雞少雞飯

營業中

休息中

本來諗住去山林道食韓國嘢，點知9:30就已經關了，因為肚餓行去佐敦見到「雞少雞飯」就入去食，姐姐話可以食到10:30，現在咩世界呀？✨🥢新加坡去骨海南雞飯$63: 海南雞好滑，而且仲幾多件添；碗湯可能用雞骨煲好鮮甜，好有驚喜；碗黃薑飯鹹鹹香香好好食😋✨🥢足料肉骨茶配米飯$66: 肉骨茶係好多湯料滿滿的（東菇、腐竹、雞腳、排骨），但最主力嘅蒜頭反而唔見，缺少了肉骨茶嘅靈魂。✨🥢蝦湯浸時菜（套餐+$7）：用蝦🦐湯浸嘅菜芯好甜👍🏻✨🥢芽龍粉絲春卷3件（套餐+$22）：新鮮熱辣炸出嚟好好食，春卷皮好脆，3件剛剛好過口癮😋

探病後，又落番佐敦，真係唔知食咩好，咁就索性行遠少少過去尖沙咀，呢間成日都會經過，但係就真係好少一個人入去食，有四個人咁就決定食呢一間。心目中其實已經選定係想食四人餐，另外加錢升級咗個湯變肉骨茶，另外加咗行雞絲粉皮。個雞絲粉皮正常發揮，現成嘅醬撈冇可能難食。成晚最好食係碟海南雞都幾大隻，唔算肥肉質亦都好滑。滷水豬手都唔錯，如果個份量多返三份一就會性價比更加高。嗰Leung嘅查分鴨冇特別睇過佢啲圖，但屋企人話想試覺得特別咁就叫，點知嚟到原來係煙燻鴨胸十分普通，如果早知佢係鴨胸一定阻止屋企人嗌。反而個蝦浸時菜幾好，裏面落咗櫻花蝦。但係個肉骨茶就比較失望，裏面啲湯料就多，但湯藥材味唔濃，唔係好合我嘅何車。整體嚟講如果要俾高分係俾份豬手、隻海南雞同埋啲薑蓉⋯⋯拉低分數一定係個鴨胸。

今次已經係第二次經網上外賣平台外賣到，由尖沙咀去到紅磡半小時內有得食，仲要係每次都熱辣辣。本身唔認識呢一間餐廳，上次見網上外賣平台嘅評論都唔錯，所以決定一試，上次叫咗海南雞扒已經覺得好好食同好足料。今次再叫咗佢嘅雞翼飯同埋豬手飯，性價比高。一打開雞翼飯，完全估唔到竟然比六隻。平時出街叫雞翼麵啊，永遠都係得三隻唔夠飽。不得不令我平時唔打開食評都要讚吓，希望呢個留言可以俾啲鼓勵呢間餐廳繼續做吓去。我會繼續幫襯外賣的😂P.s. 唔好意思，食到一半先影相，為咗表示我係用家

今日下晝去咗九龍公園, 行到咁上下係附近搵間餐廳醫下肚仔, 見到尖沙咀差館對面呢間食海南雞, 又即管試下！揭開餐牌食物種類都好多, 除咗新加坡海南雞、娘惹厚切豬扒, 仲有我最鍾意食嘅喇沙🥰海南雞飯套餐仲包一碗椰子湯🥥好鬼香👍去骨海南雞同豬扒肉質鮮嫩, 唔會鞋颯颯, 仲好香噴噴添, 配上惹味醬油, 好食到冇朋友🤣喇沙摻摻味道恰到好處🍜 yummy 😋超有水準, 好味👍呢間嘢真係cp值極高, 仲要價錢一啲唔貴, 用平靚正形容就真係最貼切, 下次一定會再嚟！

尖沙咀 抵食足料海南雞飯有日同朋友行完街見攰想食飯 見到呢間主打無味精湯水同海南雞飯就俾佢吸引咗～🍽️娘惹茶熏鴨飯估唔到佢嘅茶葉味好香 鴨肉食落好滑 估唔到除咗佢哋主打嘅海南雞飯之外 佢其他飯都好食 呢個價錢性價喺尖沙咀都算高果然佢哋嘅老火湯湯水冇令我失望 飲完即刻暖笠笠🍽️新加坡海南雞喇沙米線佢哋嘅海南雞都幾滑 幾鍾意佢哋配搭嘅豉油同埋辣汁 喇沙湯底飲落唔會好搶口 食完都唔會好口乾🍽️蝦餅蝦餅都幾足料 炸得好香脆，但裏面唔會乾噌噌可以一試尖沙咀 雞少雞飯喺附近行街經過有興趣可以試吓～呢個價錢食呢個質素 都算係冇得輸

