雞匠 (已結業)

服務態度非常之差！😠個半鐘用歺時間；七時坐下應該八点半交枱。而且我訂枱時冇講用歺只有個半鐘。七点五十分想+单，但是被拒絕唔可以。因為他們說燒烤須時二十分，話我會食唔切。其實他們外出有人等位想我早d比返張枱佢地

去完poly U, 沿柯士甸道搵食。行行下見到柯士甸路，真的是叫「路」，大家不要搞錯。呢條街好多食店，最後家母選了呢間雞匠，無法子，呢期興「食雞」吧！鋪頭唔算大，枱面面積也不算大，心諗會否放唔曬我呢個大胃王的食物。幸好，店員應該有留意我們進食的速度，分批上菜吧。大家太餓，拿拿臨叫左個二人餐，食物如下：一人一碗雞湯，有雞味，唔油膩。有點蔥花同櫻花蝦，好少舖頭會咁做；墨魚丸：有四粒，唔係好夠喉，我承認我大食；燒赤蝦：三個字，好鬼好食！五個字，好鬼大隻！又粗又長最啱我，好食過日本食！家母都話正，食完笑爆鏡；一場黎到當然要油飯，點會要白飯！金黃色，個人喜歡濃味一點會比較適合我。海南雞：份量應該有半隻？啖啖肉，冇中伏。最喜歡食佢個雞翼位！醬汁我只係瘋狂點了其中一款，有點微辣果款夠惹味！赤魚雜菜煲：兩大舊魚，一大乍蔬菜。魚先炸過然後焗淋，最重要係冇骨，啱我地呢d老人家食！其實有好多其他特色食物都想試，例如炸鮑魚、炸龍蝦，但真的太飽，下次人多再來食過！

前排病左一段長時間，同雞可以話係絕緣，行過正好比我遇見呢間雞匠～好耐無食海南雞啊～～鋪頭細細，其實都係得六，七張枱～唔怪得見有人突登訂定位。睇完餐牌，都係二人餐最抵食，可以試多d唔同既野，燒蝦我都好鍾意嫁～～✨聞落已經好香既雞湯味，飲落好清甜，唔係味精湯既感覺。加左蔥花同櫻花蝦，吸引度大增✨飯可以㨂油飯，色澤金黃食落唔油膩，不過香矛味比較淡，如果係有味飯我會更加like。✨海南雞份量都幾多，肉質算幾滑，雞件比較厚身，食落非常啖啖肉。醬汁方面深色果款係甜的，我比較鍾意另一款，好香蒜味又有少少辣辣地惹味好多👍🏻不過比較頸渴，要整多罐汽水嘆下先爽。✨食食下發現原來有芽菜鋪底，唔怪得好似好多咁😆不過d 芽菜索晒雞油香，都幾好食。✨雞湯墨魚丸：size 好大粒，食落都好彈牙，有淡淡既墨魚味，再濃d 再加分✨燒赤蝦：呢個真係好抵食，無諗過有手板咁大隻😱散叫都要四十幾蚊嫁！ 隻蝦肉質結實幾鮮甜，鹽燒真係無得輸😍回味無窮✨赤魚雜菜煲：呢個煲真係好耐熱，食極都係好鬼熱😆，入面都真係好足料，雞湯比之前既濃，但油份較重。✨我最鍾意食腍既菜，無牙婆都食到果種😍😍😍入面既娃娃菜，白菜，菜芯，翠肉瓜，秀珍菇，索晒

