雲家小鍋米線 (328廣場)

營業中

休息中

雲家小鍋米線 📍荃灣沙咀道328號328廣場地下G01號舖-鐘意食米線既你不能錯過哩間，係米線界來講都好出名🤣基本上每一晚食飯時間都大排長龍，要食既話真係要早啲去排隊。米線份量真係好足，而且價錢又唔貴，酸辣湯好出色，夠酸夠辣！同埋比既配料例如肉碎、芽茶、臭茜一啲都唔手軟👍🏼小食推介要食墨魚嘴同埋豬頸肉，可以見到墨魚嘴🦑比既蒜好多，爽口好食，而豬頸肉完全唔會好乾好孩，好鮮嫩口感非常好。

前天晚上男友买了这家店铺的米线，酸辣汤底，我喝了几口汤，并没有吃米线。结果当天晚上，男友腹泻➕呕吐四五次，于是立刻就医，被诊断为急性肠胃炎，因为摄入的食物细菌超标。第二天早上，我也开始出现类似症状，但是由于吃的得少所以症状更轻微，腹泻三次➕头晕恶心，但是并没有呕吐，不过仍然需要看医生。这家店之前也买过几次，但是都没有出现这个问题，可能当天是有什么食材不干净变质引起的吧，希望店家可以加强一下卫生监管

呢間小店提供地道米線如酸辣湯小鍋米線、重慶酸辣粉等🍜另有多款小食，價錢經濟實惠😍💗小鍋米線+炸醬+豬脷+ 冬菇 ($58)米線煮得啱啱好，順滑又索湯，今次揀咗酸辣BB辣，湯底濃而不油，超夠味🍜配料非常豐富，有超多肉碎、芽菜、韭菜、酸菜、蔥👍🏼炸醬份量好多，少少微辣好惹味🌶️；冬菇厚肉夠彈牙，吸湯力十足🍄；豬脷爽口有嚼勁👅💗小鍋紅薯粉+雞翼+蟹柳 ($52）紅薯粉屬於粗身狀，口感滑溜煙韌😋呢個揀咗麻酸辣小辣，麻香同酸味都好突出，兩者好平衡🌶️炸雞翼皮脆肉嫩🐥；相反蟹柳份量較少🦀💗蒜泥白肉 ($42)蒜泥白肉底層放上豉油，長長嘅腩肉薄片置中間，肥瘦勻稱🐖最上層就係超誇張嘅蒜泥，超重口味，入口滿滿蒜香🧄💗醬拌皮蛋 ($24)皮蛋食落係溏心，甘香滑潤，加上秘製蒜蓉醬汁超惹味🥚💗秘製豬頸肉 ($47)豬頸肉外層燒得焦香，肉質爽脆嫩滑，再點埋泰式甜辣醬食一流🐷

✨ 雲家小窩米線 （ू•‧̫•ू⑅)⁡米線迷再次出動今天去開荃灣一嘗在米線關注組排名頗高的人氣米線館烈日下排隊近40分鐘對上一次吃這家已經是去年的事今次到訪依然能保持水準⁡🎀 <四餸小鍋米線>⁡餐牌配料選擇很豐富每一件都看似很滋味深思熟慮後才做到決定⁡先由湯底說起由於小編不吃辣的關係只點了無辣的酸湯酸味很足味道有點似另一間連鎖米線舖-雲貴香的湯底整體既清又開胃⁡四餸點了豬頸肉，金錢肚，冬菇及螺旋藻豬頸肉是必吃之選每片肉帶有點油脂 外皮邊位亦香脆⁡滷水金錢肚及冬菇忟得夠入味尤其牛肚爽口份量亦不少⁡不是所有米線舖都有螺旋藻可選擇因此小編每次見到都會點螺旋藻多吃不胖而且比起慣常吃的蔬菜口感更好吸湯爽口彈牙⁡米線忟得剛剛好沒有過淋整碗份量很大碗性價比滿滿⁡整體評分：😋味道: 8.5/10💰價錢: 約$82*☼*―――*☼*―――*☼*―――*☼*―――*💖 雲家小鍋米線 (328廣場) 📍荃灣沙咀道328號328廣場地下G01號舖📞2439 5767⁡⁡⁡⁡ ⁡

