雲貴川風味 (已結業)

希望店家可以改善下, 這碗米線是我食過最差的一碗, 魚腐非常不新鮮, 好似放左好耐一樣, 完全冇魚肉味, 豬肚非常不新鮮, 真的很難吃, 店家要好好改善自己的出品, 才會有回頭客, 中午只有兩個人食, 在上環這個商業區, 中午到處都等位, 已經說明很差, 餐台也dirty,又沒冷氣風扇, 食了3分1都沒有就走了⋯

自從開心素食執左，去親中環返工就唔知食咩好....今次男友推介一間抵食米線十二點半去到，無咩人，都幾靜。啲枱擺得吾密，所以都幾舒服！叫左一個健康魚腐上海麵(小小辣)同一個豬頸肉米線(清湯)，之後交換食，變左雙餸! 每人仲有一杯豆漿。等左差唔多十五分鐘先有得食。份量都幾大，正常食量一定夠飽，一般女仔應該食唔哂，我認我係比一般女仔大食哈哈。 上海麵略淋左少少，唔太辣。魚腐同譚仔魚米家好大分別，裡面充滿魚蓉，好唔好食就見仁見智，我覺得幾特別. 米線男友話煮得岩岩好，豬頸肉就比一般厚，少啲肥肉，比較似豬肉條，但味道ok嘅。係中環三十蚊米線加野飲，算係甘啦，抵！

今天lunch好想食酸辣米線,所以叫左個雲吞,餐肉小辣小鍋米線.我去拎外賣,見到1.00個埸竟然冇乜人,我諗可能樓上鋪,做外賣多la.佢可以分湯,都算細心,但拎到返公司食,一打開蓋,出事la.1.點解個湯,好似滾水加酸辣菜,你只能睇到係一個清湯飄著一點紅油花.冇肉碎,失望!2.午餐肉係罐頭lai ga,都出事,佢係厚身大塊,冇乜點煎過,但有好似燶味,總之聞唔到餐肉味!令到個湯d味差上加差!!!d雲吞ok,係冬菇豬肉,不過都挽救到呢碗米線.一個lunch除左個雲吞食得,其他都丟得.唔知佢個雲貴川係邊個鄉下,可以煮成咁,中環lunch hour已經係乜都超多人排隊,呢個仲有位坐,有原因o既...

哩日大年初四上班, 冇乜食肆開, 所以今日諗住上黎雲貴川食"早餐", 想食d 類似常餐咁多野既set1:10 上到去坐低. 全場坐唔滿.但野食1:55 先黎到, 有d 人等唔切都走左.早餐要左個豬扒麵+奶茶+多士. 奶茶1:40 先送過黎orz麵到左我面前, 豬扒又薄, 質感好硬, 好似雪左唔知幾耐/ 翻炸再翻炸. 好唔掂成個湯都係味精湯. 食到一半真係粗口橫飛, 冇再食落去.個長髮美女話冇多士. 但個餐包埋架喎, 問佢咁點, 之後佢行開左就算.我同另一個同事都叫左早餐, 到最後只係黎左一件"多士", 我同同事就每人半件而件多士就係上圖咁... 唔係多士, 係包囉. 都冇烘過. 睇下d 牛油... 好冇誠意咁hi 兩野就算.牛油係植物牛油, 所以唔夠香. 而且佢d 牛油仲係一pat pat 唔溶.你都唔係忙嗻... 全場都唔係多人, 點解可以慢到咁, 做到咁死樣仲好意思話多士係送完即止, 我想話周圍一間衰過你既茶餐廳都唔會講d 咁既野...哩個咁既態度, 咁既速度, 咁既質素, 比d 餿客人食, 收人$22, 你話值唔值

