雲來客棧 (已結業)

位於鬧市的樓上糖水舖，裝修主打古代客棧主題，環境都幾闊落，最岩同fd行完旺角上嚟傾計食野！餐廳除咗有得食糖水，仲有小食、重慶酸辣粉同麻辣燙，唔食得辣都可以揀清湯。落完order等緊野食仲可以試cosplay，扮吓皇帝做格格都得！呢日中午太肚餓首先食咗個清湯薯粉加兩個配菜，食落有少少硬但可以接受。甜品食咗芝士奶蓋甘露，特別之處係奶蓋打得平時飲開嗰d硬身，可以單獨或者撈埋甘露一齊食。甘露唔算太甜，奶味較重，加埋芒果同芒果雪糕食就剛好。下次行旺角又多咗個食糖水嘅好地方！