陶源酒家 (已結業)

呢間野有一個好處~就係經常都唔會好多人~唔洗排隊等位=)而佢d野食~我覺得都ok ga!不過就唔算多野食~~流沙奶皇包:個人認為個樣好靚~食落都幾好味,因為個包夠軟,唔會好鬼實~最緊要個涵唔會太熱,岩岩好=)其他仲有好多ga點心都幾好食~好似鮑汁鳯爪咁,我就覺得好正~我丫爸次次都會叫碗白飯黎送~我就好like食鮑汁鳯爪裡面個d花生!!哈哈!!而佢亦有個魚翅雞湯好便宜~咁當然唔會係d咩野靚翅~但係味道都ok ge!仲有d馬拉糕我都好like食!因為夠軟又唔"念"牙!仲有佢d炒飯都唔錯!~聽講有個炒飯仲拎過獎(不過我唔記得叫咩名嚕)晚市d小菜~個人認為味精比較重同口味都重,不過除此之外~味道都唔錯ge...而佢出名ge炆鮑魚~個人認為都ok啦~不過我只係食過一次~仲要係好耐之前~(但個次食~係冇唐心ge...)總括黎講~都唔錯ga!!最緊要唔洗等!!哈哈!!

在工廠區沒什麼好吃, 突然看見陶源的招牌, 立即上去!服務一流, 一坐下立即介紹美食, 花膠扒正做promotion, 百多元一大塊 (相片只是三分一塊), 用鮑汁燴, 經理還介紹用鮑汁伴白飯哩~另外, 點了脆燒膳、燒雞、海味上湯浸冬瓜, 還有一個冷盤有螺肉及雞腿姑, 全部味道也很好. 最後, 甜品吃了椰皇燉燕窩, 又香又滑, 不會太甜, 完美的晚餐~

看到報紙有優惠, 鮑魚魚翅餐每人只需 $218, 於是訂座跟外婆慶生日. 可能係商業區, 故晚飯時段並不太多人.員工的親切招待令我們一家都感受到.這個套餐共有六個主菜 + 兩個飯後品, 當然我地咁大食緊係唔夠, 於是散叫多兩個食品 :- 高湯黑松露燴翅 : 真材實料, 好味道- 蠔皇鮑魚伴玉掌 : 鮑魚入味, 連玉掌都好好味- 頭抽煎大虎蝦 : 咁大隻, 連殼都想食埋- 蟲草花泡翡翠 : 翡翠其實係皇帝苗, 味像唐"澳", 又像西芹- 瑞士釀鳯翼 : 即糯米釀雞翼. 用了錫紙包住翼尖, 免得弄污客人手指, 很體貼的安排- 築地蒲燒鰻魚 : 肉嫩但皮較硬, 我略嫌鹹左少少- 嶺南美點 : 即係燕窩椰汁糕, 夠香椰味- 鮮果拼盆- 冰燒三層肉 (散叫) : d 燒肉好脆皮, 不肥不瘦, 個個都讚好, 不愧為招牌菜- 福建炒飯 (散叫) : 飯夠爽, 汁也適中, 廚師功夫真不錯飯後個個都話好味, 加上服務週到, 我地會再試!!!!

090316蝦餃鮑汁叉燒飽金獅脆麻花香煎花枝餅香煎蔥花蝦腸鮑魚瑤柱珍珠雞上湯灼菜芯$38冰燒脆腩仔$78鴨舌拚海蜇$48海蝦煎麵蛋白杏仁茶$22 x3茶、加一合共$531.00蝦餃同鮑汁叉燒飽，就係一般水準，好普通冇特別脆麻花好香口鬆脆，糖漿唔過甜香煎花枝餅，煎得過油，冇墨魚味蔥花蝦腸，半煎炸，好脆口，會食唔停口鮑魚瑤柱珍珠雞，有荷葉香味，但係調味唔夠，好淡上湯灼菜芯，幾爽口冇過淋冰燒脆腩仔，皮脆又去走咗肥肉，肉味唔濃鴨舌拚海蜇，滷水味好怪，鴨舌同海蜇都彈口海蝦煎麵，有幾隻海蝦酶咗，麵煎得香脆蛋白杏仁茶，好浠冇杏仁味

星期六返半日工，H & K 如常於放工後去嘆茶，今次 K 選了這間就在 H 公司旁的酒樓試下，我們點吃了牛肉 ==> H 無食，K 話一般炸芋盒 ==> H & K 都覺得好味，但底部略為多油喎奶皇飽 ==> 一般，不流沙呢!!花枝餅 ==> 味道一般總括食物，環境及服務都可接受，有機會再來埋單: $120 ==> 價錢都可接受

下午多數與同事光顧，服務及出品都唔錯，剛巧有家人生日，所以便嘗試食晚飯。去到人客較午市少，環境好清靜及舒服，見到有功夫菜式，覺得幾有趣便叫了幾款試下，味道相當唔錯。當晚服務好好，服務員好細心，見到老人家凍即刻拎披肩。

驚喜之作 ~ PART 3最後此兩款均為兩食 :乾坤冬星班 ~ 一半蒸, 一半炸 !蒸果面好味! 但另一半炸浪費了條魚 ! 砂鍋雞煲翅~ 可以看到用足料雞去煲呢個翅 ! 而且 翅 既份量都唔細 ! 此 SIZE 雖為4人份量, 但絕對有多 !SERVICE 很好, 可能是平日關係吧 !有2 hrs 泊車服務 !唯一最不滿係侍應就有少少強迫人點紅酒囉 !!!

