雞少雞飯

營業中

休息中

雞少雞飯的招牌看到雞少雞飯的招牌寫著是海南雞﹑喇沙和肉骨茶, 入廟當然要先拜神。喜歡這家店因為他就在我經常路過的佐敦地鐵站, 出站後行大約三分鐘便到, 非常方便, 而且是朋友落力推介的一家店, 所以我便一試究竟。我點了海南雞。貼心的是可以加12元轉雞脾, 讓消費者可以有自己的選擇, 而且下午茶餐56元便有雞食, 真是相當抵, 自己去買雞自己煮都不只這個價錢, 所以其實外出用膳都有其抵食的時候。海南雞是一道經典嘅東南亞菜式，以嫩滑嘅雞肉和香濃嘅雞湯為主角，這裡就做到了, 我沒有選雞脾, 但雞皮爽, 雞肉滑又juicy, 好吃, 想不到白肉都可以煮到好吃, 果然稱得上是招牌。店家還提供海南雞飯這個套餐, 配上香噴噴的米飯和特製醬汁, 我喜歡這個薑茸﹑辣椒醬和醬油，味道非常美味開胃。

小朋友喺附近上興趣班，所以間中都會喺附近食飯，呢度係我哋會encore的食店之一。今次叫咗個二人餐，兩大一細食都好夠👍🏼，有半隻海南雞、豬頸肉、蝦湯浸時蔬、黃油飯 x 2、椰子雞湯 x 2同熱飲兩杯。半隻海南雞份量都唔少，豬頸肉都係，點埋醬汁食好惹味，小朋友都食好多。椰子雞湯應該係冇味精，好好飲，蝦湯時蔬都真係有香濃蝦味。之前我哋有食過喇沙，都好好食，足料之餘湯底都好正宗。就咁飯/麵餐係$6x - $7x冇加一，今次二人餐$198冇加一，講真都算係幾抵食。星期日晚上時間唔算太多人，真係要多啲支持本地食肆。

終於搵到間比較似樣嘅東南亞食下午茶，想去尖沙咀都幾難搵到，性價比高，下午茶唔會縮水，唔會完全唔似地道菜，食物選擇相對多，今次試了檳城蝦麵，都相對似在檳城食的蝦麵，值得一試。

所謂油飯，但飯又乾又硬，雞多骨無肉。號稱無⻣海南雞飯。我係唔喜歡食肉有骨先特意你叫的外賣。飯真係好難食。隔夜咁硬，同我講佢係油飯？？？名不付實。有誤導之嫌。欺騙消費者。

本來諗住去山林道食韓國嘢，點知9:30就已經關了，因為肚餓行去佐敦見到「雞少雞飯」就入去食，姐姐話可以食到10:30，現在咩世界呀？✨🥢新加坡去骨海南雞飯$63: 海南雞好滑，而且仲幾多件添；碗湯可能用雞骨煲好鮮甜，好有驚喜；碗黃薑飯鹹鹹香香好好食😋✨🥢足料肉骨茶配米飯$66: 肉骨茶係好多湯料滿滿的（東菇、腐竹、雞腳、排骨），但最主力嘅蒜頭反而唔見，缺少了肉骨茶嘅靈魂。✨🥢蝦湯浸時菜（套餐+$7）：用蝦🦐湯浸嘅菜芯好甜👍🏻✨🥢芽龍粉絲春卷3件（套餐+$22）：新鮮熱辣炸出嚟好好食，春卷皮好脆，3件剛剛好過口癮😋

探病後，又落番佐敦，真係唔知食咩好，咁就索性行遠少少過去尖沙咀，呢間成日都會經過，但係就真係好少一個人入去食，有四個人咁就決定食呢一間。心目中其實已經選定係想食四人餐，另外加錢升級咗個湯變肉骨茶，另外加咗行雞絲粉皮。個雞絲粉皮正常發揮，現成嘅醬撈冇可能難食。成晚最好食係碟海南雞都幾大隻，唔算肥肉質亦都好滑。滷水豬手都唔錯，如果個份量多返三份一就會性價比更加高。嗰Leung嘅查分鴨冇特別睇過佢啲圖，但屋企人話想試覺得特別咁就叫，點知嚟到原來係煙燻鴨胸十分普通，如果早知佢係鴨胸一定阻止屋企人嗌。反而個蝦浸時菜幾好，裏面落咗櫻花蝦。但係個肉骨茶就比較失望，裏面啲湯料就多，但湯藥材味唔濃，唔係好合我嘅何車。整體嚟講如果要俾高分係俾份豬手、隻海南雞同埋啲薑蓉⋯⋯拉低分數一定係個鴨胸。

今次已經係第二次經網上外賣平台外賣到，由尖沙咀去到紅磡半小時內有得食，仲要係每次都熱辣辣。本身唔認識呢一間餐廳，上次見網上外賣平台嘅評論都唔錯，所以決定一試，上次叫咗海南雞扒已經覺得好好食同好足料。今次再叫咗佢嘅雞翼飯同埋豬手飯，性價比高。一打開雞翼飯，完全估唔到竟然比六隻。平時出街叫雞翼麵啊，永遠都係得三隻唔夠飽。不得不令我平時唔打開食評都要讚吓，希望呢個留言可以俾啲鼓勵呢間餐廳繼續做吓去。我會繼續幫襯外賣的😂P.s. 唔好意思，食到一半先影相，為咗表示我係用家

