雪下覓炙

營業中

休息中

《📍雪下覓炙食評分享 》@ihungry.hk小編又名韓國之鬼👻，最最最中意食韓國菜😋！今日小編為大家發掘到一間超正嘅韓國餐廳，位於尖沙咀海港城嘅雪下覓炙🔥！雪下覓炙提供多款傳統而破格嘅韓烤燒肉及料理，設有熟成肉櫃及引入不同各國的牛肉品種，等大家係香港都可以食到高水準嘅韓牛及地道嘅料理💓！唔洗飛去韓國，嚟雪下覓炙就可以感受到韓之風味喇🇰🇷！🔥限時優惠🔥宜家經OpenRice訂購主菜餐牌，即可獲得正價85折，仲唔快啲嚟預訂！ 🔸『前菜FREE 』▶️包括泡菜、醃章魚、醃芽菜、醃蘿蔔、醃枝豆、醃脆肉瓜、醃年前菜種類好多，十足十係韓國餐廳食一樣咁多😍！特別要讚醃蔬菜好新鮮，醃醬料唔會過辣，唔會搶走蔬菜嘅鮮甜，亦都保留到蔬菜嘅爽脆，而小編特別中意食醃章魚，口感香辣，章魚嚼勁有彈牙，超正啊！重點係部分前菜仲可以再Refill，食唔夠可以再叫😚！🔸『北海道和牛Set - $650/位（一切以餐廳當日供應為準）』▶️和牛包括A4和牛三角肩肉、名品牛小排、厚切西冷、和牛牛舌雪下覓炙係小編食過最有水準嘅韓牛🐄！三角肩肉、名品牛小排、厚切西冷以厚切入饌，厚切脂肪分佈均勻，唔會過肥，保留到口感之餘既有入口即溶嘅

食物確實不錯，但員工質素非常參差！希望培訓某些員工服務態度，顧客是俾錢消費的！就算有折扣都是消費在你們餐廳，希望你們公司培訓有質素的員工！餐飲業都是服務性行業！！

Despite without loud sizzle and smokey grill aroma, our dishes offered a satisfying meal. Galbi, King Prawns, thick pork belly, and glass noodles were all nicely grilled and stir-fried. We ordered sweet rice wine to go with. It completes the meal.

海港城高質燒肉店，因為我喺海港城返工，所以成日收工都會過去食，位置闊落， 卡位坐得舒服唔逼夾，服務生都好客氣，非常一流。終點推薦呢度嘅泡菜海鮮煎餅，非常足料之餘，煎得非常香脆唔油膩。仲有梗係和牛啦，雖然價錢唔平，不過一分錢一分貨，高質有牛味，但唔係入口即溶嗰啲。同埋呢度嘅梨汁雞，好出色，基本上呢幾款係每次嚟到必點，如果再肚餓啲的話會點埋五花豚肉同埋香辣豆腐湯，不過個人認為香辣豆腐湯唔夠辣，如果鍾意食辣嘅人可以同侍應講要求廚房加辣

今晚同老婆慶祝生日，揀咗好多間，最後見 comment 幾好所以揀呢到，最後證明無揀錯。 Order 咗 A4 和牛，特級牛肋肉，石頭鍋飯，八爪魚同埋年糕，八爪魚係一個叫阿儀嘅推介，好好食，老婆好滿足，阿儀嘅服務非常好，而且幫手燒得好有心機，值得一讚👍，會再食過👍。

因為帶住BB，最理想就係行商場，尤其係海港城，帶住BB真係冇得頂，樣樣都齊全。就係行BB嘢個陣見到有間新開嘅韓國燒烤，決定一家三口一齊去，即日就喺OpenRice訂位，仲有個專屬套餐，仲可以額外用埋海港城coupon，所以真係好鬼抵食。套餐真係好豐富，除咗有醬油鮑魚帶子，仲有非常之多韓國特色泡菜，最好仲可以有得無限添加，呢樣真係啱晒我哋最鍾意食韓國前菜嘅人。燒烤更加唔使講，肉類非常新鮮，而且仲有侍應親自幫我地燒，食物同服務真係唔話得！最感動嘅位就係員工非常親切，因為同行有個BB，冇諗過侍應姐姐仲攞埋私伙玩具俾小朋友玩，知道BB心急等燒烤食，仲切咗啲水果片俾我BB，呢啲暖心嘅行為，真係唔係間間餐廳嘅員工都有，完全感動咗我同我老公。下次有機會我一定唔會再帶埋BB同老公一齊去食！

