陸記正宗桂林米粉

營業中

休息中

餐牌上有惹味之選,清淡之選和麻辣之選,我就選擇左惹味之選既紅燒排骨米粉+豆漿($26)米粉好粗身,好似烏冬咁,食落去外表"林",內裡煙韌,我不太喜歡這種感覺,湯底好夠味,不會太味精,紅燒排骨夠入味,但味道既濃度不算是惹味,肉既部份好少,骨比較多.最後都飽飽地,水晶涼粉($13)都係外賣返屋企食,水晶涼粉好Q呀~~~煙煙韌韌,有D會煙韌D,有D會"林"D,無咩味道,不過D奶好甜,甜到有點不能接受.埋單$39蚊,我用兩張20蚊比錢,竟然找兩個五毫子比我,我當然要求要1蚊銀啦!!(我好介意係食店收毫子)

深圳之旅回港後, 飽飽滯滯, 什麼都不想食, 但係老公又未食晚飯, 佢又驚我唔食, 半夜會肚餓, 所以我們還是出了去元朗搵嘢食, 由於外出時間太晚, 根本就沒什麼可以選擇, 而且我太疲倦沒胃口, 所以吃什麼都沒所謂最後選擇陸記是因為想試佢嘅水晶涼粉, 我們點了雙豬飯同豬扒飯餐, 包水晶涼粉同凍檸茶論價錢此套餐實在經濟實惠, 每人大約$35就可以食到份量十足而又可滿足三個願望的晚餐論味道, 此套餐只能填飽肚, 完全未達到可口的水平絕代雙豬飯是燒肉拼燒豬頸肉附肉燥, 豬頸肉不似燒, 似是滷水, 肉燥正常但不可口, 飯是腍的, 比較可取的是燒肉, 燒肉皮燒得好脆, 只可惜肥肉太多, 實在吃不下豬扒飯亦是好一般, 跟茶餐廳的炸豬扒差不多, 不用特意走來這裡吃期待已久的水晶涼粉雖然樣子討好, 但亦是沒些驚喜, 而且還不夠凍, 影響了其可口的程度, 實在可惜可惜我還是努力不來, 最後要老公幫手清碟了, 辛苦晒

這裡雖然很擠迫, 但麻辣大腸和雙豬飯超好味, 而且最愛甜品水晶粉, 每次都食埋男友那碗。價錢很便宜, 服務不過不失啦, 都算ok的。桂林的營業時間好像至凌晨一點, 好夜...

到底吃的是米粉還是米線?未吃過比米線粗的米粉吧之前有一段日子常去元朗無意中看到這間店,好米線之人一定會二話不說去試這種米粉比米線粗DD,但食落比較彈牙而嗜辣之人,別以為"桂林"就一定有辣湯選擇該店既"辣"係由自己話事佢提供幾款,有辣油,辣粉,辣椒仔,等等不過如果對於可以食得好辣既人,呢種做法就麻麻地LA.因為如果湯底唔夠味,好容易就會俾D辣搶哂D味至於飲品,同一般米線餐廳一樣,不過總括黎講,都食得OK La,價錢合理,服務一般,有機會都會再光顧

同個fd去呢間食晚餐叫左個雙豬飯同炸大腸飯雙豬飯好似冇想像中咁好,燒肉皮係脆,不過係硬囉...唔係鬆脆 ; 而豬頸肉就好普通 , 冇乜特別反而炸大腸就有驚喜 , 外脆內軟 , 有口感水晶涼粉幾新鮮 , 不過我都係鍾意平時黑色個d涼粉 ,事關佢既水晶涼粉冇左平時個d草本既味道 , 感覺上冇咁清涼 價錢公道 味道不錯 有機會下次會再去

今次去食下午茶。我還是叫我最愛的東坡肉米粉，東坡肉香得不得了，米粉也是很有口感。激讚！！！媽媽叫了炸餃子米粉，聽到她吃得咯咯聲，脆的說。甜品也是我們的重點。水晶涼粉聽說是桂林特產，透明的涼粉沒有傳統涼粉的那種苦澀味，超好吃的說！

其實我已去過很多次了不過第一次寫食評我最愛這間的米粉真是又滑又好食!還有白色的涼粉,只有這裡才食到jar!好特別好好食~每次必叫!!