＜暫時心中目中no.1米線店＞香港人有幾鍾意食米線就係人都知，今日第一次食呢間雲家小窩米線，一食就愛上左，榮升心目中既No.1 (甚至比荃灣另外兩間人氣米線更加好味），如果你係中意食雲南style米線，依家你一定要食下！強烈推介！佢家庭式經營，鋪仔細細，坐舖哂人，夜晚6點幾門口已經有條人龍，想食就真係要早啲去！ 🔶️腩肉炸醬冬菇小鍋米線（$31+$10+$10+$9, 9.3／10） 我唔係好食得辣，我叫左個BB酸辣湯底，辣度都啱啱好，我好鍾意佢既湯底濃而不油，好夠味！佢仲有超級多芽菜，韭菜，酸菜，蔥同芫荽，其實齋食個小窩米線底已經好好味好足料！我另外加左腩肉，炸醬，冬菇三樣餸，三樣餸都好好味！腩肉唔算好肥，炸醬本身有少少微辣好惹味，冬菇夠厚肉夠彈牙夠入味。全碗米線都好好食，米線好滑，仲要份量十分之多，最尾我都食唔哂。 🔶️涼拌墨魚頭（$46，9.2／10）老闆話係呢度嘅招牌菜，差唔多枱枱都會叫一碟，每日限量供應，賣哂就冇。今日有幸食到，佢呢個涼拌墨魚頭都幾大碟，兩個人share 先有機會食得哂。佢啲墨魚頭咬落好爽脆，好彈口，仲好重蒜香味，真係又好食又抵食。 🥤咸檸七（$16，9／10）食

人得1個胃，但荃灣呢間米線，有8個胃嘅我嚟過幾次都冇次食得晒❗️🔅懶人包：大份抵食😽墨魚頭必嗌-1️⃣小辣麻辣小鍋米線🌶️$31＋$41（豬頸肉＋豬扒＋豬紅）（7.5/10）今時今日食野咁嘅份量實在係太過分喇❗️大份到咁樣點食😨豬扒軟韌多汁🥩豬紅爽口大嚿🩸豬頸肉量多仲要肥瘦分明，肥可以減❗️好西錯過就冇😭食咗先算✌🏻而麻辣湯底♨️實際係麻酸辣，但可以走酸菜變純麻🌶試左麻酸辣，入口偏酸，麻作為後勁慢慢滲出嚟2️⃣小辣酸辣小鍋米線🍜$31＋$45（牛腩＋金錢肚＋豬軟骨）（7.5/10） 湯底♨️同麻辣大同小異，個人鐘意麻辣多啲！都係嗰句，份量真係好多😨你望我張圖碗野成座山咁高⋯最後我食唔晒，非洲朋友仔對唔字😭牛腩牛味十足又唔會韌🥰豬軟骨夠淋，骨都輕鬆咬到🐖金錢肚爽口但切得太幼冇口感🤏🏻3️⃣涼拌墨魚頭🦑$42（8/10）碟墨魚頭就好似長江七號鐘意主角個女仔一樣⋯成座山咁大份🏔CLS一條友肯定食唔晒，墨魚頭🦑爽口大嚿、重蒜小辣，點輸🧄

荃灣都有好幾間出名嘅米線，雲家係其中一間，今日就嚟試吓先。豬紅，豬腸，蘿蔔 酸辣小鍋米線怕太辣，叫左微辣，酸中帶少少辣，幾開胃，米線份量都幾多，幾夠飽。豬紅豬腸正常，幾好食，必點蘿蔔，最緊要係冇渣，清甜入味，推！另外試咗豬脷，蘿蔔熱伴紅薯粉，紅薯粉煙煙韌韌，最鍾意呢種口感，都唔錯。涼拌墨魚頭好正，我覺得一定要食！爽口彈牙帶嚼勁，正！秘製豬頸肉 $47唔會整到好乾好嚡，肉質帶爽，正，鍾意豬頸肉嘅可以一試！

【荃灣區】【雲家小鍋米線】見到米線關注組激讚呢間家族經營嘅足料米線店就想去試，近年仲因為經常排隊情況所以開埋元朗店。而每份米線都由老闆親力親為，質素穩定、足料量大、少油健康。而小食仲講到特別用心而且份量大，夾埋道歉哥去試。好彩道歉哥嚟得早，靠我就慘，有堆人排緊隊喇。甚少幫襯排隊店嘅我都皺晒眉，不過大家都食得好快，比想像中快嘅時間就入到去。即叫小食，要咗 $46 嘅「涼拌墨魚頭」、$47 嘅「秘製豬頸肉」、$42 嘅「蒜泥白肉」。三款肉類都好正，後者仲要超多肉勁大份，好癲，道歉哥仲叫埋 $22 嘅「涼拌雲耳」嚟試，都好正呀。小食已經夠驚喜，試埋米線，佢哋分兩種辣，酸辣同麻辣，道歉哥叫 $49 嘅「豬頸肉小鍋米線」就要咗麻辣嘅小辣，佢話正。喺芽菜、酸菜、韮菜、蔥、芫茜裡面仲要加 $9 要埋「魚肉春卷」，都正。不過我唔食得辣，就叫咗 $63 嘅「雲家米線」但揀唔辣。有腐竹、冬菇、雞絲、雞翼、魚春卷、螺旋草、腸仔、芽菜、酸菜、韮菜、蔥、芫茜，爽呀。不過我特別都想講吓啲米線，火候特別好，同埋濃而不油，喺啲大集團米線舖係食唔到呢個感覺。同道歉哥一人一枝 $10 嘅「豆漿」之下，都係食唔晒，小食應該

