雲家小鍋米線 (328廣場)

營業中

休息中

呢間米線店喺屋企附近, 記得幾年前食過覺得一般。但近排米線關注組D 人又不斷介紹, 於是試下係咪好食咗。當晚大約7 點半去到, 見到開始有人等, 但係店員完全冇紀錄低邊個黎先, 邊個黎後, 只靠記性, 搞到排到勁亂, 前後次序錯晒。另外, 落單買外賣後, 冇俾到單客人, 所以係唔知佢條數係點計嘅, 而家又係靠記性記住自己叫過乜。我入去落完單, 等左成20 分鐘先有得拎外賣, 感覺有D 耐。期間又睇到拎外賣有D 亂, 可能短期內好多人幫襯, 廚房處理唔切。我叫咗魚肉春卷、螺旋草、炸醬 熱拌紅薯粉魚肉春卷 - 好食, 可以媲美南記。螺旋草 - 見方間好少有得叫, 於是食下。其實係海帶咁, 有少少調味, 不錯。炸醬 -  最出色係炸醬, 唔似譚仔果D。係FEEL 到個炸醬係食店炒出嚟, 心機嘢! 要試呀! 總括嚟講, 我覺得食物質素都可以嘅, 不過唔係人哋講到咁好食。但係食店真係要改善下排隊同拎外賣嘅系統。

今日同我家姐再來呢間荃灣小店支持一下六點左右去到，唔使排隊，可以直接入去，坐喺最角落嘅位置家姐叫左螺旋草、蘿蔔 涼伴米線，第一次試螺旋草，好似配菜，但係味道好特別，配合埋炸醬好好食，另外，蘿蔔都好淋，好易咬到我叫左腩肉、魚肉春卷、生菜 小鍋米線，小辣，食落去好惹味，腩肉唔會好厚，唔會好難咬，仲好入味，魚肉春卷亦都好好食，生菜浸完湯底亦都好好味秘製豬頸肉- 豬頸肉應該係燒過，所以好香，望落好靚，食落好味，加埋泰式辣醬，真係色香味俱全，唔怪得個個都會試涼伴墨魚頭- 好多蒜同䓤加埋一齊，墨魚頭本身好好咬口，加埋個醬汁，亦都係值得一試走嘅時候，又係有唔少人排隊，今次好彩早啲嚟有機會一定會再嚟繼續支持荃灣米線小店

星期日晚同friend 嚟到荃灣行街，行到餓就決定食個晚飯喇。見到呢間米線店好似唔錯，價錢又平就入去試下喇。選擇都唔少，除咗米線、多種配料外仲有小嘢同飲品。我哋分别嗌咗豬頸肉小鍋米線同雞絲螺旋草米線，份量真係好多好大碗。辣度又有得自己揀。我哋仲加咗好多餸包括豬紅、雞翼、蘿蔔、通菜等等。雖然好飽，但我哋仲嗌咗個小食，就係涼拌墨魚頭。勁多蒜蓉勁香口，墨魚頭有爽滑又彈牙，推介！當然唔少得嗌返杯豆腐同凍檸茶，真係好解渴呀。

睇過好多媒體介紹，想試好耐，亦都睇過好多食評，又好又壞，已經有定心理準備今日終於有胃口有時間去試吓，下午茶時段入座，坐滿晒人，但都有一兩個位，唔使等叫咗雲吞小窩米線勁辣加一份炸春卷，雖然唔係我鍾意食嘅雲吞種類，但係得兩粒，勁寒酸。之前有人話湯底勁鹹，所以我盡量唔飲湯，不過以我食到嘅味我覺得唔算勁鹹，失望嘅係我叫勁辣但完全唔覺得辣。炸春卷好鬆脆，不過餡料好粉，似芋頭，唔係我想要嘅嘢。整體來講雖然唔算伏，但係係失望嘅，所以唔會再嚟

今晚去左荃灣做野之後打算係附近食少少野就番屋企, 經過見到E間米線8點半都仲係滿座而且仲有好多人等位同外賣, 於是就決定排隊去試下!🌟雲家米線米線入面有極多配料, 例如腐竹, 冬菇, 雞絲, 雞翼, 魚春卷, 螺旋草, 腸仔, 芽菜, 酸菜, 韮菜, 蔥同芫茜, 冬菇超厚肉, 魚春卷幾香口, 其他配料都好入味, 米線煙韌彈牙, 口感順滑🌟小鍋紅薯粉小妹點左小辣, 份量都幾多, 基本配料已經有芽菜, 酸菜, 韮菜, 蔥同芫茜, 小妹就再追加左炸醬, 腐竹, 金菇, 蘿蔔同通菜! 湯汁用左大量調味料調製, 味道唔算辣, 幾惹味幾有層次, 薯粉口感彈牙, 而且同配料一樣吸哂d湯幾好味🌟手拍青瓜青瓜口感清脆幾juicy, 沾埋醋汁, 酸酸辣辣, 惹味開胃!

