雪之工房 (已結業)

今天是星期六，無理由唔出行行下！傳聞聽過葵廣有好多好野食，就決定上去葵廣拜訪一下咁行到去最高一層，真係見到好多小食鋪，而且間間都有不同類型嘅野食，非常之吸引咁我就決定係呢一間雪之公房叫左一個咸牛肉炒蛋熱狗等左五分鐘到就搞點啦，睇下幾大隻熱狗，真係好足料，而且好熱最鍾意就係食熱烘烘嘅熱狗幾種不同食物一齊入口，真係幾正炒蛋都炒得好好而且呢度亦可以選擇加唔加沙津醬，店主就同我講加埋醬嘅味會更加多元化，咁我梗係加啦！真係非常match 的！如果有朋友得閒經過呢頭，都可以試下呀正評

行開葵廣肚餓，就決定搵啲飽肚小食。見到呢間都好多人排隊，所以就試下。嗌左個咸牛肉炒蛋熱狗，好似23蚊。佢係即叫即炒蛋的，所以要等耐啲，不過拎到嘅時候蛋仲係熱辣辣嘅，腸同包就有少少凍了。個蛋好滑，調味唔會太over, 有黑椒同沙律醬，味道幾特別唔會太咸，啱啱好。而且食完都已經好飽肚，不錯。

葵廣小食多，每次去都要預留好多肚的位置，先可以試多啲好食嘅食物！今次我就食咗呢間雪之工房雪糕，我們吃了松露雪糕，真的名過其實！其實門口有很多人等候，我們也許期望太高了，排隊看見那些色彩繽紛的雪糕筒，本是挺開心的！但是排了差不多5分鐘的隊，買之後等了差不多20分鐘！真的太久了！那個雪糕其實就是巧克力，沒有什麼特別，松露是什麼味道我也不清楚，大概就是只有發明那個雪糕的人才知道吧！那個雪糕筒也不脆，不好吃！＄40也太貴了！

📢可愛魚仔酥皮🐟➖➖➖➖➖➖➖➖➖➖➖➖➖➖➖➖➖➖嚟到葵廣梗係掃街啦😆平時中意飲酥皮湯嘅朋友就可以試下呢個酥皮鯛魚燒😙酥皮鯛魚燒有幾種口味選擇，有鹹有甜😆#咸牛肉芝士酥皮鯛魚燒 ($22)😋好味指數：(6.5/10)一拎上手熱辣辣🔥一咬落去嘅時候會有啲碎碎跌出嚟，所以要小心啲🤓口落去好脆，而食到魚仔果個位就係比較煙韌嘅酥皮😆唯一不足嘅地方就係餡料比較少😭入邊嘅鹹牛肉要食到好落先有，而且唔係好食到芝士😭.⭐溫馨小提示📌選擇紅豆鯛魚燒可以加五蚊換購雪糕一球🍦

我知道呢間最出名嘅係朱古力雪糕，不過我就覺得朱古力雪糕普通咗啲，反而baileys雪糕就好吸引我喇😍好滑嘅軟雪糕，淋上baileys同咖啡粉，第一啖入口係咖啡粉嘅苦澀味，加埋雪糕食剛剛好，唔鍾意太甜嘅話就啱喇。最正嘅係baileys份量都唔少，起碼雪糕食到底都仲有酒！每一啖都可以食到軟雪糕加baileys，鍾意酒嘅朋友岩晒！我覺得呢款雪糕真係好岩大人食，因為好夠酒，而且唔會好甜，有少少苦澀味👍🏼👍🏼不過葵廣始終青少年多，唔知多唔多人鍾意食呢款雪糕呢～

今日同細佬去葵涌廣場食嘢，第一次嘗試幫襯呢間小食店，我哋每人叫咗一隻熱狗，分別係鹹牛肉炒蛋熱狗同埋芝士滑蛋狗。先講鹹牛肉炒蛋熱狗。好地地一隻鹹牛肉炒蛋熱狗點解要加沙律醬喺裏面呢？我食到嘅感覺就係又咸又酸，好奇怪而另外一款芝士滑蛋狗，只能夠話係一隻好平凡嘅熱狗。炒蛋係食唔到有芝士味，隻蛋亦都唔屬於滑，令我有啲失望我覺得呢兩隻熱狗嘅可取之處就係佢哋嘅外貌，的確係吸引到人嘅。可惜喺味道方面就無法令我有再次光顧嘅想法。

今日黎左葵芳覓食..係三樓有好多選擇..見到呢間果d熱狗同雪糕都好吸引..Order左一個三重芝士熱狗同一杯金莎雪糕..熱狗既芝士味不太濃..但係表面可以加上茄汁..又即叫即整..熱辣辣..好味道😋😋😋另外金莎雪糕出面有層脆脆..入面雪糕仲有得揀兩溝..雪糕夠滑..夠朱古力味..值得一試👍👍👍Yummy Ice-Cream🍦🍦🍦with delicious hotdog🌭🌭🌭🌭Make you day...

