陳六記飯店

營業中

休息中

放工後都七八點,走在上水街頭,四處看看有什麼想食的,有時真的會幾煩.陳六記早一年前光顧過,其脆皮五層肉,日日即烤,就算放上一日都是脆口的,令人幾懷念.一個套餐包一碟燒肉飯及例湯,亦不過是三十二蚊,如果是一碟有水準的燒肉,那是一點都不貴,但上次美好的回憶,今次是通通打破.湯是雪耳冬瓜煲豬骨,火喉是夠的了,小小的一碗,湯料又佔了三份一,喝兩啖便沒了.燒肉另外用碟上,單以賣相就比以前好得多,仲滿心歡喜的咬第一啖,奇怪,芝麻皮是一點都不脆,講衰點,仲要係韌皮,出事啦.雖然肉味依然香濃,但當最好的賣點失去時,仲有乜好講?睇怕要再隔一陣先好再黎.

今日去到叫左燒鴨瀬的燒鴨又蘇又鹹...的燒鴨又只得骨.....的湯又鹹例湯又凍......環境又一般.....的店員都算有禮貌

昨日中秋, 在街日逛了一圈, 沒什麼胃口, 想起很久違的陳六記互層燒腩, 買了燒腩飯盒回家, 結果大失所望, 著名五屠燒腩變為兩層, 明顯是用雪猪, 又鞋口, 很失望.tips: 一定要堂吃才吃到好東西!

自從加入了多位新同事後，新飯團已成形，其實人多不單好辨事，人多亦都好開飯，這天下午去了陳六記食晏，入到去發現店主安裝了全新的高清薄身液晶體大電視，日後吃飯也可看看高清新聞台。人多了不用只叫碟頭飯，今日叫了一客自選炭燒五層樓小菜套餐，菜牌上有廿多款小菜選擇，除了招牌炭燒五層樓燒肉外，還有一大窩例湯、香菠咕嚕肉及通菜炒牛肉，是日例湯是真材實料雪耳煲猪骨湯，在窩內有很多完整一大朵的雪耳球，小菜也不錯，咕噜肉雖然是煑很淋上酱汁，但猪肉的肉質不俗，夠厚肉之飯又夠彈性；通菜炒牛肉炒得香而不油膩，菜身仍能維持脆口、外表翠緣，套餐不包白飯，加上白飯、茶錢，總共一百七十四元埋單，這套餐份量不輕，又有多款小菜吃，都算幾抵食。最後要讚一讚陳六記的普洱，雖然只收兩元茶錢，但茶味香濃，湯色厚黑而不苦澀，入口很滑身，比龍景軒收廿蚊茶錢的普洱更好。

幼稚園時代曾在上水居住,不過記憶已十分模糊復活節留港消費,不想跟人擠, 決定往新界走選了幾間熱門店,都不過爾爾想起幼時吃過陳六記的燒肉美味得很, 立即前往四周車多人不多, 午後陽光裡傳來出爐燒肉香,陳六記仍是老模樣!店內冷清,但剛出爐的燒肉著實誘人, 要了一斤, 才八十塊, 香嘖嘖, 在車上吃起來,每到燈位,司機立即要求添食,我當然不後於人, 果然是舊時一級好味道,且慢,略有點咸,如何解決?老食物要用老方法回家沾糖和芥醬實在係一級美味!

