雲吞仔 (已結業)

港式粉麵嚟講，雲吞麵都算係我喜愛之一，無奈而家坊間好多雲吞麵都偷工減料，好啲嘅就貴；唔貴嘅就份量細；急凍嘅又唔新鮮，一係就食大牌檔格局嗰啲，我又麻麻地...搵到呢間門面望落乾淨嘅舖頭，簡約舒服，疫情關係，人唔算多，就入去坐吓食吓。光線冷氣都充足，啲枱好清潔，玻璃反晒光，比較安心呢。點咗個三拼（雲吞、牛腩、牛筋），逐樣食材料品評一下雲吞：大大粒皮薄餡靚！蝦肉鮮甜，口感爽滑，彈牙惹味麵底：個麵好幼細，完全無鹼味，唔漲，食完唔會好撐牛腩：肉質腍滑，肥瘦適中牛筋：夠晒入味豆槳：唔過甜唔太淡，好飲我仲試埋黑松雲吞，好特別，個人覺得好食過意大利雲吞XD 佢個素菇湯底輕輕滲出清香，真材實料，食完飲完都唔口渴，真係非味精呢餐真係好地道見到店員坐喺後面包雲吞果然自家新鮮包製係唔同啲雖然唔係啲咩老字號店，但係我鍾意佢個style同食物，推薦!!P.S. 餐廳貼住全日外賣自取9折，我覺得就算無得堂食都值得叫外賣食呢

香港地道小吃多不勝數，有蛋撻、菠蘿包、雞蛋仔、咖喱魷魚魚旦、糯米糍、燒賣……還有當然少不了「雲吞……麵」位於太子，地鐵站步行約幾分鐘就見到，小店令人有很親切感。充滿香港情懷的裝潢，令人感覺身在家裡，很有親切感。從相中見到香港由小小魚港，演變成小城，在世界地圖上只是一小點，但生於香港長於香港的，我們對「香港」的情懷不是一小點的。。。招牌雲吞，粒粒都圓圓碌碌，每天由師傅親手粒粒的包制。粒粒圓圓碌碌，好想咬落口蝦肉爽滑新鮮，超級好味道。很期待的小吃～千層峰，配上麻辣油蒜蓉，一層軟Q一層爽口的，非常惹味，食欲大增。一層一層的，手工之作，想不到不點的理由。香港人是很喜歡食炸物，炸雲吞炸的很精緻，外脆內爽，脆卜卜熱呼呼。。。一定要食用料新鮮的餡料，蝦肉大隻又爽口，好食外賣「生雲吞」，想起上班的午餐，不錯的選擇，配上蝦子麵。。。😅新鮮的又好味道，下次買來打邊爐也是不錯的選擇。

有日夜晚肚餓去咗食雲吞麵，店舖細細間但都有好多位。我食咗雲吞菜底，雲吞大大粒，好味。湯底ok魚皮好脆。利申：原本係多啲嘅，呢幅相我已經食咗好幾塊。外賣左牛腩鯪魚球，一碗分咗兩碗。每人食少少。

自從大角咀的沾仔記走左之後，都好少食到正正的鮮蝦雲吞🦐 太子這一間都算幾有質素。我order咗八寶餃拼雲吞粗麵～八寶餃真係吾係好多地有，裡面有蝦米，少少豬肉碎，香菇，木耳絲等等～ 浸在湯中，食落有種灌湯餃的感覺😍 仲有三隻鮮蝦雲吞有4隻～裡面都有足一隻蝦😛 正套餐仲有得叫紫菜湯😌 飲落好舒服～ 撈埋粗麵一齊食都幾正！所以成個set 加埋係$59都仲算幾抵☺️另外加咗$12 食郊外油菜🥬 份量有啲少、但都要食菜㗎～ 餐廳裝修都幾懷舊，係舊式的階磚，但乾淨企理。而且餐廳都算係良心企業，有捐贈雲吞麵比有需要的人～ (?)🧐