尖沙咀金巴利道的雞匠，已不知去過幾多次，清一色是午飯時段。其海南雞飯固然是水準之作，用到某法國名牌廚具，是一個姿態；雞肉嫩滑，皮爽，理所當然，雞飯香而不膩，美妙；敗在黑色醬油，味精感頗強，有次吃罷，整個下午都口乾乾，自此便沒有碰個醬油。餐前的雞湯，是一大亮點，記得第一次去的時候，質感偏稀，後來再訪，濃郁鮮甜，更有點點膠質。不吃雞飯的話，最近常吃這個雞湯安格斯牛肉烏冬，＄58一客，包薏米水或熱飲。香濃鮮美的雞湯，我戲稱這是港版雞白湯的表表者，配以爽滑的烏冬是絕妙；入口帶嚼頭的安格斯牛肉，細意品嚐下更帶有點點油香。天氣熱未必個個都想吃熱湯烏冬，麻醬雞絲撈烏冬，也是不錯之選，香滑濃厚的麻醬，連同雞肉掛上烏冬，爽中帶惹味，輕易地吃到碟底朝天。下個月終於有機會來試其晚市，得到友人SK相助，得以包場搞一局，師傅到時會為我們安排一些餐牌以外的菜式，著實令人引頸以待。

今日與朋友尖沙咀行街購物，行經柯士甸路雞匠，見到雞匠的招牌去骨海南雞十分吸引，於是決定試嚇雞匠的雞。雞匠舖位不是很大間，但裝修精緻優雅，令人感覺心情舒暢，十分舒適。餐廳名叫雞匠，招牌菜肯定是雞了，我們一於來個全雞宴。真是十分期待呢。要了2個一人套餐，蜀味口水雞及薑蔥霸王雞套餐，配油菜，湯，油飯或白飯。先上的是乳白色的雞湯，味道十分清甜。蜀味口水雞套餐$78。飯與雞是分開裝上，面上鋪著芝麻，蔥及花生，還有少少適中可㸃的雞匠秘製醬汁，即是口水雞用的口水汁，由陳醋、紹酒、花椒油、茴香等10多種材料調配而成，辣得刺激！配上花生粒、芫荽、芝麻，十分香口。 口水雞的顔色金金黃黃，還有那盛載口水雞的餐具，是用上LeCreuset為餐具，LeCreuset餐具顔色帯著棗紅色，真是典雅又美味，又精緻優雅又帶著古典的味道，真是除了視覺與味覺的享受，還有心裡面的享受。嘩，真是見到經已垂涎三尺，口水雞帯著芝麻，蔥，花生，紹酒、花椒油......等醬汁，非常嫩滑多汁及入味，真是勁贊呀。薑蔥霸王雞套餐$78。霸王雞面上舖了綠油油的蔥，適量的秘制醬汁淋於雞面上，薑蔥霸王雞雞味濃郁多汁。要了一個白飯及一個油飯，油飯顔

今日好幸運，因為朋友有參加試食活動，作為食評初哥嘅我就跟住大佬黎到尖沙咀搵食。一睇到門面就見到呢間雞匠嘅招牌菜色！呢度有樣好，唔會要客人等佢燒晒落左單嘅所有串燒先上菜，佢今次一燒好左串雞腎就俾左我地先！雞腎燒得岩岩好，唔會太老，而且又香口，好食！哇，我地見到啲紅蝦就已經流晒口水，而雞翼同雞皮聞落都香噴噴，未食都覺得好正呀！啲紅蝦好鮮甜，而且大大隻，食落好滿足！雞皮燒到卜卜脆架，食落好過癮！雞翼都好入味，而且燒到外脆內軟，食到廚師真正嘅功夫呀！呢個套餐真係好抵，連湯同時菜仲有野飲，都唔洗$80呀！咁抵嘅海南雞飯套餐真係好少有！啲湯飲落係雞湯黎，佢入面仲加左啲櫻花蝦乾一齊煲，直頭係鮮上加鮮！啲菜又夠翠綠，啲油飯又夠香口，啲雞肉真係好嫩滑。而最好食嘅，係個汁，一邊甜甜地，一邊又香又辣，真係好鬼夾！下次都會帶多啲朋友黎試多啲其他菜色！

