雙聚館 (已結業)

服務態度奇差:1) 問九唔應, 問待應有咩餐飲嘅花茶, 講嘢好似急口令咁, 聽唔到佢講乜2) 叫待應落order, 佢居然可以好惡咁話, 等陣先, 咩態度呀?3) 待應服務態度散慢, 我係比錢食嘢, 唔係乞食呀餐湯: 我未飲過一碗羅宋湯係只得黑胡椒未囉~主菜:等了30分鐘, 居然食物係凍嘅, 有無搞錯餐飲: 我未飲過一杯玫瑰花花茶得2粒花雷, 真係多謝晒囉~~10分滿分, 我比0分

這間入圍係因為，那位中年店主跟女店員的情慾對話。早陣子發「出前一丁瘟」，一連數天吃了數次即食麵作午餐。其中一餐便是這兒。撈丁茶餐（$32），有一碟‘鮮茄滑蛋火腿撈丁’和飲品。那撈丁都OK，鮮茄醬料係西式作法，滑蛋超香滑，火腿係厚切塊；感覺足料，份量十足。熱檸檬茶偏細杯。食食下，聽見男店主拉住準備下班的女待應，坐低係其中一張兩人餐桌前。那男東主以DJ 聲線跟那帶鄉音的女待應，打情罵俏，肉麻程度，不憾入耳，結論係「男東主要求那巳婚女侍應今晚陪他食宵夜。」那些桃色關係，破壞了那餐室的環境、情調、感覺、食物味道。大概無下次。

Easter 前上網見到哩間餐廳既評語唔錯，又近公司，放假前咪同D同事去試下囉! D嘢食果然好好味，環境不差，係坐得迫少少。不過佢地好似唔係好夠人手做嘢囉，但佢地都好好禮貌! 係一間唔錯既餐廳! 而且唔貴，最貴個餐都只係$5x，有咁既quailty真係好okey!!

因為就近返工地點, 所以幫襯過呢間餐廳無數次, 因為樓底很高, 地方尚算OK, 其實餐廳應該轉過手, 前身個名唔同, 不過樓面及裝修無變。食物質素上落都可以幾大, 試過peak hours 份餐d肉(扒類)係好似mcnuggets咁size, 到lunch hours差不多完時既顧客反而有完整及超大塊扒。service - 轉手後增多人手, 對上幾次食都覺得有進步, 多數係印度人, 每位都態度良好(waitress一直有turnover, 而印度waitress表現一直比中國waitress好)。唯獨是今日光顧遇上超粗魯中國籍waitress(亦係促使我寫呢個評語的原因)。第一次隔離檯送錯餐, 小朋友不停講上錯, 呢位waitress惡狠狠話無, 收銀都話係佢錯都重要拗-___-"第二次到我張櫃送錯餐, 我成碟捧起俾佢收番兼同佢講錯左, 唔收不特止更換來粗聲粗氣一句"咪上緊囉!' (上錯嘛, 況且我唔係催上餐)) -_________-"咁唔滿意你可以唔做, 唔該唔好出氣在客人身上!

看到店名自然要想起周慧敏原來改名真的那麼重要每次經過都總想入去試一試要不然便會愛得太遲?估不到兩姊弟兩首歌相隔十多年還可以來個互相呼應內裡的裝修不及店名和外表和菜式般優雅不過食物的質素尚算不錯貴卻是值得的Set dinner 有煙三文魚沙律羅宋湯料不少不過很甜主菜是炸羊扒羊扒內裡半熟加上外面一層脆粉互相配合塑造出很鬆軟的感覺而且羊的羶味不強感覺很滿足唯一美中不足的就是有如米糕的白飯完全無法將飯一粒粒甚或一撮撮的分開像糊仔的感覺很怪甜品椰汁西米奶凍的西米硬左少少看來他們對米類的處理出了點問題期望有改善吧整體比起附近同價錢的選擇如138(2006-07-19食評)已是很好的了

這Cafe的門面不錯，樓底極高，空間感好強，店內環境也很舒閑，坐上一個下晝都不會被人趕的那種。無論餐牌上的名堂如何精美，但到底上菜時也看得出，其實不過是碟頭飯而已。1)羅宋湯濃淡度適中，但飲啎到火喉，很大可能是罐頭湯。2)吉列雞扒配芒果燒汁吉列雞扒幾薄，但雞肉的肉質一般，很乾，吉列皮啎多脆口，芒果汁做得幾好，有果香味，之前揚了聲多汁，諗住好送飯，結果如意算盤打不響。3)玫瑰花茶賣相好靚，有幾朵小玫瑰花苞與花瓣，但就是這幾片東西阻住，飲起來相當無趣，如果撈起花瓣又會變得無味，與飲熱水無分別！當日為星期六的下午，已經過了午飯時間，食客零星幾人。店員服務尚算親切，整體食物只屬一般水準，賣相優雅，但其實與茶記的碟頭飯相去不遠。

