隨變燒烤麻辣雞煲

營業中

休息中

三個女仔約會就約在隨變，開頭介紹是吃雞煲，入到來才知道是火鍋，加個湯底是雞煲。我們點了一些水餃和自家製韭菜餃，重點必食魚皮餃，手打牛筋丸，白蘿蔔和窩筍。要讚下雞煲內的雞件，非常有雞味，冬天吃了，分外覺得滋補養顏。

昨晚一行4人去吃雞煲，好彩有訂位，即時入座，大家都係第一次吃依間，個雞煲一上台我們就「嘩」左一聲，第一次吃有甘多水雞煲，平時吃其它店雞煲，唔會一黎就甘多湯，通常係吃完個雞先加水打邊爐，對於我們黎講就唔太喜歡，湯多到穩D雞都難穩，完全蓋過晒，唔會有下一次。

間唔中都會來呢度食雞煲，呢度有兩間舖位，唔會好似灣仔嗰間要等成個鐘頭先有得食。有自家製飲品，健康又美味。呢度嘅雞煲真係好好食，而且幾特別。夥計招呼很好，嘢食好味唔使再講，會繼續來幫襯。

我呢就真係唔鐘意食隨變嘅雞煲辣就幾好啦，香濃惹味就唔覺有不過姐姐好細心，見我話辣得滯就溝咗個特別醋汁比我點嘢食用小食叫咗皮蛋，味道同樣爭啲燒烤都有試，好似正過雞煲㖭

今晚我哋一行10人慶祝兩位朋友生日就嚟呢度食雞煲，雖然佢話入咗起計兩個鐘，不過最後我哋都坐咗三個鐘，仲切埋蛋糕添。好彩一早電話book咗位，如果唔係星期六呢個鐘數已經爆曬。我哋叫咗一個清湯全雞同一個麻辣小辣全雞，我就食開麻辣湯底嘅，我諗隨變呢度嘅麻辣雞煲真係我食過最好食嘅，佢用大大隻瓦煲，嗰個雞煲味係好特別，而且好多洋蔥莞茜大蔥，非常惹味配料方面必選肥牛、隨便粉、豆卜、墨魚滑、凍豆腐！另外，呢度啲蔬菜都洗得非常乾淨！其實佢仲有串燒架，不過我哋雞煲已經太飽食唔落冇叫到，下次有機會會試吓！

唔多講，成日嚟，服務好，食物質素好，價錢合理！真係會上癮！＊我最鍾意酸菜豬肚雞＆手切肥牛！我男友最愛牛丸！其實香港好食嘅火煱＆雞煲好多，但係無論你食得幾好幾豪我覺得都真係唔及呢度！真心！

一向愛食辣, 雞煲和川菜更是我的至愛。雞煲有三類選擇,  但由於係第一次光顧, 所以我地唔知應該點那一種, 細問店員後, 知道饞咀麻辣雞煲會比隨變麻辣雞煲更辣和濃, 由於係第一次食,一來怕太辣, 二來覺得"隨變麻辣雞煲" 應是招牌菜, 所以最終點了(半隻雞)小辣隨變麻辣雞煲。所以男友一提議食雞煲, 我就非常期待。由於係星期一晚,所以我地5:30 pm 仲可以訂到8:00 pm 的位, 8:15分左右到達完全不用等位。之後點了些火煱配料, 美國肥牛, 唐生菜, 黑拍業等等.. 我最欣賞隨變的是很多火煱配料都可以叫小份, 岩哂2-3人份量。至於，雞煲依舊覺得都是那麼好食，味道夠香夠濃，雞肉夠滑，辣辣地又有些麻辣，仲可以放埋其他配料一齊煮個“ 响鈴”“薯粉或者隨變粉” 味道好相近，都係 煙煙un un 咁，配合一路煲緊的雞煲，越來越入味，再加上一些蔥頭好香，但易由於個湯底越來越濃郁，辣度易都增加，一放菜落去，太辣，搞唔掂，就係呢個時候，店員送上一碟醬汁，聲稱可以解辣的汁，係特別調劑的，有蒜有醋酸味咁還可以啦。之後見我們太辣，仲幫我們將餘下的菜攞入廚房整熟，比返碟油菜出嚟