筆者在粉嶺一帶辦公差不多有兩年了，所以經常與同事一齊响聯和墟一帶食晏。不過，食得多唔多唔少都會稍嫌單調，於是今日去遠啲，到上水附近搵嘢食。見坊間食評介紹，在上水石湖墟有一燒味檔以燒肉聞名。筆者慕名而來，一睹其廬山真面目。午市燒味雙拼套餐三十蚊，如果搭燒肉嘅話三十五蚊，可想而知佢地對自家製嘅燒肉多麼有信心。套餐嘅例湯味道淡如開水，沒有什麼可以品評。當然佢唔係主角，不大提及亦無傷大雅。這裡嘅燒肉聽聞係用炭爐燒的，無怪乎入口有一種煙燻嘅豬肉香氣。燒肉以腩肉為原材料，腩肉一層脂肪夾著一層瘦肉，為發揮燒肉嘅最高境界奠下基石。雖說是五層花腩，實情是豈止五層。最底一層係軟骨組織，稍有牙力的可以輕易咀嚼吃掉，之上係一層瘦肉，肉質不韌，咀嚼不需用死力，亦是此層最能發揮炭爐所產生嘅煙燻味，唔會如一般燒肉般瘦肉部分又韌、鞋及鹹，一流！如圖所見，瘦肉被燻成深棕色，可見幾入味。中間嘅一層係類似嫩肉組織，有點肥美但不油膩。之後係一層脂肪，如果驚肥嘅話可以略過，雖然經炭爐烘焗之後大部分豬油已經迫咗出嚟，入口嘅感覺只會係爽滑而唔係油淋淋。最外一層係芝麻皮，可惜筆者食到嘅燒肉不是新鮮製成，芝麻皮已經唔係十分脆，是整塊燒

日期 : 2009年2月21日 - 午餐今天去石湖墟找陳六記, 因為網上見人話燒肉好食, 但石湖墟的橫街真係好難揾. 舖的裝修係舊式飯店嗰隻Feel, 有啲似九龍城南記嗰種.坐低後我叫咗嗰炭燒五層燒肉例牌($43)一碟, 食落啲皮(有2mm厚)真好脆, 果然炭燒. 另外的肉真係好有層次, 一層肉一層膏, 勁好食. 如果熱啲, 會更香更好味. 但我都覺得比太子間永合隆啲燒肉好食.嗰例湯就差啲, 應該係開咗水, 所以比較淡味.總結: 炭燒五層燒肉好味, 必試.

今天帶了同樣好食的同事走到石湖墟，去了我久未造訪的陳六記食晏，現今在本地還用炭爐做燒臘的真的罕見，上水陳六記是碩果僅存的一間，連電視飲食節目也曾介紹它聞名已久的炭燒五層樓燒肉，它位於石湖噓一條內街，位置不太好找，從火車站走過來，如不熟路最好問一下街坊。 裝修是那種老店格局， 環境只是非常一般。我要了炭燒五層樓燒腩拼切鷄飯，同事則要了叉燒燒肉飯，午市送例湯菜乾猪骨湯，下單只須兩、三分鐘便湯、飯都送來了，湯碗内有很多菜乾及一大件連肉的大猪骨，有這麽多料不用也無須下"師父"，湯水夠清已捌油，不像早期來時那麽有點油腻。 所謂炭燒五層樓是闱五花腩肉來燒，今天的燒肉看來果然層次分明，分别是最底層是那脆身的軟骨層，第二層是全瘦肉，第三層是較薄的真皮嫩肉，第四層是已燒至卸油的肥肉，最頂一層是燒得香脆的脆皮。 最欣賞的是燒肉皮那陣炭燒的天然香味，表皮以炭火燒後有層歷久不冧的脆皮，在現代人眼裹那一層厚肥肉绝對不符健康之道，但在傳统新界人口内就變成上品了，事實那層羔經炭火燒後入口不覺油膩，還很有層次感及爽口呢！ 記得以前曾經吩咐伙記要少肥肉，但伙記給了差不多全廋的燒肉，入口便没那麽爽口了。 同

昨晚一家去了陣六記食晚飯, 其實都好耐冇來呢間中菜館食飯。主要原因的菜色的質收方面越來越差。我點了兩個小菜及一個湯, 小菜有豆腐斑腩煲及魚香茄子煲, 老實講菜色方面很油膩, 好似落左一斤油的感覺, 而家兩個小菜的味道十分似, 簡直以為自己點一個一品鍋。至於我, 比較欣賞湯, 我點一個魚頭豆腐湯, 材料十足, 魚頭很鮮味, 但味精份量多了少少, 飲完反而很口渴。