4/11(六) 11:15am星期六返全日,感覺不太良好;早點走出來吃個醒神brunch令自己回回魂.路過此店見人少少,環境寧靜舒適,正是我那杯茶.店內以淺木色為主,小店格局,裝潢簡約,氣氛輕鬆.友善的印巴籍女侍應遞上餐牌,並告訴我此時仍有早餐供應,此刻胃納容不下豐盛的午餐,一於點個輕怡早餐-什菜奄列配牛角包餐$25跟咖啡.咖啡先被端上,未入口濃郁的香氣已徐徐飄來,呷一口,咖啡香濃兼備,就算不下糖亦不覺澀口.未幾侍應亦把奄列端來,什菜奄列其貌不揚,蛋煎得不算香滑,但內有乾坤;絲瓜,什菌及車厘茄粒相當新鮮,配搭清新!牛角包體型不算太大,慶幸飽身挺軟熟,且帶點牛油香.$25能享用一個寫意休閒brunch,不錯不錯!

在附近工作，食lunch時走過都聞到好香，一直想試下，但每次行過都見到好多人，所以都冇走入去。由於星期一男友放假，所以可以叫佢去埋定位等我，哈哈。講返d食物，午餐有5個選擇，有包有意粉有飯有沙律。要o左個燒牛扒配沙律薯角&鮑片x腸意粉(不好意思，唔記得真名係乜)。個牛扒燒過龍，係牛柴唔係牛扒，重要係早餐d扒，不過可能我晏去(1:30p.m.)，男友話之前唔係呢d扒。個意粉幾好食，個汁好creamy，仲有好多料，意粉反而唔多。羅宋湯好多菜，忌廉蘭花湯好普通。服務態度幾好，不過都幾油煙。

被老外上司拉出來吃午餐，天朗氣清，走遠些少。約五款碟頭午餐（$48），定價四十至六十蚊。包湯、主食、飲品（凍飲加兩蚊）。我們都要了白湯（磨菇忌廉湯），好順喉，唔太差亦無話好到‘嘭嘭聲’（其實係我掛住講無留意好唔好味）！主食：我要了炒雜菌火腿天使麵。呢個我有拍照，因為記得，而且賣相漂亮，味道都幾好，炒得乾濕度恰好，調味恰當，正。老外要了白汁龍脷柳飯，好似唔差，至少龍脷柳唔腥！我要了熱奶茶，OK 啦。老外要了凍檸茶，應該都OK！？油煙超級強勁，返到公司，人們以為我們去了「老榕」（以無敵油煙味馳名的cafe！）

真係一個唔留神就見佢唔到，又唔豎個顯眼嘅招牌，唔近睇都唔知佢係一間餐廳。叫咗是日午餐A，羊西冷薯角田園沙律，配南瓜忌廉湯同熱咖啡。南瓜忌廉湯一般貨色，無出問題但亦唔見特出。田園沙律好新鮮，上面好多千島醬，合一般香港人口味，但係食到底無千島醬嘅菜，先好「驚喜」咁食到檸檬味！其實d菜咁新鮮，只要檸檬汁都可以好好味！無需要加千島醬！個薯角係外面好脆好香，內面仲係軟嘅，好可惜係涷嘅 位waitress主動俾茄汁，不過咁脆嘅薯角，點肉汁已經好好味；當然，個薯角係熱嘅就perfect!好明顯係為咗簡化工序而無炸返熱！羊西冷外脆內軟，肉質好好，可惜好似蘇打粉味重過羊味！還幸佢嘅汁好得，好重香草味，食完一d都唔溜！個咖啡都唔錯，好香好濃。呢到午餐唔收加一，$50已經係最貴嘅set。其實我信佢嘅廚係可以有五星級酒店水準，之不過好明顯係為咗搵食而有d將就！就正如舗名一樣- Cest la Vie!

