雞記潮州麵食

營業中

休息中

尋日同朋友睇完戲咁去食少少野...見行開咁食下啦...因為都食過一次...雖然係冇咩特別...但係o個一刻唔想諗食咩..今次去到...我同朋友叫...我要魚蛋河,,,佢就問我要咩菜...我話我剩叫...唔要你個餐...我都唔明佢個係咩餐...$21剩叫...$31係餐....我心諗個餐都幾特別...根本咪係10蚊碟菜...好唔抵呀我覺得...上次都未有咁貴可能因為所有野都加啦...一黎到...我食...d魚蛋.....wooo....唔係好得呀真係..有d好唔知點食落過口,好...好唔知點咁...其實又唔可以話好差...但係同一碗野其他地方會俾佢好食好多...由奇係佢迫我叫個餐...我真係唔明...點解要叫餐...根本都係一樣...所以大家去之前可以考試一下先...

4月21日晚上個日我自己一個人來左呢間野到食晚飯, 可能都成晚上9點幾, 裏面無乜人. 入到去見到佢個套餐都吾係貴, $29元有一個麵 可以跟一個油菜或者一杯野飯. 所以我選擇了叫這個套餐. 但由於個套餐的選擇不多, 所以我最後叫左一個魚旦米 跟一個菜心. 上菜後, 我覺得菜心個份量都幾多下, 都幾抵食. 在那碟菜上面, 除了有蠔油之外, 仲有些蝦籽係面, 幾特別. 但係下次我一定會叫佢吾好落咁多蠔油, 又或者分開上. 而那些魚旦真係幾好食, 好彈牙好好味. 下次一定會再來這裏食魚旦之餘, 我仲會試下其他小食.

我賀某不嬲都好少係尖沙咀食嘢，一來貴，二來唔係太多好嘢食不過今日晨咁早畀個客call咗出尖沙咀開工，連早餐都未食，做到十二點幾左右，先放食飯…「鐘」吓「鐘」吓咁入咗呢間(因為得番呢間有位坐，食完之後就知道點解仲會有位坐…)望一望個餐牌，一碗魚蛋粉都要29大元…算嘞，叫碟garlic雞扒飯…等咗一盞茶時間，終於上場。一望，心知不妙，個汁底係茄汁？不過汁面鋪咗小小garlic……garlic撈茄汁…好難食，塊雞扒補番少少分數，唔算難食。煎得算香口。杯冰…唔係，應該係凍奶茶，成杯都係冰，飲三兩啖無晒！同埋d奶茶摻太多水，好淡…以後冇乜必要都唔會係尖沙咀咬嘢嘞…

Lunch落單,第一時間諗起來雞記,畢竟平時一大班人很難搵位嘛!個人推介炸紫菜墨丸,今次就點了一個麵餐,炸紫菜墨丸河跟芥蘭. 水準依然keep住,墨丸是新鮮打的,有粒粒塁魚又彈牙,唔會成舊粉死實實,再加上紫菜炸後香口無比,河粉也不錯,頗滑.令人心滿意足的一餐.

27-7-2007為食朋友介紹呢度d 炸紫菜墨丸同墨魚餅, 就同另一為食朋友0黎試.叫了個炸紫菜墨丸撈粗(圖上)... 有甜甜0地0既黑豉油, 亦有爽口的超勁鹼水粗麵, d 麵好苦, 好難頂.炸紫菜墨丸就好得, 好彈牙, 加了紫菜香了好多, 仲少少一粒粒的墨魚肉.炸墨魚餅(圖下) 相比之下有d 失色, 不過一樣彈牙, 亦有墨魚味, 幾好食.另加了件奶油多同凍奶茶, 又唔錯喎, 幾驚喜.門口光猛新淨, 入面環境就幾up dup; 招呼都ok, d 伙計幾有禮貌.埋單約$30 一個頭, 抵食又好食(除了鹼水麵之外) 的一餐... 下次要試炸魚片頭!

當呢間鋪在金馬倫道時已開始幫襯,第一次係老公同我去的,其後自己都間唔中去食,最愛佢\的墨魚餅,炸紫菜墨魚丸同炸魚片頭墨魚餅~真才實料,香脆彈牙,正!!炸紫菜墨魚丸~墨魚丸加左紫菜好味過淨墨魚丸,又係好香脆彈牙,掂!!炸魚片頭~好彈好彈牙,有魚味,好香脆,正正!!不過佢\都有d野唔掂的,就係麵,好濃烈的鹼水味,食過一次後都唔敢再叫其實成日都好想去食,但真係怕熱氣,佢\而家搬左去三不賣對面,真係更加引誘我去食多d,因為食完佢\就可過對面飲涼茶清熱,哈哈!!