哩間店以前都嚟食過幾次。之前印象都幾好。但係今次真係大失所望！！！切記千萬不要點套餐，720一位，兩個人成1400幾蚊，都無乜嘢食。一個拼盤得7件肉，一人得3件半，而且攞上來已經融曬血水，仲要等佐好耐！醬油拼盤的味道同質素都係好一般，唔夠新鮮！最後兩個人share一個石鍋飯已經結束。兩個人食完都未夠五成飽。千幾蚊選擇食哩個套餐真係搵笨。個套餐做成咁真係不如單點，將顧客當成水魚，浪費曬個環境同心情！

This Korean restaurant belongs to the expensive category. The lunch set is slightly cheaper than dinner so we placed a visit during lunch.There were five kinds of banchan and one of them was marinated squid, which was nice. Kimchi and bean sprouts can be refilled without additional charge. But we didn't refill them as the kimchi was not too good.I had Korean fermented soybean soup with grilled beef, the soup was piping hot with a lot of ingredients but the grilled beef was cold and the portion s

今日同朋友慶祝生日朋友話想食韓國菜🇰🇷咁岩又有啲海港城coupons未用完🤣所以就揀左呢間雪下試下☃️❄️起初諗唔到食乜，所以就問下服務生有咩推介，佢地服務生都好好，會問我地有咩肉類想試，會同我地講邊啲肉既口感係點，所以係揀肉方面好快就知自己想食啲乜👍🏼叫左好多好多，但最有印象都係牛肋骨，豬梅花同埋鰻魚，好好食呀可能因為係服務生幫我地燒的，佢燒得好好食餐牌上啲牛有平有貴，Sofar我地叫中價果幾款肉都抵食，因為佢一碟都大份，不過牛舌就得幾件，我本人覺得就無咁抵食整體感覺良好，坐位都舒服，雖然佢地夜晚好忙，但都見佢地每枱客都有用心招呼，幾唔錯👍🏼下次會再黎試其他野

食得西餐多嚟嚟去去都係嗰啲嘢，中午一個人決定去食下啲唔同嘅！ 呢間食過好多次，harbour city coupon 好似差唔多咁多round 都有不過今round 要用Hsbc 卡. $150減$50 都幾扺. 午餐幾多選擇下唔食燒肉around 100-200 都有，燒肉就$200-$400 不等. 餐廳位置幾寬敞幾舒服，一個人唔想應酬人沉思下享受個lunch 好好. 不過肉份量不是太多但ok 啦quality 緊要過quantity, 咁我就唔夠食追加左碟肉，另外飲品幾貴下同細杯一杯多數唔夠，偶爾對自己好啲都ok 嘅！

🇭🇰 Seolhamyeok 雪下覓炙📍尖沙咀廣東道3-27號海港城海運大廈地下OTG47-48號舖平時返尖沙咀又楝咗係海港城食lunch ~Lunch set - 生牛肉石頭鍋飯$158 （+10%服務費）🎖️4/10石頭鍋賣相係唔錯，鍋都夠熱，但係牛肉太碎又淡味道，用泡菜一齊食先夠味，味道對唔住呢個價錢同埋可以叫服務員可以幫手𤏪飯，小編為咗影相靚就冇揀同埋四個人附送好少小菜，得兩款可以再補，cp 值偏低🙃

