雲壽司 (聯成商業中心) (已結業)

自己食過好多間日本餐廳，呢一間餐廳我都真係幾鍾意，呢度嘅Omakase$380，用嘅料我覺得係好高質。餐廳嘅綠茶係用綠茶粉沖嘅，所以一路飲嘅時候一路都仲會覺得好濃。餐廳店舖唔算大，但擺設都非常整齊。我叫咗個翔的套餐，裏面有10件壽司，一個麵豉湯，同埋一個吞拿魚茸手卷。十件壽司裡面包括：拖羅、秋刀、白蝦、筋子、吞拿魚面脥、海膽、深海池魚等等。我最鍾意嘅當然係佢哋嘅海膽壽司，海膽來自北海道，一啲都唔腥，而且非常甜，入口即溶，果陣香味仲會逗留喺個口裏面好耐。我第二鍾意嘅係佢哋嘅白蝦壽司，白蝦好滑，而且軟林林，入口之後好快溶。而且好新鮮，亦都好甜。再之後就係深海池魚，有陣魚香味，少少咸。筋子壽司亦都好好，每一粒都好晶瑩剔透，而且汁亦都好多。呢度嘅拖羅亦都好出色，魚油飽滿，入口好快溶，再配埋佢粒粒分明嘅壽司飯，壽司飯亦都帶有微酸，完全可以中和到拖羅嘅魚油，非常好。再之後就係佢哋嘅手卷，吞拿魚茸手卷幾好食。佢哋呢度亦都會有麵豉湯。

依加放假無得去旅行 唯有食日本野解下鄉愁 晏就揀左呢間係銅鑼灣性價比唔錯既壽司店 午市包沙律同麵豉湯 味道不過不失特上壽司拼盤$250有10件壽司 吞拿魚腩色澤好似雪花肥牛咁 食落油脂甘香😋 深海池魚口感爽脆 帶鮮甜 牡丹蝦晶瑩剔透 嫩滑彈牙 甘甜😋 赤貝厚身大件 清脆爽甜 炙燒左口魚邊夠肥美 好邪惡🤤 蔥吞拿魚腩口感軟綿有脂香 加埋蔥 味道久久不散 海膽好好食😍 非常鮮甜 好creamy😍 仲有鯖魚 魴鮄同三文魚籽 同樣好食👍🏻北海丼$188入面有7款新鮮刺身 有吞拿魚腩 油甘魚 赤貝 牡丹蝦 海膽 三文魚同三文魚籽 刺身夠厚身 啖啖肉😋 油甘魚鮮甜 三文魚夠肥美 三文魚籽份量都唔少 大大粒 粒粒色澤光亮 刺身丼飯量充足 食完好滿足😋

⁣之前出cwb食lunch 又想食壽司 就揀左呢間試下 lunch set包左麵豉湯同沙律⁣⁣. 特上壽司拼盤 . $250⁣一共有十款 望落已經覺得好正🤤 食落都好新鮮 三文魚子粒粒晶瑩剔透 呑拿魚腩色澤好靚 好似d雪花肥牛咁 赤貝非常爽口又大隻 海膽入口即溶😋火炙右口魚邊燒得好甘香 啖啖蔥呑拿魚腩好幸福😋 仲有牧丹蝦 魴鮄 鯖魚都好新鮮😍⁣⁣. 北海丼 . $188⁣同樣好豐富嘅丼 有赤貝 牧丹蝦 油甘魚 呑拿魚腩 海膽 三文魚腩 同三文魚子 😍 賣相好靚之餘 刺身都係厚切😋 勁吸引⁣⁣推介: 🌟🌟🌟🌟(最高5星)⁣⁣

