雲渝軒風味米線雲南小鍋米線 (已結業)

個人真心推薦呢間米線舖不過唔係米線，係佢既鹼水拉麵雖然鹼水味唔係人人都鍾意，但我就覺得好正！出邊好少會食到鹼水味嘅拉麵！吉列豬扒米線轉拉麵麻辣小辣，吉列豬扒係另上嘅，碗麵有勁多菜超正👍🏻👍🏻👍🏻拉麵份量都幾多，塊吉列豬扒真係好好食不過炸得有啲深色。麻辣小辣個人認為啱啱好因為都有啲麻痹嘅感覺。牛展龍蝦丸拉麵麻辣小辣，龍蝦丸有三粒，牛展有3塊，薄切唔靭爽口！據聞佢哋好似話將會結束營業，所以想食嘅人就要快啲去啦！

夜晚諗唔到食咩，通常就會揀米線，方便快捷😂叫左腩肉雞翼麻辣重慶米線小辣，腩肉同雞翼本身都夠味，算唔錯，麻辣湯都好夜魅有好多肉碎，好滿足😛而另一碗，雲吞麻麻哋但豬大腸OK😆

元朗廣場天橋下面近巴士總站附近，好多人食，假日都幾多工人姐姐幫襯。款式好多，又有拉麵，各種唔同嘅小食，有D都幾特別例如炸乳鴿。吉列豬扒米線 $41★★★☆☆湯底簡左重慶麻辣(中小辣)，米線份量都幾多，唔會太淋適中。個湯底反而唔大驚喜，望個色水都唔係好麻辣，食落係夠咸味但唔係麻辣香，冇咩麻味，唔會食落令你個咀痺下痺下，似係湯底就咁加辣FEEL。吉列豬扒份量多，好大塊切條狀，炸得好酥脆香口，係日本個隻吉列炸粉感覺，但個豬扒炸得比較乾，唔太有肉汁，雖然又未到好鞋口。炸魷魚鬚 $29★★★★☆雖然只係$29蚊，但一碟個份量都幾多，起碼有成十條以上。熱辣辣又酥脆，唔點椒鹽都夠味，點埋就更惹味。魷魚鬚真材實料，唔會咬落正係得炸粉同空氣冇咩魷魚，呢個價錢呢個份量，兩個人Share食啱啱好。腩肉豬腸酸辣米線 $44★★★☆☆今次叫左外賣，分湯係要加$1，辣度叫左中小辣，米線份量多，雖然分左湯但食個陣都係太淋，滑身但冇煙韌口感，但始終外賣係會淨啲，堂食食過米線口感係可以。湯底今次試酸辣，咸香味偏重，酸味唔夠出，辣冇話好香；另外佢會有啲肉碎，但偏肥同太細粒，變得冇咩口感。整體係普通酸菜湯底，冇好驚艷。餸方

元朗·雲渝軒風味米線雲南小鍋米線✨炭燒豬頸肉薯粉-👼🏻BB麻辣 $50-豬頸肉🐽少少燶邊好香 易咬-花生🥜配料加上薯粉彈牙🍜-麻辣不帶酸偏鹹 bb辣=譚仔3小🌶🌶✨酸辣米線-小辣$30 +豬大腸$6腩肉$6菜肉雲吞$6-酸味不足 偏鹹🌚-小辣=譚仔中小辣🌶🌶🌶🌶🌶-豬大腸腩肉🐽好淋好入味👍🏻🫰🏻-米線🍜軟硬適中🤘🏻-雲吞普通🥟✨蒜泥白肉 $38-白肉大塊厚實🐽🐽-蒜香味濃🧄 亦加左麻油 有辣油香辣勁唔強🌶