好一排沒有一個人午餐, 就隨意走到這裡, 剛好有一個二人位在門口, 坐在此也算不錯, 晒晒太陽.什菌忌廉湯: 7分, 幾多什菌, 但湯比較淡. 間中食得清淡一點未尚不可.野菌黑椒汁煎肉眼扒薯角田園沙律: 7分, 煎肉眼扒煎得有點過老, 肉眼扒肉質只係一般, 但配上野菌黑椒汁後, 味道還可. 薯角幾香口, 但煎得幾熱氣. 田園沙律作為配菜, 唔駛齋食肉.還算不俗的配合.熱咖啡: 8分, 咖啡很香濃, 飲落口有點花神的影子, 好像霎時重回巴黎街頭. 這個咖啡真的不俗.埋單$50無加一, 食物水準不錯, 南亞裔侍應服務幾好. 跟美味天皇有點相像, 但環境較好.回辦公室的路上, 以下歌詞不其然打入腦海.C'est la Vie 愛要愛得合時緣份散去放開更有意思C'est la Vie 你寞痛哭失意人若放下了似風一般寫意

在出走台灣之前，一早已經靈魂出竅，係魂魄唔齊o既，又有打風前柔和陽光，軀殼飄o左過去灣仔方向，突然間眼前出現一道橙光，價錢尚可接受，就飄o左入去，來個lonely午餐。餐牌上都係D港式西餐，隨便叫o左個吞拿魚螺絲粉跟南瓜湯。南瓜湯無乜味，Angel Blue個南瓜湯好飲好多。其實佢可以加cream or 花奶，咁樣可以整到個湯o既口感rich好多。螺絲粉煮得過lum，so far so good.要改善o既地方仲有好多。唯一叫人驚喜o既係飯後餐茶，有多款花茶選擇，o岩哂女仔。下次許可的話應該可以算埋cheese cake.

在會展辦完事，便約朋友去灣仔食飯。行了幾條街，最終去了這裡，或許是被牠的名字吸引了入去。這舖的門面確是不錯，裝修很簡潔，坐落都算舒服。食物選擇亦頗多，淨係晚餐都有差不多成十款，而且價錢看來也合理。樓面只有一個侍應，但手腳幾快(幸好當時只得幾檯客，否則相信佢唔會咁高效率)。三文魚凱撒沙律既頭盤來得不錯，酸酸地咁，頗開胃。朋友要鵝肝他連，佢就話麻麻地。之後有蒜泥包和忌廉湯，蒜泥包好細件，一人一件，兩啖便食完。忌廉湯勁淡，仲淡過白開水。主菜方面，我要橙汁鴨胸配薯菜而朋友揀魚配飯(我忘記了是什麼魚)。先講鴨胸，賣相是不俗的，份量也不小。不知為何又是淡而冇味，像完全沒有醃制似的。事實上，鴨胸看似幾新鮮，真係覺得有點浪費。問及朋友的魚，答案竟然又是淡得可憐。真的想問，是我們的味覺出了問題嗎?餐後的朱古力蛋糕就較為對辨，卻略嫌細件。最後的熱檸茶也可以。每人盛惠$64，價錢算大眾化。

有來郵推介，見是日要落灣仔辦點事，就來試一試。看樣子，是新張不久的舖頭，裝修簡潔，樓底幾高。坐了在二人位，都算幾好好坐。餐牌都有幾多選擇，就要了個煙黑椒牛肉配意式香草包。先來餐湯，在紅白湯之間選了什菌湯，湯面灑滿蕃茜，賣相不錯，夠熱但味道不算突出；煙黑椒牛肉看樣子不差，吃落軟熟，味道也不錯；意大利香草包烘熱了的，吃起上來都不錯，加上伴碟的各式菜沙律，其實份量相當之足夠。見隔離OL們叫的沙律及雞扒、牛肉卷等，賣相及份量都交足功課，如果下次來可以試試其他東西。餐後一杯熱咖啡，泡沫幼滑，幾香。幾位侍應服務非常好，反應快，次次都是一揚手已有人招呼，有禮貌又唔該前多謝後的，值得一讚。埋單45蚊，還不收加一，都算經濟抵食，都可說是午飯的地方。

Environment is really good, very spacious, high ceiling gave people a very relax feeling...Food is also very good, both taste and appreance is excellent...When my friends n I had meals there, we really feel what the name of the Cafe says...Cest La Vie...That\'s life!!! Oh, by the way, forgot to mention, their charges is too reasonable...Only little needs improvement is, perhaps, they need a little more man-power...