雲來客棧 (已結業)

最近見到網上有介紹過呢間糖水鋪，所以心郁郁想試好耐啦！所以同朋友今日就出左去試下啦🥰一上到去果然無令我哋失望，成間鋪同氣氛真係好似坐咗時光機咁，返咗古代，無論坐位，餐具都好古代feel！仲可以換下衫扮下古代人，好正呀🤩！！一坐低就先嗌咗野食先再玩😋。食完就會換衫影下相😆、玩下玩下又一日，同閨蜜一齊去係好開心！👍🏻⏰用餐時間：三小時👯‍♀人數：3人💰價錢：$400🔸🔸🔸🔹🔸🔸🔸🥭芒果沙冰🥭味道：⭐⭐⭐⭐評論：行到咁熱，緊係想飲返杯凍野啦，芒果沙冰真係5錯，勁有芒果味！🐣花鵰醉雞🐥味道：⭐⭐⭐⭐評論：花鵰醉雞有4隻，味道都好入味！😆，我叫咗店小二比個碗我擺骨，連個碗都搞笑過人🤣，都係古代咁！🐘象棋牛奶凍🍰味道：⭐⭐⭐⭐評論：嚟到最期待的甜品，製作時間需時，所以等緊個陣都乘機換下衫打下卡～甜品嚟到個陣，真係好得意，用棋盤嚟做個碟真係好有創意！🥰 牛奶凍個味道都唔錯，淡淡的牛奶味🤤！

有日食完晚飯口痕痕，想食返個糖水坐下傾外計，搵到間新開又有古色古香既餐廳，當然去啦！上到去超得意，好有睇古裝卡既味道，客棧裝修，地方都幾大，而且餐牌原來都有幾多野食。有麵食麵幾抵，見到人食個樣勁似「小二」來一碗麵嘅影像，haha!佢有個位仲有好多古裝衫可以著黎影相，都好多款揀，不過我地怕羞，無著到黎玩, wakakkakaka!食物叫左鮮果豆花，料足夠大碗，幾抵食，餐廳完全唔怕趕你走，可以慢慢hea.主打既椰汁糕麻將都叫左，不過就環等40分鐘左右，影相一流呀！

見到好多社交媒體嘅報道，連都市閑情都有介紹過，今晚就約埋男胖子上嚟食野。環境同佈置真係好有心思，而且做得一絲不苟，主題係古代嘅客棧，就連比客人斟水嘅水壺都係一個大酒埕黎，好得意，仲有衫可以cosplay 添。呢間餐廳唔係得個樣，我哋叫咗兩碗重慶酸辣粉，諗住呢度主打甜品，咸點應該唔會太特別，點知碗粉食落竟然幾好味喎！我揀左清湯配金菇同午餐肉，塊午餐肉好厚，麵質好煙韌，好味！男胖子嗰碗係微辣，不過覺得酸左啲，都係清湯好味啲。呢個瑞士雞翼好入味，讚。我哋仲叫咗個招牌嘅麻雀椰汁糕，像真度好高，同麻雀一樣，不過食落就比較甜，同埋椰汁味唔夠香，但就好欣賞甜品師傅嘅用心！！

近派睇左蘋果動📰介紹呢間位於旺角SKY 726 號11樓既雲來客棧甜品店🍮玩味十足，環境古色古香，客人可以大玩COSPLAY，扮重上、娘娘，朝臣等，配埋搞鬼中式糕點，鐘意打卡既我吾可以放過📍一踏進去，環境裝潢好古舊咁，台面上有多本＂泡女秘笈＂＂黯然銷魂掌＂既武功祕笈📚，望向右手邊，仲有得免費借用各款古裝COSPLAY皇上、格格等，連囚犯都有😂😂🎈玩味十足。仲有好多款用具借用：聖旨、頭飾、刀劍🔪等。不馬虎👍🏽麻將🀄️椰汁糕 🥥HKD 128:老實講價錢有點少貴，但好野真係要等，每隻麻將🀄️都係師傅人手畫上麻將圖案，望落幾可亂真，味道充滿椰汁🥥香，椰汁味濃而有點甜，不過有麻將底綠色部分既班蘭味中和番，吾錯，值得一試👌芋圓豆花 HKD 38: 芋圓有三色，黃薯紫薯芋頭🍠，三款都好煙靱，好有咬好，配埋甜甜地既豆花好好味，不過豆花個人覺得偏甜，如果可以自己簡甜度就更好。豆腐雪糕🍦應該係自家製，豆腐味濃🍮👌整體黎講：不失為一個同朋友打卡📷📍，影相食甜品🍮既好地方👍🏽😍

位於鬧市的樓上糖水舖，裝修主打古代客棧主題，環境都幾闊落，最岩同fd行完旺角上嚟傾計食野！餐廳除咗有得食糖水，仲有小食、重慶酸辣粉同麻辣燙，唔食得辣都可以揀清湯。落完order等緊野食仲可以試cosplay，扮吓皇帝做格格都得！呢日中午太肚餓首先食咗個清湯薯粉加兩個配菜，食落有少少硬但可以接受。甜品食咗芝士奶蓋甘露，特別之處係奶蓋打得平時飲開嗰d硬身，可以單獨或者撈埋甘露一齊食。甘露唔算太甜，奶味較重，加埋芒果同芒果雪糕食就剛好。下次行旺角又多咗個食糖水嘅好地方！

