陳新記

營業中

休息中

因為要去欣賞珍寶最後嘅一刻風景，所以我呢個新界仔都專程過去香港仔，佢之前一定要做資料搜集有咩正嘢食。首先一定要去幫襯粉艇，之後就係去鴨脷洲市政街市度食呢個好出名嘅西多士，結果沒有令我們失望，佢係炸到好金黃而且一粒粒好易一口食，最特別係佢同平時嘅西多士唔同，係煉奶同花生醬係淋喺個面度，好正。另外叫了一碟炸雲吞炸、魚皮炸、炸魚角，即場炸起熱辣辣好正。下午茶再叫埋凍檸茶，絕配！雖然環境係好一般，但食物已cover 了。

✨招牌一口西多士🍞💰33💫評分: 8.8/10📝西多士切開咗一粒粒，續粒炸到脆卜卜好香口，堆到成坐小山咁，有好多花生醬、煉奶，面頭仲有牛油，再加埋糖醬超邪惡，3-4個人share會無咁heavy，一定要留肚食🤩熱辣辣即叫即炸💯，用少叉吉嚟食好方便！✨炸雲吞💰27(細)💫評分: 8/10📝如果多啲人可以叫招牌炸三寶(細)［💰63起］就有晒炸魚皮、炸魚片頭、同炸雲吞，我哋就叫咗炸雲吞，同西多一樣熱辣辣，即叫即炸，少油不過超鬆脆，入面個餡料一啲都唔求其，蝦好鮮，必食，點個個醬喺泰式辣醬+沙律醬🥰，比平時嘅酒樓食嘅炸雲吞更加脆薄‼️陳新記（鴨脷洲）📍鴨脷洲鴨利洲大街鴨利洲市政大廈1樓(利東🚇A2出口行1分鐘就到)💫評分: 8.2/10💬仲可以喺下邊街市買海鮮加工，多啲人食海鮮會抵啲，推介大家可以行香港仔水塘再黎食，行完山⛰️好攰💤好肚餓，就更加食得津津有味🌈❤️‍🔥再訪？🅈🄴🅂#美食 #香港 #街市美食 #香港美食 #followforfollow #foodieblog #instadaily #foodporn #hkfoodblog #discoverhk #tagsforlike #food

一口西多夠脆夠熱夠新鮮，醉炸魚皮夠開胃，今日一行12人分兩枱去到位於鴨脷洲市政大樓嘅熟食中心，自攜游水海鮮，帶埋一個興奮嘅心情，做就左10碟佳餚，夠曬鑊氣，屋企絕對做唔到.

🥢鴨脷洲名物粒粒西多士招牌炸三寶🥢之前已經Plan 了行程去開鴨脷洲要去一去街市上的市政大廈入面的小炒檔，今次唔係去食海鮮，係食佢地最出名的粒粒西多士，同招牌炸三寶🥢今日星期日，估唔到晏晝去到都超多人，好在只需要等一陣就有位，環境係大排檔熟食格局比較嘈吵，不算太污槽🥢招牌一口西多士 $33西多士切開一粒粒大大件，成座小山咁非常誇張，一口絕對咬唔到，要分開兩三口食，入面仲有好多花生醬，煉奶同牛油，非常邪惡，最好同幾個朋友Share 先食得曬🥢招牌炸三寶 (細）$63起香港仔另一名物係即炸魚皮，炸魚片頭，同炸雲吞，想一次過食曬三款可以點呢個三拼，熱辣辣即叫即炸非常香口，由其係炸雲吞非常鬆脆而且鮮味，絕對是必食🥢紅豆冰$22奶同水溝埋一齊淡茂茂，紅豆幾甜起沙，可以skip咗佢嗌第二啲嘢飲🥢隔籬枱有好多都係，喺下邊街市買海鮮來加工，睇落台台都有食海鮮咁滯，下次經過開都想試吓📍陳新記 (鴨脷洲)鴨脷洲鴨利洲大街鴨利洲市政大廈1樓

