雞記潮州麵食

營業中

休息中

The shop is called chicken something, so I thought it was a chicken specialist or something related to chicken.It turns out to be chiu chow cuisine.Ordered noodles with fried cuttlefish balls with seaweed, and fried olive and meat roll.All the food was good, but not memorable.I felt that it was slightly overpriced because the food was just noodles, fish balls which is inexpensive.Anyway the fried meat roll with olive was nice, although the olive wasnt strong, on the outside it was wrapped in bea

由於太趕時間...冇影到相..叫左2個餐 $29 包一杯野飲 / 一碟菜炸紫菜墨魚球麵招牌紫菜墨魚球...都幾好味..一碗有4粒咖喱牛腩飯我試食左少少..都幾辣..可能我唔食得辣啦...味道麻麻地..大家樂好食好多..總括..炸紫菜墨魚球可以一試.

有天行K11經過此店,門口的大「餐牌」上,「紫菜墨魚球」、「黑豉油撈麵」、「炸魚片頭」,給留下印象。今天無辜辜要過來尖沙咀,便想起來試。Week day lunch time,很多上班族,放半天假的我,被影響到成速食午餐。以上的「招牌」,我和老公竟然沒揀,反而揀了「牛麵」。五香牛孖筋麵$23,個名好像很強!命名「五香」,可能真的用五香粉醃過,但之後似乎再用清湯浸過吧!一點五香味都無!牛三寶麵$30,有牛肚、牛腩、牛筋。牛腩腍,其餘和以上那豌無分別。湯麵有鹼水味。麵爽口。味道好一般,食完非常確喉!欖菜肉卷$21,即叫即整,熱熱的,春卷皮極香脆!肉餡無欖菜味,不過都好有驚喜!點埋拌吃的甜魚露好match。用膳完,見很多食客也是吃黑豉油撈麵,和咖哩飯,或許小食外,此兩點,也是尚選~

睇完戲搵食, 本想到寶勒巷碰碰運氣, 見到"維記", 睇真d, 原來係雞記 門面ok價錢ok, 就入去試試一入之下, 看到一堆介紹, 亦看到大部份食客都係叫撈麵, 看來此店主打撈麵 & 標榜自製手打墨魚, 既然係咁, 當然是試招牌吧炸紫菜墨魚丸黑豉油撈麵: 墨丸真是即炸, 感覺好似鯪魚球, 撈麵如果無特別叫應該係粗麵, 豉油雖黑但唔會很鹹, 墨魚的確彈牙問題是, 雖然見到, 但feel唔到粒墨丸有紫菜味, 撈麵既湯好重芫茜味, 不喜歡的人應該會覺得難飲當然每家做法唔同無可口非, 始終味道最重要, 但佢既墨丸亦無潮興之類既好味, 但特別在即炸+撈麵, 仍然值得一試, 因為暫時只此一家煎墨魚餅: 同炸紫菜墨魚丸一樣, 好彈牙, 不過無紫菜, 食得出同炸紫菜墨魚丸係唔同味的, 但你問我係咪因為差左紫菜, 我真係答你唔到... 不過墨魚餅的確很厚, 咬落去好有滿足感, 值得一鑽友人叫左個杯推介既咸檸七, 大叫好味, 一看之下, 杯係正常茶餐廳熱飲類鐵杯, 冰也不是普通的多, 咁既情況之下, 整枝 7up 倒晒落杯都只係7成滿, 即係話, 佢竟然係俾一枝細七喜! 呢杯咸檸七正價竟然要$15,

聽人講左好耐話呢間向尖咀黎講叫做有水準既粉麵檔, 上星期五同朋友仔去尖咀做facial 諗住食個dinner 先, 就諗起雞記, 因為人生路不熟, 都搵左一陣先見到, 好大期望入到去叫左個出名魚片頭(跟米粉), 朋友仔叫左碗牛腩 (跟河粉), 真係要用勁失望同極難食黎形容, 先講我d 魚片頭好魚(聲)味, d 米粉仲好硬囉, 我朋友果碗牛腩只係正常但就唔正常價錢都要成三十蚊, 仲有d 河粉係硬到好似粗麵質地, 我地兩個都食唔晒好失望, 好快埋單走人, 之後都要再搵地方食返飽個肚

