雞少雞飯

營業中

休息中

佐敦美食多蘿蘿～ 而家又多一間價錢親民新餐廳進駐。🐓海南雞整得好的話又滑又啖啖肉，係一道好吸引人嘅菜色。呢度淨係海南雞都有幾款變化，我地就試左其中兩款 ❤️ 。雞少金莎香蒜雞飯（$65）呢個係放左大量炸蒜係雞面，令味道更加香口，雞件十分滑，無咩多餘脂肪，加$28就可以轉肉骨茶，湯料好足，藥材味適中。新加坡海南雞喇沙摻摻（$75）如果唔想食飯，就可以配喇沙，喇沙湯底唔辣，摻摻即係米粉加油麵，$75有咁大份量嘅食物，係香港算係好抵食～ 。#gpigjordan

好耐冇食新加坡菜，去尖沙咀行街，見到依間新開嘅新加坡餐廳，舖頭內有好多客，我朋友睇到個餐牌都幾多選擇幾吸引，決定咗今晚晚餐一於食佢老街碳燒豬頸肉喇沙掺掺$74豬頸肉燒到脆邊 好香口喇沙湯底好惹味，少少辣，配埋大量芽菜，通菜，豆卜，再加埋兩溝既掺掺，超有口感。雞少去骨口水雞飯$65雞肉好嫩滑，又吾會太肥，加埋個靈魂醬汁我成碗油飯都食哂。細碗肉骨茶$38未食已經嗅到好香濃既藥材味材料十足，有冬菇，豆卜，雞腳，排骨細細碗已經好滿足。龍眼綠茶菊花蜜$12西洋菜蜜$8

搵到間尖沙咀貼地價錢又幾好味既海南雞飯店。除左雞飯, 仲有喇沙, 肉骨茶等星馬菜~店面光猛企理, 仲有大卡位, D位幾好坐唔會迫迫狹狹。食星馬菜最中意叫咖央多, 鮮牛油加埋咖央香甜邪惡, 多士薄脆, 點忍到口呀~去骨海南雞飯轉脾+$12, 雞肉滑滑又大隻脾, 皮位唔會痴住大舊肥膏而係薄薄的, 點辣汁或者黑醬油都好味。跟餐既湯都好好飲, 係南瓜栗米有住家feel既湯。老街碳燒豬頸肉喇沙摻摻豬頸肉爽口唔會酥, 表面烤到焦焦地更加香。喇沙湯底有驚喜, 有辛香之餘椰香突出, 摻摻兩種口感同時索埋湯汁, 好好味不過份量好多好鬼飽呀~~~~椰汁涼粉冰濃濃椰汁味!食到勁飽都唔洗$200, 抵!

尖沙咀又有新店開張主打新加坡及馬來西亞美食份量足料 價錢親民 ⍢新加坡海南島喇沙摻摻 $75海南雞肉質滑嫩 無骨朝啖啖肉蘸上黑醬油 辣椒醬及薑蓉更惹味喇沙湯底較重奶味 不辣包含魚片及豆卜等配料 挺豐富選了摻摻 一次過吃到油麵與米粉的配搭足料肉骨茶配米飯 $66肉骨茶有豬肉及雞腳 都足料湯底藥材味不重 可以更濃馬六香茅炸魚餅 $22以優惠價加配的小食魚肉煎得頗香蘸上甜辣醬 味道會更突出義順香茅雞中翼 $22以優惠價加配的小食雞中翼外皮微脆 帶淡淡香茅味⧐𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣：♡♡♡/5⧐雞少雞飯📍尖沙咀彌敦道184號The Wave地舖