驚喜之作 ~ PART 2忘記補上 食鮑魚前有杯西柚汁給客人飲用 都好正 黃油蟹粥 ~最差的一款菜式. 是八月頭關係吧 ?? 不是季節嗎, 定係陶源不是黃油蟹出名 ??帶子西蘭花 ~冇諗過帶子炸都 OK 南非龍蝦伊麵 ~ 每人都分到唔小分量的龍蝦仔 ! 正 !

驚喜之作 ~ PART 130頭日本吉鮑 ~ 鮑整到好淋 ~ 配上鵝掌,正向螺榣柱冬瓜盅 ~湯好鮮甜 , 估計是向螺榣柱的關係 , 不過向螺可能煲得太久, D 味落晒去果湯度 !楊支金露 ~ 啖啖芒果肉呢 !片皮雞 ~ 想不到片皮燒雞係最好食的一款 ! 有三層, 餅乾+燒雞+生果, 好有特色 ! 看得出廚師的心思 !

2月份，公司春茗，因為是小公司，只擺兩桌因為去年春茗在這裡吃過覺得很好，所以老闆決定再來，還要吃的好點頭兩道是鮑魚和雞湯翅，這兩道是令人對之後的食品也很有期待的菜式，始終是主打菜吧，很好吃。鮑魚火候夠，又易切。雞湯翅用料夠足，湯味香濃，而且翅也不少，是交足貨了。但是後面的食物……難吃的我也沒去看菜牌那些是什麼。最令人「難忘」的是炒飯，真是炒飯，怕你們不知它是炒飯似的，炒的燶燶的上來，吃下去的味道只有一個：燶！服務方面，也許是客人比較少，又是高級酒家，再加上我們兩桌訂了貴價的酒席，再加上老闆有派利是，所以幾乎有兩個侍應全程招呼，禮貌交足總體感覺是：廚師只專注於弄主打廣告菜式，其他菜式都馬馬虎虎的弄。難怪有食家說侍應們只推介他們吃鮑魚了

下午去飲茶, 食了很多點心飯麵, 食物質素不錯, 但服務有待改善.賴尿蝦腸粉–香是夠香, 但有點過火, 肉有些鞋.蝦餃–皮煙韌, 蝦爽口.旋風流沙奶皇包–流心熱辣辣, 好味啊!糯米雞–汁不夠香, 糯米則夠淋.臘味炒飯–偏油不太香, 可能本人不太好臘味之故.菠菜汁蝦球炒河–賣相幾好, 玻璃蝦球在翡翠汁下顯得閃閃發光, 雖則蝦球只有爽脆不重鮮味.芒果糯米糍 –忌廉太多, 芒果不足, 突出不到芒果味.蛋散–油吸得不夠好, 都算脆熱.

同屋企人食餐晚飯,其實得4個人,又唔係什麼特別節日,所以都只係諗住是但點幾味小菜.坐低睇個餐牌,個部長即刻過來說我地食鮑魚同食翅,我地當然唔會咁做啦,咁佢又話佢地呢度係出名食鮑魚喎,佢都有少少黑面,(當晚係平日,真係冇乜客)之後重行開懶理我地!咁o既服務態度,就算有錢食鮑魚都唔來呢度食啦!

上次打左篇野俾個人DEL左...我都係講事實...D野食好難食服務又差整親人都扮冇野又貴又唔抵

好同意之前有人0既講法, "禁"住黎劏. 9個人食, 原本話三千幾埋單變左四千幾.又唔知0係邊度整左個套餐出黎, 果盤又收成六十蚊.d野又難食, 個象蚌pong又加0的油炸鬼同熱湯, 標晒油咁...難頂!!!但就成千幾銀......服務又差, 千祈唔好去!!!!!!

老人家請食晚飯, 又貴又唔好食之餘, 有d比人當水魚的感覺!上星期五老人家話請食飯, 話要食鮑魚, 所以就去咗官塘開源道間陶源. 老人家先到, 所以開始寫菜, 我哋遲咗d 但d菜未寫好. 個伙計係到緊同時, 我哋問佢要菜譜, 十問就九唔應. 猛同老人家講菜單. 我哋猛叫佢要菜譜, 佢就一枝箭咁標咗去落單. 老人家就客氣咁話, 食好d!六個人叫咗五個菜:一個湯鮑魚–同象根無分別, 好韌. 切到d汁彈晒出嚟, 又趙咗好耐, 而且好鹹條魚–ok隻走地雞–比d罐頭蒜頭醃到d肉有d梅.其他兩個菜都係普通. 個湯係冬瓜盅–湯底混濁, 佢話用新鮮螺頭, 但識煮食d人一睇就知係乾螺頭, 而且未出夠水, 所以d湯底咁混濁.總共依食咗$4,444. 一d都唔直! 一定唔會再去!