陳新記

營業中

休息中

2018年1月13日星期日今日車屋企人同埋親戚游車河，終點站係香港仔鴨脷洲。有人提議去食下午茶。就揀咗陳根記，之前淨係喺度試過食海鮮估唔到下午茶都幾唔錯都有唔多唔少嘅嘢食選擇。大約三點鐘入到去雖然唔使排隊但係都差唔多座門晒人。六個人就叫咗兩份陳根記三寶，揸片頭炸魚皮同埋炸雲吞。唔知係咪太肚餓一見到大家就係咁食完全唔記得左影相。我自己最鍾意食炸片頭好好味，好彈牙同埋粉唔厚。之後再食咗一個粒粒西多士，好食同埋幾特別奶茶亦都唔錯。周圍其他人都係食海鮮，我見到啲海鮮都好似煮得唔錯。下次都要試吓喺樓下買海鮮再上嚟㗎加工。至於環境方面街市來講都算乾淨，不過地下有少少濕老人家就要小心一些啦

在附近工作的我…同事都說這間的西多士很好食，於是在下午茶時間就每人叫了一份來吃！它是一口的西多士，但是每一粒都很肥大！是厚切來的！西多士裡面沒有花生醬，而是另外上的，對於不食花生醬的朋友們是很貼心的舉動！滿滿的蜜糖和花生醬，雖然是外賣但熱熱脆脆的口感真是的非常好食！總共有9塊，雖然說是一口，但對女孩子來說應該是2～3口，很抵食！雖然這間店本來是做海鮮的…西多士不是主菜，但這個絕對會是我下午茶的首選！

帶外國朋友看香港特色及吃有風味海鮮，我會喜歡帶佢哋來香港仔鴨利州市政大樓吃。 首先價錢又唔貴又夠地道，朋友又可在街市自己挑選喜歡海鮮。 想吃幾靚幾貴幾平幾抵海鮮也有，又可感受一下香港文化。 買完行幾步上一層，就見到幾間熟食小店。 我會一直行到最入＂ 陳新記＂，佢哋通常也滿座要等位。 在等位期間，店員就會問或建議各款海鮮煮法。 一般也是清蒸丶椒鹽丶避風塘風味。 通常坐下不久，海鮮也會好快到。 加工費唔算貴，佢哋其他菜式味道也不錯。 椒鹽瀨尿蝦炸得夠香脆，炒得夠惹味。 新鮮海鮮即炒，全爆膏超美味）蜆炒到剛剛熟👍鮮魷就炒得一般豉油皇炒麵(炒得夠鑊氣，配搭海鮮)

友人加親人雙雙推薦此處，今天有緣來此一嘗。便重要是把所有招牌菜都試了。首先點了招牌三寶。炸魚皮的的確確無懈可撃，很薄很脆很薄。炸雲吞可以，餡𥚃略帶一點冬菇味。炸魚片頭也可以，彈口，只是我不是片頭的愛好者。再來是南乳豬手，很淋很入味。然後也是招牌的西多士。這道小吃好味在所有東西都十分平衡：炸漿，糖漿，花生醬，牛油，和面包本身的質感都很好。絶對是必吃（我們先後叫了三碟）。跟著我們在街市買了六，七種海鮮，計有蟶子，鮑魚，魚，糕蟹，蜆，蝦。手工很好，蒸，炒，湯樣樣佳。最後叫了一碟豉油王炒麵。不是我的茶，但用來試廚房的功力。麵很乾身，不油膩，有鑊氣，很好。走之前外賣一客招牌：柱侯牛腩。牛腩汁非常厚身，難得把牛筋也煲到溶化。充滿骨膠的汁也有美顔效果。

今日阿Sir請食飯！當然要「食好啲、食豪啲」啦！🤣一於去食海鮮餐！自從港鐵通車後，去香港仔食海鮮真的方便了很多！利東站A出口：鴨利洲大街，一條長通道直行便到了！先去街市買海鮮，各式各樣，可按個人喜好，有很多選擇。買了海鮮交到食店，便由大廚安排煮法😋我們一行十人，買了不同類型的海鮮，真的很豐富😍赤米瀨尿蝦泥鯭蜆扇貝蠔象拔蚌三點蟹石斑仔龍蝦鮑魚一口多士仲叫了碟菜，真係好豐富，好美味！買料平均每人$200，食店每人$100包括汽水啤酒。平均每人$300，抵食！

