雲川小鍋米線

營業中

休息中

很久沒有食米缐了，聼朋友說這間的米線湯底是非常特別所以就來試一試，當來到這裡時發覺人氣好旺的，已是中午1時多了還需要等位，需然等了十五分鐘，但朋友說是值得期待，當進去時看見餐牌上有幾個好特色嘅米線，但我選擇了他招牌米線試試，這個招牌是用新鮮墨魚嘴同埋其他嘅配料仲有腩肉添，而且個湯底真係非常有豬骨嘅香味還有淡淡的奶香好像有忌廉的感覺還有些紅油又香又辣真的好味。

如果住係新蒲崗﹑黃大仙呢區, 好多街坊都會識得連一間店舖!而我, 食完1次之後就已經愛上, 已經變左我的飯堂!基本上1個星期我可以去食2-3次!雲川小鍋米線, 主打當然係米線! 佢地有分2類比大家揀...1) 自由選配料2) 雲川推介湯底有分幾種...1) 清湯 - 豬骨雞湯2) 酸辣 3) 麻辣 4) 冬蔭公 而我每次都會揀唔同的配料食, 但我一定會揀麻辣大辣!佢地的辣係自己調配, 同出面好唔同, 係完全食唔到呢隻味!如果大辣都唔夠的, 可以同佢地講, 佢地會整一個特辣比你!雲川米線 - 大辣(墨魚春卷﹑墨魚頭﹑麻辣腩肉)墨魚春卷 - 扁身, 有咬口, 仲可以吸下D辣汁墨魚頭 - 超爽口腩肉 - 唔好以為腩肉會好多肥膏, 其實呢間比例岩岩好, 食完唔覺得肥另外仲有2款自由配米線1) 大辣2) 清湯除左食米線, 另一真心推介就係蒜辣雞翼尖呢間可以話超越左B仔的雞翼尖, 蒜味重, 再加上青指天椒, 雞翼尖原全入哂味!!!!另外, 晚市佢地都會做烤魚!係原條魽魚 - 附送 滑雞柳﹑滑牛肉﹑娃娃菜﹑米線/飯湯底有分4種1) 雲南酸菜湯底2) 蒜香風味湯底3) 雲川麻辣湯底4) 冬蔭公湯底麻辣

新蒲崗呢間雲川小鍋米線唔好以為佢淨係得米線食 佢仲有烤魚食 而且係親民、足料又好食佢推出既烤魚 只有二人餐可以嗌 但呢個餐相當經濟 除咗有一原條烤魚之外 仲跟埋滑雞柳、滑牛肉、娃娃菜同米線/飯 即叫即整 落單、條魚上枱到食得大概十五分鐘烤魚既湯底酸菜/麻辣就見得多 蒜香反而少有 所以我今次叫既係蒜香風味湯底 跟餐要米線(米線有驚喜!!!)條魚一到就見到足料多款配菜係魚上面 有芫茜、芹菜、大蔥、原粒蒜、蒜蓉、芽菜同埋金菇 滾起既湯底食落有濃郁既蒜香味 不過千祈唔好心急係咁食條魚 因為個湯底愈煮得耐條魚愈入味 等佢滾多陣食落更滋味 食到中間個蒜香再出多d蒜辣味 嗰時就最好味喇跟餐既配菜都唔細份 加上我同我朋友好鐘意食金菇 另外嗌咗份 黎到好似俾咗2包金菇我咁 真開心 自問唔細食 食完都真係有棒住個肚走既感覺不得不大讚呢間鋪既米線 因為真係好煙韌 放係最後先煮 出哂味既湯底加煙韌米線 為成餐飯畫咗個完美句號呀

經過新蒲崗，女友推薦了這間米線鋪，所以便來一試。店鋪一般裝修，沒什麼特別，但燈光挺光猛的，空間感也很闊落，坐得也挺舒服的。叫了個雞翼和兩碗米線，雞翼先來，吃了味道不是太特別，但份量挺多的，總共有6隻。之後來了兩碗米線，一飲湯底，驚喜出現了。湯底非常鮮甜，而且香濃，最重要一點也不咸，吃完也不感口乾。米線份量充足，足夠一個大男人吃用，而且價錢也很合理，是間非常不錯的米線鋪。

安排坐位極差，一入去問我幾位，我話3個，門口已經安排左較大的4人座，入到去就被另一個短髮人員轉坐較細的4人台，跟著我後面入黎2個人，就按排坐較大4人台，我問個人，我3個人，佢同我講個張坐5個人，我完全唔明白點解2個人坐張大既4人台，仲要同我講咁坐「岩」，又冇5個人入黎，我真係覺得好搞笑，成場個個大既4人座都係坐4個人，點解個張咁特別要坐5個人，仲要係冇5個人入黎，最搞笑係我們打算食烤魚，佢仲搵多個人黎搭台，雖然佢有權利咁做，我地都未叫，個個客人聽到我地叫同埋另一個朋友黎到，都食快啲，搞到我地都好唔好意思，個個短頭髮店員真係好特別囉！