📍雲壽司 (銅鑼灣)🔍銅鑼灣謝斐道506-508號聯成商業中心地下B號舖-----忙碌嘅Weekday晚上，收工之後幫家姐去咗銅鑼灣交收網購貨品，之後就隨意係街上搵地方食個一人晚餐。誤打誤撞下見到呢間細細間嘅壽司店好多人排隊，環境望落有麻雀雖小，五藏俱全嘅感覺，細細嘅地方，有四五個壽司師傅，感覺幾Pro，就決定搵佢黎做晚餐嘅落腳點。佢地有散叫壽司🍣、丼飯同omekase等等，一個人食唔到太多就叫咗一個丼飯黎試下。✨北海丼 $188細細嘅一個丼飯，上面滿佈刺身，包括有牡丹蝦、中拖羅、三文魚腩、三文魚籽 、北海道馬糞海膽、赤貝、油甘魚等等，全部都非常厚切，貌甚吸引。牡丹蝦鮮甜並存、中拖羅嫩滑無筋、油甘魚魚油豐腴、赤貝爽口無腥，每款刺身都質素在線，配搭粒粒飽滿軟糯嘅日本米飯，不禁令人想說一句Oishi！小店黎講，算係頗有驚喜嘅質素。👶🏻B仔整體評價：8/10個👍🏻👶🏻B仔抵食程度：7/10個👍🏻👶🏻B仔環境評分：8/10個👍🏻👶🏻B仔味道評分：8.5/10個👍🏻👶🏻B仔回頭機會：8.5/10個👍🏻-----#swallowhongkong☺️快D跟住B仔一齊吞食香港啦！🤤#swallowcwb

omekase黎講真心抵食～～～本來幾乎年年都去一次日本旅行 但係而家完全諗唔到幾時先可以去下一次 為咗安撫下我呢個想去日本的心 今晚大舊就帶咗我去銅鑼灣嘅呢一間舖頭度食omekase 由於最近經濟唔好 我哋都慳使咗好多 所以今晚就揀呢間出名平價抵食嘅omekase ～～～我地叫嘅「翔 」omekase Set （$380）對於食omekase黎 真心抵 個Set有10件壽司 一個手卷 同埋一個麵豉湯～～～等食嘅期間我哋見到佢嘅枱面有like fb送蟹子青瓜蟹柳沙律 我就就like咗 而送到黎之後 個沙律冰凍爽口 而且份量都幾多 唔錯～～～今次師傅幫我哋安排咗嘅食物包括有吞拿魚個頭頂（腦天）筋子 左口魚 秋刀魚 金木鯛 帶子 大拖羅 剝皮魚 北海道馬糞海膽 同香蔥吞拿魚卷～～～係食壽司之前 我地首先飲一啖麵豉湯 暖一暖個胃 迎接生冷嘅食物 之後就開始食佢個手卷 手卷裏面超多吞拿魚蓉 紫菜亦都好脆 整體都好多魚油 很不錯～～～而佢哋嘅壽司亦冇令我哋失望 係咁多款裏面幾乎都冇咩好挑剔 個筋子用醬油醃過 好香甜 左口魚入口即溶 北海道馬糞海膽好鮮 大拖羅同腦天都係魚脂味好濃 整體來講都好高質

今日行完SOGO就去左食下午茶, 由於晚啲會再食晚餐, 所以只係單點左幾件壽司, 包括:壽司組: 赤蝦壽司, 帶子壽司, 火炙三文魚腩壽司, 飛魚籽壽司, 北寄貝壽司-火炙三文魚腩 同 北寄貝 份量比較少及薄身外, 味道正常, 三文魚腩油脂不夠豐富飛魚籽份量多, 但味道比較淡赤蝦好味, 有膠質同醬口既感覺, 可ENCORE帶子都好味, 如果唔係對比其他價錢較貴, 可再ENCORE軍艦組: 辣味三文魚軍艦, 芥辣八爪魚軍艦-辣味三文魚同 芥辣八爪魚, 小小辣味, 份量足, 唔錯, 不過軍艦啲紫菜可以脆啲就好整體味道唔錯, 食材新鮮, 地方乾淨, 銅鑼灣下午茶選擇之一。