是日lunch 食米線上到去有位, 一眼望晒, 可能上樓既關係, 所以冇乜人我一向對雲貴川既感覺都係麻麻地. 之前食過荃灣o個間一次, d 酸菜酸都好似d 縮左既隔夜餸味咁, 諗起都怕怕今次叫左個魚皮餃豬膶米線走酸菜. 送埋豆漿 $24, 上環黎講算係咁豆漿似乎味道假左d 同過甜了. 算啦, 佢送得既都係用豆漿粉開架啦碗麵, 一夾起, 有大半碗係牙菜韭菜黎... 仲多過d 米線...個湯甜甜地, 唔錯米線太林, 唔彈牙, 好粉既感覺. 唔掂魚皮餃好味, 個皮煙煙韌韌仲有大朕魚味! 可惜只有兩粒, 太少了豬膶夠爽又大片又多, 正!就d 米線黎講, 同荃灣o個間分別太大了. 究竟係咪同一個人開架

在中環「搵」食真是很難! 金融海嘯後在中環找工作已經很難，在面對打工仔被減薪，但中環各食店的價格不減反加的環境下「搵」食更難!我最愛的蘭芳園，在這一年內也先後加價兩次!我這個鄉下佬來到中環打工，一向節儉的我都會選擇自備午餐或到快餐店用那些特優券購買外賣，故出外吃飯時也會選擇一些在中上環區，機利文新街附近的一些食店，只因價錢比較相宜。反正在短短的個多小時內，享受的時間不多，只求簡簡單單價錢相宜，雲貴川更合我心意。我第一次寫中環食店的食評，就是因為它便宜。第一次來雲貴川，是兩年前由一位比我更節儉的同事帶路，要是給了你地址地圖，第一次來這店你也未必找得到。我在認路方面較有天份，像信鴿一樣到過的地方便記下來。我也曾到過歐洲很多名勝，再去時已不用看地圖，帶着親戚朋友去觀光像變了「人肉導航」。如要認着這店的路，就是在永吉街的中段，在那檔賣檸檬很出名“檸檬王”後面的大廈。要是連永吉街也找不到，我也幫不了你！近年吃米線在香港慢慢興起來，什麼越南米線、台灣米線等，近年就以雲南米線作招徠的店開得最多，如雨後春筍的又像7-11的「梗有一間喺咗近」。在中環吃米線的店比較少，有的都只是大集團的分店，始終小本經營

睇完忽周介紹黎食....lunch時間都唔算多人...$21一個小鍋米線附一餸, 揀左墨丸, 有4粒, 仲有杯凍豆漿, 真係好抵!不過碗野就麻麻地...無特色, 似食車仔面多d....夠辣唔夠酸...湯底勁溥弱, 無乜味...為左平, 可以再黎.因為呢區d lunch真係好貴!

四月九日(星期四)太美好了,終於都到了星期四,今個星期比較開心,因為有四天假期!今日中午,我提議到上次路過見到招牌的雲貴川!真是沒有地址都找不到!我們行了一趟永吉街都找不到,原來在樓上的!去到比我想像中多人!可能因為價錢便宜吧!$21小鍋米線有豆漿送!而且包一餸!我要了一個小辣的,要雲吞和豆卜!老公仔要了豬腸,魚皮餃和牛丸轉薯粉都是小辣!之前吃過其他米線小辣都可以....誰知今次出事了!因為第一次來!不知道他們的是麻辣!可怕!我吃第一口都心知不妙了!問老公覺不覺得辣(因為他比我不吃得辣),但是他當時說不覺得太辣!可以接受!味道是不錯,不過太辣了,是麻到無知覺!>.<雲吞有三粒!都好吃!而且有很多芽菜!老公仔的薯粉好吃,感覺似大記的攦粉!算彈牙!豆漿都過得去可能太辣的關係,我肚子受不了....下次要試的都一定一定要走辣,或者像對面的女士,辣湯另上