由於唔駛等位, 所以入去試試叫左一個雞扒米線, 一杯凍奶荼雞扒米線 - 湯底無特別, 只食到好多炸garlic既味道, 件雞扒好油凍奶荼 - 好難飲, 實在太難飲! 忍唔住同亞姐講: 杯奶荼無味亞姐: 係咁架啦我: 你飲下, 真係無味然後佢拎我杯奶茶入廚房再俾返我, 我一飲, 淨係飲到甜, 但甜同茶味係兩回事元朗餐廳多不勝數, 以咁既服務態度+食物質素真係無法吸引我再去食

我已經不是第一次陸記,幫襯的次數已多到忘記了,這裡招牌菜有桂林米粉,珍珠飯,水晶涼粉等......雙豬飯即係豬頸肉+燒肉,還有肉燥,個燒肉皮脆卜卜,炸得剛剛好,又唔會太鞋,好好味,豬頸肉,肉質爽口,亦都唔錯,好好味,...咖哩雞扒飯,雞扒幾厚肉,幾滑,咖哩汁好香,唔錯,唔錯...水晶涼粉,本身我係唔食涼粉,但這一間d涼粉好特別,透明的,晶瑩剔透,加埋花奶,應該唔錯既,食入口好有咬口,幾正架,唔錯,唔錯

山長水遠入黎元朗搵朋友, 去左呢度食佢地的絕代雙豬飯餐一碗老火冬瓜湯, 不過佢地好似無用豬肉煲, 唔係幾好飲一上碟飯, 就聞到一陣香氣, 首先係個燒豬頸肉, 好香, 又唔會煮到韌哂(我的確食過一d 煮到韌哂的豬頸肉), 而且燒得幾有味; 之後就係個燒腩肉, 佢最正就係夜晚食時都係咁脆皮, 就算係燒味店, 好多時夜市時都已經唔脆而令我最深刻的, 就係個肉碎, 佢唔同出面食到的款式, 佢呢款係家鄉式, 味道比較淡, 但係都有香味, 除左係我屋企, 我未試過係外面食到同樣味道的肉碎連埋凍飲都係$35, 合理

太懶了!!很久沒寫食評!!!今天的天氣熱得很,, 本來打算食粥的念頭打消了.依稀記得這店的食評不錯便進去了...!!眼見周圍的人都飲凍檸茶 先來2杯!!消暑吧~要了一個腩肉米粉及麻辣豬耳飯.隨飯餐送一個糖水.誰不知先來糖水..........其實外貌挺特別 食下去只不過覺得是涼粉質感加奶 沒特別!最重要的是......唔凍..!暖的............要我把凍檸茶的冰加在碗內..之後便上麻辣豬耳飯...先嘗麻辣豬耳..幾入味.. 其實有少少偏咸 但不俗.唯一要彈的是飯不夠熱,, 而且偏濕.至於腩肉米粉方面,, 腩肉不過不失,, 沒特別.米粉口感幾好 有咬口. 比一般的粗.但湯底沒味道又不夠熱 只靠galic 片的味道吊味!食完也快快收碗收杯野飲收糖水.茶餐廳的服務.如果當普通食飯就可以.不用特意去試.但下次有機會的會試下燒肉 希望不會令我失望.

都有幾個月無幫襯陸記, 突然想食 燒肉飯, 就走左入來燒肉飯 $31, 飲品/湯 + 甜品要了個例湯, 只搵到一件冬瓜甘大把, 個湯無乜味, 失敗九點半先食燒肉飯, 所以燒肉已經不夠脆, 凍左仲覺得偏肥, 伴飯的肉醬及菜, 份量也縮左水招牌甜品 - 白潦粉, 亦已不再好食, 起碼不夠凍而且我已是一早聲明食左飯先上甜品的如果不是這樣, 侍應會一次過將甜品, 餐飲及飯送到面前到時就要食微暖的涼粉, 仲慘招呼 : OK啦環境 : 好逼, 加上落雨, 地下好濕味道 : 燒肉凍左, 唔好食價錢 : $31, 有飯有湯有甜品, 便宜過快餐店的

兩個人, 是但食D野就算啦, 就係行過就是是但但入咗去呢間試, 都唔好食既.我地都like 食麻辣既野, 但覺得佢d 湯唔夠麻, 唔夠辣....要再落辣油先夠味.略貴, 唔值.

我果日放lunch,,喺E到叫左個雞扒飯食 .. 等得耐唔再講 到碟飯黎 ,,我食第一啖 簡直想嘔 d飯凍冰冰 好似食緊格夜冷飯咁 又硬wo ..搞到我冇晒胃口 ..食都冇食 . ..

今天和女友分別order了蒜香豬扒及雞扒米線,及加杯凍飲,塊豬扒真的很香, 唔會"乾憎憎"又好夠味, 啲雞都算幾滑嘅,而米線食落好彈牙,我們都食得好滿足, 值得一試!!