阿女知我喜歡食海南雞，知道尖沙咀新開咗一間叫雞少雞飯嘅餐廳，今晚專程同我過嚟試吓！餐廳裝潢雅緻，座位以卡位為主，坐得舒服。主打新加坡菜，以海南雞最出名。新加坡去骨海南雞喇沙米粉：海南雞皮爽肉嫩，雞肉已經去晒骨，食落啖啖肉啱晒懶人。喇沙湯底採用20多種香料製作而成，味道香濃帶椰香味，配料有菜、豆卜、魚片、芽菜、流心蛋，非常豐富。星洲咖喱烤雞肉配香油飯：一上枱咖喱香氣立即撲鼻而來，娘惹咖喱複合香料集甜、酸、辛、辣、香等多種風味，味道濃郁而富深度，雞肉烤過比較有口感。油飯香而不膩，吃起來粒粒分明，口感Q又帶上多層次的香氣。老火湯夠火候，味道香甜。輕盈肉骨茶非常足料，味道帶有鮮濃的肉香，配上香料的獨特香味，加上慢慢滲出濃郁而不苦澀的藥材味道，塑造了肉骨茶令人難忘的特別濃香。義順香茅雞中翼：香茅跟雞翼味道非常配合，雞翼甘香脆口，滿滿香茅清香味。

新加坡去骨海南雞飯 海南雞肉質嫩滑細膩，按個人口味搭配不同醬汁，提升雞肉鮮味。雞油飯加入香茅、炸蒜等香料，油香十足，油而不膩。輕盈肉骨茶雞湯升級至肉骨茶，材料豐富，有豬骨、藥材、雞腳等熬煮而成，藥材味偏重。義順香茅雞中翼經香茅醃製再烤熟，香氣獨特且濃郁，肉質嫩滑。一人蝦湯浸時菜 跟餐加配，蝦湯的鮮甜和菜心的脆嫩完美搭配，口味清淡鮮美。娘惹厚切豬扒喇沙 豬扒厚切大塊，但煮過頭導致口感乾柴。喇沙摻摻香辣可口中帶有椰漿、香料的濃郁。

同朋友行街行到攰想簡簡單單食下野休息下，見到呢間新開新加坡食店，選擇好多，而且人流不斷，所以就同朋友試下。一字骨蝦湯麵$66湯底濃郁得黎，帶少少辣味，好惹味。配料有爽口魚旦，半熟蛋，多片燒得微焦的豬頸肉，肥瘦均勻，香味滿分。一字骨3大條，超冧超入味，一咬就開，麵底可以揀摻摻、米線、米粉同油麵揀，今次就試左油麵，軟硬適中，煮得岩岩好，而且份量仲好多，2個人分享都夠食。一人蝦湯浸時菜+$7菜芯青綠，浸住蝦湯，已經好夠味道。釜巴醬怡寶芽菜$32醬汁微辣中，同芽菜拌勻一齊食，可以完全去子芽菜陣草青味，簡直健康滿分。獅城黃金炸蝦餅+$22/4塊呢個超抵食，蝦餅炸得香脆，爽口彈牙，配埋沙律醬好開胃惹味。沙嗲串燒五串$76揀左豬同雞肉，2款都醃得好入味，香茅味濃，更帶有微甜，肉嫩多汁，食到停唔到口。📌雞少雞飯地址：尖沙咀彌敦道184號The Wave地鋪評語位置方便食物性價比高🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #hkfood #hkfoodlover #foodinhk #igfoodies #香港 #好去處 #吃貨 #吃貨

1️⃣去骨海南雞飯雞都幾多同埋肉嫩，不過就唔係每塊都有雞皮。配油飯同湯。加$7有碟菜💰HKD$632️⃣娘惹厚切豬扒喇沙豬扒較為硬，喇沙湯底椰香味濃，偏辣。配料有豆卜，蛋同魚片。💰HKD$743️⃣斑斕咖央多士牛油好多，斑斕同咖央味唔算好出💰HKD$29

今日去開尖沙咀見到警署斜對面，新開左間無海南雞飯一於入去試一試佢心叫左個招牌海南雞二人餐新加坡海南雞半隻雞肉嘅份量非常多，雞肉嫩滑 即使雞胸都唔乾鞋 雞皮唔肥膩薑蔥蓉好細蓉 香囗唔油，不錯鹵水慢煮元蹄(例）吃下去啖啖肉元蹄炆得比較淋，絕對是老少咸宜油飯粒粒分明 爽口唔會太油 啖啖雞油味無味精住家湯南瓜，粟米，紅蘿蔔加左南瓜 特別清甜冇味精 好住家嘅味道蝦湯浸時菜一碟食左咁多肉，一份健康時菜少不了最後一人一杯飲品，夠哂滿足

