真係好嬲 有d早過我地入黎既都未走 點解可以咁樣趕我地走？！後尾先知原來我地張枱7點半俾人bk左 我地未走就已經放7點半個場個d人入黎！如

前一排購左團購的日式燒肉放題, 見佢平平地就走左去食。去之前有BOOK定, 因為驚無位, 一去到就發現full booking, 好彩有book。我諗大部分都係因為團購。因為爆場既關係所以都幾嘈 我朋友講野有時都聽唔到。叫野食方面唔知係咪因為人多所以都比較慢。食物方面, 牛肉都算唔錯, 好多唔同既部位都有供應, 而且都幾入味, 如果要推薦就牛肋肉和牛胸腹啦, 幾易入口, 肉質唔錯。另外想講下個沙律, 對於放題既沙律黎講我都覺得唔錯, 因為D帶子粒都幾多下, 用黎食肉前清一清個口一流。海鮮方面選擇都有好多, 唔食牛既朋友仔都可以食海鮮, 螺, 蝦, 帆立貝, 青口, 帶子, 魷魚, 蜆等等都頗為新鮮, 但有D腥腥地。整體黎講如果以團購價黎講係抵食同滿意既, 但如果用正價既話就未必會選擇尼度LU~ 

因之前食日式燒烤,價錢好貴,不能盡興. 見到有團購日式燒烤,價錢OK, 但比較遠, 但係又想再回味,就試試呢度黑毛和牛-牛舌根肉(黑椒, 七味),上肩胛肉,上腿內肩,一口牛,牛肋肉 質素不錯, 尤其一口牛同牛舌, 好有牛味, 其他牛也好咁香, 不會好多油,好肥個種黑毛豚肉-五花肉,裡肌肉,豚頸肉,一口腸, 五花肉好香脆, 豚頸肉肉質都好爽口, 尤其一口腸,有成3種,食落似台灣腸,好有油香雞中翼,雞腿肉,雞胸肉,雞肉腸- 雞翼切開一半,好易熟,皮好香. 其他雞肉都唔會鞋,好入味海鮮煩-凡立貝,多春魚,魷魚鬚.墨魚咀,小墨魚, 除魷魚鬚不錯,好粗好好味,其他一般野菜-栗米,洋蔥,南瓜,長蔥,腿菇,茄子 - 不錯, 南瓜同粟米好甜好好味, 洋蔥同長蔥幾特別.寿司-三文魚,帶子,八爪魚 - 真的好一般,可以不吃蕃茄沙律,雷橋沙律 - 菜好新鮮,加咗棷欖油(太多,如減少些更好) 仲要有幾粒帶子係入面  . 包飲品一柸 

這日的中午，同上司二人準備放輕鬆地午餐。上司心情不佳，想起了食日式烤肉。而就近公司，方便又比較抵食，我想起了《雷橋》。出公司門口前，其實是仍未正式決定的，我們只是先過來看看，好就上去，不好就走。當我們行到《雷橋》的樓下，有一名派傳單的小子，努力地介紹這兒有什麼優惠，價錢怎樣計及最後他再加加一句，由他帶路可以再免50元。我們本來已經是打算上來的，見他非常之落力，而且他亦是一名智障人士，我們的確是被他的努力同熱情感動了。我們點下了剌身放題同烤肉放題二合一。先說一說魚生，我們是感覺到新鮮的，不過，其冰鮮的味道更重。是不是將貨就價就不知了，總之這一些在普通放題店出現的刺身，絕對不是上等的魚肉。不過，整體上整潔衛生，已經是非常好。有牛有豬肉的，而且大部份都是以薄切的形式出現在大家眼前，不同味道的牛肉，豬肉同雞肉，肉味都是不錯了，加了七味粉，也令到某些肉類燒起來份外的香口，牛肉的味道濃，而豬肉同雞肉的味道，一點也不差，只不過我們覺得，這兒提供的，都是以本地肉類為主。烤呀烤，肉味的香，的確是非常之吸引，不過，吃多了，感覺有一點熱氣，也感覺有點點的油膩。食物在經過這樣的烤煎之後，味道特別的香濃，不加豉

見同事食過呢間野有唔錯既評價，而且又係偶然間見到網上有團購既優惠，到即管試一試呢間既燒肉放題！           其實間食店位於一棟商業大廈入面，所以下面要先輸入密碼才可進入大廈，比較不方便。食店的門面裝横不錯，的確很有日本風格，不過店舖不大，而且所座位亦相對小，枱上可放食物數量亦相對較少，不過可選食物種類較多，而家團購優惠會送每位一隻大蝦及汽水，大蝦的size比本人手掌還要大，而且啖啖肉，實在令人感到非常滿足。          不過其他肉類的味道均是普通貨色，沒有甚麼大驚喜；菠蘿比較清甜，最適合於食烤肉時一同食用以消除油膩感。          因為價錢平而且又有汽水、雪糕付送，所以感覺都較化算，最後仲有haagen dazs雪糕食，所以真係唔錯，團購價絶對抵食！