元朗嘅雲南米線多的是，住喺元朗嘅我諗住逐間逐間慢慢試😂今日假日三點幾就先嚟呢間雲渝軒，叫左個酸辣米線(扣底小辣)加豬肚，蘿蔔，菜心 ($30+$6x3款餸=$48)湯底比較稀，味道還好，酸味唔算突出呢度所有配料無論肉定菜都係$6一款，比較少見，對食肉獸黎講相對抵食👍豬肚夠味，但個人略嫌有少少韌😅菜心就太淋同有啲渣～正常嚟講秋冬嘅蘿蔔應該係好甜好靚所以我今日專登叫黎食，但出奇地又係有啲渣兼唔算甜，雖然煮得夠淋但係都幾失望🙈米線軟硬就岩岩好～個人認為湯底一般，配料一般，試一次就夠😅(btw呢度嘅員工好似有強迫症咁🙈😅 隔離檯有兩個唔係好識講廣東話嘅疑似外傭叫左個米線湯底都未講要咩餸，佢就係咁問人食唔食豬肉，食唔食豬肚。。。另外一檯有兩個操唔純正廣東話既華人入黎都未坐低又係咁問人食唔食炸嘢，炸蝦餅，炸春捲。。。好奇怪😐😐)

叫左豬頸肉小窩米線同吉列豬扒小窩米線。豬頸肉很鬆軟；反而隔離豬扒雖然很大塊，嘆不好味，只是吃到粉，而肉好難咬開，很粉感，所以食吾哂小窩米線湯底很驚喜，濃郁入味。

元朗有好多食米線嘅好地方，但食嚟食去都係覺得依間覺得最正， 嚴啱我條脷😚🤤今日外賣叫咗酸辣拉麵，豬紅、腩肉、貢菜要小辣🤗腩肉半肥瘦❤❤❤❤豬紅彈牙有底味❤❤❤❤貢菜嫩口量多❤❤❤❤拉麵浸湯好耐都唔會軟腍❤❤❤湯底重口味❤❤❤❤( 食完會有口渴情況出現) 但都不定期對腳和個腦唔聽使返兜再去食 😆😆😆食嘢最緊要搵啱自己嘅口味嚟食🤣🤣🤣同埋今日唔知點解外賣畀堂食更加好味，要小辣好似變咗中辣咁 🤔

連續一個禮拜食4餐米線，其中3次都是食這間， 位於968巴士總站， 這間店人流十分多， 所以多數一個人呢開餐😋由於幫襯好耐，所以同職員都十分之熟酸辣米線小辣 ，腩肉， 鹵水蛋，響鈴， 鹵水豬肚，鹵水豬耳 ，一份通菜，加凍 檸樂。 配菜十分之多， 自家酸菜十分惹味 酸辣啱啱好， 腩肉少少肥大大塊，鹵蛋十分入味， 響鈴將啲湯汁索曬， 最鍾意係啲湯超熱， 慢慢享受， 其實除咗呢啲之外，小食十分之多，尤其炸豬扒，皮蛋尖椒，拍青瓜都很好味， 唉！奈何肚皮得一個， 下次約多幾個大吃一餐

都幫襯過兩三次，星期六朝早，經過就入黎坐低咗，仲未係好多人，姐姐態度都好d！豬肚豬腸酸辣米線: 豬腸乾淨，但頗肥，豬肚切得好大條，有豬腥味，下次應該唔會嗌豬肚！米線正常水準，酸辣湯惹味！雞絲豬腸酸辣米線：雞絲頗多，好滿足！小辣應該大部分都接受到，中小辣就啱好，唔會太辣，又夠味，食得辣嘅朋友可以試中小辣/中辣！魷魚鬚：啱炸起，熱辣辣，唔洗椒鹽已經好夠味！總括黎講，米線好食，同埋大碗，d餸菜未必樣樣好食，但大多數都可以！地理位置都方便，會繼續支持！

冬天一定要食翻碗暖笠笠既米線，最好個湯底係辣既，食完即刻暖翻曬！今次試既呢間米線舖頭，餐廳唔算大，但兩點幾都仲有好多人食緊，可見其受歡迎程度！酸辣米線＋腩肉＄33酸辣米線一向係我既至愛，呢碗絕對辣得過癮！個湯唔似三哥既酸辣，無禁油膩！另外，佢既腩肉好值得一試，份量多，夠淋，醃得入味！米線入面亦都有唔同配菜，例如芽菜／酸菜，好足料！炸魷魚 ＄29呢個炸魷魚超抵食，唔好以為佢細細碟，又便，會得好少，但個度有超過8條，兩個人share 就岩曬！

