陳意齋

營業中

休息中

蝦子扎蹄...steam it for 5-10 mins b4 u eat itu will see the difference.nice.70 years old.......

杏仁真的好大粒,並不是杏仁碎,不似在澳門買那些行貨

陳意齋最近搬了家，新地址為皇后大道中176號D地下。店鋪小了，食品變為獨立包裝放在玻璃罐中。買了一包芝麻餅，20元。内有四小包，每包有三塊。芝麻炒得香，餅乾甘脆無比，雖然不算便宜，但確實做得不錯。

媽咪同我都超鐘意食陳意齋既齋氅鵝同杏仁餅,今日難得過去中環,就順便去買埋去到先發現,包裝同以往唔同左,而家新款左,但我反而覺得無以前咁靚,可能我鐘意懷舊野啦不過我覺得店員既感度好有問題囉!當我俾錢既時候,因為我買左都幾多野下,所以我就自己係個籃拎出黎睇下,點知個肥肥地既女人就同我講:不如你俾我自己拎啦!佢講果時個樣一D笑都冇,好似好嬲咁有個呀叔問我要唔要燕窩糕,我笑住答唔駛,個肥女人又話:唔要我地今日可以自己食!我聽到之後真係呆哂,從來都未試過遇過D咁既SALES!!!嚇親我!PS:除左包裝唔同左,好似D杏仁餅又貴左,我記得之前我買係$5一包,一包有5堍,而家呢個價錢已經買唔到!!!同埋我覺得佢真係唔應該轉包裝!!!!

見之前comment 影的「蝦籽扎蹄」($12 each) 相影得咁靚, 今日路過呢度, 走0左0黎買兩支試0下.原來係蝦籽腐皮卷, 即買即食少少硬, 咬口十足. 入面好多蝦籽, 好香! 不過一次食兩支都幾漏, 只怪自己又為食又貪心啦=P

陳意齋所賣的多種食品中，主人與奴隸獸最愛的就是蝦子扎蹄（HK$12）。（除食品外，主人還喜歡陳意齋的貓咪。）昨天主人與奴隸獸又去買蝦子扎蹄，店員告訴我們，在十一月中下旬即將搬遷。新址：香港皇后大道中176D 地下。下次再光顧及探望貓咪要往新地址了。

見陳意齋幾多人介紹, 又在公司附近,就去一試.蝦子紮蹄($12) 很好吃. 感覺很似齋鵝,好像用很多層腐皮卷起, 然後於一些炒香過(還是曬過)的蝦子在中間.很鮮味,很彈牙.花生脆糖($13)比紮蹄更好吃. 很香,很脆. 香香的花生糖上再加上炒香的芝麻,真的是很香很脆.包子開左不夠一個鐘,己吃了一半.其餘的放在雪櫃,都不變淋,仍然香脆.燕窩糕($45)個人覺得不值, 又貴又難吃.本來想中秋買來送禮, 但吃下感覺頗差...好似硬左及更更甜的白色光酥餅.己經沒有預會吃到燕窩,但真是一d燕窩味都沒有.(眼是看到一d,薄薄的一層在中間), 真是唔知人地如果收到會點, 惟有自己食哂...同屋企人講, 佢\地話應該是料足,茨實粉多wor雖然燕窩糕是差d,但另外其他的食物都絕對值得一試

無緣行咁遠去買零食, 今天經過青衣城做緊promotion! 燕窩糕買唔到, 因為得三日限期, 真係食唔哂會浪費, 於是買了一包話梅王, $18, 大約有10粒, 返屋企食一粒, 肉好少, 有乾, 不過就唔會得個甜字, 我會浪費用黎沖水飲都唔錯! 另外買罐杏仁霜, $28, 呢個真係唔錯, 杏仁味唔會俾奶蓋過, 兼且落兩匙都唔會好甜, 好過寶x牌好多....正呀! 值得一提係sales...好有禮貌!

經過陳意齋,買左兩包南棗糕,一包同公司d同事食,另一包買俾我媽咪食,點知,買到返公司食,竟然硬到我無法咬開,其他同事就算咬都到,都要用九牙二虎之力......,連我地後生都咬唔開,更可況老人家呢,於是我攞住另一包未開既返去換,去到我同個職員講左咁既問題,佢居然都話係呀,佢都試過係真係硬左d,佢話佢都要切開4份黎食,仲話d師傅手勢一時時,真係太過份喇,試左有問題都攞出黎賣......,我就唯有換返一包同等價錢($28)既豬肉乾,諗住無問題,點知,返到公司開黎食......我要"陳意齋"呢三個字從此在我腦海裡消失,太過份喇,同南棗糕一樣,可以硬到咬唔開......簡直就係垃圾......我對陳意齋真係切底失望,價錢貴......但質素係零......真係名過於實,希望佢地要認真咁改良一下呀......

