陳新記

營業中

休息中

今次黎到利東市政大樓食海鮮，呢度出名在可以起樓下街市買自己既心水既海鮮⋯再攞上去熟食市場搵人煮⋯因為佢除左整海鮮快靚正外，仲有一個必食地道小食一定要叫 （賣個關子先😆）我地4個人食左幾道海鮮包括：白灼鮮蝦、蒜蓉蒸聖子、炸魚皮雲吞拼魚角、炸鯪魚球⋯炸野外脆內軟，火喉岩岩好；而且佢地對每樣海鮮都好熟悉，所以都會介紹返點整先係最原汁原味⋯食到8成飽就係時候要叫呢度既招牌小食⋯西多士! 呢度既西多士係一口份量，而且有濃厚既花生醬同牛油，加上炸到岩岩好⋯外脆內軟，絕對有驚喜！

為左西多而來....點知其他野都超級好食😋正正正“陳新記” 位於鴨脷洲熟食街市內環境尚算乾淨企理 👍🏼秘製牛腩撈粗麵 👍🏼真係秘制 真係好特別 夠入味 又不太濃牛腩淋 有牛筋位 有軟骨位 三十幾蚊 問你怕未？一流👍🏼招牌炸三寶 <魚皮，雲吞，魚片頭)有驚喜！新鮮炸起 雲吞皮唔會碎晒 炸完之後餡料蝦肉豬肉 仍然食得出味道真心 ...... 我食過最好食的炸雲吞魚片頭 炸完有啲脆卜卜嘅感覺有魚味👍🏼 點沙律醬食勁正😋😋主食已經好高分數....輪到最邪惡嘅一口西多士 熱辣辣新鮮做起 香脆非常 花生醬牛油煉奶夠曬多但又不會過甜大大舊 有口感 麵包夠軟熟極滿意👍🏼不枉我為咗你而黎

假日就周圍遊下，今次黎左鴨脷洲試一試佢呢間好出名既一口西多😍😍😍呢間店係街市入面既熟食市場非常易搵👍🏻👍🏻👍🏻今次我地淨係食西多加炸薯條碟西多一上枱，我地都一齊講左聲好邪惡呀～😍😍😍食落口係脆脆地😍😍但個花生醬本人覺得淡左啲，睇落好正，食落正常

今天來到陳新記，我是這店N年前的常客。鴨脷洲自地鐵通車後，大街的商戶迎來了春天，熟食中心各個商號，都做起海鮮的來料加工生意，很難訂位。在這裡提提大家，熟食中心一樓洗手間的裡裡外外，地面都很「跣」，容易滑倒，千萬小心。坐下看看menu，都是些“大路嘢“，很普通，就點了個牛油方包+火腿奄列+叉燒湯意+凍咖啡=＄37。幾分鐘後送上，嚇了一跳！陣容何其壯觀！是自己點的餐怨不得旁人，只有“自食其餐“，埋頭努力，就先吃體型最苗條的方包吧！一咬…抹的牛油誰家的？這麼牛逼！味道真好，又香又滑，一件方包期望能吃到天荒地老，結果幾十秒吃完。從前最愛吃陳新記的叉燒，令我滿有期待，但…失望了！只有五塊的叉燒太瘦太“鞋“，一點肉汁也沒有，很乾癟，要花些牙力才可咬開。港式意粉還好，沒有太熟，份量很多，一定夠飽。已經吃不下了，還得努力將火腿奄列送進五臟廟，這雞蛋和火腿的組合，平凡卻安全。雞蛋卷煎得微焦，顏色漂亮，火腿絲也沒出甚麼差錯，沒有很可口，卻也不差勁。凍咖啡一口氣喝到底，忘掉細味舌尖的感覺，只是奶味好像不夠。多年未到，沒有很失望，昨日的花花草草、飲飲食食…經過潤色；天下無敵。從前的好，是回憶的好。