我很怕團購，因為我有過一些很差很差的經驗。看到很多朋友還是很雀躍的團購總會令我不明所以。一天，公司同事在某一團購的網站見到這間有好似幾抵的團購餐，二話不說就組團來吃了，其實我本身有太有興趣。因為從網友食家口中得知這是專做團購的餐廳，想起上次有馬的經驗，都是沒有太大的信心，不過既然一班同事興高采烈來吃，就試下吧。來到這所大廈，你奇怪這裡只有一間餐廳，怪不得要團購，如果唔係特登來，你想不這裡竟有這樣特別的餐廳，因為全座都是商廈。入到餐廳，一如其他的燒烤餐廳一樣，煙霧彌漫，而且裝修很簡陋，以黑色為主，每枱客也努力埋首在煮烤肉。地方也還可以接受的，如果這個價錢來說環境還算可以的。有幾種的東西可以吃的，有刺身，燒肉，有日式小吃，飲品更有紅酒，睇排場好似幾好，以下睇睇其每樣的質素如何。剌身方面，說真當然不是頂級那種，它的質素只能說是普通任食的質素。最好吃的應該是希靈魚，其肉質鮮美，切得較大份。帶子也還可以，只不過細粒了一點。但三文魚卻很差，最便宜的卻反而質素最低，而且卻份量亦出奇地寒酸。每個人也會送一隻大蝦或鮑魚，可能我們較為遲來的感係，我們沒法選擇只能吃蝦了，但大蝦的確很新鮮，應該是越南的虎蝦，

這裡辦過好幾次團購，但每次都錯過了這次一見到這個午市放題 ﹝$88/1個人，另收$22加一服務費﹞就立刻入手了選擇不算很多，只有這3張用這種燒肉，會很容易烤焦服務生也不會主動更換，不過要求的話也是會換的沙律不吃也罷，味道超怪異送的刺身，夠冰凍也新鮮三文魚壽司夠肥美，卷物也不錯魚生的部份是不錯的，可惜配的豉油呢 ?!就有點怪怪(好像變壞了)，味道也過鹹，跟服務生反映過，2位也聞到怪怪的但卻一再堅持味道是正常，開店到現在都是這個味道最後把我們的豉油再拿到廚房討論眾人一致覺得味道有異，收起了豉油一開始還質疑客人，到最後自打嘴巴，但卻沒有人跟我們道歉... 氣這樣的待客是對的嗎？！意外的是，連海鮮都有提供魷魚鬚、聖子 跟 帆立貝是必點的喔而另外的，芝麻八爪魚是一整顆的耶，吃起來很爽螺肉都不錯，醬汁豐富肉類方面，選擇不多肉質是OK的，可惜調味方面就很弱只是簡單的把調味料灑在上面附的雪糕可以吃得到裡面一顆顆的焦糖 (據說是Hagen-Dazs的出品，還不賴)相信晚市會更抵吃，選擇也更多不過我還是比較喜歡台灣的烤肉，比較讚啦～

之前六月時雷橋出團購同朋友食左一次，感覺ok，近期又見佢出團購就決定同男友去食番次 (lunch時段)..食物: 食物會依種類分碟，如牛的一碟...豬的另一碟，可是食來食去都食唔出唔同部位有咩唔同的味道，因此食物不會特別到叫人念念不忘果種，但肉的size都ok la......上次光顧，每人還送3片刺身，今次已沒有了，但你可以叫壽司(我們沒叫，故不會評價)。海鮮方面，沒蟶子又唔出聲，上次都已經係咁飲品同上次一樣，每人只包一杯cold drink/ 汽水...唔夠就飲水! 雪糕送hagendez 細細的一球，今次的比數個月前的細左囉 服務: 一去到交左張coupon，服務員就帶位並很快速講左一講點用d  order 紙，之後便走開了............我很快的tick左我要的食物，但等左都差不多5分鐘，才有頭一兩碟送來...再過幾分鐘..才送上餘下的一兩碟。 基本上服務員除左上菜同收order 紙/ 吉碟，佢地已經唔洗點serve你，但神奇既係: 佢地 收吉碟奇快見有服務員主動幫隔離台換烤爐面，但冇人幫我地換囉係就幫晒所有客人換喇嘛臨走前叫埋單但等左勁耐都冇人來收小費，要我地再嗌一次

