陵發潮州白粥 (已結業)

9月1號四圍立立亂。。估唔到呢間OpenRice話長期爆場。。今晚竟然得六台客😅😅失望的潮菜。。。朋友多次推介呢間太子陵發。又話好多時會爆滿。。。今晚專登去試。。我心想一定試鵝片🦆。。叫個蠔仔粥。。椒醬肉。。叫支啤🍺。。結果只能消費120埋單🙈🙈🙈 。。先來椒醬肉。。。真係物價貴就加價啦。。真心未食過大量洋蔥炒椒醬肉（單拼45）再來蠔仔粥。。。叫做正常。。點知。。食食下。。侍應就話無鵝片wor。。局你食鵝件（舖面掛住好幾隻🦆🦆🦆)。。算。。你吾想開。。就取消吧🤷🏿‍♀️ 費事再叫任何野。。(間野開到凌晨。。未到10點就話唔開滷水鵝。。玩我咩）

事情係咁既 有日突然想食豪仔餅 打冷野身邊人就諗起啲間鋪頭陵發潮州白粥唔好諗住呢間只係一間鋪頭仔實情係三間舖位再加上樓 門面光猛7點幾時 已經人頭湧湧我地兩個叫既野唔多1 細鵝片每片鵝片都好大塊 啖啖肉下層放有豆腐加花生2 細豪仔餅雖然話係細 但都炸得好大件 仲有好多豪仔新鮮炸起 脆卜卜 每人一支汽水 一邊食 一邊飲 一邊傾計二人合共$245呢間鋪頭 餐牌雖然只得一張但都好多人幫襯可能因為呢個原因所以食物方面感覺上都比較新鮮即叫即整

朋友生日揀係太子食飯，明知食晚飯時間周圍都好多人，間間都要等好耐。突然提議打冷，自然諗起陵發。行到去都好多人等緊位，我地要等8張枱，不過老闆話好快，咁就信下佢🤭個度地方好大，有2個鋪位再加樓上雅座。最後大約等左20分鐘就有位啦，超開心。不過人太多，所以環境好嘈。餐牌選擇唔算好多，但一定夠你食飽。每款都有幾個價錢，因應價錢供應相對份量，覺得好合理，一定唔會浪費。啤酒款式都好多，藍妹姐姐亦好落力。最後叫左5樣餸，整體份量適中，味道不錯，我覺得鹵水鵝超正，送啤酒真係一流。唯一真係比較嘈，傾計就比較難D，可能呢d係另一種風味🤭最重要係食物好，服務好就值得再去。👍

酷熱天氣警告下，稍等十五分鐘都覺得是煎熬今次我地叫咗煎蠔餅，涼瓜鹹菜排骨湯，韭菜豬紅同埋滷水墨魚拼盤。涼瓜湯嘅甘味特別突出，特別鍾意豬紅嘅口感，比坊間食到嘅豬紅出色。至於煎蠔餅嘅蠔仔非常飽滿，唯獨蠔餅嘅粉比較多同有一d翻炸嘅感覺，如果只係比較蠔餅的話，我會比較鍾意西環德記出品嘅蠔餅總結黎講，出品整體係高水準嘅，再加上有性格嘅店員，係值得再黎嘅。

Delicious and cheap, this place is great when you're craving for some daa laang.You can order up to three types of marinated food - we had squid, pig ears and pig intestines. Their marinated goose was also good. I loved the pig ears that were done to chewy perfection.No daa laang meal would be complete without oyster so we had oyster pancakes and oyster congee.We also had a bowl of coagulated pork blood. It wasn't bad, but I'm also not a fan.Though the "big eye chicken" was tasty, it was a littl

身為一個打冷愛好者，雖則打冷食物來來去去都係嗰啲，但都食極唔厭，食舊鵝肉，飲啖夠凍啤酒，爽呀！今次來到陵發，都知佢名氣大，晏少少來到都要大排長龍。所以成班人一收工即刻彈射來，就不用排隊了。我地嗌左：三拼鹵水，有豬耳，生腸，鹵肉。生腸略嫌無味，好un...豬耳同鹵肉都好好吃。韭菜豬紅。很不錯，大大碗。豉椒炒蜆。失望。根本無炒，只是淋個汁上去。蠔仔粥。蠔仔好大隻，好鮮，大大煲，又飽又滿足！蠔餅。多蠔，夠脆！總括而言，都係好吃嘅，只是價錢偏貴，例如魚飯要180元條！

