雄記粉麵 (已結業)

落錯單不突只..同佢講返..仲要話係我講錯..唉好啦.到佢肯換啦.又要俾晒面口..幾經辛苦終於攞到我ge春卷牛丸麵分湯拎走啦..唉..麵..都味熟透...只於春卷牛丸呢..好老實麻麻啦..個湯就好重味精

最近因出席在這區舉辦的講座，有機會再到荃灣路德圍一帶覓食。經過康樂，記起有次在此打躉，邊飲奶茶邊看書思考的時光。今次，我刻意挑些未試過的。這家傳統麵店門口貼著的，是十餘年前的剪報了；光顧的客人仍多，只是沒有再吸引傳媒的注意力了。還是信街坊的捧場，就試試看！果然勁好味，結果隔天最後一課後，寧願放棄試別家的Quota而再來此。及至上週末，因事再來荃灣，還是念念不忘這兒的風味。前後吃了三次，水準依然，才讓我問出了文末的問題，也提煉了這篇小稿。我和同伴分別吃了兩大路線的麵食：「像牛脷酥」的魚肉春卷加四寶（$27）再加魚皮（另加$7.5；不能另上，否則要叫全碟$22）、雲南咸菜大腸米線（$26）; 還有芥蘭加腩汁（$12）。先講菜：實在吃不出腩汁的味（反之，腩汁香到吸引人想試吓牛腩的，大光燈是典範）。從未吃過他們的「招牌」牛腩，從食評亦知道曾令不少人失望過，以後再來也可以不吃吧！反而覺得芥蘭心相當甜：在香港吃菜，竟還能吃到甜味！四寶麵到：材料完全遮蔽下面的麵！速速移開魚皮（免得腍晒）再食麵：每樣配料都甚有水準，配合有豐富蒜味的辣醬，更加好味。但最叫我印象深刻的，並不是它們，而是留到最後才吃的炸魚

上黎見咁多人話佢F伙計冇咩禮貌....原來都係的...因為今日都係外賣,,,打去一個男人聽電話,,同佢講左我要D咩LA,,同佢講我想加辣,,佢就黎料..不過佢都算係咁,,,春卷四寶米粉佢另比個個辣醬好惹味,又有蒜味,,好香口,,令成個粉加左唔少分,春卷彤相好似好大條,,不過係假象黎,,等左有成半個鐘多,,,黎到條野凍晒,,但都好好味=]雖然態度唔多好,,不過都會再食佢=]

以前時時都食的春卷河, 闊別很久, 又可以食一碗了 , 3:30, 有十多個客人, 不用等位, 看看以為單拼是20元, 雙拼21元, 叫了春卷河加腩汁 , 春卷, 河粉好像以前的比較好 , 冬菜, 辣椒油加在麵上很不錯啊, 辣椒油比辣椒醬辣和香結帳時我拿20元出來給男生, 那個亞姐說是21元, 我問單拚不是20嗎? 她說當然不是吧, 叫我看看餐牌, 春卷是21的.............., 我心想我只見看錯1元, 就要這樣的說?? , 她可以禮貌點麼? 況且我不是把錢給她, 她是搭訕的 , 搭訕又沒禮貌的人很可惡

春卷魚蛋米既然餐單大大隻紅色介紹魚肉春卷同香港仔魚蛋，一於就試呢2款招牌正如其他食評所講，魚肉春卷既外形真係好似牛脷酥見到層皮炸到金黃色，初時仲以前即叫即重炸，一定好脆口不過實情係十分普通，南記既仲合我口味而魚蛋亦無甚特別，彈牙但魚味不足相反我更欣賞湯底同米粉，鮮甜，粉既硬度剛好份量對女仔黎講剛剛好，男仔既話，應該好快又餓炸醬米線份量比普通粉麵大，碗都大得多朋友仔以為係譚仔果種肉燥炸醬，但其實唔係肉碎不多，另有芽菜同一片腐竹腐乳通菜份量很少很少，四分一斤都唔知有無，係之前某食評張相既一半，完全不值11蚊不過腐乳醬經佢調較過真係好惹味另外腐乳醬會加頗多油，月巴人士小心至於其他食評都話呢度服務差，我又無遇到，反而覺得佢地仲幾好，非常有禮貌