有日同朋友去尖沙咀山林道上堂之前，諗住係附近食個快餐，見「雞少雞飯」幾乾淨企理 ，價錢又親民，$60起就有個餐，就諗住試試佢～又真係唔錯喎！☺️「雞少雞飯」顧名思義最出名嘅一定係雞飯啦！😂所以我地就叫左個海南雞飯餐，本身飯餐配送無味精自家煲製嘅椰子雞湯，見加$22可以升級做肉骨茶咁抵，梗係要試下啦！☺️🔸新加坡去骨海南雞飯（$63）‼️推薦‼海南雞份量都幾足料，雞件肉厚嫩滑，就算係雞胸一啲都唔嚡，旁邊配上三款秘製醬汁：新加坡黑醬油、青辣椒醬和蒜醬，蘸上雞肉更惹味！😋油飯色澤金黃，有飯香亦都有雞油香，但食落唔會太油膩。👍🏻至於肉骨茶就好足料，有大大件排骨、雞腳、豆卜和冬菇，藥材味唔會太重太難接受，正🤩！🔹老街碳燒豬頸肉喇沙（$74）‼️推薦‼喇沙湯底散發着柔和嘅椰香，😌麵底採用大馬正宗的「摻摻」做法，即係米粉撈油麵，米粉盡吸湯汁，加上爽口滑嘟嘟嘅油麵，每一啖有齊粗幼軟韌不同口感，層次感十足！😏配料好豐富，有魚片、豆卜、半隻雞蛋🥚等，豆卜吸晒湯底嘅精華，超正！😋至於主菜豬頸肉都幾大份！🥰🥰外皮燒至微微嘅焦香，肉質保持嫩滑，蘸上辣醬更惹味！而每份套餐都可以優惠價加配小食！😎🔸一人蝦湯浸時菜（$7）一

行街行到好攰，見呢間餐廳專門係食海南雞，而且睇門口個餐牌，下午茶好似好抵，就揀咗呢間，餐廳都幾闊落，光猛整齊，輕盈肉骨茶肉骨茶都幾足料，藥材味剛剛好不會過濃，有排骨、豆卜和冬菇，而且不油膩，吉列鳳尾蝦大大隻，炸得很酥脆，外皮不會太厚，蝦肉爽口彈牙，星馬斑蘭咖央多士香濃幼滑嘅咖央醬，配上烘得香脆金黃的多士，味道又不會太甜，絕對係必點小食！桔仔話梅水味道酸酸甜甜很開胃，女仔一定鍾意！凍青檸梳打焙煎芝麻醬涼拌雞絲粉皮很大碟，份量很多，爽滑的粉皮，香濃的芝麻醬和嫰滑的雞絲，正宗大件夾抵食！一人蝦湯浸時菜新加坡去骨海南雞飯皇牌之選，份量超足料，海南雞皮薄肉嫰，去骨啖啖肉，每一口也超滑溜，搭配的油飯也是點晴之作，有飯香也有雞油香，正！餐廳都坐得幾舒服，侍應招呼亦殷勤，最主要係海南雞飯好好食，下次一定要再過嚟食！

最近發現尖沙咀有間唔錯嘅星馬菜，價錢非常實惠，嘢食質素當然都冇得頂啦😆 除咗佢最出名嘅海南雞之外，都仲有好多其他幾好食嘅選擇，值得一試 💯 銀籠粉絲春卷 🫓佢有好多小食，叫咗主食之後都可以用優惠價試吓唔同嘅小食🤭 呢個春卷都幾好食，炸得好香脆，入邊啲餡都好豐富👍焙煎芝麻醬涼拌雞 🐣 雖然冇叫海南雞，不過食呢個小食都可以試吓佢嘅涼拌雞😍 呢個好似雞絲粉皮咁，芝麻醬好惹味，係一個唔錯嘅小食🤗娘惹厚切豬扒喇沙摻摻 🍝自己最鍾意食喇沙摻摻，佢有豬扒、豬頸肉或者海南雞等等選擇，喇沙整得好惹味，仲有豆卜同雞蛋添😊檳城蝦湯麵 🍜另一款好多人叫嘅麵係檳城蝦湯麵，呢個就真係好有馬來西亞嘅風味，配咗豬頸肉同蝦 🦐 食完覺得好滿足😌凍美祿 🧉今次揀咗個比較冇咁邪惡嘅美祿，如果鍾意嘅話可以揀邪惡啲嘅恐龍美祿😉 凍檸檬百香果梳打 🍹食完咁豐富嘅晚餐之後梗係要飲番杯冰涼嘅梳打啦，檸檬百香果呢個甜甜酸酸幾好飲 🍋