上網見到呢間有得玩有得食既甜品店，玩味十足！星期五晚上就上黎輕鬆下～呢度仲可以換上古裝拍照留念，非常多唔同款式既裝扮：皇帝、皇后、秀才、道士、衙門官員士兵⋯⋯道具仲非常齊全！非常有特色！雲來客棧——非常古代嘅名字，裝飾亦用心打造成古代既感覺，而且侍應亦都會著住電視節目入面古代店小二既服飾，真係有種自己突然由現代穿越到古代既感覺！木材質地既地板、枱、椅子、筷子🥢⋯⋯每張枱都有古色既茶壺！真係非常有心思！裝修設計用心：整齊排列左古代不同既酒壺！仲有毛筆，降龍18掌、葵花寶典⋯⋯功法，非常有趣！門口仲有部娃娃機，小朋友同大人都中意夾娃娃，非常有趣！玩得過癮，玩完就餓了！益力多雪花冰$58〔益力多味嘅雪花冰、紅豆蓉、益力多味嘅爆珠、椰果〕玩到個人熱辣辣，食個透心涼嘅雪花冰甜品，立即降溫！益力多味非常重，綿綿既雪花冰入口即溶，配上甜蜜既紅豆蓉，酸中帶甜非常過癮！配益力多味嘅爆珠同椰果，口感非常特別，益力多味特濃郁！榴槤飄香$50一上枱榴槤就真係飄香，飄到過格離枱～除咗榴槤肉之外，雪糕亦都係用榴槤雪糕，而且椰汁底都加左榴槤，簡直係三重享受！彷彿進入左榴槤嘅世界！配料上面仲有瑠璃粒，非常有口感，食落

旺角彌敦道726號成座大廈都有唔少食市，而今次就去左呢間有得食又有得玩既樓上甜品鋪😁雲來客棧木枱木櫈，古裝劇嘅場景，不知楊過或小龍女會否路經此地呢?😂侍應們都相當入戲，每當客人向他們招手，他們便道: 請問客官想要些什麼呢?收銀處附近有不少酒壺，不知選二鍋頭還是女兒紅會比較好呢想一嚐古裝滋味，場內有很多不同服裝供客人穿著，打卡影相一流，無論你想做兵或衞; 皇后還是宮女; 皇帝或是太監，這裡都能滿足各位潛力演員的慾望😛🌌益力多雪花冰 $58🌌消暑透心，有紅豆泥、爆珠及椰果，益力多味道，爽🌌象棋牛奶凍 $128🌌象棋牛奶凍放架棋盤上，正當我在想下一部棋怎行的時候，就被我發現敵方有隻”兵”裝”帥”在楚河漢界出現，原來連棋子也會演戲😂這隻臥底，就先吃掉，味道香甜，奶味不重臨別秋波，在等返回現實世界時，發現幾本絕世武功，未知葵花寶典是否真的要先自宮才能練成呢總括而言，這家甜品鋪賣的是一種體驗，是一個讓人暫時忘卻煩擾的休憩處，尋找歡樂的一個好地方😁👍🏻

其實我係被網上流傳嘅一張麻雀椰汁糕相吸引咗黎呢度。原來呢間甜品鋪係新開冇耐。仲未有太多人知道，如果唔係，我估應該都幾多人。店鋪玩味夠，完全充滿古代氣息。最緊要係有免費古裝衫提供埋比你任換任影，真係好正。講番我嘅麻雀椰汁糕先，呃like 一流👍🏻 真係好似真嘅一樣。望住佢就即刻........手引起添，哈哈🤣🤣🤣唔捨得食咗佢呀。除咗甜品呢度仲有其它小食。而我又有少少肚餓，咁就點咗份燒賣同魚蛋黎食下。朋友點咗即撞木桶豆腐花同士多啤梨脆方磚。唔經唔覺玩玩下又玩咗成個下午🤩

最近發現咗一間有別於一般嘅甜品店。一上到去，好似穿越咗時空咁。無倫裝修、擺設、服式、甚至menu 都好古代。 地方亦好寛躺。我自己就覺得好多位影相都好靚，如果鍾意仲可以換番幾套古裝衫黎玩下添，（免費提供）。又可以呃下like 必點🌟麻雀椰汁糕🌟像真度極高。唔講真係以為係真嘅麻雀呀。椰汁味濃，味道剛剛好，不會太甜。（因為我好怕太甜）。其實仲有象琪牛奶凍都好想試埋嫁，一樣做到好真，但係我知道一定會食唔曬，所以就冇叫到。咁就又有籍口下次再黎啦。