朋友介紹呢間雞煲，話夠麻辣，就來試下囉。Order左半隻麻辣雞煲，本身想要中辣，不過侍應哥哥話中辣好辣，建議我地試下小辣先，唔夠的話再加辣都可以，於是我地order咗小辣試下先，果然，小辣都幾辣，而且有麻嘅感覺。其實半隻雞唔係好多，二個人食唔係好夠，我地再order左其他火煱配料，佢嘅火煱配料都好新鮮，我覺得最特別嘅係我第一次食魚膘，首次要用竹僉拮穿先可以放進煲𥚃，口感好特別，好食，下次來的話一定會再order呢個

坐低已經係咁吹你食d咩，吹左三次，我地未齊人，menu 都仲未睇哂，問佢唔辣雞煲幾錢，個中間分界短頭髮牙嬸好串咁答，餐牌已經打哂價錢出嚟嫁喇喎，真係火都嚟，又要吹你睇餐牌，望唔切問佢價錢又要串串貢，雞煲雞肉太老，食物份量少，講真出面真係大把選擇，唔會再食呢間

因為我老公好鐘意食lee間雞煲，所以食左好多年，係就係幾滑，不過我覺得個湯吾夠濃味，至於牛肉同其他配料都吾錯的，又可以叫一份，最啱兩口子又想試下東試下西甘！每次都飲兩支洛神花茶條粟米勁辣，吾知係咪俾錯左我😰以前就算打電話訂檯，都要等的，而家開多左幾個舖位，好好多了👍🏻同埋d位闊落左，坐得舒服，一d都吾迫！值得一讚，係服務態度比之前好好多👍🏻👍🏻（我喜歡去服務好的地方食飯）以後要再多d去🥘

❄️天氣涼左，即刻好想食雞煲😋隨變係我地周不時會來的，寫返個好評俾佢地先！🕘9點黎到，排左大概30分鐘有張3人枱。雞煲 - 中辣，爽！但一隻雞，好似唔係好多咁lol午餐肉 - 食辣雞煲必叫的一口牛 - 得幾粒好似唔係好抵坑腩 - 烚完好似好細舊推介： 夫妻肺片 / 響鈴 / 燒鰻魚其他配料叫一份份，每樣3粒/3舊剛剛好！

之前朋友介紹話雞bowl 好好食本人都係雞bowl愛好者咁都要試下630pm 就滿座講都唔信咁我地5個人叫左中辣諗住唔係好辣點知係好鬼辣差d頂唔順個湯越食越奇怪可能係d花椒D 9菜餃同雲吞好好食其他就不過不失

好久沒吃雞煲，於是同某人放工約埋齊齊去食辣～雞煲都係鴛鴦鍋，中辣，相信食過的人都知道呢間雞煲的中辣已經可以讓人辣的很爽～配菜都係平時食開的個幾款，都係好好味噶～最值得推薦的，都係👇呢個燒聖子，超級無敵好味吖，而家諗返都想流口水～總有，呢間的花茶唔知點解我就係覺得特別好飲喔～感覺好足料啊～

味道一舨，份量少，可能只是应合香港本土的口味，味道真係不敢恭维，自己整仲好食啲，专门由第二度坐车过来食，好失望叫了中辣但不麻也不辣，味道真係麻麻地，环境都可以，冇茶水供应，

元氣越來越熱，一點也沒有降溫的預兆！既然一直都這麼熱，那就不用特意等到氣溫低點再去打邊爐啦～擇日不如撞日，就係今晚啦～雞煲，因為得兩個人食，一定係半隻雞啦！因為之前挑戰過一次大辣，結果以失敗告終，食完整個人都辣的暈陀陀，所以今次主動叫了中辣，加埋某人唔可以齋食辣，所以我的要鴛鴦鍋咯配菜請見圖片：👇講真，就算打邊爐，一樣的野間間鋪頭的味道都真係好唔同。隨變雞煲的雞煲夠曬味，D配菜都好好味。豬皮、凍豆腐、牛筋丸⋯真係冇得彈，淨係讚！D雞都係咁好味，辣的來又有晒的雞香味。淨係聞到個味，就已經流曬口水啦，湯滾之後即刻開食！三個字：好好味！一點要推薦今次試的新野：燒原隻大聖子。請看圖片👇。好味到唔識講，D肉燒的啱啱好，有晒D鮮甜味，配上D蒜香味，後悔冇order多個～其次就係燒粟米。抵食到飛起。看圖片就知啦，夠大夠好味！鍾意食粟米的你，一定唔可以錯過！必食～