雞少雞飯 • 尖沙咀尖沙咀呢間主打海南雞飯嘅餐廳係我嘅飯堂，不過今日唔係試海南雞飯，係試一試啲新嘢。之前介紹過，覺得抵食又好食。✅ 老街碳燒豬頸肉油飯 🐷豬頸肉外面燒得微微焦香，入面好嫩滑，亦食得出明顯香料味道。油飯分明，色澤金黃，不錯。✅ 檳城蝦湯麵 🦐湯底蝦味濃郁，帶微微的辣和香料的味道，材料除咗常見的蝦、豆卜、蛋，一開始我以為是常見的豬腩肉，原來都係豬頸肉，我最鍾意👍🏼✅ 星島惹味酸辣無骨鳳爪 🐔酸酸辣辣，鳳爪做得質感爽口，係小食嘅好選擇✅ 牛肉串燒🐮牛肉上面灑上少許孜然，配埋沙嗲醬一齊食，簡單而惹味👍🏼

位於尖沙咀與佐敦之間平時經過都見唔少人幫襯叫了招牌海南雞（二人套餐)有半隻新加坡海南雞、鹵水慢煮元蹄(或可選娘惹茶熏鴨/碳燒豬頸肉 ) 蝦湯浸時菜一碟、無味精住家湯（2碗）香油飯或白飯 （2碗）、港式熱飲（2杯）去骨新加坡海南雞去咗骨嘅海南雞啖啖肉，外皮金黃色，食落感覺鮮嫩和滑溜油飯口感軟糯，粒粒分明再配上經典三色醬：黑醬油、薑蓉、酸辣醬味道更加突出鹵水慢煮元蹄煮得非常入味，膠質豐富，燉得軟腍無味精住家湯充滿椰子香味，味道濃郁清甜滋潤蝦湯浸時菜一碟食咁多肉，一定要有菜平衡一下整體嚟講，性價比都幾高

行開尖沙咀見間地鋪轉左手做新加坡菜，見佢價錢唔貴就試下。室內環境似靚裝既茶餐廳，幾闊落同乾淨。老街碳燒豬頸肉喇沙 $74豬頸肉一大碟咁上黎，燒得幾好又唔乾柴，點埋個汁都幾好味既，個人覺得再辣啲啲就正嗱👍🏻 碗喇沙都幾足料，我揀左傳統有兩種面底果種，面煮得火侯剛好；配料有豆卜、魚片頭、芽菜，仲有半隻雞蛋，好豐富，喇沙湯底味道都好錯。新加坡去骨海南雞飯 $63海南雞煮得幾嫩滑，唔太肥，仲配咗傳統有齊三款唔同嘅醬料俾你點雞食。另外仲有一碗類似椰子雞湯嘅例湯，飲落足料同埋都煲得幾入味；飯方面揀咗油飯，見佢中間撈咗一啲炸蒜，口感幾特別。個雞同湯值得一試。鋪頭用電子落單，揀完主食可以加錢要其他小食，幾抵食：香茅雞翼同酸辣鳳爪都係各加$22就可以食到：香茅雞翼同平時食既有啲唔同，除左香茅嘅味道，表面再加左啲蜜糖，好食既。酸辣鳳爪就正常發揮👍🏻。油菜一碟都只係加$7，幾抵。加埋杯凍檸茶兩個人埋單都係$200，尖沙咀地鋪食到咁既嘅準確係抵食既。

