雲吞仔 (已結業)

過咗年想搞下d花，就去太子花墟逛逛，買買買之前，梗係食食食先🥹係太子呢頭邊行邊睇，想食粉麵，見到雲吞仔下午茶有85折，㩒一㩒計數機，原本$45嘅A餐，折實$38，超抵呀！咁就食雲吞麵🤗！入到嚟詳細d睇下menu，雙拼+多個菜，85折咗$53；雙拼之餘，見隔離枱個撈粗好靚仔，太難揀啦😂最後揀咗鯪魚球+招牌雲吞+撈粗+凍檸茶估唔到撈粗跟咁大碗湯，即刻飲一啖，對板！熱辣辣，d葱好香，勁新鮮，湯頭甜，冇味精，掂！飲下飲下，隊哂成碗，仲清埋d香葱。招牌雲吞唔使多講，見店員係度密密包，呢頭包，果頭煮，鮮味足；開半睇睇，原粒🦐+少少豬肉，薄薄嘅外皮，一咬d肉汁流出，勁好食。鯪魚球好出色，一睇就知係新鮮手打，同機造的不同。食落有芫荽，香味提升；要撻到起膠先夠爽彈，呢啲一食就知，呃唔到人，真材實料，介紹大家必食。😬見到撈粗O咗咀，咁大碗嘅🤭原來撈麵要加錢係有原因，呢度起碼兩個餅麵，勁多囉，食完飽到晚餐都唔使食。大碗得嚟，撈粗就咁撈、浸湯、點醋都好食，抵過普通一碗湯麵喎😂

🎈雲吞仔餐廳裝修帶點懷舊元素，主打潮州粉麵、牛腩麵等，招牌之一係加入西式食材嘅黑松露雲吞，每日由師傅現場製作，可以堂食亦可以外賣生雲吞返屋企🎈黑松露鮮蝦雲吞米粉雲吞外型飽滿，雲吞皮又薄又滑，內裡包滿爽口彈牙嘅蝦肉，食落有陣陣黑松露香，中式傳統麵食加入西式口味，頗有新鮮感配上辣度十足嘅潮州辣椒油，味道更豐富🎈腐乳生菜生菜新鮮翠綠，配上惹味腐乳，一個人食晒一碟絕對無問題🥢🎈熱奶茶奶茶茶味濃，口感濃厚香滑☕️

來到旺角，自己更找吃。 去到花園街 想食麵食. 就去呢間雲吞仔試下。 呢度全部都係手工雲吞餃子。首先我就叫咗佢哋震店之寶， 手工黑松露雲。總共有五隻黑松露雲吞 大大隻雲吞。黑松露味道濃鬱。 麵底非常之爽口， 面身好幼。叫套餐仲可以叫多 油 菜。我叫咗腐乳生 菜。生菜綠油油 清心爽 甜。 配上腐乳非常惹味。之後我再一叫 一碟炸魚皮。 脆卜卜 香口好味。 炸魚皮好香口 值得一試。最後叫多一杯 秘製香滑奶茶， 茶味濃鬱 值得推介2。 呢度客戶服務員服務態度很好。

一入到呢間小店，感覺就好温馨得嚟，又有啲老香港嘅味道。店舖招呼我哋坐咗落黎，介紹咗幾款麵同小點，咁我就勇敢咁挑咗黑松露雲呞嚟試吓啦！一端上嚟，香味撲鼻，個人先嗅咗一大口，cock心緊緊。一粒雲吞入口，啖啖蝦肉，滿足感爆燈；加上黑松露嗰層香，簡直係咀裡面上咗一轉雲呢！轉個角度，牛腩湯底又滋味十足，牛腩嘅肉質滑溜溜，完全吾需要刻意咬，呢啲料理真係巧手到不得了。一邊食，一邊瞅吓舖頭個特色裝修，時間似乎慢咗落嚟。嚟到最後，落場嘅凍豆漿，順滑得黎又解渴。食完呢一餐，只能話係驚喜連連、味覺大滿足🍜🥟👍！無論係街坊抑或係尋味嘅食客，我諗都值得黎呢度坐坐，試吓呢啲特色美食！下次我有機會都會再回味，攞頓挫冰啫喱！

經開太子果邊，唔算太肚餓，想簡單食個面，醒起呢間雲吞仔，接近1點到，lunch time接近滿座，叫左一碗牛腩+雲吞河，介蘭+可樂 $63，雲吞真係好大粒真材實料，食果時見到師傅係度親手包，呢間良心小店值得支持👍🏻👍🏻👍🏻

