陳意齋

營業中

休息中

昨天下午跟女友打完波，之後就出咗青衣城食tea，本來諗住去Cest Bon，去到發覺無teaset食，Le Parole又有D貴，女友suggest去再隔離嘅Spgehetti house。食完後就帶女友响商場走一round，經過商場中心，發現人頭湧湧，始知道又攪咗個類似懷舊零食市場，查實過年時已經攪過一次gar la..八卦走入一去睇下，赫然見到有陳意齋，就即刻上前買一條蝦子扎蹄，呢間嘢嘅本鋪係响中環嗰邊，平時係唔會專登走去食嘅，依家竟然係度擺檔，梗要買番條食la..只係細細條扎蹄就要買成$12蚊，真係幾貴，不過味道就真係幾好，最重要嘅係蝦子既入味又夠多，實在係比普通花生腰果等送酒小食嘅層次知多凡幾。聽女友講話佢以前都識整扎蹄，下次買D視蝦子叫佢試試先^_^

今次行經青衣城又見到佢，就幫襯左一盒薏米餅，但係d阿姐真係好無禮貌，比左錢佢，佢就一手張張錢"飛"去個盒道，多謝都無句!講番盒薏米餅，20蚊一盒有12塊，雖然每塊都好細，但係如果一口食晒就會令到個口好乾，又stick with tooth. 無咩特別既味道，只係甜甜地...可能我唔識欣賞啦! 我覺得唔係想像中咁好食。

自從「發哥效應」一起，陳意齋比以前更車水馬龍。因應承請人一試，特登繞道至此。扎蹄依然扎實，蝦子依然又多又香；買多樣蝦子花生，即蝦子皮炸花生，都香，仲卜卜脆...唔使一個鐘，清哂。

食完滿足既午餐,baby帶埋我去陳意齋至返工,真簡動!!幸好有baby帶路,如果得我呢個路痴自己搵,真係唔知搵到幾時。入到去真係好多懷舊小食,真係唔知買邊樣,打個電話返去,由阿媽遙控.....終於買左一大堆川貝杏仁露、杏仁餅、南棗合桃、八珍薑、金桔、扎蹄同史蜜夫橙花糖;前面個堆我唔食,只食後面2樣。扎蹄其實係一卷腐皮,不過口感又幾得意,un un地,味道咸咸香香,真係幾好!有d後悔只買一條,應該買多d。N期前既飲食男女介紹過史蜜夫橙花糖,好想去試但唔知去邊度買,今日竟然係陳意齋見到,當然唔會錯過。打開包裝袋真係有陣橙香湧出,口感軟軟un un,好似食緊軟身擦紙膠,好鬼得意!!細佬話記得好細個時食過,但我真係無印象哩......呢度真係好懷舊,我同baby係店入面幾乎係最後生2個,其他都係uncle、aunt,最開心係買到好多媽媽細時食過既零食比佢同埋可以玩個個以前係士多舖裝餅仔既玻璃罌,哈哈!!雖然呢間係老舖,不過服務都唔錯,我揀左2樣野就即刻比個籃仔我裝;收錢姐姐都好快手,我會再黎架!!

食完勝香園同威記後送朋友番屋企經過呢度入去行左個圈買左甘草檸檬雖然比起平時街邊見到既貴好多要成26蚊先得35克但食落口一d都唔覺酸甘甘地好正服務亦唔係差係典型舊式店舖佢唔會特別招呼你但你左睇右睇就算唔買都唔會黑面

今日步行往西環時路經此地又入去打個白鴿轉買左甘草檸檬雖然要成26蚊又只得少少(好似得35g)但一d都唔酸好味道比起其他地方買既有過之而無不及服務ok你左睇右睇就算唔買佢都唔會黑你面

年廿八買d野食諗住過年有d 野醫下口痕順手孝敬下屋企人啦慕名去呢間鼎鼎大名既舊式零食店朝拜都唔知點解多人到咁成間舖迫到爆晒顧客們就瘋狂掃貨但係眼見幾位伯伯店員處變不驚部分更加係對人潮無咩反應完全無意疏導人潮小弟真係嘆為觀止招牌食品燕窩糕($42一盒七件)好多人一行入門口就大叫「五盒、十盒」但係伯伯既回應就係「唔得，一盒啦」真係O晒咀...不過如果唔係一人一盒又真係唔夠分既燕窩糕限定最多隔一晚就要食完雖然就唔多覺真係有燕窩但係唔太甜又好有嚼勁唔係一般零食咁一趙就無左蝦子紮蹄12蚊一條今次買左五條一向都以為只係凍食硬掘掘又無咩味但係媽媽翻蒸之後蝦子味竟然返晒出黎又無咁難趙好食好多所以話要食好野真係要唔怕煩再加少少廚藝架話梅肉(20蚊一小包)咪深究粒話梅核究竟係點樣變走左喇總之真係好好食唔似出面果d平野糖精話梅真係生津止渴架檸汁薑未食($50四百克大約三十粒)不過聽同事講亦係招牌可以一試總括黎講一見到價錢真係會覺得肉赤不過係物有所值架買番果種傳統風味都抵啦

可能我無試佢最好既代表作, 我只係食左炸芋x, 豪油豆同白芝麻餅~~ 係特別但唔係好食, 同埋好油好肥好熱氣~ 白芝麻餅比較好, 但都唔係會有食完一塊仲好想繼續食既感覺

我都係睇左几個tv同雜誌講‥於是好有興趣咁去試入到去一味見到好多零食‥嘩！睇左好多‥最後都係揀左扎啼同燕窩糕扎啼的口感好特別值得一試!!好多蝦子燕窩糕都唔錯, 唔太甜。之後見到阿位anti買左幾百銀零食好多叔叔伯伯笑晒咁講多謝服務都OK啦~話晒七十年！

2005年11月19日看到電視和雜誌的介紹，一心來買蝦子扎蹄。蝦子扎蹄($12) - 好有腐皮香味，有咬口，腐皮捲了很多蝦子，咸、香、鮮。純正話梅肉($20) - 細細包但其實有好多話梅肉，好香，咸甜酸的味道適中，止渇生津，愈吃愈想吃，比九龍城的公鳳更好吃更抵吃。

0係青衣城手信街買,買過好幾次,因為好好食,唔甜又好香薏米味,好得!!!

行開青衣城既手信街見到有得賣燕窩糕同蝦子扎蹄就買來試~燕窩糕: 唔係我想像中甘特別，味道唔係好甜，有口感，可能我唔識欣賞啦!蝦子扎蹄: 扎蹄有口感，蝦子好香，唔錯!

The bird nest snacks are super yummy- there're no other places i can find it. Besides this, there snacks are just much better than supermarkets/ retail shops. The snack quality never changes in the last 20years.

此店除了杏仁餅、扎蹄是必買item, 還有"杏仁露"亦不可錯過. 杏仁露玻璃瓶包裝, 記得是$20左右一支. 一份杏仁露加十份水, 飲完潤喉補肺, 止咳化痰. 如果咳嗽初期, 飲一支就攪掂, 好過睇醫生.無咳都一樣可以飲, "有咳醫咳, 無咳當補肺".

路過此店,順便入黎巡下,買左包盲公餅$5/5塊,味道同口感似杏仁餅,但無杏仁餅咁膩.可以一試!lunch time十分多OL黎掃小食,下次會試埋其他小食.