屋企人突然話想食潮洲打冷，就醒起太子陵發的打冷，老豆話鹵水同啤酒是絕配。這裡的菜單不多，我們點了鹵水三拼的鵝腸、豬耳和五花腩，豬耳很爽脆，三樣都非常入味，加點辣椒更加美味。鹵水鵝我們只點了例牌，鵝身非常嫩滑，不會覺得太肥，加點醋令鵝味更加出眾。腐乳通菜，幾乎大部份人都點，是灼的而不是炒，所以不會太油膩。

這裏和其他的打冷店最大不同的是他只專注做打冷，香港大多數的店通常都係做一些小炒，這裏只有打冷或潮洲食品。點選三款食物試試先，韭菜豬紅，豬紅唔會一夾就散，成功韭菜淋身無渣。豬耳鵝腸生腸三拼，豬耳爽脆入味，鵝腸通乾淨彈牙，生腸有咬口。整個拼盤教人回味之後就是南乳豬手，真不曉得為何有那麼好吃的豬手給我吃到，肥大的豬手炆得軟淋。一咬下陣陣南乳味飄出來。皮，肥膏，肉和少許筋在口腔交織最美妙的音樂，不捨得呑下。吃打冷最重要的就是一碗潮州白粥，沒有什麼特別，任何人都做到的一個白粥，而講究的是這個高水準的食物配襯。

每次係太子附近覓食，朋友都會推薦陵發，因為獨愛佢既飽滿蠔餅，由於我無太好呢味小菜，加上唔中意佢無價錢既餐牌，所以每次都揀左其他餐廳。最近發現佢個餐牌終於有價錢，而且食物種類比幾年前多左，所以順朋友意再去試。星期三晚上7點到達，唔駛等位可以直接入座，不過食完8點出番黎，已經有唔少人等梗位。我本人一直都麻麻地食大排檔類型既餐廳，因為兩個人黎食，小菜份量太大、最多只可以點兩個小菜，而且平均價錢唔平，每道菜已迫近百元。而陵發就人性化d，小菜有得揀size，兩個人黎食就可以點多少少~第一道菜一定係十枱有十一枱都會點既煎蠔餅 $85雖然話係細份，但其實份量十足，蠔仔比得唔手軟，啖啖都有蠔，重點係蠔仔夠大夠飽滿，唔會食左落肚都唔知，又無腥臭味，呢個價錢真係超值!! 不過都幾熱氣下，食完即刻覺得好上火，如果飲得既話，一定要叫埋鬼佬涼茶，下一下火。第二道都係同蠔有關既蠔仔肉碎粥 $55份量大概係一個車仔麵既大碗，兩個人淺嘗呢個份量就岩岩好。蠔仔同蠔餅一樣大粒，所以粥水好有蠔味，另外仲有方魚碎，粥水飲落好有鹹香味。最後係打冷不可缺少既鹵水拼盤 $100(墨魚、鵝腸拼鴨腎)墨魚比較淋身，唔夠彈牙；鵝腸肥美又

今天去了位於太子的陵發潮州白粥打冷食潮州嘢，本人對潮州嘢沒有太大的好感，但這間位於新填地街的潮州打冷舖保留了傳統的特色值得推介。我們點了滷水拼盤，豬紅韭菜，炸蠔餅，滷水蛋，和滷水鵝及潮州白粥。值得推介的是炸號蠔餅，有別於一般潮州餐廳的煎壕餅，這樣做出來的蠔餅更具層次感和鮮味。韭菜豬紅，也值得輕輕一推，很少吃到豬紅有這樣的口感，有咬口又不大血腥味。其餘的東西中規中矩，服務很好，衛生一半，大概這就是潮州打冷吧。

最近都忙得不可開交，好耐無去食好西🤦🏼‍♀️之前趁住星期六得閒同朋友去左食潮州打冷，呢道菜色選擇唔算多，但勝在簡而精😝一行四人點左蠔仔粥、蠔餅、鹵水豆腐、鹵水拼盤和韮菜豬紅。雖然無影到蠔仔粥和蠔餅，但呢兩道一定係必點推介‼️呢兩道菜係十分足料，蠔仔本身肥嘟嘟，十分鮮甜，仲要蠔仔比例多至好似唔洗錢😍而我地點左生腸、墨魚、鵝腸呢三樣既滷水拼盤，再加個滷水豆腐，全部都滷得好入味，滷汁好香仲要唔會死咸👍🏻👍🏻👍🏻最後仲有我食打冷必食既韮菜豬紅🤤豬紅完全無血既腥臭味，煮得好入味，仲要舊舊豬紅都好大塊，韮菜又多，好正呀🤩埋單每人百幾蚊，抵食呀🤑.