平時食自己嘅話都鍾意去呢啲小店食飯，勝在夠快，又唔使等位，又唔使咁Heavy。夜晚去咗食粉做晚餐，見到有個單餸粉面嘅套餐，因為間嘢叫雲吞仔，本身想試吓佢啲雲吞，但係因為晏晝食左水餃，就揀咗碗墨魚丸米粉配油菜。因為琴日都係食差唔多嘅嘢，今次食呢個墨魚丸好入味，比琴日嗰間好食。份量略嫌太細，啲米粉食幾啖就冇晒啦，但係味道好好。另外值得一讚店員親切有禮，環境亦乾淨舒適，下次可以嚟試吓佢哋嘅黑松露雲吞，唔知唔叫套餐個份量會唔會大少少。

我最近造訪了位於太子的雲吞仔餐廳。他們以雲吞聞名，絕對是一頓美味的享受。首先，我吃了他們的雲吞，每一口都充滿了鮮美的湯汁和精心調製的餡料。雲吞皮薄而有嚼勁，讓人回味無窮。牛腩幼麵同樣令人驚艷，嫩滑的麵條搭配軟嫩的牛腩，口感絕佳。除了美味的菜品，雲吞仔還展現了他們的善心。他們提供雲吞麵給有需要的人士，這種關懷和社會貢獻令人敬佩。這種善舉讓我對這家餐廳更加讚賞，他們不僅關注食物的品質，也關心社區的福祉。他們的雲吞、牛腩幼麵和凍豆漿都美味可口，而且他們的善心和對社區的貢獻更是值得表揚。

雲吞足料，湯底也屬中上都做得好，麵底堿味不重。麵有韌性和爽口，入口滑溜。但是麵味就一般般。除咗雲吞麵仲叫咗牛腩撈粗，可能食慣花椒八角蠔油底啲牛腩汁，對於佢哋牛腩汁興趣一般，普普通通。粗麵同樣和堿水面一樣問題麵味不足。

喺花園街附近行街行到攰攰哋，又開始肚餓，一於喺附近搵食先。沿路餐廳都唔少，但見到“雲吞仔”呢個名咁特別，停低腳步望多兩眼。餐廳光線明亮乾淨，主打港式粉面，當然唔少得雲吞麵，正合我意。餐牌提供套餐同散叫，套餐有主食加飲品，價錢親民。我本身已鎖定目標雲吞麵套餐，點知見到有黑松露鮮蝦雲吞，咁少見，一於揀佢啦。黑松露鮮蝦雲吞幼麵雲吞有5粒，每粒都脹卜卜。一咬開，黑松露味好香，蝦肉爽口彈牙，絕無混入肥肉，點點黑松露清晰可見，非常好食。幼麵亦無鹼水味，煮得啱啱好，唔會太淋。炸魚皮份量唔少，勁脆，而且無油益味，浸湯時，仲會聽到“滋滋”聲，簡直係必食食物。油菜蠔油菜心夠脆綠豆漿涷豆漿冰涷有豆味，相當唔錯雲吞麵看似簡單，但心思十足，仲可以外帶生雲吞，有機會要多啲幫襯。

星期五放工同朋友黎到太子搵嘢食，經過太子花園街呢度既雲吞仔，一於黎個簡單既晚餐。晚飯時間好多人我同朋友每人要左個set，都係簡左呢度既招牌或者係推薦既！招牌雲吞面單拼套餐，店名叫雲吞仔，但粒雲吞好大粒，入面滿滿既蝦肉，好鮮味，好彈牙！套餐跟紫菜湯，同熱奶茶，簡簡單單既湯亦都好鮮味，好有水準。熱奶茶，茶味奶味配搭岩岩好！朋友既牛腩撈粗一黎到嘅時候，見到成碗撈粗已經覺得好好食！牛腩哪份量勁多，佈滿哂成碗面！而且撈面嘅質感望落支都覺得爽口彈牙。飲一飲左碗湯先再開始食呢一碗牛腩撈粗，第一下入口嘅牛腩，咬落去已經感覺到個質地夠哂軟，而且唔韌。一路食落去，啖啖牛肉一啲都唔痴牙，亦都夠哂好味好咬口。配合上撈粗面，呢一碗粗面鹼水味唔算好重，而且面嘅質感爽口彈牙！整碗牛腩撈粗我比100分！鴛鴦一黎到聞左一下，已經聞到好濃嘅茶香味，味道上再有少少微咖啡嘅苦澀味道，成杯鴛鴦口感好正，好有傳統鴛鴦嘅味道！