今日下晝去咗九龍公園, 行到咁上下係附近搵間餐廳醫下肚仔, 見到尖沙咀差館對面呢間食海南雞, 又即管試下！揭開餐牌食物種類都好多, 除咗新加坡海南雞、娘惹厚切豬扒, 仲有我最鍾意食嘅喇沙🥰海南雞飯套餐仲包一碗椰子湯🥥好鬼香👍去骨海南雞同豬扒肉質鮮嫩, 唔會鞋颯颯, 仲好香噴噴添, 配上惹味醬油, 好食到冇朋友🤣喇沙摻摻味道恰到好處🍜 yummy 😋超有水準, 好味👍呢間嘢真係cp值極高, 仲要價錢一啲唔貴, 用平靚正形容就真係最貼切, 下次一定會再嚟！

尖沙咀 抵食足料海南雞飯有日同朋友行完街見攰想食飯 見到呢間主打無味精湯水同海南雞飯就俾佢吸引咗～🍽️娘惹茶熏鴨飯估唔到佢嘅茶葉味好香 鴨肉食落好滑 估唔到除咗佢哋主打嘅海南雞飯之外 佢其他飯都好食 呢個價錢性價喺尖沙咀都算高果然佢哋嘅老火湯湯水冇令我失望 飲完即刻暖笠笠🍽️新加坡海南雞喇沙米線佢哋嘅海南雞都幾滑 幾鍾意佢哋配搭嘅豉油同埋辣汁 喇沙湯底飲落唔會好搶口 食完都唔會好口乾🍽️蝦餅蝦餅都幾足料 炸得好香脆，但裏面唔會乾噌噌可以一試尖沙咀 雞少雞飯喺附近行街經過有興趣可以試吓～呢個價錢食呢個質素 都算係冇得輸

有日同朋友去尖沙咀山林道上堂之前，諗住係附近食個快餐，見「雞少雞飯」幾乾淨企理 ，價錢又親民，$60起就有個餐，就諗住試試佢～又真係唔錯喎！☺️「雞少雞飯」顧名思義最出名嘅一定係雞飯啦！😂所以我地就叫左個海南雞飯餐，本身飯餐配送無味精自家煲製嘅椰子雞湯，見加$22可以升級做肉骨茶咁抵，梗係要試下啦！☺️🔸新加坡去骨海南雞飯（$63）‼️推薦‼海南雞份量都幾足料，雞件肉厚嫩滑，就算係雞胸一啲都唔嚡，旁邊配上三款秘製醬汁：新加坡黑醬油、青辣椒醬和蒜醬，蘸上雞肉更惹味！😋油飯色澤金黃，有飯香亦都有雞油香，但食落唔會太油膩。👍🏻至於肉骨茶就好足料，有大大件排骨、雞腳、豆卜和冬菇，藥材味唔會太重太難接受，正🤩！🔹老街碳燒豬頸肉喇沙（$74）‼️推薦‼喇沙湯底散發着柔和嘅椰香，😌麵底採用大馬正宗的「摻摻」做法，即係米粉撈油麵，米粉盡吸湯汁，加上爽口滑嘟嘟嘅油麵，每一啖有齊粗幼軟韌不同口感，層次感十足！😏配料好豐富，有魚片、豆卜、半隻雞蛋🥚等，豆卜吸晒湯底嘅精華，超正！😋至於主菜豬頸肉都幾大份！🥰🥰外皮燒至微微嘅焦香，肉質保持嫩滑，蘸上辣醬更惹味！而每份套餐都可以優惠價加配小食！😎🔸一人蝦湯浸時菜（$7）一

行街行到好攰，見呢間餐廳專門係食海南雞，而且睇門口個餐牌，下午茶好似好抵，就揀咗呢間，餐廳都幾闊落，光猛整齊，輕盈肉骨茶肉骨茶都幾足料，藥材味剛剛好不會過濃，有排骨、豆卜和冬菇，而且不油膩，吉列鳳尾蝦大大隻，炸得很酥脆，外皮不會太厚，蝦肉爽口彈牙，星馬斑蘭咖央多士香濃幼滑嘅咖央醬，配上烘得香脆金黃的多士，味道又不會太甜，絕對係必點小食！桔仔話梅水味道酸酸甜甜很開胃，女仔一定鍾意！凍青檸梳打焙煎芝麻醬涼拌雞絲粉皮很大碟，份量很多，爽滑的粉皮，香濃的芝麻醬和嫰滑的雞絲，正宗大件夾抵食！一人蝦湯浸時菜新加坡去骨海南雞飯皇牌之選，份量超足料，海南雞皮薄肉嫰，去骨啖啖肉，每一口也超滑溜，搭配的油飯也是點晴之作，有飯香也有雞油香，正！餐廳都坐得幾舒服，侍應招呼亦殷勤，最主要係海南雞飯好好食，下次一定要再過嚟食！