開返堂食，嗱嗱臨入左鴨利洲陳新記食反個海鮮餐先，買哂海鮮上去樓上加工一行四人，加工七樣野，薑蔥炒蟹，蒜蓉粉絲蒸扇貝，豉椒炒蟶子王，上湯龍蝦伊麵，白灼蝦，椒鹽鮑魚同蒜蓉開邊蒸琵琶蝦，大飽口福薑蔥真係足料到爆，豉椒炒惹味，伊麵掛到龍蝦汁。真心係第二個地方食唔到甘好食既椒鹽鮑魚。 仲有蒸野無過火，食海鮮好怕食到啲海洋靭左。結果水準高十分滿意埋單海鮮加工費都唔洗500蚊，又平又唔洗自已煮，一定會再encore不過飽得滯食唔到最出名既一口西多士，下次啦！

抵食公道陳新記去咗鴨脷洲大街市政中心既陳新記醫肚，之前已經有聽講過呢間野有兩種食法一係喺樓下街市買海鮮上去加工二係食佢既招牌野食。一口西多士，炸三寶，豬手、牛腩、招牌魚湯底粉面人多緊係可以食曬兩種食法啦。但係今日得四個人，你眼望我眼邊食到咁多，不過都決定放假都對自己好啲，整番個海鮮大餐慰勞下自己😍入到去個環境同普通市政中心一樣，正正常常無咩特別，老闆問我地食粉面定海鮮加工，我哋其中有個團友突然想食面，於是就問係咪唔可以撈埋？佢話可以，其實嗌乜都得，就叫我地揾佢新抱落海鮮單講低點整新抱仔話由於二人一枱關係要分開兩枱坐，就安排我地企埋一個唔會撞到既位置等位，夠細心！加分👍🏻好快就可以坐底，仲安排到兩張附近枱比我地，好彩唔洗坐到好遠，仲比左幾隻碟我地分食物用叫左碟炸三寶，四個人叫左份細Size，三寶入面有魚皮，魚角，炸雲吞，炸到剛剛好，魚皮唔腥又唔會好油膩，香口脆卜卜，魚角外脆內彈牙，雲吞脆薄香口，三樣野不分高下，唯我獨愛魚皮多D👍🏻👍🏻呢碟一口西多士係新抱仔推介，佢話係黎到必食既，一上枱，粒粒大小均一，舖滿鍊奶同花生醬，大方唔孤寒，咬一啖外脆內軟，充滿蛋香，夾埋啲醬好好味，果然係必食！👍🏻

換左後生新抱話事煩到不得了規舉又多一班人舉手比佢點人手， 要企埋一齊要求客人： 你企lee到， 2 批人吾好企埋一齊， 你坐邊到等幼稚園咩食物方便， 3 寶依舊正但我買左千幾蚊海鮮加工後， 實在好吾掂扇貝咬吾落， 過晒火生蠔超厚粉魚蒸得尚可加了2 碟炒粉麵，3 寶， 多士， 飲品lunch 8 人埋單1200

今日同幾個朋友行完山去陳新記食午飯，在樓下買咗條魚，一斤赤米蝦及其他小小海鮮，另加碟菜及陳記三寶，加工出品及食物中規中矩冇特別，想叫碗飯食話沽清，惟有叫炒米粉但幾難食！最後同朋友一人叫咗一個外賣柱候牛腩，點知返到屋企打開原來係一碟超級難食嘅豬腩，成大陣騷味，我同朋友都倒左碟嘢落垃圾桶！咁做生意真係離晒大譜！我哋唔會再去啦！再睇下1月6日強制檢測公告詳情 Item 44 先發覺鴨脷洲市政大廈需要強檢，請大家出入小心。

今日兩家人一齊來海洋公園，去前當然要醫好肚，我們來到珠記日間- 陳新記！嘩不得了！我們點齊它們的招牌菜！招牌三寶、南乳豬手、西多士、奶茶紅豆冰。我一定要說他們的招牌三寶真的好味到不得了！炸得薄脆香口，不論魚皮、魚片頭、炸雲吞都十分出色，尤其魚皮好明顯是自家出品，十分薄皮，非買入的貨色級別，！另外他們的西多士，令到全臺細佬不停想encore! 不過他們的粉麵可以skip, 不是不好食，只可說正常，只因其他太出色給比下去。