朋友介紹尖沙咀柯士甸路雞匠的雞不錯，今日來到尖沙咀，所以就到雞匠試吓。原來雞匠舖位不是很大間，门口挂了很多日式燈籠，满带着日式的味道。雞匠的套餐有2款，一款是二人套餐，一款是一人套餐。我们要了2個一人套餐，薑葱霸王雞套餐和蜀味口水雞套餐，配油菜，湯，油飯或白飯。帯奶白色的雞湯，十分清甜好味。薑葱霸王雞套餐$78。霸王雞肉質嫩滑多汁，與面上的香蔥一齊食，帶著葱的香味十分好味及惹味。蜀味口水雞套餐$78。蜀味口水雞面上铺着芝麻，葱及花生粒、芫荽、芝麻，令嫩滑的多汁的口水雞更添美味。我們要了一個白飯一個油飯，油飯帶着雞油，香蒜、鮮黃薑、蒜頭..... 等的香味，真是滿口餘香，十分美味。菜心也十分嫩及新鮮清甜。

今日出左尖沙咀試食新開的雞匠！食之前係openrice都睇過下啲comment,全部都幾好，所以都幾有期望！我地大概7:30黎到，鋪頭地方不大，而且呢個鐘數人數都幾多，但侍應都好快安排左個2人座比我地！一睇menu,除左海南雞飯套餐外，都有好多唔同種類既野食燒法國雞中翼（2隻）（$24）：好明顯岩岩燒起，好熱辣辣，但又好惹味，熱都唔介意繼續咬幾口！雞肉都很滑！燒南美大赤蝦（2隻）（$42）：又係燒到好香，蝦肉好新鮮，又好有咬口，正呀燒雞皮（$22）：本身我地係日本旅行都好中意食燒雞皮，所以都好期待可以係香港食返個種味道，不過就略微燒得太乾，變左脆片咁樣，下次可以燒短啲時間！燒雞腎（$22）：無失望，燒得剛好！而且雞腎很爽一人套餐:招牌去骨海南雞（$78）包雞湯，油飯，仲有菜tim！都幾豐富！講下海南雞先，去哂骨，非常方便懶惰的我，隨便就可以一口一口大啖大啖擺入口，好滑好好味！食完一舊接一舊！啲醬汁都好正，食哂啲雞之後，用埋黎點菜食雞湯都唔普通，因為加左啲蝦米，好特別！下次黎開尖沙咀，一定要再試下其他菜式！

海南雞飯 ，正宗的版本是嫰滑，去骨，配以酸甜醬提胃。因為海南本身長年炎熱，甜酸醬對提胃很重要，而且要吃骨頭又麻煩，所以去骨的功夫讓客人可以大啖大啖吃！簡單的菜色往往考功夫，很多香港的海南雞都做不到這基本的水準。只能勉強叫做切雞飯。不過，原來還有堅持做出水準的小餐廳。價格不算很便宜，$78一個有海南雞飯，有油菜有湯的套餐，在位處尖沙咀就已經很不錯。雞湯味道十分濃郁，不過我不是來喝湯的，淡嘗就好了。今天選了白飯，沒有什麼ＭＯＯＤ，想吃清一點。雞肉看似普通，其實是已經全去骨！一咬即可以完全舌下！非常嫰滑而且味道不會過濃，展示海南雞飯溫和又易入口的特色，皮跟肉的比例非常佳，不會有皮下還帶種一塊超厚脂肪，完全不能吃的口感。最出色的是自調蒜頭辣椒醋，以酸味為主，極提胃而且不油膩，夏天吃很正！右邊的甜酸醋適合比較重口味的人們，令雞件的味道升至另一層次！飯粒比較軟稔，正好適合我夏天不太想吃東西的腸胃！