同女朋友係旺角行完街,女朋友話有啲肚餓想搵地方食啲野,咁我就諗起之前有朋友都介紹過雲來客棧好特別,我就問我朋友地址 係邊,上去試下.一去到餐廳就即刻有店小二招呼客人,店小二仲會稱呼客人做客官,好搞野.咁我地就叫左 花雕醉雞翼同 魚肉燒賣併大魚旦,同埋 芒果沙冰.嘢食好快就到啦,花雕醉雞翼總共有四隻,廚師腌製得好入味,雞翼都好大隻,我哋兩個人兩隻啱啱好,而魚肉燒賣併大魚旦,魚蛋好大粒,而佢嘅豉油先係賣點,甜中帶辣好特別,而佢嘅芒果沙冰真係好大杯,好抵飲.而呢一間鋪頭最特別嘅甜品就係象棋牛奶凍,好香嘅牛奶味同埋好有心思,又可以食又可以玩,作為飯後甜品真係唔錯.同埋店主係店舖入邊預備左一啲戲服可以比客人扮演唔同嘅角色包括皇上、公主、妃嬪、衙差甚至係囚犯你都可以扮演,最啱攞嚟打卡啦.最後埋單都係$200多啲,食物質素有保證,同埋有好多打卡影相位,下次一定會同朋友再嚟試佢其他嘅食物.

是日運動完同朋友食左個午餐，食完仲想食甜品，但咁早就開左嘅甜品店唔多，搵到間叫雲來客棧嘅店一於去試下！嘩，一入到黎好似穿越左去古代咁除左裝修古色古香，店入面仲有提供古裝俾你著住黎影相，仲有好多有趣嘅道具問下職員有咩好介紹，佢介紹左芒果pancake燒賣，象棋牛奶凍芒果pancake 造型可愛，味道不錯，有好多cream同芒果嘩嘩嘩，呢個奶凍一定要叫，個樣好搞笑，玩味十足而且味道不錯，香滑且奶味濃，不過點解有兩隻將軍嘅我地仲叫左啲小食，花雕醉雞翼酒味香濃總結，大家可以黎同朋友食下甜品打下卡影下相

雖然係賣新式現代甜品，但鋪頭嘅裝修就走復古中國風，唔單止所有擺設枱櫈都古色古香，就連cosplay服飾同道具都有提供，相當鬼馬 餐廳除咗甜品仲有鹹食提供。麻辣燙選擇配料多，有選擇困難症嘅朋友就要小心喇 湯底帶辣勁，但點到即止，幾過癮 至於配菜質素同份量就正常，不過不失啦 鮮什果撈嘅水果份量同種類好多，比平時D乜記甜品大碗，CP值高 底下嘅綿綿冰椰子味濃郁，口感幼滑，而且唔太甜，感覺幾健康 😁木桶豆腐花即叫即撞，幾有新鮮感。入口嫩滑，豆味突出，令人有驚喜 仲要好大桶，幾個人一齊分都得，抵食

前兩日朋友生日喺旺角食完飯慶祝唔夠喉諗起網上好Hit嗰間糖水舖 又有得Cosplay就即興打電話去問下有冇位點知真係有位 環境十分我會比九分喺香港真係未見過咁古色古香嘅餐廳所有傢俬都係用木製連廁所都用稻草製成 變咗古代嘅茅廁真係好鬼過癮我地叫左麻雀椰汁糕$128一共十四舊 Size係同真嘅麻雀一樣同埋佢係用麻雀枱上嘅 好逼真啊椰汁味濃 口感都好軟滑係貴左少少 不過都係食佢嘅手工費因為問過店員要等15分鐘 要人手每筆每筆畫上去另外一位朋友叫咗雪糕方磚$68呢個真係超好食 方磚即係類似西多士一舊一舊砌成磚塊 然後上面放左一舊雪糕 再配上朱古力醬同楓糖漿 超級邪惡最後仲叫左木桶豆腐花$38呢個要等10分鐘因為原來係即撞嘅好重豆味而且都好滑 總括而言 食物質素OK 環境舒服因為可能樓上鋪坐得冇咁迫 值得去第二次

在同一幢樓食完飯，朋友覺得唔夠喉，想在附近找下甜品店，見列電梯牌上寫了雲來客棧，記得有報導介紹過，於是就去試一試！因為太早食完晚餐，食甜品的間都早了，因此，成間鋪只有兩桌人，可以任選座位！整體裝修好有特式，另外兩桌客人不停換衫影相，我和朋友就無呢個興趣，覺得可以靜靜地傾計都唔錯！叫了榴連飄香和雪糕窩夫，食物就不及裝修有特式，只是普通的甜品，而味道都唔係咁吸引，所以連相都無影，而兩款甜品都平均五十幾元，相對來說是貴了點，來過一次就夠了！

如題，主要吃小食，雞翼之類都好幾款，其他食物有不錯的賣相，到時可看餐牌自行決定，最值得一讚是，店員們的服務態度不錯，招待周到，以及一間以古裝為主題的環境及服裝，感覺如進入電視劇裡或歷史裡的角色一樣，等飯時和食完飯後，迫不及待換衣服，與友人非常趣味地拍照，建議大家不用害羞，去角色扮演一下，拿起自己和劇組準備好的道具，拍輯搞怪劇照，真的挺不錯的留念，最後，我還是會不劇透太多了，反正真心不錯，總之就是「正」！