雲家小鍋米線 (328廣場)

營業中

休息中

小妹自從加入左米線關注組之後成日都好想食米線🤣🥲見到社交平台呢間都會講，有時候仲要排隊不過今日可能因為4:00左右去所以就唔使排🤣 我哋嗌左兩碗米線同一個小食第一碗係小窩米線加腩肉腐竹小小辣走芫荽而另一碗就係雞絲通菜紅薯粉小食就係涼拌墨魚頭首先想講佢每個配料真係好足料！啲腩肉多到係食極都仲有！其實會唔會係偷偷地落多咗😂🤣正常應該冇咁多😂下次想試吓蘿蔔應該會好索湯！而且米線唔會煮得過林或者好硬係啱啱好好鍾意佢個湯底！唔會太酸而且好夠味，加埋肉碎芽菜嗰啲好滿足😋而且每碗份量都好足夠就算男仔都可以食飽(⁎⁍̴̛ᴗ⁍̴̛⁎)另外涼拌墨魚頭係舖頭嘅推介我哋都覺得好值得一試！但可能係啱啱灼起 如果可以稍微凍少少真係有涼拌個味道一定會更加好食😋好鍾意佢嗰個涼拌汁嗰個蒜香真係好開胃可能本身好鍾意食蒜頭哈哈分量我覺得都算係多既呢個小食都要$43拍得住一碗米線嘅價錢但覺得味道真係唔錯可以接受總括而言：今餐食得好飽之餘味道我哋都好滿意，下次仲想試埋蒜泥白肉！有機會一定會再嚟！

最鐘意食米線既特，食完這家既感受係「好食」但唔會好驚喜。佢最吸引地方係配菜好多又香，配料款式夠特別，小食種類特色又美味。 海藻好食，但個春卷又腥又冇口感。 腩肉都好正。

腩肉熱拌紅薯粉 （價錢： $40）評分： 3/5一見到熱拌紅薯粉又要心心眼😍，腩肉肥瘦均勻，咬落一D都唔靭，配料都好多，有大量花生🥜、炸菜同酸菜，不過小編覺得只有食米線時加埋酸菜一齊食先會覺得有酸味，令紅薯粉唔夠惹味，有DD失色，而且叫左小辣🌶竟然一D都唔辣，有機會應該要叫中辣🤣。豬扒小鍋米線 （價錢： 43）評分： 3.5/5麻辣湯底較香較惹味，不過都係個句，下次會試中辣🤣，米線口感普通，豬扒反而有D驚喜，成塊豬扒煎開都有6舊，份量充足，味道方面有D似平時BBQ食到既咖哩味，但相對淡味D岩岩好，肉既口感可以，唔會醃到好似鬆肉既口感👍🏻。炸雞中翼 （價錢： $28）評分： 3/5雞中翼炸得頗香口，但味道上因為雞中翼同豬扒一樣都有淡淡咖哩香料味，所以感覺唔太有特色。🌟 小編2、3年前食過一次，覺得依家質素比以前有D遜色，希望日後有機會再食時，會更好味啦☺️。————————————————————————🐷 整體食物： 3.2/5🐷 環境：3/5🐷 可達度： 3.5/5

朋友好想食南雲米線，於是放工來到荃灣呢間人氣米線店，外面有不少人排外賣中。見到米線配餸不少，辣有分酸辣同麻辣，小辣、中辣、大辣。我點腩肉＋雞絲＋蘿蔔＋通菜 酸辣米線$28:腩肉肥瘦均勻，醃得入味。蘿蔔大大件，香甜冇渣，雞絲索晒酸辣湯汁。酸辣湯底飲落有層次，店家加入大量的豬骨頭和雞熬制，酸酸辣辣非常開胃。湯入面仲有不少酸菜、肉碎、芫茜、韭菜、芽菜，配埋嫩滑米線，天衣無縫﹗朋友點芫茜＋豬脷＋豬紅＋紫菜 麻辣小鍋米線:米線份量足，豬脷爽彈，豬紅不會一夾就散﹗麻辣湯底加入大量香料和調料進去，不算油膩，朋友忍不住喝了多口﹗涼拌墨魚頭 $43：墨魚頭伴有不少蒜蓉，香辣惹味，咬起來煙煙韌韌﹗魚頭被滿滿蒜香的覆蓋，底下是小辣椒和豉油汁，入口極之爽彈之餘，帶香又惹味。熱菊花蜜：菊花蜜香甜清潤，可以解辣﹗