同朋友在尖沙咀行完街，本來想去找些韓國野食下，在尖沙咀有一條街全部都係韓國餐廳. 我地去到條街行了一圈，反而比另一間小舖吸引。舖面掛著紅色小燈籠，有點像日式料理店唷。發覺呢間舖都幾多野食，雖然叫雞匠，但都有海鮮，串燒之類⋯ 咁熱的天氣都係唔食韓國野了。我們選擇了招牌去骨海南雞飯，燒厚切牛舌心，脆炸法國雞翼，燒南美大赤蝦. 叫餐後，好快就有得食啦。而個碟係我至愛的粉紅色，特別搶眼，更加刺激你的食慾。看真一點，原來佢係港女至愛的LC煲呢個牌子. 正. 成件事高級左。真係估唔到在餐具上，也會落咁重本。海南雞的肥瘦適中，層次分明。肉質很鮮嫩，又很滑口，但又唔生，雞味濃厚！見到有兩個汁去點雞的，一個是酸酸甜甜的，另一個是甜豉油，都十分配合到個雞。綠色個汁大概魚露，檸檬葉，醋⋯應該仲有啲材料罷，十分醒胃. 而另外一個，有少少似蜜糖味加燒烤醬似的，都十分特別。呢個同一般食到既係唔同啲，好特別。油飯也十分出色，你會感覺到每粒飯都被雞油包住了。能夠做到香口又唔油膩，呢個海南雞黎講都好重要。炸雞翼色澤均勻，有著金黃色外層，外面脆而肉質還很鮮嫩，加沙律醬，食到停唔到口。而個蝦也是啖啖肉，用料也很新鮮，燒的時

同朋友喺尖沙咀行完街搵野食，我比較喜歡去呢邊搵，貪佢晚飯前早啲啲都易搵位。不過，呢邊清一色係韓國料理咁滯，但行行下，見到有間小店，掛住幾個日式串燒店燈籠，而且個名又幾得意，所以就入去試下。叫得雞匠，當然就試下佢招牌無骨海南雞，佢有一人餐，又有菜，又有湯。因為同朋友share ,再叫多兩個小食。先黎嘅係清雞湯，賣相好靚，除咗有蔥，仲有櫻花蝦，咁啱我自己又好鐘意食，加分，因為好少有地方落櫻花蝦去湯到。雞湯好清，一啲都唔咸，亦都唔油膩，夠健康。再黎就係主角海南雞飯，一黎到時真係O 左咀，因為佢用左 你 ， 你 同 你 鐘意嘅LC 品牌餐盤做碟， 真係賣相非常吸引，增加食慾。 啲海南雞真係非常滑， 又無骨肉 ，啖啖厚肉， 真係非常滋味。 脂肪又唔多，啱哂大家食。 至於個雞油飯， 好乾爽，好香雞油味， 而且雞油亦都好平均，連埋滑滑雞肉一齊食，無得彈！仲有兩個唔同醬汁要分享，佢地唔係我哋平時食開嗰啲薑蔥，黑醬油或酸辣甜醬。黑色嗰個好特別，係甜甜地，似蜜糖；另一款係有啲香草醬料。兩款特色醬汁打破左傳統海南雞食法。仲有一大碟菜，又係好新鮮，份量又多。成個餐都好健康。之後我地再食左個燒牛舌，同其他串燒

之前睇過報導 介紹哩到既海南雞飯整得幾好鍾意食海南雞既我地當然要黎試試不過之前去到門口 店員姐姐話已經full booking今次當日既下午打左電話黎book 夜晚入到去餐廳發現位唔多 得四五張枱 難怪上次店員叫我地要book 枱叫左個二人set 有半隻雞有兩碗飯 仲有d小食甘雞湯 味道ok 不過較清淡個人認為加左櫻花蝦對味道冇乜作用，係靚d甘。海南雞 皮爽肉嫩 配上蔥油豉油 不過雞唔算好有雞味，應該係冰鮮雞好在醬汁做得好 油飯亦不錯阿爺炆冬菇冬菇好大粒好厚肉 炆得好入味 好食牛丸睇落去好似普通牛丸但食落超重牛味 而且好新鮮，有驚喜 我諗係我食過最鮮最好味既牛丸燒蝦燒得有點過乾，味道ok 調味可以再多dsize唔會太細去殼都仲有肉食 整體黎講 各樣食物都做得唔錯，雖然仲有進步既空間。不過從食物上可以感覺到老闆兼廚師用心煮用心經營小店，一心諗住黎食雞，最驚喜反而係牛丸。女店員做事感覺不太認真，服務只係合格價錢方面，以上既二人set先三百蚊，仲用上LC餐具上碟 又不收加一服務費 晚市黎講，確實好抵食。香港人真係要多d支持呢種小店 少啲大集團我地既選擇都會多D 嘛

