影片
更多
2004-03-16
5 瀏覽
星期一放假同老婆元朗一日遊，一個當地地膽朋友推介陸記，話值得一試。就同老婆來吃了。唔來都唔知，原來元朗區有二間陸記，呢間就係第二分店，元祖店及第三分店都在又新街那邊。兩點半過後來到，想不到間舖都坐了一半人，仲有人陸續來幫襯添。我們叫了大辣的麻辣牛展粉、五香牛腩粉同紅燒腩肉粉，原以為佢份量不大，而我地又無食早餐，兩個人食三碗粉應無問題，誰不知米粉份量不少，結果最後一碗是剩了半碗粉，浪費食物，罪過罪過。大辣的麻辣牛展粉真係幾辣，但就齋辣不麻，食左幾口已經滿頭汗，吃不得辣建議叫小辣好了；佢地強調湯底是豬骨老雞湯底，都幾好味，我們都飲了很多，相信不會不下味精，但食完也不特別口渴；舖面的有幾多的花生粒同蒜片，花生不太脆，蒜片就味道很好，令碗粉生色不少；都有幾多牛展，有八、九塊，味道有點辣辣地，炆得入味，不太腍，有咬口，有水準；五香牛腩就炆得好腍，亦好入味，都不差，但比起牛展就給比下去了；紅燒腩肉又係煮得入味，多肥少廋，幾掂，亦有水準；米粉是粗身的桂林米粉，比較爽口而無咁煙韌，個人比較喜歡西環洪記那些桂林米粉，但老婆就喜歡這裡的。連埋三杯飲品，埋單只48蚊，但份量是三個人食都足夠，好抵！食食下至發
我們叫了大辣的麻辣牛展粉、五香牛腩粉同紅燒腩肉粉，原以為佢份量不大，而我地又無食早餐，兩個人食三碗粉應無問題，誰不知米粉份量不少，結果最後一碗是剩了半碗粉，浪費食物，罪過罪過。
大辣的麻辣牛展粉真係幾辣，但就齋辣不麻，食左幾口已經滿頭汗，吃不得辣建議叫小辣好了；佢地強調湯底是豬骨老雞湯底，都幾好味，我們都飲了很多，相信不會不下味精，但食完也不特別口渴；舖面的有幾多的花生粒同蒜片，花生不太脆，蒜片就味道很好，令碗粉生色不少；都有幾多牛展，有八、九塊，味道有點辣辣地，炆得入味，不太腍，有咬口，有水準；五香牛腩就炆得好腍，亦好入味，都不差，但比起牛展就給比下去了；紅燒腩肉又係煮得入味，多肥少廋，幾掂，亦有水準；米粉是粗身的桂林米粉，比較爽口而無咁煙韌，個人比較喜歡西環洪記那些桂林米粉，但老婆就喜歡這裡的。
連埋三杯飲品，埋單只48蚊，但份量是三個人食都足夠，好抵！
食食下至發現原來這裡的燒腩同鹵水豬頸肉是該店的「誠意推介」，而還有個甜品叫水晶涼粉的好似幾吸引，下次一定來試這些。
食完才看食評，首先幸運地我們沒有發現小強，是一間小店，衛生不是非常好，但眼見仍可接受；第二招呼的兩個阿姐服務勤快，仲同D熟客有傾有講，叫佢又即該來，無問題吖；第三是有錯單的情況出現，原本果碗牛腩佢俾錯牛展，但都立即給我們換番，亦無大問題。
總括來說，食物夠份量，味道不錯，價錢又平，值得一試，至少比吃附近那個牛丸大王好吧！
張貼