太子站花園街一帶原來有很多小店未發掘出來～今日發掘咗一間小店叫做雲吞仔！ 大家都食得好滋味！雖然店內地方不是很大但勝在坐得舒服丶 環境乾淨丶 三位職員友善 丶加上牆壁掛上昔日香港不同嘅風景令你感覺此店富有濃情味！再睇一睇店鋪介紹～原來此店真係好有人情味" 為善最樂 " 有需要的人可免費取一碗雲吞麵， 這一點我最為欣賞我和朋友分別叫咗幾樣食物👇🏽1） 包羅萬有河粉$60😋😋😋😋😋/5成碗河粉內裏有12款不同的丸子丶紫菜及牛腩形成的！ 湯汁新好香濃！2） 淨牛腩牛筋雙拼$80😋😋😋😋😋/5你玩淨牛腩牛筋 唔好睇小佢！因為成碗份量很多～ 牛腩炆得好冧之餘牛筋仲好爽好滑好有骨膠原！🤭🤭🤭🤭3） 炸雲吞$24😋😋😋😋/5新鮮炸起～熱辣辣丶脆卜卜！ 喜歡吃香口嘢的你啱曬4） 炸魚皮$12😋😋😋😋/5我最鍾意將脆卜卜的魚皮浸落湯一起吃5） 黑松露鮮蝦雲吞配清香素菇湯$45😋😋😋😋😋/5本人很喜歡黑松露的味道～今次加落去雲吞 裏，有新創意！爽口彈牙嘅大蝦配上清香素菇湯！ 簡直同黑松露有新配搭👏🏽👏🏽👏🏽👏🏽6）凍豆漿及凍檸茶我會繼續介紹這間食心小店比我身邊的朋友！

今次去太子內街搵嘢食，見旁邊好多餐廳都排緊隊，我個人就比較心急，見呢間雲吞仔個名幾得意又唔算太貴，就決定入去試下佢。🤪睇佢Menu講真唔算多野揀，但做人貴精不貴多，好食就得😋我同朋友都行咗成日街，好鬼肚餓。佢就叫咗個三拼麵餐+豆漿，餸就緊係要揀雲吞啦，有信心到做埋店名點可以唔試吓💪🏻皮薄餡靚不在話下，啲鮮蝦真係大大隻又爽口，抵佢叫自己做「雲吞仔」💪🏻💪🏻💪🏻另外就叫埋同樣係menu有手指公嘅牛筋牛腩👍🏻唔錯都幾出色，牛腩煮到好淋好入味；牛筋有咬口得嚟幾爽👍🏻成個餐$60跟多個小食，今次揀咗魚皮。夠哂乾身脆口，而且份量適中，唔係好大塊果隻，一口Size先襟食🥴另外仲叫咗碗雙拼撈麵，雲吞同牛腩一樣好味😋撈麵+$12但真係大好多，女孩子真係要小心食唔哂🤣最後因為個雲吞實在太出色，就叫多咗半打「黑松露鮮蝦雲吞」，果然無令我地失望🤩又香又濃嘅黑松露，返到屋企都仲有果陣味係口😂做人最緊要惜食👍🏻

因為腸胃麻麻地，所以今日我哋就食雲吞麵，最緊要加多兩條菜店內裝修幾特別，係張香港的特色景點新舊對照，例如有啟德、尖沙咀鐘樓等等，好友香港情懷！點解我話呢間係善心小店，這是因為佢會為有需要人士提供雲吞麵！而家飲食業咁艱難，佢哋都願意做善事真的是很難得！今次二人份量，我哋嗌咗一個包羅萬有、一個雲吞麵、一個黑松露雲吞同埋一塊炸豬扒，仲有就梗係要有菜！逐樣講吓先：貪心嘅我就想試晒呢間舖頭嘅特色，就揀咗個包羅萬有！不得不讚呢度嘅牛筋真係非常之林亦都好有牛味！仲可以係變成菜底！好貼心雲吞都係出色，大隻爽口同埋彈牙～其他就OK啦！第一次食黑松露雲吞，佢配埋個菇湯，都真係幾好食黑色一點點就係黑松露仲有呢個炸豬扒，有香茅味，味濃嘅朋友應該會好喜歡～豆漿就一般般啦總括來說，這是一間善心溫馨小店～諗唔到想食咩又唔想大魚大肉，就可以過嚟幫襯下呢間雲吞仔

今日去完太子花墟黎到依間雲吞仔食午餐作為香港人雲吞麵都可以話由細食到大大多數食雲吞麵嘅舖頭裝修都比較懷舊而雲吞仔係天氣舒服企理靚裝修嘅選擇店內牆壁同枱面嘅藍色花磚設計甚具特色而且環境衛生企理餐牌選擇都係常見嘅雲吞牛筋牛腩魚蛋等等今次叫咗一碗雲吞麵跟炸魚皮另外加咗小食油炆筍魚皮香脆 我鐘意浸落湯食適量少叫咗廚師少河粉雲吞湯底清徹 健康少油而且雲吞入面鮮蝦好大粒 店主請我試試即將推出嘅新品松露鮮蝦雲吞一咬開已經聞到松露香氣非常吸引而且好鍾意佢嘅素菇湯底 店主話係用舞茸 松茸菇熬製而成嫁雖然係素湯但係鮮味十足呢期待可以成為跟麵嘅湯底小食油炆筍 咬落吹口甘甜 而且唔油膩喔 有驚喜良心小店每日會送出免費雲吞麵比有需要人士而且外賣自備餐盒可以減$3 支持推動環保嘅餐廳

