隨變燒烤麻辣雞煲

營業中

休息中

近柯士甸站呢間隨便雞煲，嚟親都好多人 今日茶排隊排咗半個鐘 先食雞煲🥘🥘🥘大大鍋，夠辣，夠入味， 醬汁好香濃 ，讚🐔👍之後再加湯打邊爐，平時好多間都係加咗湯會變稀晒，但係呢度就唔會，個湯都仲係好濃，火鍋料就算唔點豉油都夠味😋😋😋

尼間都食過好多次啦。今次同成班朋友黎食宵夜。之前成日都要排隊，現在開埋隔離店就唔使排啦。佢既麻辣雞煲必點呀，佢既麻辣湯底係濕既。唔似平時食雞煲甘係濃濃既醬汁底。佢既麻辣雞煲係自家制的，湯底既材料同煮法都係獨家既。所以係平時食唔到既味道。必點推薦。岩晒食得辣的朋友。另外，我都係第一次食個雜菌煲，都唔錯呀，岩唔食得辣的朋友。佢既配料就真係普通料。唔係雞煲甘出色，我都唔會過黎食。但佢既新鮮雞腸係推薦既。唔怕肥既朋友可以點尼個。因為個雞腸真係新鮮，絕不是冰鮮的。仲有個隨變粉，都好有特式，都要試，好qq的。由白色煮到透透地明就岩岩好啦。

雞煲所用的大部分辣椒、小許香料等非常惹味好好食😋😋😋😋😋😋😋😋😋😋😋😋😋😋😋😋😋😋😋😋😋😋😋即使唔係好食得辣都唔緊要，點雞煲時可自選微、小、中、大或勁辣，甚至唔辣都得，照顧嗜辣程度唔同嘅食客需要。🌶🌶🌶叫左兩個煲 一個辣 一個唔辣八個人食 剛好👀因為我哋仲有叫好多唔同嘅配菜..牛頸脊 十分出色而且佢嘅牛丸 喺潮州牛丸 超級彈牙如果鑽意食麻辣燙底嘅人 我好推介

每到秋冬天又到打邊爐嘅季節，終於比我等到又可以嚟食隨變啦！今次叫咗小辣麻辣雞煲，隨變嘅麻辣雞煲真係冇第二間可以取代，佢嗰啲麻辣火鍋嘅味道做得啱啱好，個浸香氣就算隔成條街都聞到呀！可能有人會覺得佢價錢偏高份量又比較少啦，不過你問我我就覺得好就好在佢有得選擇一碟定係一份，所以就算淨係得兩個人黎食都唔怕太多食唔晒。重點推介記住叫佢嘅冰豆腐！好少有餐廳有冰豆腐提供，再配埋佢個麻辣湯底真係一絕啦，同埋佢嗰啲麻辣燒都唔錯架！

記得幾年前食隨變等好耐位 好好食今日再食 明顯沒有了熱潮叫了麻辣雞煲半隻雞 來到裡面的雞少得可憐 一定沒有半隻雞只係得幾粒 仲要冇咩肉 好失望隨此之外 整個雞煲只能說普普通通 可惜

坦白說我吃了這店多年，但看著他們水準越來越低。雞很重的雪味，而且都是骨和頸。所謂的自家型韭菜餃很小，真的一點都不好吃。紅薯粉還好，但也沒有甚麼特別。以後也不會再來了

去食之前無睇過食評係經過嘅時候聞到雞煲味就轉陣入左去發現平日晚上都幾多人食這間2人枱係4人枱中間加塊板枱面細細 增加左一點私隱度叫左麻辣雞煲 見其他瓦煲好大原來有個細隻d 既瓦煲半隻雞 肉量二人都夠佢同出面既唔同係佢一上就有湯小辣都幾辣 似乎比外面川菜中辣更辣好香口 我最後將配菜洋蔥西芹芫茜都食曬叫左一個皮蛋小食：好辣好好食 比雞煲辣辣到叫左個可樂飲 $12見餐單上食物有得揀一份/一碟一份係一碟嘅三份一 好適合二人用叫左牛柏葉/西洋菜餃/魷魚 煲咩特別 可以的叫左隨變粉 覺得好好食 煮起都幾多咁不過原來熟左會變透透地 一開始有些仍然白色但軟身我已經食左見打單寫左送兩塊牛肉 原來都有一碟仔 唔係話好靚但送架麻 都開心埋單260/2人

