影片
營業時間
今日營業
17:00 - 02:00
星期一至日
17:00 - 02:00
*Last Order 01:15
以上資料只供參考, 請與餐廳確認詳情
相關文章
想一次過食到雞煲、乾鍋、串燒和小菜？佐敦的隨變燒烤麻辣雞煲能完全滿足你。位於文匯街轉角位，是一間主打川式雞煲、乾鍋與燒烤的小店。還沒有進店，從店面都能感受到超有氣氛的用餐環境。 飲品選擇都幾多，而且亦有不少選擇是剛好能解辣又解膩的。涼拌花甲 (HKD 88) & 麻辣豬耳 (HKD 40)花甲拌上微辣的麻香醬汁，再配上芫茜、芽菜提味，非常開胃。豬耳則乾脆爽口，麻辣汁入味得來又不會太鹹。尖椒皮蛋 (HKD 40) & 涼拌萵筍 (HKD 35) 切開的皮蛋是半熟蛋黃，配上香麻辣油、蒜蓉和尖椒，鹹香中帶點辣勁，很惹味。辣油麻滲入了爽脆的萵筍當中，入口微麻微辣。除了以上的涼拌小菜，巴山凝雨 (HKD 43) 個人覺得更加吸引。Q彈滑身的麵條均勻地吸滿麻辣醬汁﹐香辣感十足。隨變麻辣雞煲 (HKD 268/隻)視覺上已經先辣一半。紅油湯面浮著各式各樣的香料，聞起來很香但不嗆鼻。雞肉很嫩滑 ，每啖都均能吃到香辣的味道，足夠惹味又不至於過油。湯底辣中帶麻感，層次豐富，辣度亦可以選擇的喔。不愛吃辣，愛吃酸香的可選 隨變酸燙魚嘴窩 (HKD 218)湯底以酸菜為主調，酸香味道濃郁但不會過鹹。魚嘴愈煮愈入味，而且又夠滑。還可以搭配米粉入鍋吸收湯汁精華，更滿足。乾窩羊蹄煲 (HKD 268) & 干鍋龍躉 (HKD 288)羊蹄很軟糯入味，表面還帶點微焦香。膠質滿滿的感覺，口感亦很有嚼勁。配上大量乾辣椒、蒜片和洋蔥製成的乾窩，令人一試難忘。炸至金黃酥脆的龍躉，魚肉肉質厚實嫩滑，是很有層次感的一道干鍋料理。干窩菜 (HKD88) 以炒香的椰菜花、椰菜為主，惹味十足。而且還特別加入了煎香的年糕，相當有飽足感。想繼續吃點惹味小食，可以選串燒。燒豬頸肉 (HKD 38/串) 帶有明顯焦香與油脂香氣，配搭青蔥來吃。牛胸爽 (HKD 28/2串) 外層香脆，內裡帶嚼勁，入口滋味十足。燒鱔 (HKD 53/串) 厚切鱔魚一串已份量十足，在烤完後將魚油充分逼了出來。魚皮微焦，魚肉則仍然保持細嫩多汁，對比醬香會是吃到魚肉的鮮甜。再來更邪惡的 - 燒雞皮 (HKD 28/串) 不是整塊燒到乾的那種，是外層燒到脆口，内裡則保留柔嫩感。燒粟米 (HKD 22) 香甜的粟米粒粒飽滿，灑上調味來燒更加香氣十足。燒多春魚 (HKD 28/4條) 味道較鱔魚清淡，所以有對比下會覺得一般。一夜情 (HKD 28/份) & 兩情相悅 (HKD 38/2串) 是熟客必點的經典。前者選用中翼夾芝士腸，鹹香滿滿，雞肉與濃郁的芝味完美融合。後者是用雞皮包裹蝦滑拼煙肉包裹墨肉滑，帶出雙重口感。最後吃完一輪重口味料理後，不妨來吃 田園拼盤 (HKD 88) 加入火鍋中煮後湯頭更添清甜，非常適合結尾。
繼續閱讀
乾鍋海中蝦熱鍋香噴噴上檯，海蝦走油，蝦肉爽口彈牙，鍋底是辣椒、花椒、洋蔥、椰菜花等，配料好入味，麻辣味十足，好過癮。涼菜點了2款麻辣豬肚絲，麻辣香加上花生碎及乾蔥，頗開胃。夫唱婦隨，即是金錢肚牛舌，爽口。兩情相悅，是雞皮蝦滑拼煙肉墨魚滑，雞皮燒到如脆卜卜的薯片，包著彈牙蝦滑好夾，而鹹香的煙肉包著墨魚滑。燒聖子王聖子入口彈牙，加上炸蒜、蒜蓉等好惹味。燒白鱔白鱔肉厚肥美，外皮香脆。一夜情 啖啖肉的雞中翼夾著芝士腸，口感豐富。品嚐完乾鍋、涼菜、串燒後，美食陸續有來點乾鍋會送湯底打邊爐，有6款湯底，我們選了雜菌。手打墨魚丸質感軟身，口感彈牙。日本廣島蠔，大隻漲卜卜，鮮味。新鮮花甲，相當鮮甜可口頂級手切封門柳色澤鮮紅，肥瘦適中。店員介紹淥三秒就食得，肉質好軟腍無根，牛味濃郁，齒頰留香。乾鍋惹味，串燒出色，火鍋配料又好新鮮，當晚我們吃得很盡興，好滿足。
