影片
港鐵上環站 E1 出口, 步行約3分鐘
繼續閱讀
開飯介紹
主攻雲南米線，其勁辣湯底由其出色。
繼續閱讀
營業時間
星期一至六
09:00 - 19:30
星期日
12:00 - 19:30
以上資料只供參考, 請與餐廳確認詳情
招牌菜
希望店家可以改善下, 這碗米線是我食過最差的一碗, 魚腐非常不新鮮, 好似放左好耐一樣, 完全冇魚肉味, 豬肚非常不新鮮, 真的很難吃, 店家要好好改善自己的出品, 才會有回頭客, 中午只有兩個人食, 在上環這個商業區, 中午到處都等位, 已經說明很差, 餐台也dirty,又沒冷氣風扇, 食了3分1都沒有就走了⋯
繼續閱讀
自從開心素食執左，去親中環返工就唔知食咩好....今次男友推介一間抵食米線十二點半去到，無咩人，都幾靜。啲枱擺得吾密，所以都幾舒服！叫左一個健康魚腐上海麵(小小辣)同一個豬頸肉米線(清湯)，之後交換食，變左雙餸! 每人仲有一杯豆漿。等左差唔多十五分鐘先有得食。份量都幾大，正常食量一定夠飽，一般女仔應該食唔哂，我認我係比一般女仔大食哈哈。 上海麵略淋左少少，唔太辣。魚腐同譚仔魚米家好大分別，裡面充滿魚蓉，好唔好食就見仁見智，我覺得幾特別. 米線男友話煮得岩岩好，豬頸肉就比一般厚，少啲肥肉，比較似豬肉條，但味道ok嘅。係中環三十蚊米線加野飲，算係甘啦，抵！
繼續閱讀
今天lunch好想食酸辣米線,所以叫左個雲吞,餐肉小辣小鍋米線.我去拎外賣,見到1.00個埸竟然冇乜人,我諗可能樓上鋪,做外賣多la.佢可以分湯,都算細心,但拎到返公司食,一打開蓋,出事la.1.點解個湯,好似滾水加酸辣菜,你只能睇到係一個清湯飄著一點紅油花.冇肉碎,失望!2.午餐肉係罐頭lai ga,都出事,佢係厚身大塊,冇乜點煎過,但有好似燶味,總之聞唔到餐肉味!令到個湯d味差上加差!!!d雲吞ok,係冬菇豬肉,不過都挽救到呢碗米線.一個lunch除左個雲吞食得,其他都丟得.唔知佢個雲貴川係邊個鄉下,可以煮成咁,中環lunch hour已經係乜都超多人排隊,呢個仲有位坐,有原因o既...
繼續閱讀
哩日大年初四上班, 冇乜食肆開, 所以今日諗住上黎雲貴川食"早餐", 想食d 類似常餐咁多野既set1:10 上到去坐低. 全場坐唔滿.但野食1:55 先黎到, 有d 人等唔切都走左.早餐要左個豬扒麵+奶茶+多士. 奶茶1:40 先送過黎orz麵到左我面前, 豬扒又薄, 質感好硬, 好似雪左唔知幾耐/ 翻炸再翻炸. 好唔掂成個湯都係味精湯. 食到一半真係粗口橫飛, 冇再食落去.個長髮美女話冇多士. 但個餐包埋架喎, 問佢咁點, 之後佢行開左就算.我同另一個同事都叫左早餐, 到最後只係黎左一件"多士", 我同同事就每人半件而件多士就係上圖咁... 唔係多士, 係包囉. 都冇烘過. 睇下d 牛油... 好冇誠意咁hi 兩野就算.牛油係植物牛油, 所以唔夠香. 而且佢d 牛油仲係一pat pat 唔溶.你都唔係忙嗻... 全場都唔係多人, 點解可以慢到咁, 做到咁死樣仲好意思話多士係送完即止, 我想話周圍一間衰過你既茶餐廳都唔會講d 咁既野...哩個咁既態度, 咁既速度, 咁既質素, 比d 餿客人食, 收人$22, 你話值唔值
繼續閱讀
在中環「搵」食真是很難! 金融海嘯後在中環找工作已經很難，在面對打工仔被減薪，但中環各食店的價格不減反加的環境下「搵」食更難!我最愛的蘭芳園，在這一年內也先後加價兩次!我這個鄉下佬來到中環打工，一向節儉的我都會選擇自備午餐或到快餐店用那些特優券購買外賣，故出外吃飯時也會選擇一些在中上環區，機利文新街附近的一些食店，只因價錢比較相宜。反正在短短的個多小時內，享受的時間不多，只求簡簡單單價錢相宜，雲貴川更合我心意。我第一次寫中環食店的食評，就是因為它便宜。第一次來雲貴川，是兩年前由一位比我更節儉的同事帶路，要是給了你地址地圖，第一次來這店你也未必找得到。我在認路方面較有天份，像信鴿一樣到過的地方便記下來。我也曾到過歐洲很多名勝，再去時已不用看地圖，帶着親戚朋友去觀光像變了「人肉導航」。如要認着這店的路，就是在永吉街的中段，在那檔賣檸檬很出名“檸檬王”後面的大廈。要是連永吉街也找不到，我也幫不了你！近年吃米線在香港慢慢興起來，什麼越南米線、台灣米線等，近年就以雲南米線作招徠的店開得最多，如雨後春筍的又像7-11的「梗有一間喺咗近」。在中環吃米線的店比較少，有的都只是大集團的分店，始終小本經營的在中環很難生存，賣米線的利錢很低，單是付租金已經不勝負擔。這裡的雲南米線、過橋米線跟其他那些標榜四川雲南XX的店沒有什麼分別，材料都是一些牙菜、韭菜、酸菜配上一個清湯(沒有味道的清水湯低)或麻辣湯(就是清湯加上麻辣湯汁)，再加上一些吃「車仔麵」也吃到的「餸」。對我來說這只不過是變奏版的「車仔麵」，或是在超市買大量肉丸、芝士腸等回家煮個麵也是差不多。可能就是雲南米線來到香港後要變得乎合香港人口味，那最有親切感的便是我們從小吃到大的「車仔麵」。那碗過橋米線與正宗的相比實有天壤之別，但我來這裡不是為了找尋什麼正宗不正宗、什麼隱世美食，只求在相宜的價錢下填滿我空空的大肚子。來到這裡吃米線，湯低一定要辣的，要是你不能吃辣的那最好便不要來，因為吃清湯如喝清水的會令你很失望，下次你便不會再來。怎樣怕辣的也要加少少的麻辣湯汁，這樣那碗米線才會有多點味道。其實這裡的麻辣湯汁做得不錯，只不過總是覺得麻的味道不足!這裡米線份量很大，昨天我叫的一碗配三個「餸」，吃掉那些配菜已開始有些飽的感覺，再加上那三個「餸」，餘下的米線我只吃了一半。我的同事最喜歡吃那個”海鮮過橋米線套餐”，很大碗的只收四十個大元。如果是兩位OL來到，叫一碗兩人分享，再加一個炸魚皮或油菜，相信已經很足夠，且每人只需要二十五元，在這區算是非常便宜。雞翼也做得不錯，但我總是忘記有什麼味道選擇。服務方面好像時時人手不足，或是伙記們都送外賣去，很多時候只有兩個人，而且記性很差，要時常提醒他們還欠什麼、什麼還沒有來!!近來光顧時發現人流越來越少，是否客人都選擇叫外賣還是天雨影響?如果結業了我便少了一個選擇!
繼續閱讀