今晚已經系第二次黎呢間食，第一次食印象已經好依稀，今次經過所以就決定再試下啦。一行四人黎到，當然預先有book定檯啦，店鋪雖然吾大，但係入面已經爆曬人，無訂位看怕都要等一陣啦。回香麻辣雞煲（一隻）呢間既雞煲選擇都頗多既，特別系招牌隨變麻辣雞煲同回香麻辣雞煲，前者既分別就係多左一份麻辣味，因為同行朋友吾太食得辣所以就叫左回香雞煲（微辣）。一上檯，雞煲已經煲如其名啦，超級香，等待十分鐘之後就開動了。雞煲內除左有秘製醬汁，雞，仲加入大量香蔥，京蔥，洋蔥調味。對於我地呢d吾太食得好辣既人黎講，微辣已經完全感受到食麻辣雞煲既感覺，雞肉系十分嫩滑，完全吸曬醬汁風味，同埋一隻雞對於四個人黎講系足夠既。火鍋配料（雪花肥牛/芝士腸/魚皮餃/手打魚蛋/響鈴/生菜/冰豆腐/隨變粉）食完雞煲店員會問你加清湯定辣湯，我地就揀左清湯，配料方面大部分都好便，有分一份或者一碟，可以視乎人數決定。特別推薦系手打魚蛋，真係手打既，粒粒彈牙又有魚味。隨變粉亦系必叫選擇，同個名一樣，麵條粗幼度好隨心，又粗到好似河粉甘，幼身既好似米線都有。質感系好q彈的，類似紅薯粉口感，配合湯底十分夾。重點呢間雞煲火鍋，好食又便，年輕人聚腳好

食得辣既朋友一定要黎呢間食，我次次去都叫大辣，次次都俾個侍應話叫中辣得啦，我次次都會話大辣先岩我地，次次都會再三問我地係咪一定要大辣呢到既辣真係好好食，雞煲唔食辣點叫雞煲，雖然佢嘅地方有啲逼，地板衛生都麻麻，侍應服務都係時好時差，應該睇佢哋當日心情啦！但係呢間野食辣嘅雞煲真係好好食，我外國朋友嚟到香港我都會帶佢嚟呢度食雞煲，佢哋都係好食得辣，所以佢哋都覺得呢間好好食。但係等位真方面就真係有啲耐啦。

第2次來随變食雞煲，今次一早已訂定位，唔使好似上次咁等左一個鐘。麻辣雞煲全雞$228~ 不同於其他雞煲，這是湯上，不是乾鍋，麻辣湯底配料和香料十足，有洋葱，莞茜，大葱， 燈籠椒等，層次分明，十分惹味，分大，中，小辣，雖然我只是揀了小辣，但愈煲愈辣，雞塊好嫰滑，吸哂D湯汁後好好味洋葱，大葱等煲到淋後，真係甜到不得了，最後把所有配料都食哂本地新鮮手切牛頸脊$138~ 肉質腍滑，牛味濃郁，真係淥幾耐都咁滑凍豆腐一份$15~共6件，索哂D麻辣湯汁之後真係一流紅薯粉$22~ 滑捋捋，又煙韌，好味！自家製洛神花茶~酸酸甜甜又解辣又消滞