鴨脷洲美食多不勝數，今次嚟到位於熟食市場二樓嘅陳新記，試吓招牌一口西多士 當日下午三點嚟到，環境非常熱鬧，幾乎每枱都有叫一口西多士。下午茶都幾多選擇，同普通茶記一樣 小編同友人叫咗招牌一口西多士，再加一杯紅豆冰。<招牌一口西多士 $29> 西多士賣相好吸引，每舊都炸到金黃色，如麻雀般大小，好厚身。上面嘅牛油大大舊，啲醬非常多，真係好邪惡 咬落去熱辣辣，脆卜卜，唔會太甜，雖然比平時啲西多士厚身，但面包好夠軟熟，味道可以，而且有新鮮感 不過小編覺得啲醬太多，食到第三舊已經開始覺得油膩，而且味道其實同普通西多士無分別，所以認為不妨一試，但唔需要專程嚟到試<冰凍紅豆冰 $20>味道較為強差人意，唔夠冰，一啲都唔冰凍，而且第一啖飲落去啲奶未完全混和，搞到好甜，唔太推薦Overall，小編認為如果順路可以不妨一試，但唔需要專程嚟試，因為都係普通茶記嘅味道，而且性價比唔高，試一次就夠

去鴨脷洲辦公， 匆匆在openrice爬文，選擇了在這裡食午餐，但時間緊迫，放棄了海鮮。吃過了炒粉麵飯，果了腹但好像還缺少了些什麼。幸好多叫份西多士，肚皮才真正感到滿足。

招牌炸雙拼$48有齊雲吞同魚片頭。個炸雲吞令我超驚喜🤩雲吞皮唔係一咬就碎到一地都係果種，有彈性煙煙韌韌咁，好食🤩入面粒蝦都好有鮮味👍🏻👍🏻魚片頭都好正好彈牙😂不過真係有啲貴，幾舊野都已經成50蚊⋯另外仲叫左一口西多士，啲醬多到誇張，熱辣辣食不錯的。多士入面略嫌乾左啲⋯建議可以搽返多啲醬係入面中和返😂紅豆冰奶茶個配搭麻麻地，加上唔夠冰，可以唔叫😂值得讚既係夥計姨姨們好有禮貌👍🏻見到我地張枱污糟左主動抹返好👍🏻

嚟到鴨脷洲，專程去呢度食招牌一口西多士，真係無得輸，食過咁多次西多士，呢間嘅一口西多士係最最最好食!佢炸到脆卜卜，淋上花生醬,牛油同煉奶，賣相超得，襯熱食👏，好正!必食!😄

聞說鴨脷洲大街美食多, 於是趁假期攜眷一探虛實🏄陳新記位於鴨脷洲市政大廈熟食市場, 鴨脷洲在香港仔對面, 食肆都提供海鮮加工, 望見一圍圍八餸一湯, 極之惹味😋時為三點三, 試試兩款勁熱氣的招牌小食一口西多士$29🔥一口西多麻雀大小, 炸得金黃, 色澤均勻不油膩, 脹卜卜咬下去質感軟實, 加花生醬煉奶和一小陀牛油😴略嫌甜味不足花生醬過稀炸雲吞(細)$24🔥餡小皮大, 看起來像金魚, 皮薄酥香不油膩,餡料一小啖肉餅無蝦😥配沙律醬同m記泰式酸辣醬, 擔當招牌小食的話略嫌斤量不足🙉搵食後記: 結賬時隔離枱上飯後甜點, 竟然是堆成小山的紅豆粒粒西多士，這道隱藏菜色令人心心眼

招牌一口西多士 $26見到枱枱都有一碟！厚身既一口西多士堆成一座小山，上面淋上練奶，西多士底下就加左花生醬，西多士粒好肥厚😂，麵包口感軟熟，沾上溶化既牛油、練奶同花生醬同吃，甜度也剛好，味道不錯，但未至於要專程去食🤣。 招牌炸雙拼 $45；魚皮 $20見到人地一大盤炸物咁送到，K都忍唔住邪惡一下，K首先叫左雙拼，即係炸雲吞同魚片頭，再加魚皮就要20蚊😃應該係新鮮即炸，因為黎到仲好熱辣辣，炸雲吞細細隻，好薄脆，有啲似食錦滷雲吞既口感，中間餡料則是免治豬肉同小蝦；魚片頭幾香口彈牙，但覺得油左啲；魚皮炸得香脆，入口仲有卜卜聲嫁！