老公話雄記在荃灣好多年了，但一直無食過，所以今晚試下。叫左一碗牛肚豬腸魚肉春卷河，第一次試所以叫多ｄ餸啦。牛肚幾腍，但似清湯唔似滷過。豬腸就似滷水豬腸，唔算肥，好入味下。魚肉春卷聽聞係招牌，差不多檯檯都有叫，真係好似牛脷酥呀，打橫睇好似孖潤腸咁添，哈哈，味道真係幾好味，彈牙得黎又香口，唔錯。但價錢真係貴左ｄ囉，咁樣一碗要差唔多四十蚊，好貴呢～

因為噚日唔得閒，所以老婆自己一個人黎左呢度食，沒想到佢竟然會覺得好味到今天要再食過翻尋味。所以，我地今晚又來了。搭檯是必然，但沒想到係連位都沒得坐，還好一入去有人走，所以都叫做唔駛等位。老婆噚日食過上湯小鍋米線，就是這個令到佢翻尋味，今日繼續，另加左貢丸，因為實在貴，所以噚日無叫，等兩個人先叫黎試下。我則叫左一碗魚肉春卷牛腩粗麵。魚肉春卷牛腩粗麵先來，真係好細碗…雖然話係雙併，但竟然只得舊半牛腩 + 一舊牛筋，未免太少了吧。雖然牛腩牛筋味道是不錯，夠入味也夠腍，但感覺真是很搵笨。雖然之後有看到淨牛腩是一般貴的，但我寧可你標明併牛腩貴ｄ好了，這樣真是成何體統…魚肉春卷水準依舊，牛脷酥咁既樣也是鎮店招牌，魚肉炸得香口，牛脷酥咁款咬起黎口感特別，當然你可以一開二再慢慢嘆啦。要講驚細，仲未算，老婆碗米線黎到，唔止餸，就連我果碗麵都比下去。size根本無得比，米線才是我心目中正常size。上湯小鍋米線有肉燥、酸菜、腐皮、芽菜，老婆叫左唔辣，佢真係可以做到只酸唔辣，因為很多地方叫唔辣其實都係有少少辣的。湯底好清無乜油，酸度剛剛好唔會食到一味chok，尤其是酸菜更加係出色。貢丸是加$12的但換來只得

我成日都食呢間野,真係好正特別推介魚肉春卷牛展米線大腸米線肚絲米線加上自家製的辣椒醬真係食過番尋味!!仲有果D腐乳通菜好好食!!不過除以上外其它都無乜特別D人都話侍應態度唔好我就覺得無乜野,係無乜笑容姐,,,,都唔算好差入面有個幾靚仔添

次次去荃灣食粉/麵的話都係食米線or紅薯粉為獨今次選了這間未聽過的"雄記粉麵 "~估唔到幾好味啵!見其他劣評都係食牛腩orx丸其實大家不妨試試招牌魚肉春卷(腐皮包魚肉的東東)好入味,又彈彈地牙雙拼都係$21自家製辣醬也很正最唔好應該係d侍應木口木面

第一次去食估唔到係咁.首先價錢不是十分平,荃灣區平過佢大把.倆個人叫左腩肉米線+牛腩河.油菜同兩杯凍飲.牛腩河來到後我呆了.數一數................牛腩有手指公的頭一節般大但得二粒+一粒牛筋.從未食過咁少牛腩的所謂牛腩河初初以為俾咁少可能好好食一食.....好硬+"'鞋"到....諗諗下收我20蚊碗你俾我幾粒牛腩......揾呀姐問下會唔會少左D.呀姐回答簡直令我O嘴.......我地係俾咁多牛腩架咋....出面其它店多D牛腩冇咁平架....我回敬一句妳當我遊客咩...食你碗牛腩河+杯凍飲$3x幾..我食銀X都得拉..呀姐即時黑面行開.冇下次

前日去左呢間店到食晏,坐得勁迫,d小二好串,以為佢地有幾好食,叫左個牛腩墨丸麵,要等一段時間先有,而且隻碗崩得都幾勁,我見成間店d碗都係咁,算啦.講番碗麵先,真係唔得,d牛腩好硬,而且唔入味,墨丸又係交貨,食炒多過咩,d麵煮得過奈,淋曬,都真係好大問題!!