#MC帶你去尖沙咀.如果想食海南雞或者新加坡菜，以後又多一個選擇啦！因為佐敦附近新開咗一間主打新加坡及馬來西亞菜嘅餐廳！➖✨ 雞少雞飯.餐廳環境光潔明亮，乾淨整潔；餐廳主打新加坡菜，以親民價錢享受地道的星馬風味。➖➖➖➖➖➖➖➖➖➖➖➖➖➖🔸🔹 招牌海南雞二人餐 $189 🔹🔸.海南雞半隻＋小食（四揀一）＋蝦湯浸時菜＋2碗無味精湯＋2碗香油飯＋2杯熱飲➖➖➖➖➖➖➖➖➖➖➖➖➖➖🥢 新加坡海南雞半隻.海南雞作為餐廳的招牌菜，質素絕對有保證。去骨海南雞皮薄爽滑又唔會太油膩，雞肉又嫩滑而且啖啖肉；加上三色醬汁（黑醬油、蔥油及泰式辣醬）更加惹味。➖🥢 碳燒豬頸肉.每一片燒豬頸肉都厚度適中，外皮微微焦香，肉質軟嫩有嚼勁，蘸上自家製醬汁，份外惹味。➖🥢 蝦湯浸娃娃菜（＋$10）.蝦湯香氣撲鼻，加上蝦乾味濃郁，娃娃菜吸收蝦湯精華，口感細嫩而且味道鮮甜。➖🥢 無味精住家湯（2碗）.是日住家湯是椰子雞湯，湯底清甜無味精，入口清爽不油膩，清新健康。➖🥢 香油飯（2碗）.呈淺黃色嘅油飯香氣十足！油飯雖然色澤油亮，但油膩感唔重。➖🥢 港式熱飲（2杯）.除咗一般奶茶、檸檬茶之外，美綠及西洋菜蜜都一樣價錢！➖➖

係尖沙咀近佐敦附近新開了一間親民價錢嘅海南雞店, 主打新加坡及馬來西亞菜; 這裏光線充足, 比較多卡位, 坐得舒適, 沒有擠迫的感覺; 食物選擇也有很多, 有多款套餐, 又可散叫, 有2人, 4人, 甚至10人套餐都有, 一家大細或朋友聚餐就啱哂。我同老公就揀了一個2人套餐, 佢嘅份量十足, 都係$189, 好肉好扺食。有半隻新加坡海南雞, 碳燒豬頸肉或可選擇鹵水慢煮元蹄或娘惹茶熏鴨或香煎瑤柱鹹魚肉餅, 4選1, 蝦湯浸時菜一碟或加$10轉娃娃菜, 無味精住家湯2碗或可選擇+$28要輕盈肉骨茶或輕盈喇沙米線, 仲配埋香油飯或白飯2碗, 港式熱飲2杯, 凍飲或汽水都係加$4, 還可以加多$22優惠價追加小食一碟。去骨新加坡海南雞金黃色嘅雞皮, 雞肉啱啱熟透, 無骨啖啖肉, 食落感覺鮮嫩和滑溜, 肉質滑嫩有彈性, 很有雞味, 再點上黑醬油, 辣椒醬及薑蔥蓉醬汁, 令這碟雞的味道豐富, 更上一層樓。碳燒豬頸肉外面燒到焦香脆, 內軟, 咬落微微的豬肉汁滿佈口腔裏, 十分香口, 還可點上特製辣椒醬一齊食, 感覺一啲都唔肥膩。無味精住家湯熱辣辣的湯端出來散發著陣陣的椰子香味, 湯裏有椰子粒, 係無

餐廳名字有些獨特，店內裝修簡單，想不到碗碟意外的好看！用餐時心情更好了 ❤️🔸新加坡去骨海南雞（雞胸） $63海南雞個人喜歡吃雞胸，因為啖啖都是肉 🤤 雞胸肉質很滑，相信雞腿肉的話會更滑！另外最值得一提的是油飯！超級香 😍🔸娘惹大蝦海鮮喇沙 $69超足料！有蝦、蜆、元貝、魚腐、豆卜和半隻蛋，湯底超濃香 🥰 夾起麵條掛滿湯汁好好吃！🔸星島惹味酸辣無骨鳳爪 半份 $22酸酸辣辣很開胃 🤤 切開一半很方便進食 👍🏻🔸朱古力味雪糯米糍 $6小小一粒朱古力味很香濃，是美好的完結 😆

呢間餐廳位於 #彌敦道 #佐敦 同 尖沙咀中間，有次經過見到好似唔錯bookmark咗😆呢一日去咗試！叫咗 #新加坡去骨海南雞飯 $63 +$12 轉雞髀個雞好嫩滑，又香又入味，跟咗黑豉油、酸辣汁、薑蔥蓉、湯、油飯，食海南雞一定要有黑豉油，簡直係畫龍點睛🥹#沙嗲串燒五串 $76雞豬牛，自己揀5串～跟咗碟沙嗲醬，可以自己點，燒得都幾香～另外叫咗2杯嘢飲#凍咸檸檬雪碧 $28/跟餐$12個海南雞好食，可以encore，下次再食要叫半隻雞！！😂😂