一向備受關注既一間米線舖，我唔係特別會關注好食米線，但都成日聽講呢間米線好正，就特登搵晚黎試下點出色法！肥牛味道好正常，無乜特別，不過配菜同埋個湯底係惹味，都偏向重口味，食完會口渴。見到坊間少有既螺旋藻，試！再加白蘿蔔，我感覺係正常，我都係鍾意車仔麵有醃過既，每人口味唔同，我就有失望。不過，最有驚喜既見人力推，大讚好味既涼拌墨魚頭 $43，價位有啲貴貴地，但真心正，調味帶點辣，大量蒜茸舖面，齋睇賣相已經口水分泌失調，墨魚頭口感爽脆，滑溜惹味，再加上涼拌手法，非常滋味🤣米線舖主打既米線感覺一般，反而只有個小食有驚艷到我。周圍都感覺癡笠笠，中途時，上菜時侍應倒瀉左啲湯落地，佢地無理，無去抹返個地下，所以令我覺得佢地清潔一般。

入左社交平台 嘅米線group之後知道荃灣出名多米線，有幾間都特登出名，所以就揀左雲家嚟試下今次我地2個人中午12點就嚟到，咁啱好好彩可以即刻入，但入面已經坐滿晒，過一陣都有見到開始有人排隊🤣🤣🤣🤣講返米線先，我今次叫左碗牛肚加魚肉春卷麻辣小辣湯底好夠麻辣味好足料，份量都好多，唔記得左小米線，最後都食唔晒🤪仲叫左呢度好出名嘅小食 涼拌墨魚頭，墨魚頭好爽口如果住荃灣應該會成日過嚟食🤣

又聽谷友推介，試試看。唔洗排隊，可能時間尚早酸辣湯底，腩肉，魚肉春卷整體一般，尤其係魚肉春卷，普通小辣都算幾辣下架墨魚咀墨魚蘇比較多 咀就少啲，有點失望的雖然舖啲位置幾逼，隔板係實色黑色，私隱度都幾高

其實佢既味道係好食，但有一兩間雲南米線既味道都差不多，講環境講效率這間真係差好多，人手嚴重不足，地方好迫，但會繼續幫襯既原因係佢配料既款式選擇多好多，而且夠曬特別，螺旋燥（海帶） 已經好吸引，仲有豬脛肉好香，豬大腸墨魚嘴仲有好多配料都唔係間間有， 跟米線既香菜同米線一樣咁多👍🏼正。唯有忍忍個地方...

荃灣出名多好野食，今次揀左一間米線 -「雲家小鍋米線」。今時今日米線舖開到成行成市，要突位而出唔容易，而今次食既呢間，深受荃灣街坊歡迎，有唔少好評，所以同朋友都慕名而來試一試。一黎到已經見好多食客，門口仲要唔少人等位同等攞外賣，坐無虛席，我地食緊既時間都不斷見到有街坊買外賣同埋好多速遞攞外賣，可想而之幾多中意食佢地既野啦。小鍋米線（酸辣&麻辣）小鍋米線有得揀酸辣、麻辣同唔辣，都有得再揀唔同辣度。我地分別叫左酸辣（小辣）同麻辣（中辣）兩碗試吓。先講酸辣，湯底飲落好有層次，飲到有豬骨同雞味，而且好夠酸，配埋少少辣，好出色。而麻辣一上枱睇到唔嘢少，食落夠麻夠辣，有好多辛香味料。而米線方面啱啱好煮得，唔會太淋唔會太硬，好掛湯。一款最簡單既小鍋米線，作為米線舖既招牌菜，好出色，絕對可以打低同佢其他米線舖。秘製豬頸肉強烈推介，超級好食。即叫即燒，黎到熱辣辣，香噴噴，燒到外面夠香脆，而入面充滿油脂感，激多肉汁，完美做出一份好好食既豬頸肉。我個人建議係額外叫一份，唔好加落米線，因為一大份咁食先至夠正。蒜泥白肉呢度既蒜泥白肉同坊間既有d唔同，係即叫既煮，熱熱地上枱既。成碟係爆蒜爆蒜爆蒜，加埋秘製醬汁，好

腩肉螺旋草麻辣bb辣小鍋米線 $47腩肉同螺旋草既份量係足料 上枱都有啲嚇親🤣🤣 腩肉唔會柴 大細岩岩好～ 螺旋草口感幾特別 口感同海草口感差唔多😚 最緊要係佢會索到啲湯汁😍 魚肉春卷雞軟骨麻辣小辣小鍋米線 $47魚肉春卷一般 雞軟骨份量都唔錯 軟骨有軟骨口感 無炆到淋曬～ 豬軟骨既滷水味幾重😋 食得出麻辣湯加左香料同唔同調味料落去😆燒雞翼 $18 燒雞軟骨 $18串燒一般 燒得偏柴🤔 兩個香料味好足！麻辣豬耳 $38豬耳都ok 都係滷得好入味 軟骨部份都要咬 唔係淋曬個種～柑桔蜜 +$10係咸柑桔黎 所以我幾鍾意 好飲😍😍凍檸茶 +$8正正常常～