朝早有客來睇廠，老頂諗住個客睇完廠就同佢食飯再摸摸底，挖生意，點知個客唔領情，搞到條預先訂咗嘅生猛石蚌和花蛤無人問津，變咗益咗我哋做o靚嘅去食。未夠十二點，我哋就跟老頂車，飛車去鴨脷洲街熟食市場，嗰度得番一間開檔 (可能係休漁期關係)，中午時間，特別好生意，相比我哋廠就拍晒烏蠅，我哋老頂一片愁容。天氣熱，坐低就整枝樽裝可樂解下暑。然後睇下有咩好食，氹下老頂。先來個招牌菜柱侯牛腩。好腍，不過鹹咗D。另一個招牌菜係三寶，即係炸魚皮、炸魚片頭和炸雲吞。碟頭大非常大，食極都食唔晒。點沙律醬或甜辣汁來食都幾好食。條魚係新鮮石蚌，用嚟清蒸，唔知係咪客人多的關係，舖頭兼顧唔切，蒸得太熟，嘥晒條魚，老頂好唔 happy。再嚟係鹽油水煮花蛤粉絲底，撞鬼! 又係熟過頭，老頂對眼厲住我哋，我哋都唔知講咩好，我哋兩個知“訂”，唯有夾手夾腳隊晒條魚和碟花蛤。最後，驚老頂肚餓，叫番碟肉絲炒麵俾佢頂肚，佢食咗兩啖，大讚好食，佢當堂笑番晒。

终於等到放午飯嘅時候、忙完一個上午更係要医吓個肚啦、公司附近冇乜好食、就搭車去左鴨脷洲街市、睇吓有乜嘢食先、完全忙記左係休魚期、索性係樓上大排當、揾左个位、望吓餐牌、就叫左个肉絲抄面加個招牌牛腩再踅支大啤先、牛腩好味、抄面麻麻、午餐食飽肚就算唔好要求咁高、下次再食好啲。

幾位識食好友先到鴨脷洲街市買料，包括三味魚：瓜子、杉斑和大方利，再攞上街市熟食中心「陳新記」加工，最後點埋陳新記馳名夠哂香脆嘅西多士做甜品，大家滿足之餘所費卻是不高，性價比爆燈。

去開香港仔 聽講鴨脷洲市政大樓，有好西，就過對面 但唔記得邊間 1：36PM上到去，要歡迎光臨 間間都好爆，都有啲有做緊海鮮加工 最後見到呢間最吸引 餐牌 呢邊太普通 奶茶紅豆冰，應該唔錯 麵 原來呢邊有更多小食 1：59PM特色奶茶紅豆冰 $20聽講係名菜，難得奶茶唔甜，有茶味配紅豆啱啱好 2：03PM蒜蓉豬 $12無配法包，配豬仔，係另外一種脆 牛腩+魚片頭撈麵 $27+5=$33原本叫冷麵，但阿姐話無，所以試撈麵，原來係粗麵有柱侯味，但原來全部都係牛筋，一舊腩都無 呢個後加 2：14PM 炸魚片頭 $21/細 乾身，無浸過湯，真係香口好多 2：24PM 呢個最後，唔係後加，但最遲到，要追 招牌一口西多士 $23 有牛油、花生醬，仲有…… 今次唔係糖膠，而係煉奶

今日去到鴨脷洲，特登上左鴨脷洲街市食晏叫左一碗魚旦米粉同一碟一口西多本身係叫左魚旦瀨粉，可惜今日瀨粉賣晒魚旦依舊彈牙，一碗內仲有魚片，份量都幾多，一碗夠晒飽肚之後再食埋佢個一口西多，一大片西多士平時食得多，依家佢切左一粒粒，增加左油炸嘅面，一口食落啱啱好！加上佢唔係用糖漿或糖膠，而係用煉奶加花生醬，我覺得甜度適中星期六日中午時間一定會好多人，我就揀左下午兩三點去。店員其實都好好，唔會話因爲多人就做到炆，反而仲要盡量幫你睇下有無位

經文章介紹，為咗西多士同炸魚皮三寶而來， 所以當然一坐低就會即刻叫咗呢兩樣啦，之後再嗌咗個魚蛋牛腩粗麵， 男朋友就話啲牛腩炆得幾淋幾入味唔錯， 而我當然就比較欣賞我至愛嘅西多士啦， 至於炸魚皮因為食唔到出名嘅狗棍魚， 但總括嚟講都係得魚蛋比較好食，雲吞冇所講嘅咁出色，反而啲蝦唔算太新鮮。 呢度最有特色嘅畫面就係隔離左右啲枱大部分人都係食緊海鮮，原來佢哋係會喺樓下街市選好材料，就買上嚟畀加工費就可以，見到啲海鮮咁吸引，反而下次有機會想試下，因為鴨脷洲大家最出名嘅就係海鮮