前晚第一次黎呢度食，起初叫紫菜墨丸米線($19)，以為係紫菜O向湯度，點知一上抬，見到Ｄ紫菜釀O向墨丸入面，好特別，食落又爽，又有墨魚肉~~有咬口，好美味！另外，叫個蟹子菜心($10)，烚菜又不是太油膩，醬油味道合乎我的口味，絕配！

單拖來雞記食麵，要左個麵餐，是牛筋麵加杯凍檸茶，另要多一碟炸墨魚餅。牛筋肥肥的，十分吸引；味道當然也很好，口感一流。墨魚餅即叫即炸，又熱又香脆，且墨魚又彈牙味道又鮮，有水準！不過$20只得6件墨魚餅，是貴了點。總括來講，味道係不錯，會再去。

一碗沒有驚喜的黑豉油撈麵，煮熟的蛋麵以熟油及豉油撈勻，過程少於兩分鐘，苦中帶鹹的感覺，非人人受得住，至少偶是極討厭那去不清的鹼水感覺。配角的清湯豬手，高湯煮沸下賦予鹹而到肉的味道，薄切豬手不失紮實感覺，啤水功夫做足，沒帶半分豬羶味，美中不足在於皮層過於軟腍，介乎於入口即溶的感覺，如斯口感，個人而言是難以接受。碗中剩下一堆豬皮，店家問豬手是否出問題，笑言豬「手」無花無假，真不錯．．．

一班舊同事本來相約開雀局, 但係小妹琴日係公司心情唔多好, 咁佢地就先帶小妹食0的好野開心下先再去雀局~~ 我先到達, 所以去等位先~ 入到去見到地方唔太多, 窄窄地, 好彩等左一陣就有位~ 我地叫左呢度最出名0既炸墨魚丸黑豉油撈粗, 片頭麵, 炸片頭一碟, 同埋蝦子油菜~食慣安利0既豉油面, 雞記0既黑豉油撈面相比下無咁咸, 都幾好味, 小妹凈係唔鍾意0的麵仲有少少"間"水味, 如果無埋就perfect 啦, 而0的炸墨魚丸好香口同埋彈牙, 好味道, 炸片頭都唔錯, 同事就係無介紹錯, 下次要試下湯麵先~

前陣子跟朋友二人去了尖沙咀吃飯, 不過因為在趕時間的關係, 所以就以粉麵充飢就算, 不過快食快閃不代表可以沒有要求, 所以我們選了此家安琪兒的心水麵店!之前這家店在金馬倫道的, 一段日子沒光顧, 再去, 竟然不見了! 這次重逢, 也是因為我跟朋友說很喜歡這家店不過不知為什麼找不到才經他告知搬到現址... 原來別人已經搬了一年, 我竟然一直不知道... 不過真的很開心又可嚐到這久違的滋味!是次ORDER:-炸魚片頭+紫菜墨丸雙拼麵搭鹹檸七每次到雞記的指定order, 正!!! 這裡的鹹檸七是我的至愛, 可以說我喝過的沒一個地方比得上這裡的! 她們是整個鹹檸檬上的, 而且明顯是真的醃漬了好一段日子, 所以鹹味檸味都很夠! 絕對是把我的心鎖住的一大原因!炸墨魚餅店家的招牌小食之一, 入口非常彈牙, 好吃!!!蝦子油菜在油菜上灑上鹹鹹的蝦子還是第一次吃到, 味道很香濃, 不過聽朋友說蝦子是很熱毒的食物, 幸好不是常吃...

同事介紹墨丸超正，又來試下。炸墨魚餅當然唔少得，外皮又脆又熱，內裡勁彈牙，不過墨魚味唔突出。炸紫菜墨丸併炸魚片頭豉油皇撈麵-炸紫菜墨丸一來炸得脆口，二來夾雜了紫菜的香口，又食得出墨魚味，味道好過炸墨魚餅；炸魚片頭亦是炸得熱辣脆口，大大件口感非常；而撈麵非常唔錯，雖然是做豉油來撈，但味道調教得剛好，唔會過鹹，粗麵又煮得好爽。牛三寶河-所謂三寶是有牛腩、牛肚、牛根，可能不是鎮店之寶，味道好一般。牛腩唔夠入味、牛肚唔夠爽、而牛根較腍，沒有"膠口"的口感。還有一碟蝦子油墨菜，可能有"蝦子"兩字，比一般油菜貴少少，其實與普通的蠔油沒有分別。OR地址是金馬輪道，原來而搬了去加拿加道。

一條冷食lunch，响尖咀街頭踱嚟踱去，最後決定去呢度食魚片頭..久未幫襯，估唔到已由旺街搬至較僻位置...食魚片頭墨魚丸豉油撈粗再加碟蝦籽芥蘭...魚片頭剛炸起，皮脆、魚味濃，亦夠彈牙，出色之作；墨魚丸亦夠彈牙，食到有墨魚粒，足料，但整體口感卻不及全盛時期嘅樂園；本來食得好哋哋，但俾個麵完全破壞晒...完全係鹼水麵，苦到差D吞唔落，想講粗口...芥蘭當造，差極都有個譜，但落蝦籽之餘仲要倒一大pat蠔油落去就認真抵鬧...諗咗好耐，都係要俾個喊臉佢...

招牌的紫菜墨丸果然很脆很香口，墨魚肉彈牙，加分! 但粉麵水準依然一般。

盛惠$29大元的外賣，如果味道一流，此價錢是物超所值的。鼓油王撈河--鼓油不足?比較淡，河粉亦不夠爽口雲吞--賣相飽滿，盛載新鮮蝦仁，不錯油菜--已肚滿腸肥，太飽...吃不下了總結:不能稱得上物有所值...但沒有選擇時可以一試。