三月十四都同兩個麻甩仔去打冷，就知小編仲未揾到我既浩南。不過唔緊要，因為中西意日韓入面，小編偏愛中菜，例如係酒樓、打冷、上海菜等，食好嘢仲實際啦。今次三人行去左太子陵發打冷，但適逢小編岩岩病完冇乜胃口，我地只係叫左幾樣嘢。如果小編戰鬥力回復100%，一定可以試多幾樣嘢。首先就係必食的蠔仔粥，啲蠔仔真係好飽滿，有半隻我既食指咁大粒，好鮮甜。但成窩粥既湯水就估左一半，粥料就比較少，大概每人兩個碗仔既份量，但蠔仔都有三十粒左右。記得menu上有幾個size, 個樓面叔叔就話三個人叫第二大既就ok，我建議可以叫大一個size，因我覺得呢樣係最好食，同埋量真係唔多。仲有最重要係，如果你同小編一樣唔鐘意食莞茜葱，一定要走青青青，重要既嘢講三次。另外就叫左炸蠔餅，好食，好鬆脆，啲蠔係一樣咁大粒，係食過既蠔餅中最好食既(利申: 小編好少食蠔餅)。仲有叫左鹵水拼盤，揀左鵝腸，墨魚同腎，鵝腸係最好食，但一百蚊嚟講，就份量少左啲。最後仲有碟油菜，好油。因為唔記得每樣幾錢，所以唔特別提啦，總之埋單就330，冇加一的，總括來講質素不錯。

Happy Friday 放工同班同事4個女仔去左太子食打冷！間鋪好大，有兩個鋪位，但可能星期五晚，所以好多人等位我地等左半個鐘就入咗去啦！因為我哋好肚餓所以嗌咗好多嘢食！🥢蠔餅［😈😈😈😈(😈)］食潮州嘢當然唔少得蠔餅!蠔餅嗰張好酥脆，啲蠔好大隻，亦都好鮮甜，正都不得了！🥢鹵水鵝同鹵水拼盤 ［😈😈😈(😈)😈］因為自己對我本身冇特別大興趣，所以我主力都係食佢啲配菜，即係豆腐🤣滷水汁好香 ！豆腐都鹵得好入味，正！🥢韮菜豬紅［😈😈😈(😈)😈］香香辣辣，豬紅無怪味，送酒一流🍻🥢蠔仔粥［😈😈😈😈(😈)］大地魚炮製嘅粥，好香，再加上肥嘟嘟嘅蠔仔同埋肉碎，好食👍🏻👍🏻我哋食到好飽都係百幾蚊，抵食🥰

我未試過係大陸.........但我就成日係香 港 吃 潮 州 菜 ， 最 普多既算係打 冷 。 打 冷 檔 通 常 以 食 物 滷 水 鵝 、 滷 水 墨 魚 、 魚 飯 及 鹹 菜 炆 魚 等 適 合 送 粥 送 飯 的 小 菜 為 主力 。以上都係我中意架....不過相信我見到台台都有人叫既就係滷 水 拼 盤 ...拼 盤 內 有 香 腸 、 生 腸 、 大 腸 及 豬 頭 肉 。 滷 水 的 香 料 味 濃 ， 最 正 是 豬 頭 肉 ， 口 感 爽 滑 。其次就係大 眼 雞 不過當然係凍食架喇~ ， 普 寧 豆 醬 緊係要用來吊起鮮 味 。

星期五嘅晚飯，為免等太耐，六點半就入座去食晚餐。上左二樓，當時只有四五枱有人坐。到我哋走嘅時候，已經要等位。兩個人食飯，個餐牌得一張A4紙，兩頁，我哋好快揀左三樣食物：滷水拼盤 - 三拼 $100我哋揀左鵝腸、生腸同墨魚。拼盤上枱時係暖暖哋嘅，有少少芽菜鋪喺下面。最有驚喜係生腸，佢會俾埋腸頭/反腸你，多幾個口感。其他味道同想像中差唔多，都有淡淡嘅滷水味。隨碟附送「辣椒醬」一碟，岀奇地夾，少辣，記得點下！（$100 一碟，單、雙、三拼，都係一個價錢。）蠔仔肉碎粥 一碗 $55好有味，蠔仔肥美，我哋每人食左兩碗之後，仲有好多蠔仔。白焯白菜 $35比想像中大菜，啲菜係粗壯嘅。兩個人咁叫啱啱好，七成飽，再可以飲杯珍珠奶茶。