依乎較少人買牛肉乾好好味架, 我由細食到大甜甜地....食完...唔捨得洗手

舖頭寬敞, 我行幾個圏都睇唔中d咩食, 可能自己對呢d懷舊零食無咩興趣, 唔係我杯茶, 今次到訪都係見佢老字號, 一心想係見識無理由空手而回, 買檸汁冬薑俾媽媽, 我無試過, 但媽媽就讚口不絕啦! 但細細包冬薑, 要$18, 好似又真係貴d wo. 相信醃製食品係呢度招牌貨, 貴d都值!仲買雞蛋餅同鳳凰卷, 又覺得無咩特別ja wo. 味道都ok.

早前我和姊姊去光顧陳意齋。我為杏仁霜和燕窩糕而來，我姊姊則為杏仁露（杏仁與川貝煉成的橙色透明精華液）而來。（她買來做杏仁豆腐）燕窩糕味道清甜爽口，怪不得某名作家說：「以前你買燕窩糕給女友，她一定愛死你！」杏仁霜粉的罐子上同樣與「超市貨色」的一樣，標明成份是「川貝、杏仁、粟粉、奶粉、糖」，但是每次沖泡時從來沒見到結塊，絕對是川貝、杏仁多過粟粉、奶粉，味道滋潤不含糊。〔沖泡「超市貨色」的杏仁霜時，就算用最熱的水沖泡，用力攪拌它，還是會在杯底（或茶匙上）見到最討厭的．．．．．．結塊。為什麼會這樣的？因為它們的成份，絕對是粟粉∕奶精多過杏仁粉！〕杏仁露挺滋潤喉嚨的。不過姊姊拿它與豆奶、魚膠粉來做杏仁豆腐，製成品的大豆味是夠了，可是杏仁味我嫌不夠，我建議：「下次再做豆腐時，請再下一些杏仁霜，謝謝。」

經常薯片蝦片送電影,球賽.吃得多都會悶,心血來潮,同班師奶去陳意齋逼餐死.逼唔到蝦子紮蹄,買些如蛋散,檸檬乾同鴨潤牛肉乾.無論送啤酒,送汽水,甚至送威士忌.一樣比吃尋常的薯片更高層次.圖中的鴨潤牛肉乾,鴨潤黏在牛肉乾上,油淋淋,吃落甘香豐朕.逐點逐點撕來吃,足以陪伴到你一套劇情片.蛋散加檸檬乾,好過吃花生,成場麥當娜The Confessions tour,全賴有你們相伴.多謝.Time goes by,so slowly.....

第一次來e到買野食.買了一盒燕窩糕, 盲公餅, 蛋散, 蝦子扎蹄等...燕窩糕完全唔覺得有咩特別, 我全家都覺得似香蕉糕味多d... 蝦子扎蹄就似腐皮卷, 唔覺得特別好味... 其他的都無咩特別... 有d失望呀!!!

2006年4月17日知道這裡已很久,但因不常來中上環這邊,因此是次才第一次惠顧.燕窩糕--一盒六條,兩層白色的,中間夾著米白色的東東,那些就是燕窩嗎?吃了一口,味道似曾相識,但說不出是什麼,味道只屬一般,可能是個人不太喜愛的關係吧.蝦子扎蹄--據聞是手做的,而且每天限量供應,個人極度喜愛吃它,雖然感覺上油了一點點,不過味道真的很好,蝦籽比想像的多,很鬆化的口感,吃了一整條也想再吃,真的回味無窮,個人強烈推介它.蠔油豆--這個幾乎在我腦海內消失的東東,今日又再重遇它,比花生還要細粒的它略帶點硬,是一個絕對需要時間來咀嚼的零食,味道是絕妙的.另外還買了甘草檸檬和果汁糖,味道和坊間的差不多,所以不特別評論了,在這裡,找回很多兒時的零食,有些在坊間可能已經絕跡又或較難找到的了,雖然有些零食味道不甚了了,但在吃它的同時,來回憶一下兒時的歡欣情景也不為過吧!