雲渝軒風味米線雲南小鍋米線 (已結業)

都幫襯過兩三次，星期六朝早，經過就入黎坐低咗，仲未係好多人，姐姐態度都好d！豬肚豬腸酸辣米線: 豬腸乾淨，但頗肥，豬肚切得好大條，有豬腥味，下次應該唔會嗌豬肚！米線正常水準，酸辣湯惹味！雞絲豬腸酸辣米線：雞絲頗多，好滿足！小辣應該大部分都接受到，中小辣就啱好，唔會太辣，又夠味，食得辣嘅朋友可以試中小辣/中辣！魷魚鬚：啱炸起，熱辣辣，唔洗椒鹽已經好夠味！總括黎講，米線好食，同埋大碗，d餸菜未必樣樣好食，但大多數都可以！地理位置都方便，會繼續支持！