雞少雞飯 • 尖沙咀本身以為尖沙咀旅客區好多餐廳都無咁抵食，但今次試嘅呢間不但價錢唔算貴，質素更唔錯，食物款式非常豐富，可能因為餐廳新開緣故，入面乾淨企理，坐得舒服😋😋..✅ 新加坡去骨海南雞飯 🐔 $63雞肉非常滑，因為用浸熟嘅方式烹煮。雞皮爽彈，唔油膩，如果想更滑加$12可轉髀，今次我出糧食豪啲所以轉左，醬汁同常見嘅有啲唔同，係改良版，味道會同平時見嘅醬料有所不同😙..✅ 娘惹波士頓龍蝦喇沙 🦞 $109龍蝦大大隻非常吸睛，入面有幾多膏，非常岩曬想食得豪氣嘅人。喇沙麵底係摻摻，份量多，湯底微辣，椰香味濃，包括豆卜、菜嘅配料亦豐富😙..✅ 焙煎芝麻醬涼拌雞絲粉皮 🐔 套餐加$22雞絲用雞腿肉，比較容易咬，加上木魚絲在表面增加香味同層次..✅ 馬六香茅炸魚餅 🐟 套餐加$22魚位軟滑，入面咬口偏向似魚腐質地，入口有淡淡香料味

剛放工下著毛毛細雨跟朋友來到位於彌敦道與柯士甸道交界的新加坡餐廳走進餐廳內燈火通明..地方闊落..裝修有特色！聽聞這裏的海南雞為最出名,就叫咗個招牌海南雞二人套餐1.新加坡海南雞半隻 雞肉非常香滑,一啲都唔鞋,肉質鮮嫩,有雞味配上秘製海南雞三色汁 確係好食！2.鹵水慢煮元蹄（套餐三選一） 豬手炆得好淋,有咬口,肉汁非常juicy 無骨豬手啖啖肉！3.無味精住家湯（兩碗） 冇味精,煲得夠火喉！4.蝦湯浸時菜 啲菜都幾新鮮 幾清甜 .5.雞油飯 （兩碗）雞油飯香,飯粒口感十足！真係一碗忘不了的雞飯...正！6.還有兩杯特色嘢飲：凍椰汁紅豆冰凍椰汁涼粉冰炎炎夏日最啱,消暑一流！兩個人食到一枱都係嘢,都係二百蚊..真係抵食！步行去佐敦站都係兩分鐘,地點真係夠曬方便！

𓈃 𓈃 𓈃尖沙咀彌敦道新開的「雞少雞飯」，主打新加坡菜。平日晚上到訪見到全店滿座，還有很多外賣訂單，相信食物質素應該不錯，便進店一試！菜單上很多主菜都可以套餐價再加配小食、肉骨茶和特飲，整體價格相宜。𓇸娘惹波士頓龍蝦喇沙米線 $109個人私心推薦！半隻龍蝦上，打卡又原汁原味！本來喇沙米線已是很野味了，再加上龍蝦的鮮味，每一口都濃郁無比。客人還可以選擇摻摻/米粉/油麵底，各適其適。𓇸新加坡去骨海南雞飯 $120店子招牌菜。海南雞熟而肉嫩，雞皮爽口但不會太油膩，的確非常好吃。配上經典油飯，粒粒柔潤。加$7還可追加蝦湯浸時菜，整個套餐份量也不少。𓇸輕盈肉骨茶 +$28我們加了$28將原本套餐的例湯，升級成輕盈肉骨茶。藥材味道不算濃，比較易入口，用料十足。𓇸馬六香茅炸魚餅 +$22套餐加$22便可多一個小食，一碟有4塊炸魚餅，蘸着甜酸醬好好吃。𓇸龍眼綠茶菊花蜜 +$9𓇸養生紅棗茶 +$9特飲都只是加$9而已，種類都算多元化。特別推介龍眼綠茶菊花蜜，裏面有粒粒龍眼肉，味道天然，感覺清潤。二人同行點了小食、主菜、肉骨茶和特飲，買單才$247，位於尖沙咀彌敦道的店子，這個價錢算是非常親民吧。𓈃 𓈃