突然心思思想食酸辣米線，但又唔想去譚仔呢d咁common既，於是俾我上網搵到屋企附近既雲川小鍋米線。未食前見到負評都係話態度差，抱住受氣既心態去食，點知咁好彩見唔到嗰個金髮女侍應😂整體黎講唔錯，雖然侍應落錯單，但都有轉番俾我地。雲川米線 ($47)有墨魚春卷，墨魚頭，同麻辣腩肉。我仲加多左豬大腸😍墨魚春卷比較扁身，亦唔彈牙。墨魚頭好爽口好味😋腩肉煮得過熟咁，有d老不過味道唔差。大腸比較硬，唔推介。最鍾意佢個酸辣湯底😍😍又夠酸又夠辣。可惜米線份量較少，食曬成碗都唔飽。另外仲叫左個蒜香鷄翼尖。推介! 好食過B仔，雖然好多人話b仔根本唔好食🙈辣得好過癮，最後要專登叫杯可樂😂

金頭髮女侍應態度前所未有咁差，米線份量少啲餸少得黎味道又唔好食，肉丸未見過咁細粒，新年期間仲開聲提醒客人比利是，客人唔比就十問九唔應，要個樣無個樣，一句講晒，下次唔會再幫襯。

一直好喜歡食雲南米線，依間米線店前前後後幫襯10幾次，每次都幾乎叫一樣食物。今次同樣叫左酸辣湯底+墨魚春卷米線，酸辣湯底叫左小辣都唔會食到出汗，酸度適中。腐皮墨魚春卷有咬口，而且有少少香甜，中和湯嘅辣味。不過呢度有樣嘢不可不試，因為對X仔嘅雞翼尖相當喜愛，所以都係度叫左蒜辣雞翼尖試下，食過一次番尋味，蒜味十足，雞翼尖入哂味，加埋青指天椒，香辣程度爆燈，不過每次食都有唔同辣度，要睇師傅手勢，如果怕辣就要叫定杯凍飲啦！

一心來這裹吃米線， 點知嚟到門口要排隊。眼見店內大部份客人在吃烤魚鍋。因為平時只是吃米線， 沒有留意原來有烤魚鍋。 令我們也心動了，改為點了酸菜烤魚鍋。因為烤魚要等15分鐘，但店員可以在我們等位時先下單。這樣有位就可以馬上上菜， 十分好。👍烤魚很香吃下是明顯吃到有烤過的香氣， 而酸菜湯令到大家更開胃。 這個餐包了雞肉和米線。是二人餐，兩個人食的話份量都好足夠。再追加了墨魚春卷，這十分彈牙好味。我們另外還點了雞翼尖，這個每次來都會點。 因為雞翼尖都很淋很入味。 他們用了青辣椒令到有一點點酸味十分正。 店員都很親切！很滿足的一餐。

米线的超级粉，在哪碰到米线店都要尝的。这家店是在香港吃过最好吃的一家，一周一次。米线粘软不失韧劲，恰到好处。但汤底功劳最大咯。超好喝的大骨汤。不过服务确实需要改进才能做大最强哦。

食物質素還好，但係短金髮女仕應超冇禮貌，我地有人吾食辣，叫左個好多辣油嘅魚自辯吾辣，吾認錯，又叫埋個廚師出黎回應，根本冇好好面對問題。希望服務質素百所改變，守^_^否則以後不會再光顧。。。

湯底可以，其它叫餸食物就一般，但金短头发女侍应服务态度10分差，唔知以为佢系老板娘，其实应该叫佢老板先生应该叫佢改善下服务态度，比的笑容，咪口黑面黑對客人，这样对客又点会有返头客呢！

依間野我前前後後幫襯左幾次，嘢食唔錯米線都唔差，好食過集團式米線多多聲，唯一唔係甘鍾意就係放狗入嚟，服務態度不錯，尤其是係有個金髮妺妹好喜歡人讚佢靚女好過癮。加油繼續努力。

每次到新蒲崗都禁不住去雲川，每次去雲川都禁不住點佢招牌既雲川米線。它已經成為我在新蒲崗的飯堂，已數不清幫襯了幾多次⋯雲川米線有墨魚春卷、墨魚頭同麻辣腩肉，墨魚春卷味道好，墨魚頭食材新鮮，麻辣腩肉不會太辣，湯底鮮甜，味道一流。推介！其實還有其他款式的，只是走不出招牌米線的魔掌。下午茶時段還會送飲品呢！之前猶豫左好耐要不要寫食評，因為怕小店生意好了就要排隊和服務態度變差(有太多類似經歷了)。但還是寫下來，支持與鼓勵一下小店。

之前巳食過幾次， 湯底是不錯的， 不過餸就普通及都唔係平。 最大問題是收銀的金短髮女士， 永遠要由佢安排位置， 都明白， 始終店舖空間有限， 只係2張枱要坐3人平排坐就很迫， 有客說冷氣唔夠， 金短髮女士就講未得閒開冷氣， 雖知食麻辣要夠冷氣嘛， 點解會唔得閒開冷氣？ 新浦崗有很多同類食肆， 如果只想做學生生意， 不著重回頭客， 那麼是成功了。 因為唔想貼錢買難受。其實店內其他小姐態度是不錯的， 唯獨是負責收錢的金短髮女士要好好的改善服務客人的態度， 除非佢係老闆娘就唔會介意沒回頭客。