唔少人一定聽過雲家小鍋米線嘅大名，開業四年多仍然係人龍米線旺鋪👍話哂係小店經營亦多了一份街坊情，除了性價比極高亦都係米線關注組嘅長期推介，湯底四至六小時每日新鮮熬製，13款地道米線有酸辣/麻辣湯選擇，小鍋米線、重慶酸辣粉，辣勁尤其十足，另外一定要試小食/串燒。足料實惠非常。辣度分BB辣/小小辣/小辣/中辣/大辣/勁辣配料自由配搭，超過40款選擇就是自由👍=̶豬頸肉酸辣小鍋米線=̶$46推介:⭐️⭐️⭐️⭐️⭐️切片豬頸肉雖然比起小編食過的唔算出色，但份量真心誇張，片片肉感咬口，配料有芽菜、酸菜、韮菜、蔥、芫茜等，惹味湯底配上柔軟米線，大大碗打卡一流。點了三款配菜樣樣舉起👍😮炸醬$10、蘿蔔$7、紫菜$7味道香濃、甜到眼到大埋、健康爽口👏=̶涼拌墨魚頭=̶$43推介:⭐️⭐️⭐️⭐️⭐️被喻為鎮店之寶當然要試試，呢個價錢食到個唔係間間都有嘅川味小食，份量又多，的確值得推介，咬口滿意，蒜粒辣椒絲香油蔥粒嘅香料豐富👏=̶醬拌皮蛋=̶ $23推介:⭐️⭐️⭐️⭐️⭐️小編有皮蛋叫就必會點嘅一款，用左非一般皮蛋呈現透明蛋白、黃色蛋黃溏心入味，蒜香爆燈😋=̶檸樂=̶+$8下午茶時段2:00-6:30pm有優惠價加配店鋪位置雖不是鄰近市中心，但

今次特登嚟到荃灣試一試依一間雲家小窩米線，勁多人喺出面排隊，我哋排咗一陣入到嚟就嗌嘢食。雲家米線 超級多嘅配料😍有螺旋藻、冬菇、滷水雞翼、炸過嘅香腸、蝦肉春卷、雞絲等等！而且米線份量超多（多到可以兩個人食）重慶酸辣粉加炸豬排酸辣湯底好多層次，加左好多豬骨同雞熬製酸菜同榨菜份量好足😚 叫左中辣，8比依間就比較上多酸味啲，但都好食😋 同埋唔會越食越口渴！塊炸豬排好大塊，仲大過我手掌😂😂 肉汁鮮嫩，唔會好un涼拌墨魚頭 好爽口！食唔停口😍炸雞中翼炸得好外脆內嫩，同埋佢本身醃得唔會太鹹👍🏽👍🏽我地仲叫左兩枝凍豆漿，夏天唔飲凍野真係唔得🥴🥴

出開荃灣，一直想試下呢間，12:00去到唔需要等位，直接有位。環境方面，見到有蚊飛下飛下，不過整體都算不錯。服務方面，職員有禮貌，會耐心等我哋點餐，可能係唔多客人。上錯菜都會幫我哋換。食物方面，我點左小窩米線，小辣，加了豬紅和豬潤，加左個小食，涼拌墨魚嘴。湯底好味，超級好味，唔會太鹹，而且食得出唔係味精湯，米線彈牙，唔係太碎。配菜方面，豬紅入味，豬潤就差點，好粗糙，唔滑又唔粉，煮得太老。墨魚嘴好味，重蒜味而且墨魚嘴夠爽。整體食完之後感覺唔錯，唔會好似其他店咁食完不停飲水。值得一試

荃灣向來都係米線混戰區，問過幾個成日去荃灣搵食嘅朋友，大家喺米線上都有分歧，難得呢排有機會去荃灣就試下，第一間係受 #米線關注組 關注嘅 #雲家小鍋米線 。果然去到門口就發現人龍，無論堂食、外賣都有，唔想曬住等位，所以決定外賣。網上搵資料發現店子開業四年，堅持湯底每日新鮮熬製， 需時四至六小時，而且米線每碗都係即叫即煮。配料超過40款選擇，有選擇困難症嘅朋友一定有危機，而本人恰巧就係其中一個，所以就揀咗set好嘅魚肉春卷米線。魚肉春卷米線 $37可揀麻辣或酸辣，第一次叫小辣，自己覺得唔夠候，食得辣嘅一定要叫中辣。湯底裡面有肉碎、酸菜、芽菜等等，味道有層次得嚟又唔會太膩。特登揀魚肉春卷因為坊間供應又好食嘅唔多，略嫌佢實咗少少，魚肉味都爭少少，都算合格。驟眼睇有三條但其實係切半，即係一條半。加錢叫嘅豆漿係來貨就唔特別講，整體來講係湯底好味，米線又唔會煮得過腍，呢個價錢係可以嘅，有機會再試下其他餸。