🇭🇰香港地 ｜香港景 ｜香港情 ｜香港味🇭🇰香港 總要 有心人別具特色嘅環境 裝修 好好細味香港🇭🇰雲吞仔 太子花園街215號地下A號舖有心的雲吞仔 共襄善舉 為善最樂 佢地體貼 貼地 關懷基層 有需要既人！欣賞 食個面捐碗面🍜所有嘢非常新正 另一方面甘睇 店員勤於消毒清潔抹枱所以成個環境感覺企理 乾淨利落枱面嘅玻璃係反光反光再反光🤣真正嘅立立令🫢禮貌服務 佢地做到😜店舖最裏面係廚房 同食嘢範圍有段距離所以成個環境係唔會充斥着廚房嘅聲音優哉游哉地食個雲吞麵 留意吓兩邊嘅風景名勝呢度所講嘅風景名勝唔係落地大玻璃睇到嘅景色而係餐廳嘅設計上 利用香港嘅美景高清版展示出嚟雲吞 三隻蝦肉大大粒 配點半肥瘦豬肉魚皮非常香脆 芥蘭翠綠幼麵彈牙 配埋杯豆漿😋上湯紫菜都好飲好食佢地最近有新野！黑松露雲吞 好味道！

我哋今次嚟到太子嘅一間粉麵舖，由太子站行3分鐘就到，超級方便😍我一個人去，所以淨係叫咗一碗粉麵同埋一杯豆漿⭐️墨魚丸牛筋紫菜米線我係叫外賣嘅，餐廳好細心幫我主動分咗湯，所以啲米線攞到翻屋企都唔會淰曬🤩粉麵嘅湯底係自動會跟腩汁湯底，好入味👍 餐廳好貼心跟埋醋包同埋辣椒油包，啱曬鍾意食酸辣嘅朋友餐廳嘅墨魚丸好特別，超大粒，唔但只見到大大粒墨魚之外，入面仲食到有馬蹄粒，所以好爽口，超好食餐廳好大方比咗兩塊超大舊牛筋，牛筋炆到好入味，炆得好淰，咬落去入口即溶，全部都係骨膠原🤩 師傅應該擺咗好多心機落去煮驚喜嘅係紫菜有跟湯，所以紫菜都好入味，一啲都唔會乾柴柴同埋好似啱啱滾水淥完冇乜味一餸同兩餸嘅價錢係一樣㗎🤩 三餸只係貴10蚊，啱曬三心兩意，又想試多啲餸嘅你🥰所有套餐都會跟埋油菜/ 魚皮/ 紫菜，所以真係好扺食值得一提嘅係餐廳用嘅外賣盒係牛皮紙盒，支持環保真係好扺讚👍餐廳嘅裝修風格係香港大排檔復古風，啲檯檯櫈櫈都好有心思揀過，打卡一流下次再去試下佢嘅雲吞麵先🥰

花墟附近有間窩心高質牛筋牛腩雲吞麵舖💯🆙牛筋雲吞麵牛筋大件又好淋😋我食到豐富骨膠原嘅味道😍雲吞大大粒，好足料！好驚喜🤩🤩好大粒呀😍😍雲吞牛腩菜底減肥人士黎食都唔怕，因為可以揀菜底！無錯！係菜底呀！！好感動🤩🤩牛腩都好淋同唔會黏牙！！而且份量都幾多🈵炸脆魚皮好脆💯必點‼️ 放落湯度有好清脆的聲音🅰️凍豆漿唔好會甜，夏日炎炎飲岩曬⭕️另外，疫情下，佢地仲有做善事💯為有需要的人士派🆓免費雲吞麵‼️如果你食兩碗雲吞麵，餐廳會額外捐一碗其實我都係俾佢地依張紙吸引咗🫶🏻 疫情嚴重，失業率上升，出少少🤏綿力，心情即刻靚晒再去隔黎花墟買花🤣雲吞仔地址: 太子花園街215號地下A號