周街都係米線店，但唔係間間都好食～好彩今次食既雲家米線好食～～七點入座已經要係門口等位，仲有好多人買外賣，睇嚟人氣都幾高～我揀咗一個牛腩小鍋米線，加配金菇同蟹子丸，雖然走辣，但湯底一啲都唔會清淡，好夠味，牛腩份量多，爽口彈牙～另外，朋友叫嘅肥牛小鍋米線都正，加配腩肉正，少少辣好惹味，原來BB辣湯底都好好食～叫咗兩款小食share, 蒜泥白肉超勁多蒜蓉，配米線食一流，香口重口味正！炸春卷熱辣辣即炸香脆，餡料豐富，推介！

自從入o左米線關注組之後，日日都好想食米線荃灣其中一間好出名既米線舗: 雲家星期日點幾去到見到有條長長既龍..好在唔算等得耐，15分鐘左右就入得啦店舖入面好細，坐得都好迫下，加埋D隔板，活動空間更細叫o左小鍋酸辣米線，餸就要o左每日限量既腩肉、大腸同埋生菜本身想叫芽菜，但落單姐姐話本身碗米線已經包o左芽菜，佢好似覺得再叫多份唔係好抵咁，仲同我講可以多芽菜比我我覺得佢好nice…雖然我明明係想食芽菜山，但見佢咁熱情就即管睇下佢係咪真係會比多D我啦仲點o左最出名既涼拌墨魚頭，果然如傳說所講，入面有爽D亦都有韌D既，但個蒜蓉汁真係幾正，反而隨碟附上既酸汁點o左就好奇怪啦，建議可以唔點懷住期望既心情，米線終於黎到啦..因為叫o左三個餸，碗米線已經堆到好似成座山咁高..腩肉同大腸都有少少硬..唔夠淋由於碗米線入面太多o野…已經鑑定唔到到底佢有冇比多D芽菜我米線既軟硬度適中，可能我係重口味既朋友，個湯底唔夠酸唔夠濃，有好多米線舗都濃味過佢所以o係有咁多選擇既情況下，我未必會再encore佢..如果真係會黎，想試埋佢個蒜泥白肉

老實說，從網絡報道得知，我是冒名而來。晚上八點多，早了下班，還有點時間，刻意前往雲家。店面在小街，不難找，但容易走過。差不多九點，客人還有大半坐滿。選項大路，點了小鍋加腩肉。等了五分鐘左右上菜。望落都對辦靚仔，睇落無咩煙，食落超級熱！相當開心，熱米線唔夠熱，從來都是罪。湯底都有啲料，有放麻醬，稍似擔擔麵底的感覺，酸辣味道都似樣，酸菜鮮爽開胃，辣得來有平衡，不是一味辣。腩肉就唔得。首先腩肉不是腩位，更似沙梨篤，全瘦肉上陣。也知有用瘦肉做滷肉的一派，但一般有咁薄切咁薄才對路，減少纖維攝牙，撈醬才入味。整體而言，第一小鍋米線確實出色，即叫即煮，調味有心有層次，米線軟硬適中。第二配餸比較差，雖然我只選了一款，但其他的餸也普遍地貴於出面，是名氣大了？第三，鋪內環境比較差，十分擠逼，地面枱面都是油油滑滑的。我會再來，下次只點小鍋米線不加餸。見到有不少人外賣，也是解決方法，但外賣泡膠碗遇熱油會釋出怪味，還是自帶碗比較好。

平時唔太好米線既我🙈要好好食嘅我先會整返碗😚 荃灣雲家小鍋米線就係其中一間💖 每次去到都差唔多滿座，全因佢性價比好高，大碗抵食又好味😋·同朋友每人叫左一碗，真係勁大碗份量好多🤩一碗叫左紅腸、豆卜、牛腩，另一碗就叫左枝竹同墨丸睇下啲湯既顏色就可以知道中辣同小辣既分別啦🌶佢既米線唔會過腍剛剛好，索左辣湯汁食到雪雪聲🤤 我諗我下次可以試下食大辣挑戰下~而配料都有好多款式選擇👍要留意腩肉每日都勁快沽清，Annie到依家都仲未食到，唔通真係好好好食?!🤔·小食必推嘅一定係 🦑涼伴墨魚頭($42)口感爽彈肥滑飽滿，好妹好食😋😍 每次嚟到都一定要點佢，好多地方都無得食🤗 有得食都幾貴，哩度只係42蚊就食到真心抵👍

排左唔夠10分鍾就有位.  幸運. 姐姐非常有禮. 叫左懶肉, 芫茜, 豬脷, 墨魚頭. 酸大辣. 我平時食開三哥中酸辣. 相比起黎, 呢度酸大辣其實唔算好辣. 懶肉唔肥比較厚身, 我 Like豬脷厚薄啱我 (就係容易咬開, 又唔會過薄)墨魚頭爽口 (係無介紹錯)芫茜, 我至愛, 愈多愈愛湯底本身既肉碎都好好食! 清晒. 肥死. 無味精, 唔口渴!暫時係除左屯門雲川以外, 我另一最愛. 

