雲渝軒風味米線雲南小鍋米線 (已結業)

行行下想食個米線，咁岩見到間就入去試下啦，叫左個小窩紅薯粉，咁就配左豬耳同埋雲吞。到左啦，湯底就有ｄ酸，因為佢加左酸菜，而ｄ薯粉就煮到剛剛好，唔會好淋，豬耳就幾好味，但係雲吞就煮到過左火啦，一夾上黎就爛晒，而個粉ｄ份量就剛剛好，剛好食得晒，第日會過黎試埋其它湯底的。

夏天天氣嚴熱,有時都難免食欲大減. 辣味的湯麵正好為味蕾帶來刺激, 引起食欲. 夜晚8時多,店內不少食客, 流量快, 只需稍侯10分鐘己經有位子. 衛生環境及服務質素都可接受, 下單和上菜速度亦算合理.酸辣滷水蛋雲吞薯粉(中辣)酸辣湯底的酸與辣比例剛好(嗜辣的可以加辣), 滷水蛋也不過不失. 雲吞大大隻, 而且足料. 薯粉煙韌十足, 非常有趙頭.P.S. 店舖內所售賣的雲吞, 偏向似水餃, 外皮相對地厚一點. 如果有唔明白的話, 最好下單時與店員先溝通了解.麻辣腩肉雲吞米線(中辣)麻辣湯底為味覺帶來刺激, 腩肉相當入味,不錯. 雲吞大大隻, 菜肉十足. 米線煮得剛好, 不會太淋太硬, 同時不會太碎.燒豬頸肉燒豬頸肉拼上泰式辣醬, 酸甜開胃, 豬頸肉燒得比較嫩口, 充滿肉汁, 外皮相對地不太乾身, 外層的蜜味與醃肉醬料相輔相成. 推介菜色!!

有時人就是犯賤，明知有伏，仍然想試，結果唔係咁差異，就當賺左。到雲南米線到食拉麵係咩玩法? 就係為左佢塊炸雞扒。用米線的麻辣湯底，煮出個拉麵，呢part就唔使期望有咩驚喜，只不過係將就，拉麵的質感亦都不說也罷。還好，加左好多生菜，誠意搭夠，生菜吸收湯底，新鮮脆綠，亦帶點辣口，由於生菜是夠湯底生滾，不太老，不太生，剛好。雞扒即炸，上枱熱氣迫人，皮脆肉嫩，雞皮入口，牙咬得喳喳聲，如薯片般乾脆，點過酸辣醬，降一下溫。雞扒夠大塊，啖啖皆肉，沒有炸法，抵食。加一杯奶茶，夠大杯，以解麻辣。

如果講到米線，唔數譚仔就一定係雲渝軒喇。雖然價錢係貴過譚仔小小但係都絕對物有所值既。叫左個我最鍾意既酸辣湯底，餸就嗌左雞翼、蘿白同炸醬。首先個湯底個好味既，比起譚仔果個酸辣更加入味、酸酸地既湯汁係入口之後個辣味就慢慢咁滲出黎真係超正。我會叫炸醬既原因係因為我好鐘意佢將d炸醬撈埋入湯底呢個食法，除左令個湯既味道更加豐富之外，咁樣將d炸醬加埋落d米線、蔥同埋芽菜一齊食真係好好食。至於d雞翼就叫做不過不失啦，係有老水味既但係就唔算好特別，至於d蘿白係夠淋既不過就唔算話好入味，食之前浸一浸落個湯底度就會好好多。

突然想食酸辣米線，於是同朋友決定試下呢間,下午4點多，人客唔算多，所以好快有位置。一碗淨米線$24，加餸每款$6，配搭好多而且唔會話好貴。叫左個小窩米線加腩肉，有芽菜，蔥，酸菜少量同肉碎，由於腩肉微辣,食落去都幾濃味。腩肉肥瘦均勻，唔會肥肉多，而且整得好入味。另外叫左酸辣米線加墨魚丸同魚皮餃，味道比小窩米線酸一些，雖然係小辣，但都辣到個嘴都紅左，啱曬鍾意辣的人。下次都係走辣先。再叫左個炭燒豬頸肉，薄薄切好仲附上泰式酸辣醬。佢燒得唔錯，唔會太老，而且豬頸肉有再醃制過，食到有薑味同甜味，所以都唔使再點其他野，好香口，一食想再食，3個人好快地就食完，哈哈。我覺得佢比某米線店好得多，唔怕多人等位，價錢合理同唔太重味精，所以可以放心一試!

一直覺得這間米線很好吃 由中學到現在都是我的首選 不知為什麼在openrice一直不起眼 比起譚x 連所店 我覺得這間米線的湯底很夠味道 夠哂酸 很足料 小窩米線一定會有肉碎 酸菜 芽菜  我食過其他的小窩米線 湯底係差小小 唔夠入味  今次所選的是豬頸肉米線。豬頸肉 好味 唔會得兩三片。係一碟上的 至少有六片 足料厚身！彈牙爽口 厚身 加埋泰式甜酸醬 美味！ 至於米線 老實說比起譚x 就差小小 但至少不會過淋 我覺得中上 略有口感！ 而生菜比起譚x 亦好味得多 不會是很寡的 很爽口 ！ 4x元是物超所值！   之前亦都食過它的午餐肉 亦煎得很香口 不會很薄 可以一試！