🌸間唔中想係海港城食下𝐥𝐮𝐧𝐜𝐡，但係好多又貴，性價比又低，今次就試左一間，𝐥𝐮𝐧𝐜𝐡 𝐬𝐞𝐭（除左燒肉）味道絕對對唔住佢價錢既餐廳-𝐅𝐨𝐨𝐝 𝐑𝐞𝐯𝐢𝐞𝐰 食評 🍔人蔘雞湯配飯 （$138@半隻）湯飯一到，服務員馬上幫手剪開人蔘雞，服務唔錯。呢個雞湯飯用左烏雞熬湯底，但係雞肉少柴，而且每個湯飯既湯底好似相差無幾，可以留返個𝐪𝐮𝐨𝐭𝐚-🍨生牛肉石頭鍋飯 ($158)賣相幾好，但係味道偏淡，加埋泡菜味道先岩岩好，而且牛肉切得太碎，變相牛肉味同口感唔出，麻麻地-🍨神仙雪濃湯配飯 ($150)入面有牛展同麵條，湯底同人蔘雞湯無大分別，但係呢個價錢都淨係得牛展，性價比都幾低-𝐋𝐮𝐧𝐜𝐡 𝐬𝐞𝐭真係有Ｄ失望，對唔住佢個價錢，但係小編食過佢既單點燒肉，係唔錯既，佢地本身主打燒肉，主要係本身舊肉唔錯，價錢係貴少少，但係性價比起碼比lunch高📍雪下覓炙尖沙咀廣東道3-27號海港城海運大廈地下OTG47-48號舖環境：🌸🌸🌸🌸味道：🌸🌸服務：🌸🌸🌸🌸衛生：🌸🌸🌸性價比：🌸🌸

放左工去食韓燒，好好味😍😍叫左：（1）A4和牛三角肩肉（厚切）（2）傳統醬油牛肋骨 （3）雜菜 （4）和牛泡菜炒飯本來叫三款肉，但食左兩款，兩個人食已經夠👍🏼所以取消左一款肉。特別推介個牛肋骨，真係好好食。身為港女既我，好明顯唔識自己燒，有職員幫你燒埋（一般韓國店都會），好開心😍😍😊😊個三角肩肉都好食😊😊如果唔叫菜可以叫白飯，咁就唔洗叫個炒飯。個炒飯都好食，但食完啖啖肉既燒肉再食咁少肉，當然不滿足。見到隔離枱食燒肉飲啤酒，同朋友一齊一邊食燒肉一邊飲啤酒，🍻樂事👍🏼👍🏼👍🏼

因為有海港城coupon，所以同屋企人去咗試呢間餐廳😆點知有驚喜！價錢唔貴之餘，選擇亦都好多🥰而且食物質素高，環境又坐得舒服！屋企人都大讚👍🏼👍🏼👍🏼一入座就有多款韓國前菜比我地😝燒肉方面叫左韓牛拼盤，五花腩，同一個醬汁牛肋骨🥰🥰🥰全部都好好食，而且員工都會好細心幫你燒啲肉，肉味香濃❤️另外仲叫左個石鍋飯，泡菜煎餅，韓式炒粉絲，同埋韓式芝士雞蛋捲👍🏼👍🏼👍🏼👍🏼所有野都充滿韓國風味！真心推薦！

餐廳名原來有意思架，餐廳內部整咗幾個大屏幕，模擬落雪環境，令坐係入面嘅客人感覺置身雪中燒肉，充滿氣氛❄️估唔到中午12:00門口已經排隊，午餐set百零蚊，而燒肉set就二百零蚊，試咗兩個set都味道不俗，性價比高，仲用咗商場卷，享受咗一個偷快嘅休閑週末午餐😎韓式前菜有5-6款，開下胃先，店員主動講泡菜同埋芽菜可以refill👍🏻三品·特選燒肉 $215三品包括濟洲五花肉、上和牛肋肉及新瀉雞爽肉，三隻肉都非常高質，五花肉剪開有5-6片，肥瘦均勻，烤出嚟好香，特別推薦雞爽肉，雞嘅肉質鮮甜嫩滑，想再encore! 雖然燒肉唔多，不過店員都會幫你換烤盤再燒，服務唔錯。大醬湯碗烤牛肉及飯 $102除咗烤牛肉之外，大醬湯入面亦有唔少牛肉粒、豆腐同野菜配料，不過本身跟餐已經配咗湯，略嫌太多湯水，所以下次有機會，會試其他主食。🐷🛎️ 必試指數 : 8/10🌟