無論在什麼時候來，雲家門外都有一條長長的人龍，總有一班粉絲在排隊，包括小編😂😂也有很多外賣單，在家也能吃雲家。有小鍋米線、紅薯粉、涼拌米線、熱拌米線等。超過40款餸選擇，價錢各不相同。有11款特色小食，小編最愛吃涼拌墨魚頭、蒜泥白肉、麻辣金錢肚和炸春卷。一人一碗小鍋米線 $31配料有芽菜、酸菜、韮菜、蔥和芫茜。湯底點了小辣，帶少少辣吃得過癮。金錢肚 $15大小適中，有咬口。蒜泥白肉 $42喜歡吃蒜的你，一定愛吃👍🏻爆多蒜，不會太碎，保持咬口。蒜泥配上薄切白肉，無得輸😋😋炸春卷 $24有5隻，即叫即炸，保證熱辣辣，脆卜卜😋裡面有芋頭😍😍口感非常豐富。涼拌墨魚頭 $46超級多，幾乎滿瀉。墨魚頭爽口彈牙，配上蒜汁很惹味。

自從某YouTube channel 介紹過之後, 就變了飯市時大排長龍。其實本人之前都有食過, 要排長龍之後首次再光顧, 不過令我失望。點了小窩米線, 豬耳, 蘿蔔, 酸辣小辣湯底一如以往是我喜歡的味道, 不會太咸不會太辣, 但米線比較淋, 不是我喜歡的爽米線。豬耳過淋, 皮肉位置是淋到入口即溶, 只是耳骨位有少量咬口。蘿蔔有3大件, 有1件好多渣好老, 即使蘿蔔是甜, 但食到是假甜, 是浸了糖水的假甜。整體來說, 份量是多的, 但質素低。小食點了一碟蒜蓉撈墨魚頭冷盤, 其實是室溫, 蒜蓉汁醬好食香口, 但墨魚似乎有點不太新鮮的混在一起, 有的是新鮮爽口, 有的是淋淋的不新鮮。飲品, 點了凍檸荼, 少甜少冰, 正常發揮, 而且都是好大杯的。服務方面, 職員是友善的, 但真的太忙, 太多外賣單, 叫了幾次落單, 都叫我們等等, 不過都好有禮貌。可能真是店舖出名了，顧客多了，做唔切，質素下降了，以前未有報道時，水準不錯的。現在不會在我考慮之列。

呢間米線bookmark左好耐，不愧係米線關注組長期熱捧嘅米線呀，係附近返學嘅中學生就幸福啦😭推薦指數：🐷🐷🐷🐷（5分滿分）（原因：價格親民，配料選擇多！）🍜酸辣小窩米線配腩肉，螺旋藻 𝐇𝐊𝐃 50湯底濃郁，酸辣嘅比例剛剛好😍，小辣嘅係人人都可接受辣嘅程度🌟，本身米線已經有酸菜、肉碎，肉碎份量亦好多！米線偏稔，醃過嘅腩肉好評🫶🏻，脂肪比例較小，比較厚實，螺旋藻係我地一致認為必叫的😍😍！海量嘅螺旋藻，比肉碎仲要多😂，食落似海帶，但冇海帶嘅海水味，而且好少米線舖有呢個餸，必叫啦😏！🍜酸辣小窩米線配豬頸肉，蘿蔔 𝐇𝐊𝐃 56豬頸肉幾香口，肉質厚實，但兩款肉都係鍾意腩肉多d🤣蘿蔔幾稔亦冇渣🐔炸雞翼 𝐇𝐊𝐃 30/4隻偏細隻，但又唔會炸到乾爭爭，配既係泰式酸辣醬，幾惹味凍飲+ 𝐇𝐊𝐃 8環境：鋪面好細，食飯高峰期預左要係出面等，但翻枱率快