🎈雲吞仔傳統潮州粉麵以外，食到少有嘅黑松露雲吞，頗有特色堂食之外，可以買生嘅雲吞返屋企添🎈黑松露鮮蝦雲吞一份淨食有6隻，以傳統鮮蝦雲吞為基礎加入黑松露味道更豐富🥢雲吞粒粒飽滿，雲吞皮薄身又夠滑蝦肉份量都唔少爽口彈牙值得一試自家製辣椒油味道香辣，點雲吞一齊食更加惹味🥰🎈腐乳通菜想食得健康啲又點少得叫碟菜通菜新鮮翠綠，同腐乳係絕配🫶🏽🎈紫菜湯跟餐選配紫菜湯，清清哋又幾好味👍🏽🎈熱奶茶

一個人在太子逛街，最方便的晚餐就是吃麵，於是去了雲吞仔晚餐。看到店有比較特別的黑松露雲吞，就選擇了淨雲吞，另外還選了上湯紫菜和凍豆漿，以及腩汁生菜。黑松露雲吞有六隻，因為最近keep fit所以沒有配麵，基本上它是鮮蝦雲吞再加黑松露醬，雲吞餡料豐富，有適度濃郁的黑松露味道，雲吞皮薄而沒有穿，咬下去口感爽彈，豬肉和鮮蝦餡料新鮮，果然雲吞仔的雲吞十分出色。上湯紫菜是一道簡單卻美味的湯品，湯頭口感清爽不會過鹹，紫菜增添了豐富的口感和營養，值得加配。另外，我還點了腩汁生菜增加纖維，生菜新鮮脆嫩，腩汁豐富了生菜的味道。凍豆漿清涼又有豆香，能夠消暑解渴，味道同時與其他菜餚配合。

行過見雲吞仔呢個名咁親切，拉埋個朋友入左去食個麵做下午茶。有別於傳統舊式雲吞店，呢度裝修幾新穎，兩邊牆有好幾幅高清香港巿區照片，整體環境感覺明亮乾淨企理，坐得幾舒服。呢度好似係沙田城門河。雖然店舖不大，但選擇都唔少，有套餐有散叫，價位以旺區黎講好合理。天氣咁熱，我地當然要飲返杯豆漿消下暑。我地一落單，店員就9秒9遞上3杯豆漿，好高效率。豆漿係少甜，有豆味得黎又無咩甜味，感覺好健康。朋友叫左個雙拼套餐，揀左雲吞、牛筋、粗麵同埋魚皮。雲吞szie正常，皮爽滑偏薄，蝦肉新鮮彈牙，見佢唔洗幾分鐘就KO哂。我叫左包羅萬有，菜底。有12款餸，個湯頭都清，飲左好多啖都無話好口渴。魚皮鮫同紫菜另上，因為未煮得切，但又唔想我等咁耐，所以先上上面個碗10款餸先，好細心。朋友比左塊魚皮比我食，夠脆，又無油膩感。食食下聽到有人訂左生黑松露雲吞，可惜無哂現貨，下次希望有機會試下。呢度坐得幾舒服，店員親切細心，食物味道中上，價位合理，絕對係一間值得支持既小店。

去太子食雲吞麵通常會食 “潮x園”，因為平靚正。今次無意中發現左一間喺花園街街尾既雲吞麵舖，有特色又好味，以後食雲吞麵又多個選擇。店舖整潔光猛，方枱設計坐得舒服。牆上掛左幾幅今昔香港對比照，再配上特色瓷磚，好有心思。粉麵每碗$38，可轉菜底，仲有幾款套餐配搭。聽完店員推介，揀左個雲吞牛筋雙拼套餐，$63。湯底好香唔過鹹，份量都幾多：有3粒雲吞，牛筋都有幾條。雲吞皮好薄好滑，餡料好足，蝦夠爽口彈牙，同豬肉比例剛好，唔多肥膏。牛筋軟腍入味，滿滿既膠質，正！粗麵口感唔錯，無鹼水味，魚皮同豆漿就一般。見佢餐牌仲有個黑松露雲吞，可惜去到已經賣晒，仲見到有客黎拎之前訂左既生黑松露雲吞，應該好受歡迎，下次一定要再黎試下。另外一提係店員服務態度好好，好有禮貌，加分！

今次嚟到呢間位於太子花園街嘅雲吞麵店，一入門口見到以香港風景作為牆紙。呢間麵店會做慈善派面比有需要嘅老人家，你捐兩碗，佢捐一碗，有心。今次叫咗一個套餐，包括一個雙併面+油菜+飲品牛腩雲吞河粉牛腩幾淋，有四大舊，份量都唔錯。雲吞大細適中，河粉比起一般更加有咬口同埋煙韌，個人應為有啲似潮州河粉種感覺。腐乳通菜腐乳略為咸咗少少，不過好彩腐乳同埋通菜分開擺，可以因應個人口味去沾。凍檸茶走甜炎炎夏日一定係整返杯凍檸茶消暑