繼續同好姊妹既在港搵食之旅，今次要試位於銅鑼灣的人氣Omakase壽司店。一入到店已經覺得好日式，壽司師傳就係正我地面前即叫即整，我地試左一個叫「吟」既set, 有7點壽司、7件刺身、1條手卷，怕唔食，叫多左個極上壽司拼盤（有10件）！一開始先食左個手卷，係香蔥吞拿魚蓉，掛住影相，食落口既時候紫菜已經有d稔，吞拿魚蓉超香，好味！聽師傅講完都唔肯定記得岩曬每種魚既名，先講最印象深刻既係「鮟鱇魚肝」，食材好新鮮，魚油味極重，口感似食鵝肝，入口即溶！「深海池魚」都好正，平時食既多數係薄切，刺身口感又唔同左，仲要好爽口鮮甜！「大吞拿魚」同樣出色，夠曬肥美！「牡丹蝦」好大隻，蝦身晶凝通透嘅，完全無雪味，好有鮮味！最有驚喜既係「螺片」同埋「貝類」，我鍾意螺片多啲，因為好鮮同埋口感好爽脆，貝類係新鮮，不過海水味都好重，如果食唔到太重海水味既朋友，可以叫師傅唔要貝類，咁樣會岩口味點！仲有「北海道海膽」都係好正，應該真係名副其實既產地直送，好開心既晚餐！好似去左日本旅行咁，最後仲有碗好足料既麵豉湯飲！

銅鑼灣必食餐廳推介💓👍🏼Omakase我哋揀咗$680 GIN set ，有7點刺身，7件壽司🍣，1 件手卷，miso soup 🥣 ，廚師👨🏻‍🍳發辦，特別充滿期待嘅。海膽壽司永遠都係我嘅最愛呀，無海水嘅，而且極鮮甜呀😋睇到已經知道好新鮮，我秒速食咗，好回味呢。呑拿魚係我第二最愛🐟，入口即溶嘅感覺，正呀🥰 蟹肉壽司，係會聯想起日本嘅蟹道樂嘅，而呢件係有佢嘅水準，勁😎魚肝壽司，超級超級好食😋想再食多幾件，好香魚油味，外脆內軟，好特別，而且平日好少有😍好幸福嘅感覺🤩呢個7點刺身，最喜歡💕係螃，好爽口呢，配上少許檸檬汁🍋更清甜😋，甜蝦都要讚好👍🏼好fresh ，肥拖羅😍🥰不得了呀，一咬就有魚油香味入到舌頭👅，升仙啦💓😃，好好味呀，劍魚，鯛魚刺身一樣唔錯㗎，感覺好似清d，薄簿地，一樣咁正。呑拿魚溶碎嘅手卷，影張相📸️一秒後要即食，塊紫菜夠唒脆，🐟呑拿魚溶係極上級數💕配上香蔥，每一啖都令人回味，心動不已，真係值得再點嘅👍🏼推介最後再嚟$250特上壽司拼盤🍣，有十件，吞拿魚腩⭐️⭐️⭐️深海池魚⭐️⭐️⭐️牡丹蝦⭐️⭐️海膽 ⭐️⭐️⭐️赤貝⭐️⭐️⭐️三文魚籽⭐️⭐️火灸左口魚邊⭐️⭐️⭐️鯖魚⭐️⭐️蔥吞拿魚腩⭐️⭐️⭐️魴鮄⭐️⭐️