很久沒有在Openrice發表食評了！就趁著可能有台灣的朋友會看看我的食評，就重新再寫起食評吧！這晚是唱完K後的晚餐，記得這間店都有很長的歷史了！兒時吃過其牛腩，覺得很入味的！而店內環境也是很普通，要求環境很清潔的就可能不太喜歡這兒的環境吧！這天晚上，我點了個撈麵，配料有最出名的炸魚卷和其他較普通的墨魚丸和魚皮鮫。習慣先喝一喝湯，嗯，是大地魚湯，有一點過咸，但作為提味的撈麵湯，這咸度也不為過。然後就吃一口麵，質感不錯，沒有煮到很淋而還有少少口感，亦沒有很重的鹼水味。到配料了，墨魚丸是粉粉的，有兒時的味道，可說是頗合口味。而魚皮鮫則是普通來貨吧，也只有正常水準，下次大可不叫。最期待當然是大口吃下的炸魚卷！一入口發覺外皮微脆，之後味蕾感到一點微咸，一點點魚味。的確，較南記的還好！只有一條的炸魚卷真是這碗麵的靈魂了。反而，我覺得服務沒甚麼問題，只要自己點餐時清楚又準確，基本上又犯不上那些侍應吧！所以，我下次一定還會來Encore呢！

沒有期望就沒有失望.我對這家餐廳全不認識, 照理沒有期望, 但它依然令我失望.. 原因是連一般的水平也差得遠.個人鍾情牛腩, 這家店的麵食偏貴, 一般牛腩麵價格為$15-$17, 荃灣該區消費應該會更低一點. 但這家的牛腩要價$20 一碗, 亦沒有套餐等等.. 心想可能有其獨到之處, 就要了一碗牛腩米試一試.當牛腩米送來時, 呆了十秒鐘... 實在是上當了.先說米粉, 清清的湯底是大路之作.. 米粉亦是一般的一般, 量份算是細碗但也不至於太離譜.除了米粉外, 還有幾粒蔥花...接著就止剩牛腩了..先說份量... 1,2,3,4.. 只有四件, 放在碗的一角.. 三塊腩一塊牛筋..不要以為量少就會很精彩, 牛腩全是瘦的, 或是肥瘦全完分開..味道只有濃烈的香料味.. 應該就是用來煮牛腩的腩汁.. 但卻一點牛腩味也沒有.總結評價是, 不會比那些以10蚊一碗作招來的麵店好.卻貴出很多....不值得.

n年無來過($25碗普通size的麵在荃灣算好貴!), 前兩日收夜見肚餓, 見佢地未收正就走入來食下!依然係食"春卷四寶麵"($25): "魚肉春卷"真係好好味, "魚米家"果d真係爭9皮, 自己去幾間凍肉鋪買過亦係唔及呢度好味, 真係一分錢一分貨;其餘三寶(魚丸/魚皮餃/墨魚丸?)只是普通, 碗麵加埋左d自制辣椒醬就好味好多;食完至睇到"魚肉春卷麵"$21, 以前都無留意添, 平咁多? 唔通只得一條春卷? 下次再報!

真實個案：今日放學後同班FD去幫襯下啦我地一行四人，當中得我同B一人一碗麵另外C同D就冇叫到，陪我地坐ONLY跟住個阿姐態度極惡劣!叫完野食，即時叫佢地揀野食，見佢地唔揀住就已經口upup隔左陣直頭趕客添，唔叫野食就唔好留係度興到我呢，D野食未到架話，我會即時起身離場可惜到左，叫兩杯可樂囉咁當時仲有吉木台的，唔明點解做生意要做到咁市儈真係食完呢餐冇下次啦，野食又一一般般，仲要受埋氣添金融海潚都唔憂做，都唔駛咁掛今時今日，咁既服務態度真係唔得WOR食物方面，叫左牛"展"米線香就夠香啦，味道都ok但食完勁口乾，好重味精但值得一讚既係，米線送埋有塊腐皮呢塊野索晒ｄ湯，好惹味所以對面開左間野飲鋪真係不無道理