食米線就梗係要隨心所欲咁，想要咩餸就叫咩，唔會比套餐規限，今次同大家介紹嘅呢間荃灣米線店，單單係米線配送就已有超過40款，唔夠嘅話仲有11款小食任君選擇，一定滿足到鍾意大堆頭嘅你，今次同朋友試晒佢唔同速度嘅小鍋米線，仲嗌多咗幾份小食開心share秘製豬頸肉-絕不油膩，外表炸至香脆口感涼拌墨魚頭-微辣，墨魚頭與蒜蓉配搭完美蒜泥白肉-雲南口味嘅白肉，配搭秘製醬汁十分惹味，不要以為只是譚仔小食喔

話晒我都一個米線腔，所以我留意周圍有咩米線食🤭今次嚟到依間都幾出名嘅米線，由於都知好多人食，所以今日六點半已經嚟到食晚餐，點知一到門口，見到已經排晒隊😆😆好彩唔算等咗好耐已經入到去⚫️雞絲螺旋藻麻辣米線（小辣）$49雞絲同螺旋藻都係整到碎，我好中意依種食法，因為每食一啖都撈有雞絲同螺旋藻，加埋湯底有啲肉碎，每一啖配上少少湯底，同埋米線，食落去口感非常豐富。雖然我嗌咗小辣，最細可以叫BB辣，小辣對我嚟講啱啱好，每一啖都有少少辣味嚟增加食慾🤤🤤🤤⚫️豬耳豬大腸麻辣米線好乖 （小辣）$50豬耳同豬腸食物都比我想像中多，豬腸入邊清洗得好乾淨，兩款都整得好好味😄😄😄⚫️墨魚頭小食 $46每一舊都大大嚿，而且好爽口，麻辣唔會太辣⚫️蒜泥白肉 $42好多蒜泥，而且整到好碎，白肉薄薄更入味，每一啖白肉撈嘅蒜泥，非常好味整體嚟講，而家店舖又好味，而且每樣食物份量都非常多，二人嗌咗以上食物已經飽到傻，人均消費大約$60左右，依間真係一間性價比好高嘅米線餐廳😍😍

社交平台米線關注組好多人介紹嘅雲家，我終於食到啦😍由於間舖唔近我，所以等咗好耐先有時間去😅平日lunch hour好多人等位，佩服咁多人烈日當空都等咁耐，證明呢間米線真係好得😋加上價格平易近人，好多附近街坊上班族都嚟食👍🏻🍜肥牛小鍋米線💰$46🍜豬扒小鍋米線💰$46🍜豬頸肉小鍋米線💰$49🍜魚肉春卷米線💰$40幾個都要咗必食嘅麻酸辣湯底，第一次食要咗小辣，我都幾食得辣，下次會揀中辣🌶️湯底配料有芽菜、酸菜、韮菜、蔥、芫茜等等，好惹味，真係食唔停口米線係好啱我鐘意嘅口感，較軟熟嗰款，更索湯底🥢秘製豬頸肉💰$47豬頸肉最香口最好食，所以叫多碟豬頸肉小食另外呢到必食同多人推薦嘅有：🥢涼拌墨魚頭💰$46唔算好辣好開胃，墨魚頭爽口🥢蒜泥白肉💰$42勁多蒜，好惹味，白肉好食👍🏻🥢炸雞中翼(4隻）💰$30香口好脆🚩雲家小鍋米線 (328廣場) (荃灣) @noodlepotcome 📍荃灣沙咀道328號328廣場地下G01號舖

🍽雲家小鍋米線(荃灣)👍🏻豬扒小鍋紅薯粉 $48豬扒有分量，湯底酸辣😋.🤜🏽腩肉小鍋紅薯粉 $43腩肉好嚡口，湯底酸辣😋.🤜🏽涼拌墨魚頭 $45係大粒，但係唔爽，好普通啲人話又爽又彈牙…我地完全感受到💔.👍🏻菜心 $15📸29.05.2022.💁🏻‍♀️係大熱天時等左45分鐘以上☀️🥵等候時間過長，食物質素一般名過其實，唔明點解會有咁多人推介🥲要等餐懵，食物普通，坐得逼夾我寧願去食譚仔好過🙌🏻👍鐘意既請Follow/Share/Like🙏ʕ•̫͡•ʕ•̫͡•ʔ•̫͡•ʔ•̫͡•ʕ•̫͡•ʔ•̫͡•ʕ•̫͡•ʕ•̫͡•ʔ•̫͡•ʔ•̫͡•ʕ•̫͡•ʔ•̫͡•ʔ🤞🏻#no852新界區🤞🏻#no852荃灣🤞🏻#no852荃灣西🤞🏻#no852湯麵🤞🏻#no852米線🤞🏻#no852x2022