喺米線關注組見到呢間米線好似唔錯，所以即刻約埋米線同好去試試。呢個可以係佢哋舖頭嘅鎮店之寶，勁濃嘅蒜香搭配麻油香，撈埋啲爽口彈牙嘅墨魚頭，成個感覺令人食過返尋味。作為芫荽關注組嘅成員，食米線最緊要嘅係芫荽，雲家嘅芫荽要另外加$8，但係$8如果可以換到咁大一碗芫荽，對我來講都幾滿意。主角出場啦，湯底來講，佢帶有少少酸味，都幾開胃。不過美中不足嘅地方係，我嗌嘅係小麻辣，但我覺得一啲都唔辣，主要着重係個麻味。如果鍾意食辣嘅朋友，可能要嗌中辣或者以上先至滿足到。同埋舖頭環境其實都幾窄，衛生呢其實都有待改善，希望佢哋可以盡快改善一下啦。

每個月總有幾日好想好想食米線之前有朋友話荃灣有幾間米線好食，一直都好想試！咁岩去開荃灣終於可以去試下！因為真係唔識路，去錯另一間叫云x米線，坐低左之後覺得點解同網上D相唔同先知道去錯左立即起身走人，勁唔好意思🙈好啦終於搵到，當天係平日約三點幾，所以唔洗排隊☺️，我眼闊肚窄叫左4個餸！有大腸、牛肚、墨魚、籮白小鍋米線唔~~~牛肚好韌，咬唔到！大腸有D淋有D韌，味道是可以的！墨魚算是新鮮，但完全沒有味道，韌到咬唔到，好似夾硬吞落去咁😑籮白甜，冇渣，好食💜喜歡湯低及米缐，但食到一半夾到張膠紙😱就同伙記講，伙記立刻講唔好意思話換過一碗俾我，因為我都食到一半，另外覺得牛肚及墨魚根本我都咬唔到只係食咗少少，叫佢扣錢俾我，佢都好好即刻話冇問題，然後都有換過一碗全新嘅俾我！覺得服務算係咁👍🏻不過就算佢換咗全新嘅一碗俾我我都只係食咗少半，整體來講米線及湯底係好食的，但我就唔覺得墨魚好好食，因為真係冇味道同埋好難咬！但我都會再嚟，試吓其他的餸

荃灣抵食高質雲南米線▫️呢間雲南米線好多人排隊！假日去排左成個鐘先排到！好受荃灣街坊歡迎！▫️魚肉春卷酸辣米線($35)為食兔就揀咗酸辣嘅大辣，呢碗真係辣到癲🥵就連自問自己都幾食得辣嘅都覺得呢碗係勁野！超辣！🙈飲啖佢地嘅湯，係落到去個胃都feel到好興🔥！同埋都真係好熱辣辣！但酸味就唔太食到！可能係啲辣勁得滯，啲味冚蓋晒啲酸味🙊魚肉春卷就有3大舊！食落都唔錯～▫️朋友就叫左腩肉牛肚酸辣米線為食兔就覺得酸辣BB辣好味過酸辣大辣嘅！佢地嘅BB辣唔會話真係好微辣咁樣，食落去都幾辣嘅！而且更能食到酸味！我就prefer bb辣啦～而腩肉食落好軟淋唔鞋，牛肚都好爽口～▫️涼拌墨魚頭($42)好鍾意呢碟涼拌墨魚咀，食落好爽口！配上蒜蓉！味道更豐富！旁邊有配上酸汁，食落更加開胃！▫️整體來講，份量好大碗，而且食完個大辣覺得好味覺刺激😂🔥同埋佢地嘅湯底都好夠熱，不會話係暖嘅，bb酸辣都好推薦比大家食！因為都真係好好味😋唔怪得有好多人排咁耐都願意排啦！▫️地址：雲家小鍋米線 (荃灣)荃灣沙咀道328號328廣場地下G01舖▫️為食指數:8（10分為最多)抵食指數: 9