來到上水，想搵聞名已久嘅陳六記食五層燒腩。當日入到去見到全部都是男士食嘢,一個女人都冇,再加上門面好殘舊,我阿媽話想走人,我就話呢度嘅五層燒腩好出名架。試下先啦! 於是我叫咗一碟燒腩飯，有例湯送，燒腩係層次分明嘅，個皮好香脆有鬆化的感覺但好細塊，味道果然名不虛傳,只是我唔鍾意佢d肥膏,例湯普普通通。羅漢齋炒麵就炒得很不錯,食完隻碟唔會好多油,值得一讚!下次有機會再試埋其他小菜先

呢一間係我第一個要推介既食店唔好睇佢好似up up dup dup佢d燒腩仔....真係....食到我想喊...果5層層次分明既肉同脂肪...不得了仲有大時大節既盤菜....諗起都流口水~

前日中午一個人獨自去上水找尋聞名已久嘅陳六記食午飯。已知呢度嘅五層燒腩好出名。故叫咗一碟燒腩叉燒飯($30)，有例湯送。燒腩係層次分明嘅，皮脆肉滑，果然名不虛傳，但叉燒就硬咗啲，例湯上有浮油物體。

陳六記除了燒臘以外，其實還有供應一些小菜，客人還可預訂當食或外賣盆菜，盆菜由四人至十六人份量都有，午市就有七、八款固定的午市小菜套餐，今天我吃的就是宮保丁套餐，包一碗例湯及白飯。一大碟宮保丁拌以幾種蔬菜一起炒，有青、紅椒、芽菜及芹菜，红紅缘綠的買相很好，而且雞丁又很嫩，味道豐富，整碟油份不多不會太肥腻，加上有大量菜蔬，是一道均衡的健康午餐。例湯料足味濃，相信無須落「師父」也夠味。

很早以前已聽閒呢度d炭燒腩肉好正,但一直無機會試試,就找了一個晚上,放工時早點下車看看龍與鳳.套餐是可以加錢要一碟菜芯,加上原本的例湯,飯及一碟燒腩仔,三十圓左右.店舖位處橫街之中,但找亦不太難,門面欠奉,招呼一般,當然地要了燒腩餐.先來的例湯是西洋菜湯,明顯地火侯不足,西洋菜依然硬堀堀,湯水輕清,我此等湯怪,仍是覺得不喝也罷.主角上場,只見表皮燒得有點燶,而且已過了出爐時間,所以肉質欠光澤,但五層肉名副其實,壁壘分明,咬一口,皮脆得鬆化,肥脂與肉相間,肉質嫩滑,跟外表是兩碼子的事,實在高水準.蘸點芥末吃,反而影響口感,而且芥末加入太多白醋,香味給搶去,不要也不是損失.

從電視飲食節目中知悉上水這間仍然以炭爐燒烤的老牌燒臘店，今天下午便和同事一起來試吓，這是間舊區中的老店，當然裝修和環境比較老舊，座位亦不多，我們進去正店旁窄巷内的分店，座位較鬆動一些。一坐下伙記就來招呼先開壺普洱，想不到這免收茶錢的茶葉也很香濃，跟著當然叫碟叉燒燒肉飯，隨飯送的冬瓜薏米燒骨湯很清甜，只是稍為肥膩了一點，不久燒味飯也送到，燒肉是真的"五層樓"，但第一層的肥肉在今天的標準是厚了一點，我較喜歡像里奥相中帶一層很薄的肥肉那樣，我為了健康只好吐出大部份肥肉，炭爐燒的腩肉外皮果然脆卜卜，而且帶少少炭火燒的獨特氣味。叉燒是那種肥、廋相間的，較全廋的可口但又不是太肥，飯中深色的醬油下了很多，如果可以像再興一般讓客人自已加燒汁就更理想了。整體可以，日後都會間中嚟食吓。