雄記粉麵 (已結業)

出左名味精勁, 食完好渴..但國家級人馬都會去食!!原因係d辣椒油, 魚皮同春捲真係好好食..每個月梗要去一次去安樂!

魚肉春捲係次次必叫的!6蚊條。岩岩食完一個小窩米線加辣, 有腐皮,肉醬,雪菜,芽菜,好足料!!都係21蚊咋!另外加左腩肉, 唔膩又超入味!呀姐做野快手!!

荃灣好多間粉麵鋪都試過..係呢間鋪仔細細未入過...今晚老公OT, 唯有自己搵野食! 我望住牆睇左好耐都唔知食咩...見到最大隻既牌寫住咩...腩肉, 大腸...呢唔係太岩我! 跟住見到個炸醬米線...簡簡單單就叫呢個啦! 亞姐好識做生意, 係人叫野食佢都會問多句要油菜ma...就算無諗都會考慮下...今晚唔想食咁飽...於是只叫了米線! 米線煮得岩岩好...唔錯! 辣度又岩岩好...芽菜同腐皮做配料, 再加埋酸菜, 呢間可以再試下!

晚黑行完街搵食，經過呢間其貌不揚舖頭，諗都未諗過入去，不過友人話魚肉春卷好好味，卒之就去試！我叫個魚肉春卷米粉，友人叫了春卷四寶米粉(見附圖)。齋叫魚肉春卷+ 粉麵就有兩條魚肉春卷，而春卷四寶就除了魚肉春卷外，還有墨魚丸、魚蛋及魚皮鮫，友人分別俾一粒墨魚丸及豬肉丸我，試後覺得墨魚丸唔算太淋，過得去，魚蛋無咩特別，友人話魚皮餃就肥膩得滯，至於湯底好似淡！。但係主角魚肉春卷就幾特別，外皮係炸腐皮，內裡係魚肉，幾煙韌！雖說個賣相唔多美觀，不過有人話佢似牛稣，我就諗得衰‧‧‧不過整體而言，都算好食！