尖沙咀新開的海南雞專門店，除了主打海南雞飯外，亦是一間星加坡餐廳有喇沙、蝦湯、肉骨茶及多款娘惹菜，餐單菜式豐富，下午茶性價比高還有更多選擇，店舖寬闊，有好多卡位坐下午茶餐新加坡去骨海南雞飯轉雞脾，－set 有齊油飯同例湯，例湯是青紅蘿蔔煲豬展，湯熱辣辣，材料新鮮，湯亦熱辣辣好鮮甜。主角雞肉嫩滑又彈牙，選擇雞脾啖啖肉，雞皮爽口，沾上醬汁味道昇華不少，而醬汁傳統是薑蔥蓉、黑醬油及酸辣汁， 而油飯黃油夠香夠滑，而又不油膩老街碳燒豬頸肉有碳燒焦口味道，豬頸肉香口同惹味，沾上酸辣汁令味道更醒胃凍薄荷檸檬寒天荔枝梳打味道清新，加入荔枝更加香甜

大食妹真系好鐘意食喇沙，間唔時就會喇沙癮起，要食食止癮今日去開九龍，發現有間新開張的星馬菜，成個set 都系$60-$70左右，好抵食即試試星馬斑蘭咖央多士$29食新加坡野必叫咖央多士，綠色的咖央好重椰香味中間夾左大大塊牛油，個包烘到脆脆地新加坡海南雞喇沙$75海南雞成碟另上，份量好多有成十件，肉質嫩喇沙可以自己簡麵底，個湯底好重花生同椰香，同大食妹揀嘅米線好夾娘惹大蝦海鮮喇沙$69大蝦海鮮喇沙個配料都幾豐富除咗大蝦之外，仲有齊帶子、魚蛋，蜆，各款多種配料獅城黃金炸蝦$22另外加$22仲有好多唔同嘅小食可以揀叫咗個黃金炸蝦，竟然有$4咁多，加一個小食已經可以兩個人share

尖沙咀近佐敦旺區食到抵食又好食高性價比嘅新加坡菜絕對要同大家分享一下。呢間餐廳新開無耐，野食多選擇之外，招牌嘅海南雞飯真係必食之選。🐔🥯星馬斑蘭咖央多士 $294小塊嘅多士，多士烘得好脆香，食落好脆口。斑蘭咖央幾濃幾香，醬身夠杰身之餘仲夾住一片牛油，個味道更加厚身而且更加香濃🦞娘惹波士頓龍蝦喇沙 $109湯底好鬼香濃，黎到未食已經聞到一陣陣椰香味一路飄上黎。半隻嘅波士頓龍蝦，加上炸豆卜，半隻雞蛋，另外魚片再加上豆芽同埋香蔥成碗加埋好豐富好多料。另外湯底椰汁好香，味道濃之餘帶少少辣，愈食愈開胃嘅感覺🐔雞少金沙香蒜雞飯 $65餐廳招牌嘅海南雞，表面有好多金香炸蒜。雞肉好多好靚嘅黃油之外，肉身真係好嫩滑好香。個餐配左個油飯同湯，油飯黃油夠多好香。雞肉沾一沾蔥油同辣汁更加好食。🧉輕盈肉骨茶 +$28另外加錢再叫左個肉骨茶，湯底都好深色好香嘅肉骨味。湯料都幾足，有肉骨，香菇，炸豆卜，豆皮，雞腳。湯底味度有香甜嘅肉香之外，藥茶味唔會太過濃到澀口，好香幾好飲⭑⭒⭑⭒⭑⭒⭑⭒⭑⭒⭑⭒⭑⭒⭑⭒⭑⭒⭑🍹凍藍蝶花乳酸蘇打 $16🥯星馬斑蘭咖央多士 $29🦞娘惹波士頓龍蝦喇沙 $109🐔雞少金沙香蒜雞飯 $6