一個人開 OT 至八九十點的話, 四圍都只有快餐, 多食冇益, 不過要返到屋企先食就成十一點, 會胃酸倒流架! 係尖咀轉車就會黎雞記, 事緣佢個碗麵會有條, 不多不少, 是一條菜! 細個時係街食麵一定會有菜, 漸漸轉左d好難哨的菜, 最後變成冇菜, 焗你叫碟油菜. 一個人吃不下咁多野, 但又多少想心理/生理上平衡點要有蔬菜落肚, 老闆真係有心, 就算比附近麵店貴一兩蚊一蜿, 都值得! 況且佢個食物都唔似一般粉麵檔, 有炸欖角餅, 墨魚餅個d. 記得第一次去見個時要左個紫菜墨魚丸麵, 佢問我'炸唔炸呀?' 要麵都可以選炸既? 咁就可以試到個小食唔洗另外叫 (另外叫我反而冇可能食到, 因點都吃不下麵+小食)如果要餐就貴d, 要約$30一餐中式麵, 散叫好d 啦

又一飲食書介紹，如是不介紹就不會去食，以為是一間普通的茶餐廳，但原來都有招牌食品，好不錯黑豉油撈粗麵(招牌食品)+紫菜墨丸 +凍飲 $34黑豉油見到個色好似好咸，但食落口反而帶甜味，粗麵麵身爽口，不會黐住一齊條條分開，而黑豉油撈麵撈得好均勻，不會有麵撈不到黑豉油只是麵的份量比較少，如果男仕們可能不夠吃要加底紫菜墨丸都是招牌，聽聞是即日新鮮製做，入口非常彈牙，墨魚味濃但因為炸的原固可能會多油點凍檸茶反而一般，略欠茶味Summary:紫菜墨丸是即日鮮製所以賣完就冇，可能晚上食不到。我一定會再去，因為要同蜜糖兒試下

被佢的日文招牌吸引了, 坐底叫了豬手云吞麵.豬手 - 完全唔淋食唔到云吞 - 係難食既地步不過最估佢唔到係D麵條, 好彈牙個湯底都唔錯, 仲要有1條菜心. 要讚的是地方很乾淨, 阿叔好有禮貌, 我不停叫到佢地swipe個d樽呀台下同埋d阿叔既英文都好好架. 有幾個外國人坐下佢地好好甘介紹野食及對佢地好多既要求都盡量滿足. 感覺良好.

這天,約了友人看電影,還有時間,想起吃魚蛋粉隨意找到這一間.裡頭滿座,搭檯坐下這裡我曾經來幾次.魚蛋粉必定點的我見門口那堆魚片頭,於是又叫一碟試試,指明要片頭片頭如剛炸出來,許多片頭正是從魚片两側炸香的切下但不覺太油膩,入口酥脆,而且魚味很香魚蛋有鮮魚味口感彈牙但絕不腥,河粉滑溜得夾了幾次也夾不起湯不是超鹹味精湯,湯底全靠幾十粒魚蛋熬出魚鮮味的這裡食物有水準,但坐位太少同地方細,有機會再來小小分享:據老闆說:這裡的炸魚片都是用九棍及門鱔魚製成魚蛋粉的湯底是以牛骨,8種材料熬5小時的藥材湯底估不到吃魚蛋粉也這麼講究以下講述潮州粉麵店更日銷800碗,不可謂不驚人

兩個人....食左:豬手河 - 豬手好乾淨.....入味.....河粉滑.....湯底略嫌鹹左D.....炸紫菜墨丸黑豉油撈粗 - 粗麵撈得唔勻....但夠味....唔錯....自製紫菜墨丸炸過....比較實....但係都好 juicy....一咬都有汁bit 出黎.....估計淥會好味D.....

是晚,約埋個同事一齊去食宵夜.其實,係我見到openrice咁多人寫,所以我又想去試!地方唔算大,易都唔難搵,過能比較夜,所以人流唔算太多.而呢間鋪既招牌主打就係~~墨魚類&撈麵.介紹,我地食D咩先:墨丸牛肚撈麵:墨魚丸可以選擇有冇紫菜&炸or唔炸. 食落口,又確實係幾爽口彈牙.仲好有墨魚味添! 豉油皇撈麵:可以選擇粗麵or幼麵, 但我覺得粗麵會好食D,覺得有口感D. 豉油:味道幾好,甜甜地,又唔會太咸, 味道就好似滷水汁咁. 炸醬麵:個湯底,好好味,又鮮甜, D肉絲就麻麻地,都夠淋,但冇乜味道. 炸墨魚餅:雖然說係招牌,但我覺得一般. 墨魚丸還比墨魚餅好,冇味,又唔爽.