繼續利東站一日遊嘅第二part，我哋去咗街市嘅熟食市場，試吓呢間好出名粒粒西多嘅舖頭。本來想買海鮮上嚟加工，但係舖頭話已經就快收工，所以就唔接生意啦，啲小食都仲有供應我哋就叫咗佢嘅炸雲吞同埋粒粒西多士一口西多士一份大概有七至八粒，但問心幾失望😞因為原來係一早炸好，上到嚟已經唔係熱嘅😑😑😑😑因為已經凍咗嘅關係，其實已經係比較硬身同埋比較油。炸雲吞佢哋係用正方形嘅雲吞皮對摺變成三角形，雲吞嘅餡料係豬肉同埋蝦，餡料其實都唔算好飽滿，但係新鮮炸起都脆卜卜，自己偏好係食一粒粒嘅咋雲吞。總結係只可以話佢嘅口味唔啱我

千里迢迢黎到鴨脷洲試下佢個西多， 掃兩次安心出行都已經夠唔方便… 😐一黎到見枱唔多 但都坐滿左…諗住問下有冇外賣嘅西多..點知有個好勞嘈嘅阿嬸鬧個伙記 話：”冇呀！咁多都做唔切..唔做呀..唔做呀..唔做外賣呀!” 😡然後係冇人理我哋嘅情況之下，諗住係d枱隔黎等一陣…d阿姐一落執枱執櫈又望下唔地，但完全冇諗過理我哋存在…🤯環境已經好迫，地下污糟邋遢..都好正常因為市政熟食多數都係咁…但咁差嘅服務態度真係睇一次見….. 都未食都已經咁樣….😤3:00開始下午茶..3:20就話唔做西多外賣 仲要枱都摺埋唔俾你等….. 黑人問號❓咁討厭多客不如執左佢 唔好做 安享晚年！😳望落去人哋食緊果碟咪就係骰仔西多，又乾又唔夠煉奶…仲有人食淨哂….真係聞名不如見面地垃圾！🙄

📍陳新記Every now and then, as a Hong Konger, there will be this sudden craving for a good 西多士 and 紅豆冰 combo as afternoon tea!陳新記‘s bitesize 西多士 is fried perfectly with loads of peanut butter. The bread is fluffy and thick with a strong egg flavor! It goes so well with the 紅豆冰 which is not overly sweet with well cooked red beans. Perfect Hong Kong style afternoon tea! Price: HK$50 pp (afternoon tea) Revisit: 9/10

黎到鴨脷洲，一定要試下熟食市場過下口癮網上面好多人介紹陳新記既一口多士，我都唔執輸試試佢，再叫多碗腩肉魚片頭賴粉兩個人share食就啱啱好啦多士老實講又唔算好驚艷，有空氣感但蛋香唔夠，花生醬幾足料同個包幾脆口個粉冇特別，腩肉口感幾特別好似混合左啲牛筋，個人幾鐘意，不過個湯愈食愈咸，真係食到生腎病

同朋友去完水上樂園後，的士吾洗跳標，地鐵1個站就到。鴨脷洲大街熟食中心，樓下街市撰想食既海鮮，樓上有幾檔，但賣魚呀姑極力推介陳新記，自製豬手，豉油王炒麵，炸三寶係必食，睇個名以為係茄子，青椒。肥老闆話每天親手包既炸雲吞，炸魚皮同魚片頭，仲有出名到震既一口西多士，配練奶同花生漿完美，一份有9細粒。我地7個人食左2碟先夠。椒鹽賴尿蝦加工費用$70合理，其餘食品都親民吾貴，玩到無曬力黎醫肚一流，埋單仲可以用向種電子支付好方便。

鴨脷洲覓食: 到熟食中心一楼尋找相傳入口即溶之一口多士！找到了陳新記……食客非常多; 多是携海鮮加功，我地則找美食！叫了一口多士、三寶、肉絲炒麵; 多士真的很邪惡呀！入口即溶……有煉奶、牛油、花生酱; 炸三寶:魚皮脆、魚片頭香、雲吞皮更脆; 肉炒麵: 麵餅脆脆; 連奶茶的茶胆也香、濃、純……值得再回味