繼續閱讀
心血來潮想食雞煲，當然去佐敦隨變，食左十幾年，質素好隱定，餐廳除咗雞煲仲有串燒都好吸引，以前放工最鍾意約埋啲同事一齊去宵夜，今次晚飯時間食，去到發現有好多款乾鍋，即刻點左乾鍋醬汁雞同乾鍋龍躉背翅，宜家點乾鍋仲可以免費送一個湯底俾你打邊爐，揀左麻辣湯，呢度任何食物嘅辣度係可以自由選擇，但係辣度會比出面辣D，我平時食米線食中辣，呢度食小辣已經覺得好辣，所以大家要留意🤭涼菜都好多選擇，點咗尖椒皮蛋同埋偶然相遇（即係木耳蓮藕）味道酸酸辣辣好開胃等乾鍋上枱前，仲點左幾串串燒，黑牛封門柳，燒雞腎，燒白鱔，調味加左孜然粉，好有重慶風味到主角之一乾鍋龍躉背翅出場，龍躉肉爽口彈牙，背翅有好豐富膠質，乾鍋配菜仲有菜花同年糕，份量十足乾鍋醬汁雞，熱辣辣香噴噴，秘製醬汁爆炒雞件，惹味到想送碗白飯送咗個麻辣湯底，當然要叫返啲配料烚吓烚吓，點咗個牛魔王拼盤，有齊封門柳、安格斯、牛頸脊、牛柳粒、牛柏葉同黃喉，全部牛肉好高質，封門柳肉味濃，牛頸脊淋滑，黃喉有咬口，食左咁多肉，當然要加兩個菜中和下🤭
繼續閱讀
好耐無試過一大班人食飯，近年都唔知有無超過5次約埋10個人一齊食飯，咁難得有依個機會，當然要點多d野食。點解會黎依度聚會，除左因為佢夠地道和十幾年老店外，就係欣賞佢地嘅食材款式多變，就算你係度點雞煲、干鍋款式，都夠你眼花瞭亂，而且佢地重會開到凌晨，係現今社會已相當少見，去食宵夜串燒都係一個不錯的選擇。先來一些開胃前菜小吃涼拌窩筍、涼拌花甲，個人覺得夠麻夠辣，窩筍爽脆清甜。花甲肉質嫩滑，鮮味突出，齒頰留鮮。食主菜前再點串燒，自從去完台灣和日本後，漸漸愛上左食串燒，多人食先可以多幾款。燒雞皮、燒雞心、爆爆腸、燒雞橫隔、燒豆卜、燒粟米、燒鱔等等，總有一款你鍾意，個人最鍾意燒鱔和爆爆腸。燒鱔肉質滑嫰多汁：外層香脆，爆爆腸雖邪惡，但入口肥美香口，勁惹味。人多就叫多幾個鍋干鍋、雞煲，隨變麻辣雞煲當然唔少得，配料豐富多樣，雞件滑嫩入味， 麻而不燥，辣而帶香，令人一試上癮。我地另外點左龍躉干鍋、干鍋羊蹄煲、干鍋菜。每一款干鍋都各有特色，味道都好出色，但個人最愛干鍋羊蹄煲，惹味之餘，骨膠原豐富，入口即化嘅口感最令人難忘。
繼續閱讀
今次收工同同事去咗食雞煲，嚟咗佐敦嘅一間雞煲，呢度有乾鍋雞煲、有湯嘅雞煲、串燒等，超多嘢食😋😋🐥 隨變招牌乾鍋我哋叫咗個亁鍋醬汁雞（$198/半隻），叫咗小辣🌶️對我嚟講都有啲辣，食得好過癮！除咗雞件之外，鍋裏面仲有洋蔥🧅、蔬菜🥬，煮出鮮甜味～🍢 串燒之後我哋就叫串燒為主，叫咗✨蒜蓉燒扇貝（$58/隻）、✨燒牛舌心（$50/串）、✨黑牛封門柳（$32/串）、✨燒牛肉丸（$28/串）、✨一夜情（中翼夾芝士腸）（$28/2隻）、✨兩情相悅（雞皮蝦滑拼煙肉墨魚滑）（$38/2串）、✨燒墨魚丸（$23/串）全部串燒都係即叫即燒，熱辣辣，又燒得皮香肉嫩😋 好正🥳 我最鍾意牛肉，封門柳、牛肉丸、牛舌心🐮都好正，牛肉香嫩又彈牙🤤 一夜情同兩情相悅就好特別，口感豐富，都好推薦～
繼續閱讀