連續幾天的歡鬧飲宴，的確有令我心中舒懷了不少。人大了，有些事總要一個人去面對，一個人去好好反思一下，在喧鬧的城市中，我塞著耳機，走著走著，選了其中一間我很愛的食肆。 位置說易不易，說難不難。在尖沙咀翠華的附近，雖說主打潮州麵食，但卻有一些別處吃不到的美味。吊詭的事來了，這個招牌寫著是光師傅推介，但這店明明是雞記，究竟是甚麼呢？關係我也不知道，故事可從很久說起，多年前有一次在尖沙咀吃過一次雞記，有幾款食品令我印象相當深刻。之後有一次在灣仔見到一家無論菜式和裝潢都一模一樣的，但叫光師傅，大著膽子走進去，味道果然沒差！牛三寶醬油撈粗麵，餐牌上有的是牛三寶麵，還有單點的醬油撈麵。我偏偏又想吃牛三寶，又想吃醬油撈麵，便直接跟侍應說要牛三寶醬油撈，香港人真的懂變通，你要甚麼便弄給你的吃，只是比單單的牛三寶麵多收HK$3，我愛香港！雖然賣相不佳，但味道確實是讚噢！先說醬油撈麵，醬油有點像台灣的醬油膏，顏色偏黑又濃，味道一點點甜，而且很香，單是吃麵已經超美味。牛筋滷得又軟又滑，而且吃飽了潮式滷水，濃味到不得了。牛肚又很軟，不會過咸之餘又有滷水香。牛腩不是像牛記那種清湯腩，也是潮式滷水，這次的肉質有點老

有自己特色麵店,香港不多!!這裹的撈麵是用黑豉油王撈的,不會太咸,幾特別,墨丸內加了紫菜,可選擇炸或不炸,雖然墨魚味不濃,但才23蚊,算不錯!

琴晚去左尖沙咀搵野食，原本打算去重慶大廈食「新德里」，但因為臨急臨忙轉地點，於是拿拿臨上openrice搵野食，搵到一間叫「雞記」既茶餐廳。超好味！係我幫襯茶餐廳以來最好味既一間！兩個人，叫左魚片頭麵、炸紫菜墨丸麵、凍檸樂、蝦子生菜和欖菜肉餅。魚片頭、炸紫菜墨丸和欖菜肉餅都係即炸，超正！紫菜墨丸麵既紫菜唔係放湯，而係同墨魚一齊打成丸狀，好特別！不過如果放湯煮，唔炸可能好d，無咁熱氣，但炸左放湯都無淋到。 全場最正既係‧‧‧‧‧‧蝦子生菜，剛到時d蝦子還是粉狀，但不久會融到好似蠔油咁，但比蠔油好食一萬倍！雖然個樣同普通生菜無分別，但卻係我食過最好味既生菜！ 原本想叫炸墨魚餅，但賣晒，所以先聽waiter介紹，改叫欖菜肉餅，但都唔錯！ 埋單每人$43.5。下次有機會去試下炸紫菜墨丸黑豉油王撈麵和炸墨魚餅。

太太同事極力推介，又講到好好食咁，仲直頭當飯堂之一，一個星期總會嚟兩、三日，見咁好介紹，梗要一試啦！叫咗個炸紫菜墨魚丸豉油皇撈麵，同咖喱牛腩撈麵！叫炸紫菜墨魚丸係因為係哩度嘅人氣之一，試咗，真係唔覺得好似人哋講到咁犀利，基本上都人做到好彈牙，但無乜紫菜味，而豉油皇撈麵都感覺普普通通；至於個咖喱牛腩撈麵，係想試佢個咖喱得唔得，一樣，好一般啫，但奇怪在D咖喱汁撈埋落D麵度之後，成碗嘢由黃色女變成紅色，唔知點解！？牛腩亦有少少韌，未夠腍，都幾失望架！