陳意齋

營業中

休息中

食呢度既陳皮梅，貴，但都幾好食蝦子扎蹄，似齋鵝，口感重，味都可以本身對呢小吃興趣不大，都係試下咁

強勁推介：1。純正話梅肉：$20/包，細細包但係起碼有十幾粒原顆話梅肉，去核後少0左慢慢0答0既樂趣，但係絕非XX良品以梨肉當梅肉之$10貨色可比2。八珍薑：外貌黑沉，但有適中甘草味，薑味香但唔辣，十分開胃3。意米餅：$20/盒，有12小塊；其實呢種食物唔會特別好食，只係食落有十分純正0既感覺其他介紹：1。蝦子扎蹄：同齋雞差唔多味，不俗2。原粒杏仁餅：有強勁杏仁味，但均源自粒杏仁，十分天然

媽咪話我細個時,佢成日買陳意齋比我食,佢仲話我最鍾意食燕窩糕,爺爺就最鍾意食薏米餅,可能真係太耐,我就真係一d都唔記得.我地去完林記去泰昌買了沙翁,就來了買小食,當然一定要買薏米餅$20比爺爺啦.燕窩糕$42-好貴呀,但真係好好味,味道淡淡的好煙un,收銀姐姐話今日果d係剛剛做好,好新鮮,最好lee幾日食矖就最好,唔好擺係雪櫃.盲公餅$6-唔太硬,都唔錯.雞仔餅$6-我鍾意個名多d.芝麻餅$20-好香好脆,好味.椰蓉花生軟糖$6-好煙un,正.咸腰果$22-未食.以上價錢係大概價(記憶中好似敢上下),因為有d 已經食晒,果包裝袋都拋棄了.

以為執左, 原來搬左去對面街, 仲有新裝修, 光猛好多. 問d阿叔, 答搬了一年. 買了一盒意米餅($20), 一pack"旅行三寶"($30) - 有三粒話梅, 一包陳皮, 同兩種薑. 好貴.... Mmm... 貴都要買. <br />見有個上等人買了一包話梅($108), 從未見過成舊水的話梅, 開眼界囉.

如題, thx

燕窩糕$40/6條

陳意齋不是食館, 是間"傳統版"的零食物語. 小時候, D aunties 好歡喜這裡的鹹薑, 檸檬等小食. 我就覺得好貴. 燕窩糕細細盒, 賣$45 (不知有否加價). 而我最欣賞的是一種白色的一格格的糕點, 名字忘記了, 甜的, 上面寫上"健康快樂"等字. 是一間很有意思的老店.嘩, 點俾分呀.

三個鐘頭後就要起程飛倫敦，仲要在公司執埋D手尾至出得去食晚飯。頭先經過順手買來以下食品當「飛天零食」：蝦子紮蹄：買左兩條，係腐竹卷蝦子再蒸熟，拆開就食得夠方便。咸香好味，就咁食得，送飯亦得，再配以白酒或啤酒，好過任何機上番叮的豬/牛/羊/魚。杏仁餅：買左幾包，每包兩塊的包裝夠方便，頭先拆左一包來吃，雖然甜左少少，但厚厚的非常鬆化，入面有原粒杏仁，幾正。好似係4蚊一包，抵食。甘草檸檬：雖然唔常食咸濕野，但坐長程機又係要有野濕下口。三十幾蚊一包唔平，味道幾好，甘草味幾香。但個人覺得無永吉街檸檬王咁正，可惜頭先行過佢收左檔。其實除左零食外，蝦子麵同燕窩糕都係呢度的招牌貨。

一個個細餅仔咁樣不過味道一般

我覺得呢度o既杏仁餅好好味, 好味過鉅記同埋咀香園!至於檸汁薑我就未試過, 不過我知道老人家同埋師奶有時會好鍾意食鹹snack, 我媽咪就最鍾意食鹹檸檬

呢間鯔意齋都好耐歷史,但我一路都冇買過,因為我唔太鐘意食d鹹濕小吃的,但前几日同學帶,我又跟住入去睇.佢都買左几多野食,咩華梅呀,杏仁餅,同薑糖我見到有包叫檸汁冬薑,睇落去個名几好食,但要18蚊一包!!!真係好細包,半個掌心咁大啦,但朋友又話好食就買左番到屋企,開開心心一食...如果豉油有5個鹹,呢包檸汁冬薑係有8個鹹!!!!我真係食唔落....又鹹又酸....雖然細包但我到而家都未食過,睇黎我真係唔岩食呢d小吃