$78一個套餐好抵食，有雞湯、3選一主菜、時令油菜同埋油飯。3款主菜都係雞，有最岩愛辣人士既蜀味口水雞，我地選左兩個一人套餐，分別是招牌去骨口水雞&薑蔥霸王雞，雞肉嫩滑皮厚但無多餘肥膏，雞皮都唔會放過！霸王雞味道霸道，醬油同蔥超多超香，夾埋油飯一齊食無得頂，油飯煮得好飯無過淋，夠雞油夠香，亦唔會過咸，很好！去骨口水雞相比起來較清淡，但一樣有雞味！兩個醬很特別，啡色的甜甜地，另一個有蔥，辣椒，蒜蓉又香又辣，唔同一般食海南雞既醬，感覺非常新鮮。雞湯有驚喜，唔油夠濃味，雞湯也不馬虎製作，有櫻花蝦同香蔥，飲完都唔洗趕住要飲水，無味精，欣賞欣賞！

系尖沙咀韓國街買下野食,順便去雞匠食海南雞～餐廳位於柯士甸路在大街,店外掛了幾個日式紅燈籠好易搵到,門口張貼的清湯椰香雞,爺爺炆大花菇,燒雞皮蝦卷我都好想食呀!侍應話今日系公眾假期,食物無咁多選擇,晚餐亦會較多款式,有串燒,特色小食等.但我覺得今日既餐牌已經好岩食喇,有一人套餐同二人套餐。我地叫左兩個一人套餐,餐湯睇見都知好濃,又夠熱,加左櫻花蝦同蔥花,飲哂都唔會口渴,一定無味精了!!好大碗油飯呀,味道清香又唔覺好油呀!所以我地好快食哂,招牌去骨海南雞$78,無骨無碎骨食落啖啖肉,皮厚爽滑,肉質嫩滑無血,肥瘦剛好,右邊既醬汁由蒜,蔥花,辣椒等調成,微辣又惹味～左邊既醬汁甜甜地,我地覺得味道有點似用蜜糖同豉油調成,味道獨特而且同海南雞很配!薑蔥霸王雞$78,鋪滿香蔥醬油既濃味雞,雞件同樣嫩滑,味道豐富~海南雞同霸王雞放了芽菜鋪底吸收了雞汁精華再拌油飯食～一流!!套餐仲有碟是日菜~清湯津白很清甜!

有一天，一個朋友發了一張海南雞飯相給我，起初以為是自家製的，因為盛雞的碟用了港女最愛的 Le Creuset，後來吿知原來那碟飯是在雞匠食，才恍然大悟。今日，終於有機會試雞匠，但吃的並不是海南雞、口水雞或霸王雞，而是鮑魚安格斯牛肉雜菜煲配凍特濃朱古力。先來一個例湯，不味精，表面灑上櫻花蝦，倍增鮮甜。鮑魚安格斯牛肉雜菜煲用上大量的牛肉，配上娃娃菜、菜心、秀珍菇、雞髀菇等蔬菜，令湯底十分清甜，以份量來說，足夠兩位女士用。由於煲實在太大，料實在太多，好不容易才找到其中一個主角－鮑魚，鮑魚選用澳洲鮮鮑，夠大、夠鮮。用八十八元食到如此豐富的食物，真是物超所值。