隔左兩個星期, 又來幫襯雲貴川今次我又係無食米線, 叫了一個常餐雞扒火腿出前一丁, 牛油多士, 豆漿牛油多士先來, 好食 (都幾難唔好食)雞扒火腿一丁雞扒勁多醃肉粉, 好難食火腿, 正常, 但份量超少, 等於平時早餐一片火腿的一半, 唔使甘慳皮係嘛麵, 有點十幾年前坐大船入大嶼山上食滾水沖福麵的風味, 個麵係未淥"林"就奉客的但我老婆要了個 魚腐酸辣米線 ($26), 個魚腐都係好食的好在就係差不多兩點ORDER, 店主都當成係下午茶餐, 送了兩隻雞翼點解仲要上來, 因為去搵朋友, 但個朋友甘岩又係度食緊米線囉如果俾我自己揀的話, 下次咪搞

星期六出了中環, 朋友特意帶我來呢度食米線但我甘岩不想食米線, 就轉為叫了豬扒擔擔麵, 點知出事麵底又幼又碎, 湯底唔香, 豬扒用鬆肉粉醃過的, 無肉味我都知係自己問題啦, 係米線店舖食擔擔麵但你改得個名有"川"字, 就應該整好少少啦結果, 成碗麵我只食了一半就放棄了(因為相片出現問題, 所以就不提供了)朋友的米線亦不見得有幾好成碗米線的"送"都是好咸的, 就算向侍應反應, 亦只食"呵"左一聲無換過一碗的打算不過, 下午茶時後, 任何米線/麵 都有兩隻雞翼送但只係微暖, 味道都唔覺有什麼吸引比起譚仔記的出品, 差太遠了希望只係今次唔好彩啦下次再係甘樣的出品, 就唔會再返轉頭了

第一 次試... 感覺非常一般先說湯底。我叫了小辣，上桌時看到面層一片油。喝下去，真的，只有油，沒有香氣，亦不夠濃... 以一碗雲南米線來說，非常失禮。豬潤ok，炸醬普通。送贈的豆漿，沒豆香，沒甚麼味道，亦是敗筆。雖然是送的，但也應該放點心機，做好基本功吧? 如果成本高，那就乾脆不要送，叫大家加個三，四塊錢，好喝的華我相信大家甘願去付。想不到有甚麼原因再來...

好耐冇食佢呢間, 是原早前佢地個湯底轉左, 好難食, 佢地話用開個d辣椒斷貨,但實在好想再食, 博下喇.豬潤, 雞肉, 午餐肉, 通菜同腐竹勁辣米線 + 豆漿 打開第一時間試下個湯先...正!! 夠辣、香、痳. 個湯好左冇乜油.食完後連頭、頸都出汗. 完全滿足晒

I order from this place almost whenever I eat in the office. Usually cannot be bothered to pick 料，so i usually order their 大大桶，or seafood bucket. Have to say the food is great (tasty and not much oil, maybe just a little bit of MSG), serving's very big (usually noodle is separate from soup, but both fill up the entire big bowls and I definitely have trouble finishing it). The seafood one has fish balls (棱鱼球, and white ones too), turnip, crab sticks, shrimps, seaweed, pickled vegetables, 芽菜 and m

自選兩餸米線 (附凍豆漿)是次要求辣湯用一小碗另上，覺得有點像沒椰奶的泰式冬蔭功湯但味道不酸，十分惹味豬腸 – 未腍，有點失望沙嗲牛肉 – 吃不出沙嗲味，牛肉仍算滑上海(幼)拉麵 – 過腍仍舊有大量韭菜、芽菜、酸菜

自選一餸米線+兩隻雞翼(附凍豆漿)碗的份量很大要了豬皮 – 無味，但塊數算不少雞翼選了香草味 – 濃郁的香草味，還熱騰騰的，肉質也不會過熟，不錯米線 – 一般酸湯底 – 味道不俗，如沒指明辣程度則會給不辣．當天有其他顧客要求辣湯用一小碗另上，店方亦很樂意安排大量韭菜、芽菜、酸菜