想食都係因為雜誌介紹。黎到都幾多人排隊等拎野食。雪糕有好多種類，不過都係朱古力底多。我揀左好耐，最後揀松露朱古力雪糕。25蚊，算係咁啦，平價版，最少平左一半。雪糕冇G字頭咁濃朱古力，同埋冇咁滑。不過雪糕筒仲有朱古力同金莎脆脆，真係超好味！25蚊都幾大枝架，食完其實再食少少野，相信你一定會覺得好飽。除左雪糕之外，佢仲有熱狗同凍狗（熱狗包加雪糕）賣。多數都做年輕客同學生。食完發現，佢個名叫雪之工房，唔知係咪改左名。但行左成層3樓，只見佢呢間舖係賣呢隻雪糕。唔知有冇人發現呢樣野呢。

葵芳廣場這個平民美食天堂，許多人都甚為熟悉，手拿一杯雪糕逛街也是個不錯的選擇，我一般都喜歡到前方的手作xx，畢竟價錢更親民，味道不錯、選擇也多。而kiss ice cream 主打的巧克力味道，並不是我的取向，唯一令我改變想法的，多年來也只有索價近$60的G店雪糕，巧克力雪糕做到濃而不膩，並非易事。捧著一試無妨的心態，點了一杯主打的松露巧克力雪糕，論外型，不比G店差，但味道才是重點，既然是松露巧克力，口感必然要濃郁軟滑，雖與G店還是有些許分別，但已很軟滑，味道雖濃，但不帶苦澀味，價錢亦更affordable ，性價比頗高。但相比G店，這裡的雪糕筒卻更為出色，筒邊的一圈果仁巧克力加分不少，筒身酥脆，不會因雪糕而變軟，亦非淡而無味的類型，絕不會因吃完雪糕，而覺得雪糕筒難以下咽。之後又去試了一個更符合我平日口味的選擇。這個名為紅果的，上層為雲呢拿雪糕，下層為巧克力雪糕，外層佈滿粉紅色的顆粒，外型吸引，這些原來是梅果，味道帶酸，混合雪糕的甜味一起吃，倒是有趣。相比主打商品巧克力雪糕，這裡的雲呢拿著實在平平無奇，裝飾用的巧克力片更是畫蛇添足，巧克力味假，口感亦太硬，雖為裝飾用，但卻令雪糕減分了。

去到葵廣當然唔會淨係篤魚蛋，咁見到有唔少人都食過呢杯雪糕，又有部分人叫呢杯雪糕做「平民Godiva」。咁單睇價錢，的確係平過Godiva一截，廿零蚊左右有交易，雪糕嘅味道都有啲選擇。比較熱門嘅係意大利松露朱古力，不過就怕伏。意大利濃朱古力雪糕 $16（加$5花生朱古力邊）雪糕筒除左普通餅乾款，仲可以加錢轉：花生朱古力邊、濃朱古力邊、彩針朱古力邊。我呢杯就揀左花生朱古力邊。雪糕賣相都唔錯，叫呃得下人。味道方面，朱古力味確係幾濃，稱唔上香，但至少都冇平價朱古力味雪糕嘅感覺。雪糕質地唔算滑，沙沙地；雪糕筒比較厚身，一般脆。至於加錢嘅花生朱古力邊最影響整體印象，因為花生粒粗大，味道一般，好似新年呀婆買果啲平價花生…成件事downgrade左，感覺廉價。整體而言，單單以一杯濃味朱古力雪糕黎講就16蚊就唔算話貴，只可以一試，但非常唔建議加花生筒。

呢間係葵芳好鬼出名，主打就係爆谷雪糕，個雪糕乳酪甜甜地酸酸地，雖然加左好多糖但係都會覺得佢好健康。食得多同樣會漏。焦糖爆谷乳酪雪糕係相真係靚到一絕，爆谷又勁甜焦糖有勁甜整體都好甜！不過乳酪雪糕都算好香滑，如果單食乳酪其實已經好夠，真係加左咁多配料來講真係有少少over左。甜得滯最好兩個人一齊食！

葵涌廣場裏的美味而又經濟的小食多不勝數，一直很希望嚐試彩虹甜筒。這次點了焦糖蜂蜜彩虹甜筒。可看到店員即點即製，技巧挺熟練，不消數分鐘，做來美觀又美味的彩虹甜筒。焦糖蜂蜜的配搭挺特別的，雪糕的冰凍香軟，加上略甜的焦糖和蜂蜜，拼出來幽香而不膩，好味道，值得讚賞和推介。

黎到葵廣 3樓美食街呢度 啲嘢食真係花多眼亂 多到唔識點揀而我經過呢間鋪頭嘅時候就比呢啲近期好Hit嘅雪糕筒所吸引嘩～～!呢度有好多款！而且價錢都比出邊鋪頭平一大截全部都好想試囉作為朱古力控嘅我 最後都係揀咗呢個意大利松露朱古力gelato都算幾香濃朱古力味 朱古力漿但唔算好滑好 creamy但係就裝滿成個雪糕筒底！超大杯！呢個價錢係幾抵食

聽人講呢間係平民版Godiva, 甘岩今日喺葵芳於是就去潮聖一下。叫左個《意大利松露朱古力雪糕 $25》。呢個價錢已經吸引，但已經有心理準備唔會好似人地講到甘好味。.可能無期望，反而覺得佢夠濃朱古力味，但就無咩松露味。$25一試無妨～.

終於都有機會食尼間被形容為平民版Godiva的雪糕店！平時成日經過都係肚餓未食飯唔想食雪糕，今次係食咗正餐先經過，唔諗太多，就叫我喜歡嘅朱古力味。雪糕都算幼滑，不過以soft serve Gelato嚟睇，軟綿度就略為不夠。雪糕朱古力味道還可以，但唔算十分濃郁，比較喜款上面的朱古力醬，而個cone係幾脆嘅！整體上廿幾蚊隨便食吓過吓癮亦無妨呀。