其實一嚟到感覺不錯，因為朋友說這裡的辣沒甚料到，所以一來便要中辣，後來窩心的侍應說，中辣對許多人來說，是幾辣，不如叫小辣，如不夠辣才加辣，果然，小辣已辣到飛起，侍應都好有耐性為我加水，減輕辣度，食物方面，只能說，合格，價錢、份量、質素，只屬合格。重點是，到兩點last call 後，客人陸逐埋單，但我12點半行人店第一句就問，這裡幾點打烊？侍應答兩點last call ，我們就一行三人進去，怎料，落完last call 及埋單後，以及客人都走清後，兩位侍者坐著眼睜睜的看著我，但其實當時才不過埋單後十多分鐘，但她們就是一直眼睜睜看著我，好恐怖，我已經用最快速度吃完我們last call 所order 的食物，好陰功又恐怖😭食物方面，其實真的不太滿意，叫了半隻雞，但挾到超過5嚿雞頸我們不是叫鴕鳥，為什麼會有，這樣多頸？其他雞的部位，都是碎濕濕，同行兩位朋友都說是給我們雞下欄，還有薯粉，唔掂，撈起，一點湯都沾不上，不能殊殊聲咁食，還有豬紅$15一碟得6嚿😅整體而說，不會再幫襯，如果是食物不妥，還會給予機會，但侍應竟因爲要趕客，而坐著用眼神盯著你，太可怕😱

前排凍冰冰，真係日日都想打邊爐！咁岩呢間野就係我屋企樓下，日日經過都見到好多人排隊，日日經過都想食佢！最後搵咗個星期１諗住係最少人既晚上，點知都係有人排要等１等，10分鐘後就有得入坐。叫咗半隻雞唔少少辣，另外叫咗少少魚滑、少少肥牛、少少魚丸咁重點係１定要食佢既菜！唔知點解但就係好新鮮好好味好岩打邊爐！！！另１個重點就係要試佢啲串燒！黎咗幾次差唔多都試晒所有雞、牛、羊、海鮮同蔬菜串燒真係款款都咁正！可以自己選擇每串要幾辣雖然位又要等佢慢慢執燒又要等佢慢慢燒但真係好值得

第一次黎，叫個微辣雞煲，一擺低即刻O嘴😑😑😑😑。成煲嘢，雞都未食已經加咗湯，成個嗰D咩藥膳雞煲咁。以為黎錯啦，叫姐姐唸住換過，真係吹漲。佢話：「你叫嘅時候要講清楚係咩雞煲，你要講明你要乾鍋雞煲，如果你唔講明我地就俾呢個你。」下？！？！我Q知你個麻辣雞煲係藥膳雞煲咁呀？第一，一個reasonable 嘅人expect 嘅雞煲一定唔係咁樣樣，連湯上；第二，個客冇講係唔係應該問一問，呀先生，你要乾定濕雞煲呀？成烹雞淡牟牟，冇味，好似白烚咁，以後唔會再黎

佐敦到西九龙之间的柯士甸道区域在九龙算是宵夜集中地了，好吃的店实在太多。这家随变鸡煲在比较靠近大路的位置，生意还是很不错的，应该是有两间店铺。店里主打麻辣鸡煲，辣度可以选择，感觉中辣就挺辣的了，喜欢吃辣的人可以尝试一下更大的辣度，鸡煲的味道不错，吃完鸡煲还可以点一些火锅料，牛羊肉，午餐肉，时蔬，鱼，毛肚等，在鸡煲里煮煮挺入味的。前菜的皮蛋，烧烤等也都不错，烤肉串和烤海鲜口味都不错。服务态度也还行吧，挺不错的一家店。

麻辣雞煲 －雞煲可分開辣度，適合一大班朋友不同的味道歡好，湯底麻麻辣辣辣，香料十足，層次豐富，值得一讚的是加湯的時候，加的是麻辣湯，而非清湯，令湯底味道不減麻辣干鍋海蝦 －辣度選了微辣，餐廳用上芫茜、洋蔥、蒜頭、大葱等配菜將海蝦炒成，海蝦乾身，沾上微辣的麻辣醬汁，十分滋味。凍豆腐和響玲卷 －凍豆腐吸盡惹味的麻辣湯底，響玲卷則炸得鬆化，蘸幾秒即食。唐生菜和油墨菜 －新鮮嫩綠本地新鮮手切牛頸骨 －第一次吃這個部位，無論剛剛熟或是煮得久，肉質都能保持腍滑，而牛味亦相當濃郁。燒羊串 －份量雖然小，但燒得十分好味，孜然味重，甚有重慶街頭串燒風味。