雲貴川風味 (已結業)

第一次試, 叫左兩碗外賣小鍋米線1) 腩肉+貢丸+豆卜2) 腩肉+雲吞先講米線, 佢話午餐時間通常會分湯上, 因為廢事d米線黎到既時候會腍晒, 就係因為咁每碗加左$1. 結果, d米線一樣係好腍, 一pat野咁, 仲完全唔入味, 食既時候仲食到d面粉味.個湯, 同睇相既完全唔同, 係好淺色, 冇乜辣味, 入面d酸菜都係冇乜味, 不過個湯都算ok, 唔算難飲D送就最精彩, 佢D腩肉係白色既豬腩肉, 冇乜味可言, 每一片既肥肉佔9成, 唯一有肉既地方, 係鞋到你唔會想食. 雲吞黎既時候已經係餡同皮分開左, 係完全分開唔係爛左咁簡單, 搵左一輪卒之搵番層皮, 結果佢係腍到一pat咁, 入口即溶, 不過如果你鍾意呢種口感..可以一試, 因為我隔離位靚女就話好好味啦.雲吞餡, 豆卜同貢丸都ok, 同一般既冇分別, 始終呢幾樣野要做到好難食都唔係易.

其實不是好肚餓, 想食勁辣米線, 又心思思叫呢間.全部食評都是大肚本人, 真係又點不好意思今次想叫下第二樣餸, 除了必食魚皮餃、午餐肉同腐竹外, 試下叫紫菜同木耳喇, 健康d痳...但出來效果不是很好啊, 木耳好硬啊, 紫菜味道完全被痳辣湯蓋過了. 下次都係保守d lu.

現在食晏都心思思叫雲南小風味。是日order了餐肉、通菜、雞肉同鮮腐竹(勁辣)$35，兩點半後order送雞翼2隻添。就看個湯d色水,就看不出是辣到飛起個隻,好野！而且仲完成不油添...正!!!

食左咁多次佢d勁辣米線, 今是試下早餐。叫了個麵食早餐,$20 可選三料配粉麵加多士和飲品，好平, 但唔好食啊,麵來到巳淋晒喇,湯被麵吸晒.應該叫佢地分開上.叫了旦,午餐肉同紅腸,點知紅腸變左舊"齋". 其實佢地有時都幾失暈, 上次叫左個米線, 湯餸就黎左,送漏個米線。

此上樓食店只做外賣.我巳試了好幾次,$20小鍋米線一餸加豆漿, 可加餱。由大辣湯底開始食，跟住就食勁辣湯底,好辣。今日叫了通菜、豬潤、午餐肉、雞肉、鮮腐竹，每碗例有(佢寫):芽菜、韮菜(好似冇)酸菜、花生、芝麻(食不到)勁辣。一面食一面流汗,後頸背濕晒,食完照鏡, 面紅晒, 咀唇微腫...我都未食過咁正既湯底。此店也有很多不同飯類以供選擇。