未食過咁差嘅放題, 價錢都唔平,團購都要$138一位,去到仲要每位俾$35,嘢飲得一杯,D刺身差到冇得再差,團購寫有帶子刺身,去到冇,Wasabi唔問都唔俾, D肉全部都同一隻味,仲要好多味精,塊羊架薄到比肥牛厚少少,叫吉到炸蠔,黎左炸薯條,有D野冇又唔出聲,例如蟶子同北寄貝刺身。

1. 團購描述有 70 多款美食, 但只有圖一中的可點2. 所點的食物有限,並非紙上有的都有,點了後,但到來的食物數量跟點的是不符的3. 點了一客八爪魚後,之後再點,侍應回覆暫時沒有,很懷疑是否只限點一客,可能這是全場最好吃的,最低的!!4. Häagen-Dazs 雪糕是抹荼味,不但難吃(同行的朋友說一定不是Häagen-Dazs 雪糕),我個碟不知為何上面有一層冰,我朋友個碟好明顯是溶了,再俾人放進雪櫃再拿出(可見圖)5. 魚生飯是給你一團飯,配魚生"碎粒",比一件壽司上的魚生還少6. 2人同行並沒有送三色刺身拼盤7. 食物味道尚可,只有芝麻八爪魚和螺肉比較好吃8. 服務態度還可,如不是開到聲問,侍應不會理會,現場人流不多 

頭盤個三文魚、八爪魚同蝦既刺身一般燒豬肉雞肉正燒牛肉正燒紫心番薯同粟米OK，但洋蔥就唔掂玉子壽司正最後果個綠茶雪糕唯一美中不足既就係冇炸物食

之前放題都食吾少，但燒肉放題就真係第一次去食！同朋友3個人去食， 雖然食飯時間都幾多人下，但都吾使等好耐， 坐定雖然係有D油煙，但係勝在比一般放題餐廳闊落D，呢樣就吾錯。睇到個點菜子都笑左， 好似填緊六合彩咁，好搞笑XD。 但可惜得4格，要寫多幾張。叫左D大路魚生個D， 都幾好，三文魚同吞拿都幾靚。主角到，見到真係覺得好正， 牛肉吾會係個隻白到好吾知點，相反，鮮紅有D雪花，燒完都吾會好DRY，吾錯！最後仲要有個Haagen Dazs 雪糕點綴， 真係比起雀巢個D，實在無得彈。

早前經團購買左$88嘅午市燒肉加壽司。一早已訂枱，所以去到就即入坐開始野食。可能係平日嘅關係，入座人數好少，只有約1／5滿。主力係燒肉同壽司，所以一坐底就剔紙，壽司選擇唔多，都係大路唧三文魚，八爪魚，甜蝦咁，所先都每款剔兩件試試；而燒肉方面，係和牛，豚肉，海鮮，蔬菜咁，都係樣樣剔少少咁...先送黎一碟送嘅刺身，唉！真係好失望羅，三文魚無黎味道，暖暖咁；魷魚無鮮味，而甜蝦都係無味...心知不妙嘅情況下黎左壽司，情況真係唔知點形容，每件都係唔新鮮，乾乾地...真係有種好辛苦先食曬嘅情況。而最普通嘅卷物，連百佳惠康都好食過佢燒肉方面，和牛就麻麻，肩脊肉，乜乜肉，每種都好韌；反而豚肉比下就係最正常了海鮮就試凡立貝同聖子，但聖子無貸，只食到凡立貝，但好腥，所以無再試其他...服務方面，平日要加$25服務費，待應就真係目口目面，係大廈門口比個食煙嘅哥仔叫停左，有點似知客比張單張，叫我地坐左邊部𨋢...講真就真係有點嚇親羅，客唔多，但無乜人認我地，叫加水都叫左好耐，企一邊傾計，我揮極手都似睇唔到咁...總括而然，相真係無心機映，$113（88+25）用黎食這質數就唔太值，令我怕怕再去。

話說琴日朝早同細佬出去銅鑼灣整啲野, 辛苦左成朝想請佢食返啲好野黎報答佢, 所以決定帶佢去食放題( lunch都食放題真係幾豪氣哈哈)因為我上次食過呢間覺得幾好, 所以我帶佢黎呢度食午市放題原來午市放題既食物同夜晚冇咩分別, 而且仲更加平啲添! 我地首先叫左d啲炸物同燒肉暖下個肚食, 始終唔想晨咁早就食生冷野咁燒肉照常keep到平時既水準, 唔錯!反而我對啲小食驚喜大啲!個炸蠔幾好食, 炸粉唔厚, 蠔唔腥至於其他炸物無咩特別, 係個炸蠔正之後又食左個冷面仔, 不過不失啦!午市放題只係百零蚊位, 而且啲野食質素同夜晚一樣, 燒肉依舊出色我細佬都幾滿意!我見佢食得開心我都比得($)開心哈哈