假日要去郊外行下先會身體好, 但有咩動力好得過你行完山食餐勁既呢?!今次由灣仔出發行去香港仔再搭街渡過鴨脷洲街市就係為咗食食食!!! 朋友推薦呢間既一口西多同紅荳奶茶, 當然除咗呢2樣要食之外緊係海鮮啦~炸魚皮夠脆口又唔會好硬身~白灼海蝦, 爽口彈牙~豉椒炒聖子皇, 聖子好鮮甜, 炒得岩岩好唔會太熟, 正呀!紅荳奶茶D紅荳好綿好香豆味, 奶茶又唔會奶味太重搶晒D茶味~得呀!!!椒鹽鮮尤, 即叫即炸~外脆內軟, 又唔會好油膩~真係食完仲想再叫多碟, 果皮蒸鮑魚唔會蒸過咗火, 咬落去唔會"un"仲有淡淡既果皮香味~扇貝就同平時差不多普普通通啦~條魚唔記得係咩斑, 好滑好鮮味~仲叫圭佢招牌豬手同牛腩真係好香炆到好入味仲要好淋身完全冇晒D肥膏, 真係啖啖肉, 爽呀!!! 油鹽水花甲唔會有沙, 但如果大隻D就仲好啦~最後叫埋個一口西多士做結尾, 今次真係做幾多運動都冇用囉~哈哈!!! (海鮮係樓下買再拎上嚟加工)

聽聞鴨脷洲市政大樓內有很多有質素的大排檔，今天終於有機會來試吓，中午時段每檔都擠滿得水洩不通,只有陳新記有位，見這間沒有人等位，所以就幫襯。我地叫左炸吞雲，但是全碟雲吞炸到黑焦色的，相信是油用了很久沒有更換，又或者是翻炸過火才有這樣情況，皮炸到是苦的，內的蝦肉不新鮮，牛腩河湯沒有味，(即腩汁）牛腩非常硬，炆得不夠冧，根本是咬不開。奶茶只是用溝開茶膽來做，沒茶味沒奶香,乾炒牛河沒有鑊氣兼油淋淋，成碟油，相都不想拍，總之連填飽肚子的基本要求都不能達到。

日間來到鴨利洲街市，海鮮多到令我有選擇困難症，避開了最繁忙的午飯時間，Book了1點半枱，一行人同老闆交代了煮法之後，便點了這裡的三寶作佐酒小食有炸魚皮，炸雲吞，炸魚角很快正式上菜了椒鹽鮮鮑蟶子上枱沒有華麗的襯托但完全不影響大家食慾，秒殺椒鹽班馬尿蝦，本身味道已經比一般尿蝦鮮甜，走油落鑊時間剛好，肉質扎實水份亦能保存沙河粉蒸蟹，墊底沙河粉滲透蟹的鮮甜味道香煎鮮馬友，雖然煎散了但味道仍了得有睇頭的炒麵當然菜是不能少飯後甜品，聞名街坊的一口西多

上次刻意坐港鐵來到鴨脷洲，本來為了拜訪試食鴨脷洲熟食中心「陳新記」，和「陳新記」的「金字塔」一口西多士。可惜碰上「陳新記」休息，第二日我再來鴨脷洲一趟，不用做「劉備」，不用「三顧草廬」，第二次就見到「諸葛亮」，應該是「陳新記」的一面了。原來想吃一些薄有名氣的地方食店，就像劉備想找諸葛亮出山做軍師一樣，都是只是靠緣份而已。第二日來到鴨脷洲熟食中心，「陳新記」終於有開…………燈，而不是開門開閘營業。因為「陳新記」跟大部分鴨脷洲熟食中心的食店一樣，店門沒有鐵閘大門可以關閉，只能等鴨脷洲熟食中心深夜正式休息鎖大門，才算真真正正的「休息」。由於「陳新記」舖位位置於鴨脷洲熟食中心內，所以連「陳新記」連檯櫈，也變相要與熟食中心內其他食店共用。我現在的記憶「遠好過近」，即時間跟自己越遠的事情，反而會記得比最近發生的事更清楚。還有，現在一些越瑣碎、越複雜的事，不用紙筆，或者手機內記事簿記錄的話，我可能會記不住。所以現在的我之所以還未能再次找工作做，除了因為身體有事要經常去醫院診所覆診之外，亦因為我現在記憶力大不如前，沒有太多的工作適合我。說回當日我終於找到「陳新記」，和「陳新記」有名的「招牌一口西多士」