終於放假！約媽媽行吓花園街😋順便帶佢吃最喜歡的雲吞麵，附近有間新開的雲吞仔，就這間吧！三拼麵😇媽媽揀選了魚皮餃雲吞牛腩，配幼麵😘雲吞內的蝦大大粒，新鮮好吃又爽口。牛腩入味軟稔，魚皮餃好吃😋幼麵沒有鹼水味，麵條夠彈牙，配上濃郁湯底，一啖湯一啖麵，最佳享受😙😙魚皮✅✅✅✅✅超驚喜！話說打邊爐我都習慣將魚皮放入熱湯裏，浸一浸才吃😂幫我將魚皮放入雲吞湯時，聽到👂🏼「沙⋯沙⋯沙」聲，我以為咩事😅，仔細一聽，原來是魚皮所發出的聲音😂😂咬下時，果然非常酥脆😆😆😆都係第一次吃到這麼脆的魚皮🔥熱奶茶少奶整份餐連飲品都只需六十多元，抵😊鯪魚球菜底 另外我點了鯪魚球配菜底，魚球新鮮打起，夠彈牙😊菜底有大量生菜，新鮮、健康又好味支持小店👍🏼👍🏼👍🏼😋

休息去太子買龜糧，經過花園街見到一間叫雲吞仔的麵店，雲吞麵係我自小都喜歡食的，叫得雲吞仔梗係主打雲吞啦！正值係午餐時段，一於買返屋企試吓先！餐牌上有多款套餐，我楝咗三拼套餐，三款餸（牛筋丸、牛腩、雲吞）拼幼麵，小食揀咗炸魚皮，加5蚊配豆漿。湯麵係分開載，所以啲麵唔會浸到林。燉煮至軟腍的牛腩大件厚肉，啖啖肉燜好入味。牛筋丸是在牛肉里加進了一些嫩筋，彈牙得嚟又有點嚼頭。雲吞皮薄餡靚，蝦肉和豬肉比例恰好，吃來紮實鮮爽，幼麵麵質爽彈無鹼水味，湯底加有牛腩汁，濃郁惹味。炸魚皮香脆且無腥味，鬆脆可口。豆漿有豆香，甜度適中。加多碗淨雲吞，自家包製，用料上乘，越食越好味！

今次黎到雲吞仔！見呢間餐廳都幾新裝修，特別呢係入面有幾張港式新舊地方既全景圖，有啟德、中環、尖沙咀、九龍灣等等既地方！今次同朋友叫左一碗老闆推薦既雲吞牛腩牛根麵，同埋另類d既撈米線！首先講下份量，個人覺得都夠重皮，餸唔少，麵量都唔會似出面平麵店咁少一碗！雲吞仔就緊係想試下雲吞，大隻，有醃香既蝦膠唔會變曬肥豬肉！牛腩牛根就係分開兩個餸，牛腩最重要我覺得係質感，因為無論味道幾好，如果太硬太痴牙咬唔爛真係好「難」食！但呢到既牛腩夠曬淋，而香味唔會得個鹹字！至於牛根呢我就覺得都有平時既水準，最怕既就係怪味或者有毛而呢到都無。之後就到撈米線，雖然要加唔少錢，但係佢既撈米線都有唔同層次，首先有辣醬同蒜泥，撈起來又唔會好辣，但幾有風味～個人覺得差咁d鹹味，於是加左d豉油！但後尾發現比較正確既食法係加佢配上既一碗湯，雖然呢個湯可以單獨飲都唔鹹，但加起黎蔥香就好配個米線啦！

太子花園街出名多美食，種類繁多，向來偏愛西餐的我竟然被一間中式粉麵吸引到，是一間裝修既傳統又簡潔，但相當富有特色的雲吞麵店。疫情下這一間乾淨企理的餐廳真的大大加分，不但枱面乾淨到反光，枱上的筷子盒、調味醬料瓶均蓋得嚴實，外面一點油污都沒有，實在有別於一般的中式粉麵店👍🏻👍🏻👍🏻👍🏻🍜精選套餐——雙併：雲吞牛腩麵配油菜$50招牌雲吞大大粒非常飽滿，蝦肉好彈牙；另外牛腩有兩大件，肉質十分軟腍而且不會痴牙；油菜當天有菜芯、生菜和芥蘭，醬汁有蠔油和腩汁選擇，我選擇了生菜配腩汁，雖然沒有蠔油那麼濃味，但牛肉味亦相當濃郁。推薦大家行完花墟可以來試一試，$50有兩餸一麵一菜非常實惠，重點是環境乾淨衛生，疫情下外出食飯會較安心。雲吞仔 (太子)太子花園街215號地下A號舖