最近發現尖沙咀有間唔錯嘅星馬菜，價錢非常實惠，嘢食質素當然都冇得頂啦😆 除咗佢最出名嘅海南雞之外，都仲有好多其他幾好食嘅選擇，值得一試 💯 銀籠粉絲春卷 🫓佢有好多小食，叫咗主食之後都可以用優惠價試吓唔同嘅小食🤭 呢個春卷都幾好食，炸得好香脆，入邊啲餡都好豐富👍焙煎芝麻醬涼拌雞 🐣 雖然冇叫海南雞，不過食呢個小食都可以試吓佢嘅涼拌雞😍 呢個好似雞絲粉皮咁，芝麻醬好惹味，係一個唔錯嘅小食🤗娘惹厚切豬扒喇沙摻摻 🍝自己最鍾意食喇沙摻摻，佢有豬扒、豬頸肉或者海南雞等等選擇，喇沙整得好惹味，仲有豆卜同雞蛋添😊檳城蝦湯麵 🍜另一款好多人叫嘅麵係檳城蝦湯麵，呢個就真係好有馬來西亞嘅風味，配咗豬頸肉同蝦 🦐 食完覺得好滿足😌凍美祿 🧉今次揀咗個比較冇咁邪惡嘅美祿，如果鍾意嘅話可以揀邪惡啲嘅恐龍美祿😉 凍檸檬百香果梳打 🍹食完咁豐富嘅晚餐之後梗係要飲番杯冰涼嘅梳打啦，檸檬百香果呢個甜甜酸酸幾好飲 🍋

雞少雞飯 • 尖沙咀尖沙咀呢間主打海南雞飯嘅餐廳係我嘅飯堂，不過今日唔係試海南雞飯，係試一試啲新嘢。之前介紹過，覺得抵食又好食。✅ 老街碳燒豬頸肉油飯 🐷豬頸肉外面燒得微微焦香，入面好嫩滑，亦食得出明顯香料味道。油飯分明，色澤金黃，不錯。✅ 檳城蝦湯麵 🦐湯底蝦味濃郁，帶微微的辣和香料的味道，材料除咗常見的蝦、豆卜、蛋，一開始我以為是常見的豬腩肉，原來都係豬頸肉，我最鍾意👍🏼✅ 星島惹味酸辣無骨鳳爪 🐔酸酸辣辣，鳳爪做得質感爽口，係小食嘅好選擇✅ 牛肉串燒🐮牛肉上面灑上少許孜然，配埋沙嗲醬一齊食，簡單而惹味👍🏼

位於尖沙咀與佐敦之間平時經過都見唔少人幫襯叫了招牌海南雞（二人套餐)有半隻新加坡海南雞、鹵水慢煮元蹄(或可選娘惹茶熏鴨/碳燒豬頸肉 ) 蝦湯浸時菜一碟、無味精住家湯（2碗）香油飯或白飯 （2碗）、港式熱飲（2杯）去骨新加坡海南雞去咗骨嘅海南雞啖啖肉，外皮金黃色，食落感覺鮮嫩和滑溜油飯口感軟糯，粒粒分明再配上經典三色醬：黑醬油、薑蓉、酸辣醬味道更加突出鹵水慢煮元蹄煮得非常入味，膠質豐富，燉得軟腍無味精住家湯充滿椰子香味，味道濃郁清甜滋潤蝦湯浸時菜一碟食咁多肉，一定要有菜平衡一下整體嚟講，性價比都幾高

行開尖沙咀見間地鋪轉左手做新加坡菜，見佢價錢唔貴就試下。室內環境似靚裝既茶餐廳，幾闊落同乾淨。老街碳燒豬頸肉喇沙 $74豬頸肉一大碟咁上黎，燒得幾好又唔乾柴，點埋個汁都幾好味既，個人覺得再辣啲啲就正嗱👍🏻 碗喇沙都幾足料，我揀左傳統有兩種面底果種，面煮得火侯剛好；配料有豆卜、魚片頭、芽菜，仲有半隻雞蛋，好豐富，喇沙湯底味道都好錯。新加坡去骨海南雞飯 $63海南雞煮得幾嫩滑，唔太肥，仲配咗傳統有齊三款唔同嘅醬料俾你點雞食。另外仲有一碗類似椰子雞湯嘅例湯，飲落足料同埋都煲得幾入味；飯方面揀咗油飯，見佢中間撈咗一啲炸蒜，口感幾特別。個雞同湯值得一試。鋪頭用電子落單，揀完主食可以加錢要其他小食，幾抵食：香茅雞翼同酸辣鳳爪都係各加$22就可以食到：香茅雞翼同平時食既有啲唔同，除左香茅嘅味道，表面再加左啲蜜糖，好食既。酸辣鳳爪就正常發揮👍🏻。油菜一碟都只係加$7，幾抵。加埋杯凍檸茶兩個人埋單都係$200，尖沙咀地鋪食到咁既嘅準確係抵食既。