銅鑼灣開左一間壽司店「雲壽司」，由米芝蓮師傅坐鎮主理，而Omakase價錢一般都會比較貴，但係係「雲壽司」就可以俾你體驗到，美食都可以豐儉由人，用親民既價錢試到高質既廚師發辦😍 所以呢間餐廳之前大排長龍，今日就book定位去試下呢間主張食材每日由日本空運直送到港既餐廳！.餐廳既裝修用左傳統日式壽司店既風格，店入面位置比較少，全部座位都係圍住L形吧枱，十令個位左右，客人可以係座位見到各類新鮮既食材，廚師就會係你面前即場製作食物，就好似去左日本🇯🇵咁🤤.呢度既抹茶🍵粉可以自己加，濃淡度可以自己調較！我地今日就無食Omakase, 反而想食$188自選12件壽司🍣 再單點一啲自己想食既食材！.📌鰻魚手卷 ($35)新鮮即製，熱騰騰燒好既鰻魚唔會好多骨又唔會好乾身，好香口，而且紫菜夠脆👍🏾.📌火炙左口魚邊 ($25) 用火槍輕輕炙燒過嘅左口魚邊，將啲魚油脂逼晒出黎，再溶入啲壽司飯度，入口即化，成個口充滿住魚油既甘香。.📌帆立貝 ($25) 普通帆立貝，新鮮鮮甜，望落比火炙帆立貝好食，正常發揮，可以試其他！朋友就試左火炙帆立貝 ($25)🤭.📌深海池魚 ($25) 食落爽口，但味道偏淡，唔會難咬

太耐冇得返鄉下有少少懷念鄉下日本🇯🇵見到呢個lunch omakase有咁多種類，即刻有返日本嘅感覺🤩🤩-雲 KUMO $450刺身 四點 拖羅👉🏻兩切好厚，滿口油香，太幸福了🥰粒貝👉🏻口感爽脆，好新鮮☺️廣島蠔👉🏻 口感順滑鮮甜秋刀魚👉🏻第一次食秋刀魚刺身，比熟食好味太多，有種清香嘅味道😝-🍣壽司方面，有金目鯛、銀鱈魚，活北寄、筋子、深海池魚、魚腦天、北海道海膽等，比較印象深刻係筋子，係口中粒粒爆開好正，魚腦天係魚頭頂嘅肉，每條魚得兩塊，超矜貴🙈而北海道海膽係真係好鮮甜順滑，正到唔捨得食佢🤤-最後嘅蔥吞拿魚腩手卷估唔到都有驚喜！真係好smooth好香，吞拿魚蓉嘅份量勁多！！食到底都有😍🐟

以前總係覺得食Omakase好貴，閒閒哋都要千鬆啲一個人先落到樓，但朋友介紹原來依家有啲比較入門貼地價錢都食到嘅Omakase，趁住放假梗係帶女朋友過嚟試一試！今次我哋一共叫咗兩個set，分別係【雲】&【翔】【雲】係貴少少嘅set $450包咗：剌身4點、壽司7件、手卷1條、麵豉湯【翔】就平啲啲，只係$380包咗：壽司10件、手卷1條、麵豉湯不過其實我哋覺得兩個set都係好抵🤪只係刺身都食唔到咁多，所以就咁樣嗌一齊share！講真其實我哋覺得每款壽司同剌身都好出色，以咁樣嘅價錢來講，性價比實在好高👍🏻【雲】個set有蠔做刺身，食落雖然唔係話好重海水味，但真係好Creamy，同埋一食就知道食材好新鮮！除此之外，個拖羅亦都非常出色！顏色淡淡粉紅，食落甘香肥美😋至於壽司嚟講，2個set嘅份量係差咗3粒，主要係差咗啲貝類！我自己就超鐘意食炙燒過嘅壽司！就好似燒銀雪魚咁！好香口，啲肉又滑又甜！超好食！然後我同女朋友都一致贊成，海膽係出色到爆🔥🔥🔥一粒壽司但都鋪得好滿海膽，好夠冰凍，唔會溶溶水水咁，食落好濃味，同啲壽司飯完美咁喺口腔入面mix埋一齊🤪好食到呢...其實我哋食晒啲壽司都已經覺得飽飽哋