今日突然想食米線，元朗嘅選擇都好多，最出名應該係小鍋米線，川味閣，譚仔呢啲，今次我就揀咗元朗廣場巴士總站嘅雲渝軒，以前大棠路都有分店，可惜執咗。今次就嗌咗豬腸腩肉酸辣米線，鍾意荽茜香味嘅記得嗌多荽茜，好少米線鋪會有荽茜！講返味道，豬腸夠入味，腩肉亦都醃得好好味同好淋鍾意辣嘅可以叫埋炸醬食下嘢飲方面都係一般啦，唔會話特別好飲，純粹係食辣要叫凍飲解下辣環境就都算係舒適，至少唔會坐到好迫，起碼有啲空間咁！總括嚟講係好評嘅

腩肉米線(小麻辣)($33)+可樂($8)米線好大碗(暫時食過米線份量最多既一間)。腩肉切片，炆到好腍好入味，我最喜歡尼款煮法既腩肉。湯底濃郁，味道非常豐富，既麻既辣又有少少酸味，有酸菜肉碎等等米線配料。尼間係我食過最惹味既雲南米線麻辣湯底，係羹上放米線再加上少少麻辣湯，食完一啖，個口即刻有麻麻地既感覺，辣度適中，又唔會辣到食唔到，小辣就剛剛好，超正。論湯底、腩肉(其他配料一般)、米線量、價錢同飲品價錢五方面，始終都係覺得尼間雲南米線至合我心意，係我心目中既第一、二名。好想知道尼個湯底轉做麻辣火鍋會係點。(個人口味：4.5/5)魚腐米線(清湯)($33) +凍檸茶($5)清湯湯底好味。魚腐只有3件，太少。(個人口味：3.8/5)蠔油生菜$14同場加映前排試過既豬頸肉米線($47)，一般，試一次就夠。餐牌寫有8間分店，但係openrice search雲渝軒只搵到尼間分店。後來再根據分店地址search，搵到名為“雲南小鍋米線”既鋪頭，可能“雲南小鍋米線”先係餐廳名?個人覺得叫“雲渝軒”獨特性較強，可惜分店唔多。

腩肉木耳絲金菇 (麻辣中辣）米線控我係最鍾意食辣，咩辣都有興趣試試佢🤗米線煮得夠"林"👍🏻麻辣夠曬味！食完舌頭有種麻麻感🤤正！食到額頭出曬汗🤗 配菜都係一殷米線鋪咁有d 支竹，芽菜等等！份量夠大豬頸肉（一般）相對有d 乾🤭um 最後無食曬😣😣蒜泥白肉（推介）大蒜勁多可以話每一片都一定有係上面😻！肥肉先係白肉既精華所以幾好！小店有小店既好食到一份人情味！對於手寫單！其實我覺得係有一份既藝術感😎

朋友帶我來呢間位於元朗擊壤路巴士站食雲南米線的鋪頭，鋪面完全沒有特別，只是趕時間就是但入去試吓。米線有分麻辣米線、酸辣米線、重慶麻辣米線，而辣度亦可以選擇，由大辣至微辣，可選米線或紅薯粉，而餸菜亦有多款選擇。我叫左個酸辣米線大辣，送就要左雞翼及腩肉，米線上枱時湯是紅色的，有肉碎芽菜酸菜等等配料，腩肉是啡色的，很入味，吾（un），很好味。滷水雞翼都很入味，不咸，也很好味。食完碗開胃米線人都心花怒放啲，食完真係返尋味。

今日經開唔知食咩好~就試下呢間啦~第一次豬頸肉小鍋酸辣米線豬頸肉鬆軟唔乾，還帶少少肉汁肉面有好重手既糖醬甜甜的痴著愛甜的應該會大愛鹹味唔太濃，味道適中件數都唔算少，算抵食 米線因為無分湯既關係番到屋企都浸到淋曬堂食應該會好啲配料同米線份量都多可惜實在太太太鹹鹹到連辣同酸都蓋過 呢個暫時豬頸肉會回頭再點小鍋米線就應該唔會啦對信義妹來講太咸啦~定係今日廚師心情唔好所以重手咗都唔知呢?!?!?!哈哈哈地址: 元朗擊壤路17號順發大廈地下C舖