經過這家小店，看見滿多客人的，愛吃酸辣米線的我便進去試試。點了小辣雲吞米線，雖然只有2粒雲吞，但滿大粒的，味道不過不失。但我喜愛它的湯底夠酸，因為有些地方的酸辣米線會把重點放在辣上面，酸味不夠，而這裡則沒有這問題。整體來說，是一家偶爾可試試的店吧。

認識我的朋友都知道我愛吃辣麵，多年前興起的雲南小鍋米線，至近年的重慶酸辣粉、四川紅薯粉都是我的至愛很多雲南米線的連鎖店都以＂雲Ｘ軒＂為名，加上招牌常以紅黃或藍黃為主色，害我經常弄錯，像此家我也以為是其中一家連鎖店，但最近細心留意下才知道只此一家，哈哈因家住元朗，故此區大部份米線我已嚐過，但真正好吃的（或合我意的）卻不多，雲渝軒已算不俗此店面積相對於大部份米線店已不算小，約可坐四五十人，枱與枱間同樣狹窄，坐得不甚舒適一般來說本人較屬意麻辣米線，但此店的麻辣不夠麻，香料味欠奉，味道不夠突出，故較常吃酸辣於現今物價騰貴的社會，＄２２的淨米線不貴，加餸每款＄５亦合理是次選了酸辣米線，腩肉，豬紅，盛惠＄３２每碗配以少量芽菜，韮菜，酸菜，肉碎，因我不喜歡蒽花，故要求省掉了，但好像忘記給我莞茜湯頭甜，不會過咸，略嫌酸度不足，如每口米線配上少量酸菜味道更好，因酸菜的酸更帶出湯底的甜和微微香料味配料芽菜和韮菜新鮮，肉碎份量足夠，但太多肥肉同行朋友說此家的湯底有點像尖沙咀的星林居，我卻認為差遠了，星林居的更濃更酸更甜更惹味，但實在有點貴。。。。腩肉份量頗足，有４－５塊大片的，質感厚實，味道偏甜，尚算入味，

家住元朗、食響元朗嘅小弟，未知試過響元朗食到咁差嘅薯粉！話說今日中午，同3位同事落元朗呢間嘢lunch，叫咗4碗清湯紅薯粉，其中一碗加5蚊冬菇，結果……‧等咁20分鐘至上菜‧紅薯粉硬過象根‧紅薯粉份量得其他食店嘅一半‧同事碗5蚊加餸，結果得3粒、細過5毫子銀嘅冬菇無論你點用力，都咬唔開象根紅薯粉，想練牙力者，不妨一試！腸胃欠佳者，食完胃痛，勿試！ 以後唔會幫襯

家住元朗、食響元朗嘅小弟，未知試過響元朗食到咁差嘅薯粉！話說今日中午，同3位同事落元朗呢間嘢lunch，D嘢唔平不但只，仲帶嚟慘痛經歷。我地4個叫咗4碗紅薯粉，其中一碗加5蚊冬菇，結果……‧等咁20分鐘至上菜‧紅薯粉梗過象根‧紅薯粉份量得其他食店嘅一半‧同事碗5蚊加餸，結果得3粒、細過5毫子銀嘅冬菇無論你點用力，都咬唔開象根紅薯粉，想練牙力者，不妨一試！腸胃欠佳者，食完胃痛，勿試！ 食完後，我地一致決定───以後唔會幫襯

我食酸辣米線(少辣)@20/碗加腩肉同螺旋藻(@5/份)多酸個湯夠酸夠辣幾濃仲有dd甜腩肉有甜味 但嫌份量略少螺旋藻正常如果相比荃灣,我覺得佢個味道接近石蔭多d但上菜速度較慢加左包菊花茶@4/元但係係陽光

記得公司附近好似得呢間有紅薯粉食，所以先幫襯佢。企係佢門口諗左好耐先決定食佢=.=鳳爪+蘿白+紅薯粉+中酸 ($32+外賣$1)未連野食都呢個價，抵唔抵食就見人見志@@鳳爪 - 好一般....隔離點心鋪會好食過佢好多蘿白 - 出奇地甜，唯一有"LIKE"既一樣配菜 - 酸菜唔夠味，花生唔知放左幾耐，一D都唔香，肉碎...雖然佢係配菜，但係對成碗野都好有影響......超重雪味....真係接受唔到，破壞哂成碗野@@紅薯粉 - 居然唔係普通食酸辣粉裡面果隻紅薯粉，係粗身D同埋容易D咬得難明明嗌酸辣，但係返到OFFICE見到張單打麻辣囉

年未過,好多食店一樣未開門做生意,又係想食酸辣野,近近地選左呢一間,對上一次食其實都差唔多一年前,相隔咁耐先再食一次,味道可想而知,只係唔知一次就下生死,想俾多次機會試試;咁次叫外賣的,唔再食薯粉條,轉左食米線,其實無論係薯粉定米線都比同區ge貴,就連額外叫餸都比較貴一d,$5起;店內人山人海,門外亦有人等位中,叫個外賣10分鐘左右就可以拎走,唔算太耐打開外賣碗香味四散,仲對碗內ge餸有d失望,豬大腸又係考刀功ge薄依依,腩肉唔止薄仲好似廋肉,而且唔入味... ...米線太淋,可能係外賣關係喇... ...2碗同係小辣但顏色有明顯ge分別,但個湯就唔錯,成碗飲晒~又叫左個"麻辣鴨腎",但成盒鴨腎好油,似油泡鴨腎,而且鴨腎太硬,只辣不麻,其實以同區黎講,好食ge薯粉仲有得選擇最後,批評係想有進步