平時經過雲壽司都會好多人口排隊等，今日做完facial大概夜晚9點幾就發現唔洗排隊,梗係要入去試試啦！🏃‍♀️🏃‍♀️入到去見到一個自選壽司10件都係158蚊,最多每款可以揀兩件,如果喺社交平台 share & like,就要碟蟹子沙律送添🥰🥰🥰 入面環境係由10幾個位組成嘅大bar檯，三個師傅即場炮製壽司,等左一陣我10件壽司上台啦😋😋 一睇就知好新鮮因為每一件都好油潤，入口魚質有彈性,每件壽司飯size恰度好處，可以一口一件非常之好,送嘅蟹子沙律一啲都唔hea 感受理每粒蟹子在口內爆發，加上青脆青瓜絲，真係好滿足🤗😚😚雖然再經9點幾大都仍然有客人入來，去到10點30分就last order.

Omakase sushi fix - a quick one but good quality with fresh minced tuna hand roll, miso soup and fresh oyster with sashimi of three kinds.they offer different kinds of reasonable pricing for omakase. I picked kumo- their recommended signature set. Which came with 4 kinds of sashimi, 7 kinds of sushi, a minced tuna roll and miso soup. It was a lot there for me. I thought I couldn’t finish it but I ended up cleaning the plate lol 😆 very fresh sashimi in 4 kinds! Each piece was generally high quali

同朋友係銅鑼灣行完街，突然好想食壽司wor~ 經過總統戲院對面間「雲壽司」，一於拉埋朋友入去la~😂其實我地又唔係真係好肚餓，又想樣樣食少少，最後決定order一客「翔」Omakase加幾件單點壽司。.✧ Omakase- 翔 SHO ✧🔸壽司10件 (左起、上至下)（活北寄貝、赤貝、大吞拿魚腩、深海池魚、秋刀魚、北海道牡丹蝦、海膽、火炙銀鱈魚、火炙吞拿魚腦天、火炙左口魚邊 共10件）全部都好鮮味，😆自己特別鍾情以下幾款～🔺火炙吞拿魚腦天- 即吞拿魚頭頂的肉，一條吞拿魚只得兩片，口感軟滑，魚味極濃，唔係度度有得食ga！🔺大吞拿魚腩- 油脂豐富、😋入口即溶🔺秋刀魚- 時令食材、肥美甘腴🔺海膽-濃厚鮮甜🔺火炙左口魚邊、火炙銀鱈魚- 油香四溢滑嘟嘟🔸手卷- 蔥吞拿魚腩手卷 食到底都仲有魚蓉，啖啖滋味🔸麵豉湯單點壽司：辣味三文魚、火炙帆立貝、蟹肉蟹糕壽司鍾意佢個辣味三文魚，唔想幫襯連鎖店可以係呢度食～店內全部吧枱位，😄看著師傅拿起雪櫃裡的材料即叫即製到放係你面前，讓客人如置身日本的壽司店呢～

疫情關係今年無得去日本旅行，惟有食豪啲啲找間日式餐廳來個廚師發辦，緬懷一下日本的味道。餐廳提供了三款廚師發辦組合，由三百到六百蚊不等，豐儉由人。我選了翔那款，包含10件壽司，1件手卷和1碗麵豉湯，份量聽落已經相當豐富。🧡海膽壽司海膽壽司面頭的海膽份量十足，食落完全冇苦澀味，新鮮甘甜，性價比幾高。🧡拖羅平時唔係太好拖羅壽司，不過今次就比佢入口即溶的口感所感動，加上魚肉油香四溢，令到我下次黎食都會想再encore。🧡剝皮魚壽司魚生上放魚肝既壽司比較少見，聽職員介紹先知係剝皮魚壽司。因爲剝皮魚本身味道較淡，所以特別加上鮮味既魚肝提味，試過就知魚生和滑溜甘香的魚肝都可以咁岩key！🧡蔥吞拿魚腩手卷手卷中的三文魚蓉同其他魚生一樣都咁新鮮，食落肉質綿密好有鮮味。餐廳價錢合理而且魚生質素不錯，會考慮再來試試其他款式的刺身。