1點去到有十個人排緊隊，但都算快，應該半個鐘內就入到去啦。位置唔算多，勝在流轉得快。整體表現一般，雖然有好多與別不同嘅菜式，但係味道唔算特別～先講小食，墨魚頭係好多人叫而且好出名，質地有部份爽口，有部份軟淋。有好多炸蒜同醬汁，旁邊有醋可以點，不過啲汁再加醋浸味就有啲複雜，結果係有少少咩未都食唔出，當係試吓都可以嘅。蒜泥白肉，外表好似燒茄子。未食過咁樣嘅蒜泥白肉，好似肥牛咁樣，但係又冇平時食開嗰啲咁有咬口🤔 最後食淨左一半🤭到酸辣米線啦！腩肉醃得入味，而且質地唔會好鞋身，味道唔錯！同埋見到佢係限量供應，即刻想叫你試吓。炸醬唔錯，肉粒分明，味道就普通貨色。豬頸肉算係最好食，軟綿有質感～湯底就唔會太鹹，其實係啱啱好嘅，不過食開重口味嘅我就覺得差少少😛😛另外叫咗檸檬可樂，特飲跟餐加$10😁我朋友話呢間米線佢排第二，評價都唔錯呀！

最近覺得荃灣真是一個美食好地方，平的貴的，連鎖的小店的，中西日韓台，任何類型的餐廳都有，有時想不到吃甚麼，在荃灣走一圈總會找到心水，今次就是走一圈後，發現這間餐廳門外的人龍非常多，就二話不說排隊。這間雲家小鍋米線地方不大，所以晚飯時間人真的有點多，不想花時間的可以點外賣，當晚我都等了至少半小時。餐牌一眼睇曬，就是吃米線，有多款預設好的米線，也可以自由配搭，看到價錢最貴都只是$58，你便知道人龍的原因了。雲家米線 這個甚麼配料都有，非常適合選舉困難症的人，配料有腐竹，冬菇，雞絲，雞翼，魚春卷，螺旋草，紅腸、芽菜、酸菜、韭菜、蔥、芫荽。米線來到時非常大碗，超豐富。冬菇醃得入味，大隻厚肉又多汁。魚春卷爽口帶有蔥香，螺旋草甚有咬口，有點像紫菜，加上配菜如芽菜、酸菜、韭菜、蔥、芫荽，獨特的香味，多款不同的口感，而且菜和肉比例平衡，坦白說如果是細食的女士可以兩個人加小食已經夠食，性價平超高。另一款點了熱伴米線，加豬肚，墨魚頭，韭菜，紫菜，配料有花生，榨菜，咸菜和肉碎。米線煮得剛剛好，柔軟但有口感，熱伴的精髓就是配料，花生，榨菜，咸菜和肉碎，撈勻後愈食愈惹味，加上爽口的豬肚和墨魚頭，熱伴有另一番風

👍🏻豬頸肉豬大腸小鍋米線 $54豬頸肉厚身又唔韌，肥瘦適中，醃得好入味，少少香茅味，好好食👍🏻👍🏻👍🏻豬腸洗得乾淨，滷得入味又夠淋👍🏻👍🏻兩個餸份量都好多，滿足😋😋😋米線彈牙，唔會煮到淋哂麻辣湯唔會太油，夠麻🌶味道：9/10性價比：8/10-👍🏻豬扒腩肉小鍋米線 $49腩肉係用滷水煮，好入味😋偏瘦，不過都唔怕鞋豬扒係煎既，食得出香茅咖哩既味道，原塊大大塊咁上😋肉質一樣係偏瘦，但都唔怕鞋既👍🏻👍🏻味道：9/10性價比：8/10-👍🏻涼拌墨魚頭 $42墨魚頭勁爽口彈牙😍份量比想像中多味道香辣，鋪左大量蒜泥，勁正🤪另外有配喼汁，不過覺得唔點都得味道：9/10性價比：9/10-📍#雲家小鍋米線荃灣沙咀道328號328廣場地下G01舖#hkfoodie #foodiehk #hkfood #foodhk #hkeat #hkrestaurant #美食 #香港美食 #外賣 #平食 #窮遊 #打卡 #香港打卡 #情侶好去處 #拍拖好去處 #荃灣 #荃灣美食 #荃灣打卡 #荃灣好去處 #雲南米線 #小鍋米線 #麻辣 #酸辣 #米線 #雲家