難得放假又好天就唸住約好朋友行肉桂山😎🌞但行之前我地就去左醫肚先😊去左呢間位於鴨脷洲既市政大廈陳新記食呢個一口西多士❤️之前睇電視介紹過己經好想去試下😋果然無令我失望 ，佢地既西多士係即叫即整，超級好味🤩一啖放哂落口，又多花生醬同煉奶，又香又脆卜卜，食既時候係新鮮炸起，仲係熱辣辣👍🏾之後，我仲叫左一碗叉燒魚旦粉、三寶（有炸魚皮、炸雲吞、炸魚旦）都係即叫即炸😍👍🏾、仲有佢地既招牌豬手，豬手好入味，而且佢個粉好大碗😂差d食唔哂🙈認真好抵食最後要介紹埋佢地個秘製辣椒油🌶真係好正因為我本人好鍾意食辣野，個辣油只係滴左幾滴已經好辣好香，所以建議有朋友仔去記得一開始唔好落咁多🙈但係由於我地去既時候有好多人，所以輪候既時間就會耐d，我地有問老闆您如果想加工海鮮就最好打去預先預約，佢地就會留張台比您地，所以我決定下次要再試佢地既海鮮加工😍呢間野值得推介👍🏾👍🏾不枉此行，可以食飽飽去行山

多年沒來食， 差左很多， 牛腩河之牛腩件件厚肥膏，都唔知咩黎， 簡簡單單菜軟牛肉飯都要等20分鐘，服務員只回等吓， 態度不好。 不是食海鮮加工，基本不用來， 此店是趕客，不用來

心思思去陳新記食下午茶，叫咗份一口西多，呢度嘅招牌除咗海鮮之外，一口西多都好出名。賣相好魔鬼，一層一層的一口西多，由上而下淋滿煉奶及花生醬，味道不錯，但西多略嫌麵包口感比較鬆散，水準無以前咁好食。

又心癢癢要食海鮮，今日去嘅時候有點遲，都好驚人地收檔。好快咁揀完買完就上去啦，第一間真係比人拒絕咗，要準時收工。第二間陳新記就肯接埋我地張單啦。因為想要碗白飯送條魚食，又好肚餓想食住啲嘢先，就叫咗個招牌豬手飯。豬手有兩大舊，一咬就化，十分軟綿，入哂味，唯覺八角味重咗啲。惹味豉椒炒蟶子仔，豉椒汁惹味咸香。蒸海魚蒸得超滑，熟度完美。陳皮鮑魚的豉油比蒸魚的來的清香。第一碟菜可能是粉麵的油菜，所以感覺是已經煮得很淋才去炒的。邪惡的西多粒，加煉奶，牛油和花生醬，正。店家後來換我們的生菜。

年廿八，做埋今日收爐，中午，車房大佬請我哋一班同事去鴨脷洲陳新記食海鮮。 佢好神心㗎，一早就去咗漁灣街市買定條游水石蚌，然後，又在鴨脷洲街市買瀨尿蝦、赤米海蝦和花蟹，拎去俾陳新記煮俾我哋食。 呢度好熱鬧，氣氛好好，我哋除咗食車房大佬買的海鮮之外，仲食埋呢度的招牌菜三寶，即是魚片頭、炸魚皮和炸雲吞，又食豬手、牛腩、肉絲炒麵、楊州粉飯，蒜泥炒生菜。 以上幾味水準都唔錯，牛腩又腍又入味，三寶各有奉場客。炒飯、炒麵其實一般般。 至於大老買啲海鮮梗係頂呱呱啦，陳新記整海鮮確係有一手，絕對無糟蹋啲新鮮游水海鮮，完全可以發揮出各樣海鮮的鮮味，抵讚! 多謝大佬!